jason_ma的個人專頁

早前朋友都介紹過，但由於地點偏遠，所以遲遲未嚟朝聖今日放假終於過到嚟試下啦！一坐低已經聞到好大浸胡椒豬肚味，好香好吸引睇睇餐牌，唔使諗即時叫咗個豬什王米粉試一試！此外見佢剛剛做緊下午茶餐，所以叫多咗碟潮式雞蛋腸粉。等左唔使10分鐘，碗米粉黎到，睇一睇有豬粉腸、豬大腸、豬肺等等。當然即時試吓個湯底先啦！好入味唔會太辣，胡椒味好重我特別留意豬大腸，冇沙洗得都幾乾淨，另一個特點，佢哋每一張枱都有自家製辣醬，白胡椒同埋榨菜提供配料一流，而且榨菜有辣有唔辣最終我成碗湯飲晒好足料！好好味！雞蛋腸粉方面，唔會太淋一夾就散，可能本身我太喜歡食腸粉，所以我覺得好好味同時間，我見到好多客人都食胡椒豬手由於得一丁友既關係只好下次再嚟試試佢…查看更多

話說早前同朋友行過D2 Place，見到 The Salted Pig 環境唔錯，睇睇餐牌有個2人份量既All Day Breakfast，而且門口又可以泊車，所以今日一早就同老婆兩個去試下！我哋兩個人叫咗胖豬豬二人分享早餐，份早餐有烤牛骨髓、豬腩肉、德國腸、煙肉、黑布丁、四隻炒蛋、糖心炸雞蛋、炒雜菌、番茄、茄汁焗豆、仲有多士！份量十足，我哋再加多＄15要多份煙三文魚。食物質素唔錯，香腸款式有兩種，烤牛骨髓口感好膠，豬腩肉好脆好有咬咁早上成間餐廳得兩台客環境安靜好適合同太太傾口，早餐仲有兩杯嘢飲，我哋兩公婆坐左三個幾鐘，食物整體上我地好滿意，埋單三百幾蚊有一個咁豐富嘅早餐，同埋咁好嘅環境都值得嘅！建議大家越早嚟越好！Enjoy ! …查看更多

每次放工經過金華都一定要買返兩串燒賣食。每天6點左右，金華就會出現人群，一個個排隊買腸粉燒賣的打工仔排隊人數通常都係10人左右。價錢６蚊５粒，金華既燒賣同出面既魚肉燒賣好唔同，好有咬口，最重要係佢地個辣油係老闆自己整，好入味。每粒燒賣都蒸得好淋,好好食。呢個價錢仲有邊度食到唔係難食既燒賣？另外佢地既腸粉真係好滑溜，個混醬好好味，而且極多醬，令每一口腸粉都充滿醬汁。証得一試！如果想食腸粉既朋友一定要早少少去，因為好快賣曬。…查看更多

兩點幾黎到長沙灣又未食飯，又唔想食茶記，見到餐廳門口做緊夏日推廣冷麵就即刻入去試下!打開餐牌見到煙三文魚墨魚汁冷麵，唔洗諗即叫! 等左10分鐘就上菜。墨魚汁冷麵配上胡麻汁真係無得頂！個麵唔淋，煙三文魚配上蟹子好有咬口。另外亦有蟹柳、青瓜絲同埋紫菜做配菜。跟餐有凍飲埋單都係70蚊，都算可以的。…查看更多

今日兩條友喺公司樓下諗緊食乜？出面又落好鬼大雨，又剛剛行過板長，唔諗啦就食壽司啦！心諗大型連鎖店品質唔差得去邊。今日叫咗三文魚魚腩、油甘魚、廣島蠔軍艦、蔥花吞拿魚腩軍艦壽司等等...刺身都算新鮮，不過今次件壽司飯就出咗事，飯好硬，有少少食飯焦嘅感覺，這是第一次經歷其他分店未試過，希望下次有改善。…查看更多

夜麻麻一條友，最好就係搵間拉麵店享受下一個人的浪漫。今晚嚟到荃灣這間小店，鋪內座位大約有15個，煮麵既師傅就有兩位。早前已經有朋友介紹一定要試佢哋個濃湯叉燒拉麵！我等左大約10分鐘，拉麵就到啦！當然第一時間試吓個湯底啦，果然十分濃郁，叉燒方面大約有7塊，連一隻溫泉蛋分量十足！拉麵有口感十分彈牙，溫泉蛋有流心效果，成碗面都係＄88，比起一些拉麵名牌店這家小店一點也不失色，甚至乎可以用超級抵食黎形容！如果一碗拉麵唔夠，可以叫埋佢個餃子。餃子唔太油，而且價錢＄25合乎性價比。順帶一提佢哋每日有20碗限定低溫慢煮叉燒拉麵，我諗有機會都要試吓！…查看更多

早前有朋友推薦過這家船麵，我亦留意左呢間 一段日子， 終於有時間下午過來食個晏。黎得依到一定要試下佢地既船麵。今次叫左個安格斯牛肉船麵，如無意外係這店招牌船麵，所以就來一碗試試！麵類可選河粉、麵、金邊粉等等，如果唔選，就會正接畀金邊粉。個船麵等左10分鐘就到，先呷一啖湯，好濃郁好好味！當中帶有少少的甜味，不過飲完後又唔會覺得口渴。抵讚！重點黎啦，安格斯牛肉浸得半熟，好淋好滑！味道很好。而個金邊粉好幼身，唔會煮得太淋，仍保留少少爽口，同好吸湯，整體非常不錯。飲品方面叫左個青檸梳打，幾清新。…查看更多

今日出到深水埗一支公去咗蘇媽，就係為咗飲個肉骨茶！今朝早餐都未食，餓到爆！所以一坐低就叫咗個招牌椰漿飯、一份蘿蔔糕小食，仲有就係主菜雞腳肉骨茶。餐廳肉骨茶款式很多小弟特別鍾意食雞腳所以就叫左這款，可以留意番肉骨茶可以無限添飲，小食蘿蔔糕好惹味，細細份一人份量剛剛好,而個椰漿飯亦不過不失，椰漿飯在牛油紙上配上餸菜都幾過引，跟餐叫多杯奶茶都唔錯！不過鋪頭細細人龍很多，你食飯之前最好早15至20分鐘排隊啦！…查看更多