louisfoodie404的個人專頁

臺味冰點一直都係我返工的飯堂食過咁多次都未厭終於都肯的起心肝寫個食評呢間店舖頭細細唔算多枱平日食飯都要等位最近食咗煎蓮藕餅飯配排骨酥，揀咗洋蔥汁蓮藕餅係我呢間鋪嘅最愛，厚厚嘅肉餅入面包住有咬口嘅蓮藕碎肉餅咬落好爽口反而排骨酥有啲硬朋友叫咗XO醬炒豬扒公仔麵豬扒略嫌有啲乾柴但公仔麵炒完香得來又好惹味其實呢度嘅食物份量大算好抵食有時候食唔哂又可以放落飯盒食多餐有機會再講吓呢間嘅肉燥飯同飲品又係值得一試…查看更多

星期日晏就六點行過爆丼屋冇乜人，門口仲寫住「大感謝祭」！星期一至日都有兩款丼飯做半價！平時行過都好多人等位，今次難得唔洗排隊，當然二話不說入去食個early dinner原價$168的火焰盛丼只售$84睇落唔算好大碗，但相當之飽入面有燒帶子，燒三文魚，燒蟹棒，燒左口魚刺身好新鮮，帶子鮮甜，上面加隻流心蛋黃好正撈埋飯一齊食相當豐富刺身分量都好多，每款都有三塊燒過嘅刺身又多一份油脂跟飯仲有一碗熱辣辣面豉湯$84黎講都算抵食…查看更多

今日行過尖沙咀見到平時睇開嘅YouTuber Ricky San開嘅餐廳即時口水都流埋入去食飯晚飯時間好多人 好彩早少少排隊叫咗每日限售的招牌排行榜第一位 - 爆蔥鴛鴦叉燒煎蛋飯當日五花腩缺貨 所以轉哂做梅頭肉對我來說反而更好 冇咁多肥肉餐廳選用咗肉質嫩滑嘅梅頭肉咬落軟淋好味道小朋友都一定中意自家製嘅特濃蔥油濃郁飄香加埋流心蛋撈飯食正到飛起澳洲西冷牛扒原鐵板上黑椒汁淋上西冷及香草牛油肉質結實餐廳仲好貼心咁送上圍裙跟餐仲附送是日餐湯及咖啡或茶蘑菇湯好好味仲有陣陣黑松露香感覺好高級+$3仲可以升級至兩日兩夜羅宋湯職員話兩日兩夜係指更濃郁更足料的意思細細碗嘅羅宋湯的確好足料…查看更多

成個元朗最出名早餐會有牛舌食應該非呢間莫屬！今日有機會嚟到試吓佢嘅午餐，都幾多人排隊，加上佢唔做外賣，都等咗半個鐘先入到座。餐湯係粟米湯，細細碗都好滑$65牛脷雞蛋炒飯：見到三大塊厚切牛舌真係好興奮，外脆內嫩，呢個價錢食到咁嘅質素，我覺得非常抵食！雞蛋炒飯真係飯粒分明，陣陣蒜香$70鮮蕃茄牛脷焗長通粉：啖啖嘅鮮蕃茄味，唔係普通餐廳嘅濃濃茄膏味入面亦都有好幾塊厚切牛舌，但始終焗起身比起煎牛舌少一分脆香…查看更多

知道呢間酸菜魚喺元朗都好出名，今日終於有機會試酸菜爐魚：原條鱸魚份量多，朋友唔食得辣所以叫咗唔辣，唔辣一樣好食涼拌花甲：醬汁甜甜的，好味道，要來送飯食一流孜然牛肉：牛肉啖啖肉，薯仔亦都浸滿牛香蒜泥白肉涼麵：呢個反而好少，得五舊肉，涼麵四份，但撈埋醬汁食尚算惹味芥辣魚皮：超鍾意呢道涼菜，好味道，魚樣爽滑，芥末有少少攻鼻，但唔影響口感紅糖糍粑：呢樣係我唔鍾意食嘅，但朋友鍾意所以叫咗，雖然脆卜卜，但我始終覺得唔吸引…查看更多

之前一路都睇啲關注組講呢間舖頭下午茶好抵食，但一路冇機會食。今日有機會就去試吓佢嘅早餐先，點知一樣咁抵食！早餐靚得來又可以打卡，茶餐廳嚟講，竟然用啲咁少女心嘅杯講返早餐真係黐咗線咁多款咁多配搭睇到我O晒嘴，費事太飽，所以叫咗$49秘醬沙牛奄列。一上枱真係驚喜，成個餐咁多野食，仲送甜品🍮北海道牛奶布甸！奄列入面仲加埋芝士！！真係好邪惡但伴碟嘅芝士蛋糕有啲失望，係現成蛋糕吱上芝士醬朋友叫嘅$47窩夫套餐一樣用現成窩夫，並非即製，但勝在成個餐都好多嘢食…查看更多

平時都會喺呢頭食下早餐，今日瞓醒食得午餐一於嚟試吓想試好耐嘅黯然銷魂飯電子落單，好快有飯食。70幾蚊一碗飯確係大碗，仲可以選擇多飯添滿邊有兩隻荷包蛋，硬係覺得就係爭條菜先至稱得上係黯然銷魂飯叉燒有四大舊，只可以講好肥好肥好肥，重要嘅事情講三次！雖然唔係乾柴叉燒已經好好，但係肥膏嘅部份實在太多，食完一兩舊已經覺得好膩好膩反而白飯一粒粒唔錯，但豉油唔夠多，叉燒汁亦唔夠配哂成個飯食唯一好飲係杯加$3奶茶…查看更多

從來都冇喺香港食過鼎泰豐，因為覺得唔抵食點知都真係好唔抵食台式擔擔撈麵 六十蚊一碗麵黎講，份量真係得好少，三啖食哂，冇諗過擔擔麵原來係三啖冇哂小籠包真係三樣入面最出色，筷子夾起伏皮唔會爛，小籠包皮包住肉汁好味道蝦仁燒賣要近九十蚊，可能食完小籠包先食，覺得比起小籠包真係乾好多，雖然有蝦仁，但係連蝦仁都有啲乾。加上食咗小籠包再食燒賣，感覺好似食咗好多小籠包咁或者我唔應該咁大期望，真係覺得雷聲大雨點小。台灣食抵食好多…查看更多

今日去天水圍買模型，之後去新北江搵野食12:00左右見到呢間舖冇乜人，應該啱啱開舖，所以就同朋友一齊入去食韓式烤肉+芝士腸南瓜汁焗長通粉厚厚嘅芝士覆蓋住長通粉，烤肉同長通粉份量多，芝士腸印象中都有三四條。南瓜汁感覺似粟米汁，冇乜南瓜味+$6凍奶茶朋友食嘅係鐵板海鮮炒烏冬，份量都多雜錦海鮮以炸魚柳最大件其實呢間舖都幾多人食，越食越多人入座，外賣訂單亦都一路做，但店舖座位都有啲窄，坐滿人嘅時候起身都幾麻煩…查看更多

呢間舖嚟香港開咗咁耐咁多間分店，真係一次都未食過，每次行過見到咁多人排隊，真係冇呢個心情去排。但今日晏就果餐食到飽飽地，晚市時間又未肚餓，即管黎排下試下排隊嘅時候見到餐牌已經覺得好抵食，亦都好多人買外賣。上菜都上得幾快，牛燒肉同普通牛肉飯分量都好多，咁嘅價錢真係好抵食，好過去食橙色牛肉飯👍🏻撈埋溫泉蛋食成件事更加開心！每個飯加$20可以跟餐有炸雞同湯，或者加$10食菜/沙律。確實係好值得排隊嘅…查看更多

一行三人嚟到尖沙咀唔知食咩好，唯有揀最經濟實惠嘅鐵火堂，可惜厚福街分店已經執咗，唯有行多兩步去呢度呢度嘅刺身種類非常之多，每次都滿足到我唔同嘅願望。睇吓吞拿魚，油甘魚同埋帶子刺身幾賞心悅目果然一上台一如以往冇令我失望，$70-$80就可以食到3-4款刺身飯，仲有藍旗吞拿魚食👍🏻藍旗吞拿魚係每次必叫👍🏻另外，火炙左口魚邊、油甘魚、帆立貝、劍魚腩又係一定要食今次叫埋一口芝士食，十分滿意嘅一餐👍🏻…查看更多

夜晚諗咗陣食乜好，行過傷心酸辣粉聞到好香雞煲味，發現佢夜晚雞煲都幾抵食$99一位，又多人食。但今日冇乜胃口，所以都係整返碗酸辣粉試試酸辣粉專登嗌咗少少辣，留番啲quota食惹味辣小食一路都欣賞佢哋嘅蒜泥白肉可以切到咁薄蒜蓉又多，的確係口臭首選夫妻肺片又係好好食麻辣牛展分量多店舖入面九成人都係食雞煲放題，原來除咗雞煲仲可以食烤魚，火鍋配料、熟食、汽水、啤酒亦係無限添加，咁$99確係好抵食。有機會一定嚟試返次…查看更多

今日同媽媽嚟到上水探朋友，順便搵嘢食見到有幾間新開燒肉，即刻去試試午餐時段冇乜人唔使等位兩個人叫咗一個貴餐一個平餐再加牛舌同溫泉蛋紫菜飯另一個餐就加咗隻生蛋撈飯同點肉食兩個人嚟講其實都夠食，雖然啲肉切得好薄，但係好快熟就食得。中間有幾下搶火燒得好大火嚇一嚇即刻較番細火啲個人覺得最好食都係牛舌，燒多幾轉就叫職員換網，因為真係太燶基本上肉嘅調味都夠，就算餐廳提供海鹽黑椒七味粉都冇乜點用到一人燒肉對老一輩嚟講都幾好玩，自己燒自己食，好過日日都去飲茶啦…查看更多

牛舌關注組一直吹捧呢間牛舌飯今日一有機會即刻過嚟食三重牛舌飯一上枱見到真係驚喜！真係好多牛舌！！！！對於食肉獸來講真係好開心加$18有沙律同湯一直知道呢度嘅湯亦都係一定要試因為會有牛舌粒，雖然個湯係有啲油美國牛小排配牛舌尖，日式牛扒汁甜甜地好配飯鐵板上又係另一種風味，牛舌剛剛好熟牛舌尖又係好嫩，超香牛香味當日大概夜晚六點左右去到，唔算多人但餐廳店舖位窄好逼，大概坐到六枱人，好彩早啲到，食完出嚟見到條人龍好長就知有排等…查看更多

今日同朋友嚟到隱世cafe食個brunch地點都幾夾攝，直接了當都係搭的士入搭的士出近$40一杯細細杯Expresso底，但咖啡好香又滑，配埋細細兜果仁Latte同flat white樣子同價錢都差不多小龍蝦沙律牛油果三文魚籽bagel龍蝦肉都爽口，佢埋三文魚籽食好有口感份量都多有埋沙律，價錢大概$100煙三文魚牛油果忌廉芝士酸種包煙三文魚都有兩三塊酸種包唔會淋哂，煙三文魚同牛油果永遠都係絕配另外仲叫多個甜品抹茶果園，入面有抹茶麻糬鬆餅，抹茶蕨餅同埋抹茶年輪蛋糕印象中$70左右，麻糬煙煙韌韌打卡來講一流，但地點唔就腳，都係慕名而來…查看更多