Old Seafood 的個人專頁

今日上堂路經，見新開想試下，見一個人都冇就走入去試，點知就中伏！服務上：指向餐牌同佢講我話要7prime 牛肩胛+安格斯牛頸脊（$88），點知佢嚟個7prime牛肩胛+封門柳+安格斯牛肋肉（$105）！上咗枱後我都唔留意，到收錢發現，再問番職員，但佢懵然不知佢自己落錯單，落錯單仲話計咗服務費。算我錯，上餐時冇留意。味道上：麵士湯：味道較淡，唔喊。牛肉：原味上，沒有好似其他會經調味。醬料：得鹽味，辣味，蒜香燒肉味。水：有啲青檸味。總結：只係服務上差啲，其他可以接受。…查看更多

尋日處理好屋企事務，就一家去食飯，唸住好耐都冇喺八喜叫餸食，點知食一肚氣，連食物相比我火到唔想影。我哋叫咗以下食物：1. 椒絲腐乳通菜2. 八喜小炒皇3. 梅菜蒸浣魚4. 3碗飯我哋等咗20分鐘都冇任何食物嗰陣，我哋已經問啲食物幾時到。職員A講：因為你叫係蒸魚，所以要等耐啲。我話：蒸魚等得耐，咁其他食物呢？（悔氣，想鬧既語氣）職員A唔出聲就走咗。過多10分鐘（已等咗半個鐘），追問職員B：話多單整緊。隔咗幾分鐘先嚟條魚同埋飯。之後，嚟埋八喜小炒皇。最後一碟椒絲腐乳通菜再過10幾分鐘（已等咗總共40分鐘都未有），我哋再問職員B，職員B 話：整緊呀（唔情願地求其答）！我就話：我哋已等咗超過30分鐘以上，其他餸都食完，你不如幫我取消張單好過啦。過完依句唔夠一分鐘，即時攞過嚟，但已比職員放到唔熱。伏既地方係：1. 蒸魚咁耐既野，第一碟送到客前（30分鐘先有）。反而椒絲腐通菜，竟然要40分鐘先自到，仲要三吹四請，同埋仲要話取消order先即送碟唔熱既過嚟。根本煮野上菜比客，啲次序錯哂，快出嗰啲唔上咗比人先，等到人吹到取到取消order 先嚟上比人。2. 職員話多單，依個係咪籍口，我唔敢講，最少冇見到有任何職員check 過。同埋遲過我落單啲人，啲餸已上哂咁滯，我哋仲要等超過30-40分鐘先嚟齊啲野，仲要受職員啲氣。3. 食物質數：篇向濃味同多油。依間以前服務可以接受，依家每況越下。如果真係想試依間餐廳既話，真係要睇有冇時間等，同埋心情頂唔頂得順。…查看更多

朋友火鍋聚餐，叫咗以下湯底：1. 爆漿熔岩芫茜湯2. 藥膳麻辣鴨血湯3. 藥膳番茄麻辣湯服務方面：1. 帶位：只係帶咗一半，就話 ‘’你哋直行見到有張4人枱就係😓2. 我哋再叫啲牛肉... 叫待應過嚟去order 時... 見到我哋叫佢哋落order... 但啲待應唔行過嚟。食物方面：1. 自助選擇既款式唔多.... 菜既選擇較少，但尚可接受2. 湯底：我食選擇咗藥膳番茄麻辣湯，酸酸辣味較濃.... 但湯入面既辣味唔均勻，食完後要飲好多水....啲湯料唔多3. 啲牛肉同豬肉都係薄切...總結：自助款式唔夠多，湯既味道濃.... 食得濃味就冇問題，否則就要選擇其他。…查看更多

今日去開淘大商場，見到有較平既扒餐，就去試下。服務方面：唔知係咪下午2:00左右啲時間較多人關係.... 等咗一較先自有人招呼.... 態度唔差.... 想叫野食時.... 因待應較忙.... 見唔到我叫緊佢哋落單... 但好彩坐喺收銀處隔離.... 收銀姐姐主動地直接幫我落單。啲野都算嚟得快，食完包同湯就嚟野飲同主菜.... 另外，我見到餐具有點唔乾淨，但待應都好快換過一份已清洗既餐具比我。最後，想埋單或收碟時，唔知點解啲待應好快埋嚟。食物方面：飲品：華田（凍）- 用咗碎冰，都幾貼心，味道唔係好甜，可接受到麵包：送上嚟仲有熱既感覺。湯：送過嚟熱辣辣，有少啲酸酸哋同辣辣哋.... 可以話好足料既羅宋湯。主菜：1. 主要嚟講都可以話塊扒都算大件。2. 蒜蓉汁較少。3. 意粉同埋配菜只係食到意粉同埋配菜原有味道，而冇任何調味。5.扒較熟而令到口感較鞋。整體嚟講：以依個價錢食到扒餐係抵食，除主菜比較差一啲外，其他食物質素都唔錯。主菜啲蒜蓉汁唔夠下.... 扒、意粉、配菜點唔到蒜蓉汁既味道... 而且意粉同配菜不經調味下.... 食落真係原汁原味.... 總結嚟講.... 滿唔滿足同抵唔抵食... 要視乎份量定係味道....…查看更多

我見搬咗後，就試下啲意粉....食物方面：（1）意粉：有味，唔淡口，但較硬唔軟身；食落去後有幾條意粉既軟硬度唔均勻。（2）蜆肉：原隻上，但係蜆殼、蜆肉和醬汁的份量比例不太平衡，蜆殼和醬汁較多而蜆肉較少.... 使到食唔到蜆肉的味道。（3）醬汁：通常都係集中於喺蜆肉上，在蜆殼上見到好多的蒜蓉，但食落後辣味係蓋過蒜蓉味。（4）整個意粉：辣味較濃，有落蒜蓉，但蒜蓉出唔到味，令辣味搶咗蒜蓉既味道；差唔多食完後，盒內較多油。服務方面：可能做完差唔多一日既工作；覺得服務時，待應沒有笑容係可原諒，只可惜說話較串，唔係好友善，同埋覺得唔係好有禮貌。…查看更多

依間新開餐廳，所以試下：價錢上：其實飯同埋牛排係足料，但湯同沙律就唔係好夠，只有1/3至半杯左右。食物質素上：1. 牛排：食落比較‘’鞋‘’外，大至上都較冧身。2. 飯：有牛肉汁撈埋一齊，味道配合得唔錯，唔係太鹹，但可能外賣既關係，啲飯唔係即時食，以至飯較冧身。3. 湯：有少少醎咗啲啲，但有驚喜，因為食到最尾，見到一粒原隻蜆肉。4. 沙律：只係生菜加咗啲芝麻醬，但芝麻醬同埋生菜既比例唔係好夾，沙律擀交多，同時撈得唔係咁好，所以面就較淡味，食到差唔多到㡳時較醎。服務上：第一次幫親，服務既員工都唔錯... 我問職員等幾耐，都願意答。另外，等外期間，我去咗買其他野後，再返去取外賣時，職員都主動對我講‘’等多一陣，依家整緊‘’。…查看更多

服務上：有打招呼，講句‘’早晨‘’.... 比錢時大大聲講你知找幾錢，但有少少比收銀既服務攪到我呆咗。食物上：我買個火腿蔥包，但係麵包不似預期。原因如下：1. 包質：雖然麵包食落去唔太軟或太硬，但係麵包外圍既熱度只係室温，唔係熱辣辣。2. 饀料：味道有少少咸咗啲，還可接受，食到中間既饀料時，啲饀料比麵包外既包質既室温還要凍。整體上：服務：唔係話冇禮貌，但可接受。食物上：如果對麵包有要求，依個真係會較失望...... 最主要唔係熱辣辣麵包。…查看更多

其實我跟我同事有兩日一齊去咗依間野去食午餐：服務方面：都可以話幾好，態度算係好好，但如果只係得一個小時午餐時間，食完後要繼續返工既，咁就要預先致電去訂位先，因佢哋上菜較耐。環境方面：都寬敞&都坐得較舒服。食物方面：沙律、蒜蓉多士&三文魚意粉既賣相&味道都好吃，尤其是意粉整得啱啱好，唔係好軟身，可以一讚。至於餐湯，味道較濃咗少少，同埋比較多油咗少少；飲完湯後，需飲番啲水嚟沖淡啲濃味。T骨牛扒就好差.... 因為T骨牛扒應該係煮太耐，雖則賣相唔錯，但整份T骨牛扒好韌，好難切得開&唔嫩滑；至於T骨牛扒的味道都算係入味。建議：如果趕時間就要訂坐位先，同埋建議食意粉會好啲.... 因意粉質素好啲... 牛扒都可以試下（如果唔怕靭、較難切&唔嫩滑）…查看更多

我早前想去依間餐廳試下啲午餐好耐，今日終於試咗班蘭椰香黃薑飯（$64）+ 班蘭椰香薏米特飲（需另加$14）；食完之後，就覺得啲食物各具獨特味道。食物方面：1. 黃薑飯：整得都唔錯，不太硬或軟身，啲飯應該係用泰國米嚟煮既；唯一唔係咁好既係啲黃薑飯啲黃飯味唔係咁重。2. 牛肉：煮既方法應該用咗巴東牛肉既方式嚟煮；牛肉唔係太硬或勒，比較林，但可惜欠缺辣味。3. 雞：3/4隻既雞翼脾既部份，樣似葡國雞，但係班蘭椰香汁煮個雞；椰汁係較突出，但冇咩班蘭味。4. 豆腐：其實個味有啲似齋鹵味既味，但依個整法既豆腐遍甜。飲品方面：班蘭椰香意米特飲：薏米夠軟身唔硬，但冇咩班蘭味；椰味係有，但味道唔夠平均，飲時一忽係椰香味，一忽係水。總括嚟講：i) 三種餸唔可以放埋同一隻碟度，因啲唔同汁料混埋一齊；否則攪到食落有啲怪怪哋。ii) 除飯既人份量適中外，每種餸都係一件起三件止，每份或每件肉都好細份，所以價錢方面唔可以話係物有所值。iii) 餐牌上寫係‘班蘭椰香黃薑飯（牛、雞、菜）’ 班蘭椰香只係得雞上先揾到，菜方面：唔好其望太大，只係得豆腐，而沒有其他菜。所以依間既食物可以話比較獨特，食完後較為失望。…查看更多

我試過依一間野食過兩種唔同味既雞蛋仔！1. 麻辣肉鬆雞蛋仔因佢個menu 食住‘非試不可’，但整份雞蛋仔其中幾粒，就頂唔順掉咗。主要原因係：肉鬆本身係帶有咸味，冇饀既雞蛋仔係甜既，再加麻辣上去，本身係幾有創意組合；但係食咗之後，就覺得肉鬆&麻辣既味道搶走咗雞蛋仔本身既味道。2. 香蕉朱古力雞蛋仔依個雞蛋仔既味道相對好一啲，食依個雞蛋仔時覺得朱古力既味道較重，而香蕉味較少，同時依個味道既雞蛋仔都較甜少少。另外見到朱古力&香蕉既分佈唔係咁平均，有啲朱古力多啲，有啲香蕉較多。其實兩款味道既雞蛋仔都有兩個共通點：1. 即叫即整，所以我攞雞蛋仔時都熱辣辣。2. 雞蛋仔每粒都幾硬（可能粉多既原故），唔係平時食開既外脆內軟。…查看更多

有日去咗元朗Yoho Mall，就想去試下啲拉麵；見到依間九湯屋，平平地覩中想試下，但咗先覺得有中伏既感覺。1. 間野喺food court 入面&啲位唔算好多，所以坐位上係要搭枱或需要企住嚟食。2. 服務方面： 啲職員態度尚可接受，但order 完食物，再去取order 咗既食物，中間等既時間較耐，大概都要等25分鐘以上既時間，仲要係我走去問間野既職員先再等多2-3分鐘先有。3. 食物方面：依個$52食到既拉麵，睇見啲材料可以話合理，可惜味道差到一個點。叫得地獄拉麵，就預咗佢係辣既，但係食咗之後，我只係食到啲喊味冇辣味，要再加7味粉先有番啲辣味。最嚴重既係一邊食拉麵，一邊食到由拉麵發出嚟既臭味。如果因平&唔介意坐位一般既話，就可以試下；但如果講求服務&食物質素既話，就唔建議去依間食。…查看更多

我小時候到依家成日幫襯既茶餐廳，有日我去開嗰度附近睇醫生，順便喺嗰度食埋早餐；我叫咗份早餐，入面有我最愛既沙嗲牛肉米、奄列&餐包。食咗之後，味道跟以前一樣 ——— 好味。主要原因：來自 —— 沙嗲牛肉，通常其他餐廳既沙嗲牛肉都冇用沙嗲醬醃過啲牛肉，煮完啲牛肉後，就咁淋啲一罐罐喺街都可買到既沙嗲醬放上牛肉&麵/米粉。依間餐廳既沙嗲牛肉係有醃過；另外，沙嗲醬食落係似自家製既沙嗲醬。我見依間野既食評唔係咁好；但係實質上依間餐廳最好食既食物係：沙嗲牛肉麵/米粉、牛腩麵/米粉、牛雜麵/米粉，都可以試下叫依啲野食。…查看更多

有日我跟我個妹去到奧海城food court 度食野，因之前喺元朗既pepper lunch 度食過都唔錯，所以今次喺奧海城都可試下。不過，試完就好失望。我&我既妹叫咗個黑椒三文魚飯&黑椒牛肉飯。優點：1. 可以追加蔬菜2. 賣相都唔錯；味道都可接受缺點：1. 黑椒三文魚飯&黑椒牛肉飯整咗出嚟既油較多；尤其係我既妹食完份黑椒牛肉飯後，將個鐵板打斜咗嚟睇，可見啲油最少都有一茶匙。如果喜歡少油食物既人士，依間既黑椒牛肉飯就可免則免。2. 我哋都有叫飲品，可能係food court，我哋取鐵板飯&飲品係分開咗兩個地方， 但依兩個地方係一個喺東一個喺西，所以取食物&飲品時就要多得幾步或要得最少兩轉先自可以完全攞哂自己既野食。3. 衛生問題係一個最主要既問題，我喺收銀度叫完野食後，就回坐位睇下啲找贖有冇錯，點知收銀找給我既其中一張$100紙上有一粒疑似鼻屎既分泌物，我就頂唔順要求換過另一張$100紙。找錢已有疑似有鼻屎喺銀紙上時，很難想像廚房裡面係咩情況。如果唔介意有啲唔衛生或多油既話都可以既，因為味道都可接受。否則，可到其他既pepper lunch度食會好啲，最少眼不見為乾淨&唔駛自己走幾轉取食物&飲品。…查看更多

有日經過尖沙咀港鐵站見到依間麵包店，就被此店既三文治吸引住，因三文治既賣相真係好靚，於是乎依間店既職員講啲三文治係即日送過嚟好新鮮，咁我就買咗個玫瑰劈腿族(Classic Ham & Egg Sandwich - Rose) 價值HKD$28。食咗之後， 份量係夠飽既，因為有三塊麵包夾住啲餡，所以啲澱粉質可填飽個肚；個包都好重玫瑰花味，餡料方面：用了火腿夾住啲碎蛋，我覺得幾有新意，但整份三文治只有一粒車厘茄&少量菜，對於鐘意食多菜既人就少咗一啲。沙律醬方面：沙律醬份量啱啱好，但味道就試不到，主要原因係包有較重的玫瑰花味，依種既玫瑰花味蓋過咗三文治入面餡料&沙律醬既味道。總括來講，如果要求只係填飽個肚、外觀&新鮮既話，依個三文治係不錯既選擇，因為價錢都可以接受；但如果講求質素&營養既話，依個三文治可以算係不合格之作。…查看更多

上星期放lunch時，因間中經過依間野，所以走咗入去試下。一去到，打開門有位職員用一個奇怪眼光嚟問我幾多位。答咗佢後，叫野食時仲離譜。原本想叫鯖魚定食，點知待應對我講鯖魚定食要等20分鐘。一個lunch hour, 一定唔會等20分鐘比你去整個定食囉。於是，我叫咗個鰻魚定食，叫咗就後悔。雖然鰻魚定食嚟得好快，但係鰻魚定食的汁太多，攪到啲汁的味蓋過啲鰻魚同飯。前菜係醃製過的白蘿蔔，但太濃味太冧，好難食。反而，蒸蛋同miso soup就不過不失…查看更多