kangtacherry的個人專頁

今日去咗海港城濕平，可能係暑假關係，間間食肆都大排長龍，經過幾間食肆都起碼要等一小時或以上，行下行下，居然見到shake shack 冇乜人，之前又未食過，決定試吓😆😆我叫左一個單層shack burger,炸雞粒同薯條🍟埋單總共一百蚊鬆dShack burger 🍔 🍔 - - 係幾好食，各方面都好夾，牛肉高質素，同埋個醬汁好Juice，但🍔size略嫌偏細🤣脆炸雞粒🐥- - 外層炸得唔夠脆同d炸粉太厚，雞肉好乾，非常一般😥附送的BBQ醬亦偏咸🤭波浪薯條🍟- -開頭見到薯條個外型好吸引，點知..好大陣油味，唔知係咪翻炸😓食左幾條已經冇食總括來說🙆🏻‍♀️😬下次可以再試吓其他款式的burger…查看更多

今日入左深井探位好朋友，當然唔少得一齊去探店啦，朋友就帶我去左一個街市裏的熟食中心，裏面有間穩世cafe🤭Cafe面積唔算太大，裝修簡約舒服，雖然我哋去到已經下午四點幾，但都坐滿了客人了。見到menu有牛肉漢堡，我既眼睛即時變左心心眼，我朋友都推介漢堡好食😋等左五分鐘左右就有得食，果然有小驚喜，依個牛肉漢堡性價比超高，牛肉好多肉汁，配料都好新鮮，薯條亦夠脆唔咸🥰🥰總括來說😚如果有機會入深井的朋友們，不妨一試👍…查看更多

有位識飲識食的同事試過依間燒肉放題之後就讚不絕口，搞到我心思思勁想試，剛好今日同老公都收早，😏呵呵，機會黎啦💨☁️餐廳面積好大，而且全部都係卡位，私癮度高之餘坐得又舒服，可以慢慢食😝餐廳Menu裏有唔同嘅放題套餐可以選擇，我哋今次選了套餐C，屬於中價位的，主要想試下同事推介的小田和牛😍用QR code落左單，隔左一陣，一艘有氣勢的燒肉船艦就送了過來，用嚟打卡一流😍各款和牛的質素真係好好，連海鮮都好新鮮，小田牛質素更加唔講得笑，入口即溶，密密食大滿足另外，仲有飲品、沙律、甜品等以自助形式無限量供應😍😍個人推介飲品有蘋果蘆薈同西柚汁，酸酸地更開胃，另外好鐘意甜品d size整到細細份同唔太甜，可以試多幾款唔怕膩😋😋總括來說簡直係大滿足，每人埋單大概$500左右，但食材好高質素，所以值得Encore…查看更多

今日同朋友去左海港城濕平，行到攰攰地，想揾個地方坐下😂見Lady M堂食唔多人排隊，決定食佢啦😝睇完個menu，有好幾款蛋糕都好想食，我哋決定叫三款share食😋😋原味千層蛋糕🍰- - 依款唔使多介紹，人氣之選，甜度適中，皮薄之餘d Cream夠滑溜，好味道🥰伯爵茶千層蛋糕🍰- - d cream比原味較甜，但充滿伯爵茶香氣，鐘意茶味甜品的朋友不妨一試🤣朱古力棋盤海棉蛋糕🍰- -我見好多枱客人都有叫依款蛋糕，所以心思思想試，但覺得一般，蛋糕較乾身，如果唔係朋友助力，應該食唔曬🤣🤣雖然Lady m蛋糕定價較貴，但千層蛋糕系列確實出色🤣🤣偶然食下也是不錯👍…查看更多

今日約了好朋友👯‍♀️去荃灣吃飯補祝生日，見呢間餐廳好多好評，所以佢選了這間餐廳，我們提前book了晚上6:30來吃，雖然不是假日，但來到時見到座位已有八成滿，餐廳環境走暗黑路線，好有情調，配有一些音樂，成個環境令人覺得好放鬆，好適合一家大細聚餐丶情侶聊天或一大班朋友聚會😍前菜餐廳配有餐包，有一塊普通面包及一條脆脆的面包，我朋友選了南瓜湯，用南瓜蓉打成的湯，很有南瓜味，我選了沙律，沙律有紅菜頭、蘋果及火箭菜配醋汁，酸酸地唔錯蜆肉意粉，意粉有蒜香味及有少少辣，非常開胃，蜆肉亦十分入味🍝🥩肉眼扒選了七成熟，本身我想選五成熟，但我朋友吃不了太生，所以只能選七成熟！肉眼端上來時仍然是熱辣辣，開頭怕七成熟的肉眼會係好韌，但呢到的肉眼出奇地好淋，而且肥瘦適中，配上牛肝菌汁好夾，肥膏的地方都好淋好好食😋🥂飲品方面，我朋友選了特濃朱古力咖啡雪糕，咖啡雖然沒有奶，但配上朱古力雪糕卻配合得剛剛好，把凍的雪糕放入熱的濃黑咖啡裏面，然後一齊食，不甜不油膩，配搭得很好，我選了 white sangria,有白酒成份，白酒配上果汁，很易入口，把酒味蓋了一大半，好適合想飲酒但不想太濃酒精味的朋友🤣最後值得一讚的是服務員態度好nice 又貼心👍這次用餐的體驗非常好😻…查看更多

今日同朋友去左奧海城行街，行到攰攰地，居然俾我發現到有梳乎厘班戟食，即刻入去試吓😍剛好有下午茶set，我哋點了一份pancake🥞加飲品🥤share食🤣等左10分鐘左右，我最愛嘅梳乎厘班戟終於黎到，我要開動了😋😋😋班戟香滑軟綿，蛋味超濃，唔會過甜，一切剛好，d cream細滑到好似雪糕一般，超好味😍另外餐飲叫了一杯凍檸茶，傳統日式紅茶口味，茶底夠香淳。環境舒適，坐得舒服，可以同朋友Hea下😂以份量同質素來算，$75絕對超值，不訪一試✌🏻…查看更多

🥰大角咀無論大街小巷都有好多特色美食，所以經常都會約埋朋友去試新嘢，今次我哋試左一間新式漢堡🍔店，值得推介😍店舖裝修簡約，落地玻璃窗採光度十足👏感覺好舒服😌睇完個menu真係好吸引，好多口味醬堡都好想試😂我點了BBQ醬和牛堡套餐，配了沙律。🍔 一嗒咬落去，真係好juicy，和牛漢堡扒同BBQ醬汁調味恰到好處，非常惹味，正另外沙律菜好新鮮，混埋d沙律醋一齊食好開胃🥰朋友點了和風柚子照燒醬堡配水果盒。估唔到柚子醬同牛肉的組合係好夾，朋友都大讚好味，又係好juicy😋另外水果盒裏有橙同哈蜜瓜😍🍵冷泡日式綠茶不妨一試，香淳又健康✌🏻價錢抵食，高質素的🍔，不一樣的醬堡，忘不了的味道😂🤣會再幫襯💪🏻…查看更多

今日放工約埋同事一齊去happy hour，上網搵到間响公司附近既西餐，順便可以飲下野放鬆下。餐廳佈置有情調，坐位間夠闊落坐得舒服，另外每張枱上也備有口罩套同搓手液供客人使用，好細心，值得一讚🥰🥗羽衣甘蘭藜麥沙律-羽衣甘蘭配上酸酸甜甜的檸檬蜜糖油醋汁真係好夾，混埋清甜的石榴粒同芝士一齊食好味又健康😋😋🐂美國頂級牛腹肉12安士-賣相好靚😍，我哋點了七成熟，肉質軟滑唔韌，火候控制得好好。🍚白松露油薯茸-薯茸非常香滑，配牛肉一齊好滋味😋🍟炸日本黃甜薯薯條-估唔到好好食😍完全沒有油膩感，甜甜地夠香脆😋餐廳的環境，燈光，音樂各方面也令人好放鬆，可以暢所欲言，今晚我們也享受了一頓愉快的晚餐☺️Sol House 親和藝術 (荃灣)荃灣享和街43-59號都城大廈地下57A號舖…查看更多

今日約左朋友仔去行山，落山去到沙田新城市廣場都成下午三點幾，超級肚餓，朋友提議食日本野，Good😍午餐定食比一般日式餐廳種類選擇較少，如果唔食魚生同鰻魚的朋友仔，基本上冇野啱食🤣我叫左依set定食，壽司全部都是手握的，食材新鮮，覺得最驚喜係吞拿魚同玉子壽司，隨餐仲有味噌湯同茶碗蛋😍茶碗蛋正常質素，夠滑👍朋友叫了丼飯配烏冬的午餐set，食物質素雖然都ok，但份量對於男仕來說實在太少，食完唔夠飽😂😂總結：食材新鮮，不妨一試💕…查看更多

💕今日約左朋友仔出旺角食午餐，我哋都想試吓新野，行下行下响T.O.P商場附近的一座大廈裏面，揾到一間坐得舒服，又可以食到創新南越fusion菜的餐廳😋餐廳裝修以簡約淺木色為主，旁邊仲有一排大玻璃窗採光度十足，令人感覺好休閑舒適👍🍜招牌金邊粉超推介～個湯底好香濃，牛根同牛腩等配料好入味，油炸鬼索埋d湯汁一齊食更滋味。店員推薦可以將金邊粉混埋d秘製辣醬一齊食，原來d辣醬帶甜味，能夠將味道再提升，果然正👍🫓脆米紙薄餅好有驚喜，配料有好多新鮮蔬菜切絲加埋越南腸，鬆脆的脆米紙好好食，感覺好清新😋🐷五香豬腩伴鍋巴口感好豐富，豬腩部份好入味，鍋巴夠鬆脆唔油膩👍☕️南越蛋咖啡似甜品的飲品😂，上面有一層焦糖燉蛋，下層有香濃咖啡，估唔到味道好夾，仲有附送的綠豆糕好味，又一新嘗試，yummy 😋🥤微藻檸檬薑茶天然微藻可以改善體質，當然要試吓，飲品顏色好靚好夢幻，味道甜甜酸酸，薑味不太濃。總結：食物質素高，創新又好味，下次會再幫襯👍…查看更多

😂食正宗泰菜當然要去九龍城今日同朋友試左一間泰國人主理的泰菜，店舖裝修簡約，坐位不多，經過門口傳出陣陣串燒的香氣，令我食指大動😋午餐的menu有幾款粉麵飯選擇，連埋飲品都係$50，性價比高😍我們選了幾款食物，有泰式炒金邊粉，炒椰菜苗，同串燒🍡🍢我們對於金邊粉評價都幾高😋，味道甜甜酸酸好開胃，麵條係一條條炒得乾爽分明，配料豐富🍝椰菜苗炒得嫩綠，唔會太辣，配料d脆肉好好味，食落好似脆d豬肉乾🐷正👍燒雞翼🐥。。我自細鍾意食依家天氣凍凍地，推介必食即燒的熱辣辣雞全翼同豬肉串燒，keep到外脆內juicy💓醬汁都好好味💕飲品仲有泰式奶茶🥤又香又滑，鐘意奶茶的朋友仔不妨一試🎉龍眼冰解渴又清甜，每次食泰菜必點😂總結：食物質素高，店員很nice，用餐過程很愉快，下次經過會再幫襯🥰…查看更多

朋友係要見架❣️今日約左朋友响青衣行街，我哋都好想食🇯🇵料理，就去左附近長發商場的一間日本料理試吓🙆🏻‍♀️午餐時間，客人都唔少，但好好彩，剛好有卡位，坐位闊落之餘私隱度又高，可以同朋友慢慢傾🤣午市套餐有好多選擇，基本上刺身定食，拉麵，鍋物，飯都有💕重點係價錢好抵食👍🍣特盛刺身定食真係超推介，份量超多，刺身每款都好新鮮，食完好滿足❤️🍱天婦羅炸物脆卜卜同乾身唔油膩，刺身的三文魚厚身好肥美❣️我最愛的燒雞泡魚干，拈上沙律醬食，非常惹味💓雙龍卷又係好推介😂不過太大份，建議要同朋友一齊share先好點😆特別喜愛配上芒果的那款，芒果好甜，炸蝦配上吞拿魚沙律醬原來好夾，好味😋😋總結：絕對有驚喜，食物質素高，下次經開會再幫襯🇯🇵🍱…查看更多

近排多數都係在家工作，所以午餐通常都係自己煮，今日有朋友來探我，午餐就出左去屋企附近搵食🤣之前間唔中有經過依間西餐，但一直冇試過😂估唔到午餐都幾多種類👍點了兩個午餐🥣都隨餐有一個湯同牛角酥💕牛角酥好香脆，熱辣辣好好食💕我點了日式海鮮炒烏冬，味道其實好好食同惹味，但因為已經加左蒜蓉調味，略嫌濃味左少少🤏海鮮配料雖然都切到細細粒，但好多種類😍餐飲點了熱檸茶，正常餐廳質素☕️總結：午餐種類多完化，下次會試吓其他食物🤣…查看更多

今日經過屋企附近，見到有間裝修幾靚食泰國菜的新店，叫埋老公陪我去試吓😂見到午市套餐有我最愛的海南雞飯，當然要試一試，勁期待💕賣相都唔錯，點知食落...d鷄好咸😭第一次食到海南雞會咁咸，同埋雞亦位背面仲有幾條又黑又粗的毛毛未清理🥲食慾大減了😎值得一讚d飯雖然睇落去冇乜色水，但食落好香，帶點點椰香味。老公叫了蝦醬炒飯，偷食了一點點，味道帶少少甜味，配料加左d臘腸，幾惹味，略嫌油左少少🤏總結：都幾失望，希望味道方面可以再提升💪🏻…查看更多

自從N年前食過永年元朗主店的🍲辣汁車仔麵後，我就成為左粉絲經常去幫襯😂🍜今日同朋友去左沙田行街，知道佢有間新分店開左，除左食到車仔麵仲加入左好多新式茶餐廳食物，當然要去試吓啦✌🏻門口有個雞蛋仔打卡位😂好可愛多左好多選擇，樣樣都好吸引😍我選了女神麵餐，仲加左牛腩同雞翼，真係好yummy😋女神麵配料好豐富同足料，花膠、豬手、冬菇，全部充滿骨膠原，食完皮膚彈彈😂超級推介豬手同牛腩，炆到好淋同好入味，豬手整得好企理，完全冇毛毛。加埋小小辣汁將味道再提升，好惹味👍值得一讚跟餐仲配多左一個菜，夠曬健康🙆🏻‍♀️朋友點了鐵板牛扒餐，用鐵板上熱辣辣，我見塊牛扒勁大塊，同勁多薯菜，我忍唔住偷食左小小，牛扒質素ok，洋蔥汁調教得幾好味，d薯條又係我最愛的脆脆扭紋粗薯條，估唔到都有驚喜，重點係價錢唔貴😂餐飲點了柚子蜜同華田，質素正常👍雖然食到好飽，但見到蛋撻新鮮出爐熱辣辣，便叫左一個當甜品。新鮮。充滿牛油香的曲奇皮。香濃蛋漿，加埋一齊又係好好食🤣🤣鄰近節日，有埋盆菜訂都唔錯👍總結：果然冇令我失望，會繼續支持😋😋…查看更多