RORORON的個人專頁

天水圍接近夜晚九點，基本上都唔係太多選擇，T-Town已經算係比較熱鬧，呢間嘢咁夜都算係多人食！嗌咗個羅漢齋炒麵，比較特別嘅係鐵板上嘅，咁就當然係熱辣辣，雖然係好油，但係算係有鑊氣，同埋幾好食嘅，個人覺得幾適合素食人士。跟住帶咗個鐵板雜扒，仲跟埋個意粉，都係熱辣辣出晒煙咁，雜扒份量好多，正常發揮喇，跟個意粉真係太大碟，佢個意粉有少少白汁，但上面又有肉醬，呢個配搭真心有啲怪…嘢飲方面帶咗兩杯凍檸茶，正常水準啦！但衛生情況可以改善，雖然係茶餐廳，唔會特別大期望，但地下好多紙巾，仲要有塊魚喺地下……查看更多

叫咗個雞絲刀削麵（小辣），真係大開眼界…雞絲唔係真係雞絲，佢完全係類似一舊食剩少少肉嘅雞髀，再係咁易打碎，就擺入碗麵度，成隻雞髀骨完整係度，小弟見識少，呢啲叫做雞絲嗎😂個雞得果少少肉痴住都算，賣相又差，仲要係冇味，完全唔想食😰湯底係正常，無話差。個麵就真係刀削麵，幾好嘅都！但衛生情況真係唔得，枱櫈都好油，呢個原諒佢，佢夜晚做火鍋係咁上下，但由出菜個窗口仔，見到廚房佬係冇戴口罩，而家咩時期…食都食得唔安落😓真係無下次……查看更多

去到food court，見到新開呢間花甲粉無乜人排隊，就試下，天寒地凍食熱辣辣花甲粉，食完個胃都暖哂。講護個花甲粉，佢係其他food court都見其蹤影，但希慎呢間應該係新開！肥牛花甲粉$68，好似比其他花甲店貴少少？嚟到，粉絲量係幾多，好夠飽，花甲都唔少，數到有十隻以上，得兩隻無開口，OK喇。中辣唔算好辣，食得辣嘅人士可以挑戰大辣！出餐速度都唔慢，冇人排隊情況下，5分鐘左右就有得食！但其實碗嘢如果可以做到滾熱辣就更加好！…查看更多

放工8點，銀座又裝修緊，真係冇乜嘢食…見到呢間海南雞飯三周年，套餐減$10就試吓，無骨海南雞飯$79，加$10凍南洋咖啡☕️南洋咖啡非常之好飲，本身就應該好甜嘅，但因為凍飲加好多冰，所以啱啱好，凍南洋咖啡我比9分主菜嘅無骨海南雞水準都唔錯，正常質素，雞嘅份量都合理，同埋佢啲青瓜係幾爽口，可以清下啲油膩，海南雞我比7分個油飯都好好味嘅，但晚餐來講份量有少少唔夠，如果可以大碗少少就更好環境係新裝修都仲係好乾淨，啲餐牌唔會油膩咁，坐得都舒服，順帶一提啲侍應都唔錯，我改咗一次單都冇黑我面晚餐+飲品$89，唔錯，得閒經過都會再幫襯…查看更多

放假去T town買嘢順便食下午茶，見好多好評，裝修好靚，環境幾乾淨，坐位闊，坐得幾舒服，客人都多，就入嚟食。叫左下午茶泰式海南雞黃薑飯，$55，凍飲加$3。但老實講，泰式海南雞飯應該得一種辣醬，而唔係新加坡果種3色種。咁講返個食物質素，雞唔滑，無乜味，但量就幾多，啱大食嘅人。但個飯真係唔夠香，接近無乜味，同一碗有油嘅白飯無乜大分別，要改進下。凍檸茶就無乜特別，正常水準，都大杯嘅。總結如果唔洗排隊，坐得舒服，平平地都可以一試。…查看更多

濕地公園呢個新樓盤樓下嘅幾間食肆其中之一，我諗除咗住客之外，都有唔少途經嘅單車友停低入去搵食。見呢間唔洗排隊就入咗去，由於算係新開，地方乾淨，光線充足，座位都坐得幾舒服。兩點開始有下午茶，選擇都好多，最後叫咗個招牌無骨海南雞飯，油飯好好食，$45加$3有凍飲，免加一。海南雞飯d油飯好好食，值得一讚，海南雞有5-6舊，都算唔錯，杯凍檸茶正常質素，總括嚟講質素正常，而且價錢合理。下次會再試下喇沙/湯麵類。…查看更多

Lunch堂食叫咗個招牌小窩米線，南乳雞件（炸雞件嚟），加凍飲$44，味道唔錯，中規中矩，無伏。特別係個南乳炸雞件算幾出色。地方好細，得十幾個位，但都乾淨。咁嘅價錢值得一試。…查看更多

濕地公園附近新餐廳，下午茶非常之抵食，而且選擇很多，有飯有麵有pizza，文青裝修靚，地方乾淨。點左個麻辣牛肉米線，湯底同出面麻辣火鍋冇分別，非常之油…有浸辣油喺表面，同飲油冇乜分別，膽固醇爆標，下次唔敢再試麻辣系列……查看更多

聖誕節晚餐,一行8人黎到,未入由自可,一入就發覺環境好靚,燈光暗暗地咁,未食已經比到客人一個好好既印象,打邊爐店都算係少有既靚而waiter都招呼週到,態度友善,反應都ok!唔講咁多,大家隨便叫最後叫到成台都係野食,個蕃茄薯仔湯底正呀打邊爐我好少可話飲埋d湯,但呢個湯就咁飲都好好味,抵讚！特別要食牛,師傅會在場表現切牛技巧,新鮮之餘切得仲好靚:)全程都掛住食同講,唔記得影相:(下次同屋企人又黎食先~…查看更多