Master_Foodie的個人專頁

墨西哥雞肉夾餅Chicken Tacos $68 3件為一份，微辣🌮小編一直對tacos情有獨鍾，食過幾間餐廳，都係第一次見到咁大份😂用料豐富，最喜歡自家製sour cream味道!!另可揀薯條套餐(不過…都係想食Parmesan Truffle Fries…所以單叫🙈巴馬乾酪松露薯條Parmesan Truffle Fries $48即叫即製，上桌時先是香濃撲鼻的黑松露味，芝士碎鋪在炸得金黃的薯條上，令人食指大動，長長薯條脆身中帶點韌性，配上茄汁及店家自製的千島醬實是一流，而且份量不少，完全可以滿足到2個人👯‍♀️絕對是物超所值藍莓芝士蛋糕Blueberry Cheesecake $31芝士味濃，甜度正常，反而溫度意外地不高，令蛋糕口感相對軟綿p.s.店舖不大，只有2個坐位，主打外賣生意，假日下午人流單接單。值得一提👍🏻店員良好的服務態度，除了熱情地介紹及推薦餐點，亦會留意著客人需求如餐具及桌面的整潔，從各種細微之處，可見他們對食品及店舖的重視。‼️温馨提示：請以英文落單…查看更多

想食台灣菜、西餐、中式小炒、甜品…你以為係food court? 其實係一間餐廳!!😂-🍕北京烤鴨薄餅 $110餅底是義式薄皮，沿邊位都較脆口，一個可分成6塊，2人份量是足夠開心share👯‍♀️餡料由煙鴨胸和北京烤鴨醬製成，為薄餅增添油香，又保持到北京醬料風味，但配煙鴨胸令整體偏咸；另有菜絲、青椒、紅椒襯托，減低肥膩感，打卡顏色都靚啲～🧋台式炭燒烏龍紅茶 $21香香煙燻味💨飲落味道似奶茶，所以台式風味不乏，令我希望下次想品嚐台式美食。🌮墨西哥雞肉芝士夾餅 西式午餐套餐價$56餅皮煙韌，餡料有雞肉、芝士及三色椒，味道帶微辣，薯條粗身炸得香脆，份量頗大相當飽肚。🍮麵包布丁 $38麵包面灑上肉桂粉，烤得外酥脆內軟綿，帶有甜甜的奶香味。可能新開張，假日下午人流不多，食物質素不錯，如果下午時段可增加西式小食就更好。店員普遍服務態度良好，但感覺對餐單了解不足，有進步空間。…查看更多

好耐都未去過pink pink餐廳打卡💖女孩們～記住要好好對待自己，努力把自己寵成公主😘-晚餐Menu 配餐湯&沙律Set B: 燒紐西蘭羊架配迷迭香汁 $208羊肉嫩滑，蔬菜煮軟了又多汁，燒得香香的，配上醬汁，是整頓晚餐最佳選擇💓至於甜品選擇，望見甜品櫃，款式外觀有點不討好，所以選了一個正正常常：粉紅梳乎厘 $78製作需時，可預先落單，再後上。上枱時，份量比預期中少，梳乎厘已經扁扁的，桃粒不太甜，似放置多時，感覺不太新鮮，忌廉甜度和凍點尚算正常。假如再調整一下，相信可以提升性價比😉p.s. 店舖播放mirror嘅歌曲，作為鏡粉，即時甜入心；食飽飽，還有大大彎月等你打卡…查看更多

酸乳酪芝士撻 $25 (熱)小編本身喜歡食乳酪製品，酸酸的，夏天夠哂開胃，即使遇上芝士撻，酸味中和後不太膩，咬一口，更有流心!!激推😻京都抹茶紅豆忌廉撻 $22 (凍)限定產品💚冷冷的紅豆和忌廉中和了抹茶苦澀味，屬於不太膩系列，內裡還有一個小麻糬，煙煙韌韌，十分新奇有趣～p.s. 此分店為自助cafe形式，可以閒聊小聚兼短聚😂各款咸甜撻供應（熱食）凍食有泡芺、甜撻室內裝潢不殘舊，且有點經典味道👇🏻👇🏻…查看更多

經過朗豪坊..見到新店開張了1. 青森蘋果批 $33店裡的必推產品，千層酥皮口感，內裡熱得燙口 (小心哦~🤪食到蘋果香，啖啖果肉，酸酸甜甜，與平日食的蘋果批不同，沒有濃郁的肉桂味，所以感覺恰到好處2. 焦糖堅果奶油蛋糕 $25蛋糕軟熟，充滿咖啡味，鋪滿各種果仁及杏仁片，整體不過不失，但論外觀上，性價比略低🥲🥲p.s. 分店配有手機充電服務⚡️如果行街行到攰，想1小時內停低抖抖，食件餅都okay!🤣🤣…查看更多

馬鞍山出名係美食沙漠，某日經過又比小編發現意外高質的綠洲😚-香草茄汁雜菜燴意大利雲吞 $78第一印象都幾健康，夠多蔬菜！不過原來主角意大利雲吞都有七、八大粒，配合酸甜開胃的蕃茄醬汁同芝士蔬菜餡真令人欲罷不能，一粒接一粒🤤香煎紐西蘭肉眼牛扒配檸檬牛油汁 $105另一道令人食指大動的主食就是大過手掌的肉眼扒，肉質軟腍帶牛油香，作為醬汁的檸檬牛油汁十分特別又清新，一試難忘😍榛子軟芝士餅(跟餐+$23)甜品的芝士餅看着普通，榛子味突出，朱古力不會太甜，驚喜的是帶有好立克味(忘了還是榛子味😂)的餅底，口感上食得出多層次，唔錯💕餐廳平日6點幾都未見多人，但座位寬闊又唔會趕人，值得推薦👍🤩…查看更多

好耐無食過唐記，健康又飽又經濟實惠🤣如果夜晚買多了，當早餐都係一個幾好嘅選擇✌🏻-小編至愛👇🏻👇🏻👇🏻香滑奶茶 $12最令人意思不到，味道的確唔錯，合乎價錢，尤其是熱天飲，單點都正呀～章魚肉餅飯 $27飯量都很足夠，一個人食絕對夠飽，圓圓一塊章魚肉餅，小編們就嫌太細了🤦🏽‍♀️一啖飯一啖肉也快無。對於食慣濃味嘅小編，覺得淡味咗啲，不過學似健康人士話齋，食咁濃做乜🤷🏽‍♀️沙嗲牛肉包 $8沙嗲牛肉好入味兼惹味😋馬拉糕 $8你會好清晰見到，一層層，好鬆軟😚-唐記包點p.s. 大圍火車站開咗新店哦!過咗7-8pm..必食推介都賣光光了😫同埋都好多人排隊，想買嘅都耐心等候吧🙈…查看更多

小編最近又發掘到吹水(又可以玩board game)好地方!! 仲有榻榻米坐(不過要除鞋）1. 煙三文魚配忌廉雜菌天使麵 $88好香好濃郁嘅忌廉菇菌味，天使麵度適中，所有嘢都好match好creamy🤣2. 芝士焗風琴薯仔 $58呢個係眾食物當中嘅小編皇牌之選。本身焗薯仔好香，已經好好食，再配底下嘅芝士脆片，合為一體又脆又軟，爆讚(無誇張)👍🏻👍🏻👍🏻3. 蜜糖雞中翼 $37/3隻雞翼好好食，醃得好入味，外脆內軟，不過除番開，價錢稍貴🙊4. 芝士焗西蘭花 $73可能小編口細，覺得西蘭花切得比較大舊，煮得有點硬🤦🏽‍♀️*下午茶餐配飲品…查看更多

丼丼屋今期又出新野，忠粉朋友拉咗小編去試～👭-滑蛋吉列豬扒丼定食 $105日本產豚肉及雞蛋，豬扒炸得脆又嫩滑又熱辣辣，唔會比滑蛋汁浸到淋左；滑蛋汁配合洋蔥嘅甜味，撈飯食一流👍🏻定食除左主菜，仲有一份酸酸甜甜嘅沙律同味噌湯，整體份量比想像中多，好飽肚。另外，聽講呢個丼係來自大阪吉列豬扒丼專門店喝鈍 ，係全國丼連盟新一屆全國丼物大賽中獲得金賞🏅👇🏻特別口味👇🏻1. 芝士番茄滑蛋吉列豬扒丼2. 泡菜滑蛋吉列豬扒丼如果食飽想食甜品，米雪糕係不錯嘅選擇，論口感上，滑滑雪糕配有米粒；論味道，有點似豆腐雪糕，便利店都見唔到類似的，所以都可以一試。…查看更多

夏日炎炎，飲啲凍嘢就最好不過🤣🤣小編今次點了2杯皇牌產品！-黑糖珍珠黑糖奶茶 $33杯子圓圓，挺可愛的，份量剛好，飲完仲食得落晚飯🙈珍珠好煙韌，應該係賣點之一；唔知係咪小編點了半糖，覺得黑糖味可以再強啲😪黑洞拿鐵 $26係小編至愛嘅紫色包裝💜飲品有黑白兩層，搖勻後變灰，顏色挺特別的，但飲落有焙茶香，味道也很特別的😛😛-*另加珍珠（有不同款選擇，白玉、黑芝麻、仙人掌、焦糖）+$6；奶蓋+$8…查看更多

估唔到日式殿堂級甜品竟然會係香港開店～感動！！呢間仲有一個特點，甜又得；咸又得；外賣（麵包）都得不過，小編今次初嘗甜品😚😚始終女人至愛，有第二個胃～幾飽都食得落強烈推介！半熟芝士蛋糕 $32軟綿綿蛋糕，好香芝士味，小編仲點咗蝶豆花水蜜桃花果茶(加配優惠$38，原價$48)，有2個小杯，可以朋友開心share(記住望住個漏斗等5分鐘先好飲，濃味啲～)一啖茶一啖蛋糕，好夾🤣除咗蛋糕部分，底部係類似杏仁酥嘅物體，好脆口好香牛油味，好似食緊拿破崙咁😚小紅帽-櫻桃酒朱古力蛋糕 $42如果各位foodie係重口味人士，可以揀呢款蛋糕，多層口感，朱古力慕斯配有紅桑子果醬及櫻桃酒，朱古力味香濃不會偏甜亦帶有酒香，朱古力迷必選👍🏻焦糖吉士棒棒 $26店員極力推薦的甜品，一睇上面三粒奶油就知相當邪惡啦😈味道好似食拖肥糖，不過奶油咸香配合面頭焦糖醬及內裏吉士味道剛好，中和左甜膩度，如果唔係怕肥真係想嚟多件。…查看更多

芝士焗薯餅 $70一開始小編唔係好飽，諗住叫個小食頂下肚，點知原來都幾大份，有4塊大薯餅，每塊都好脆好香薯味🤤芝士好多，有拔絲嘅效果但比較淡味，所以都唔算好膩。蜜糖烤半邊春雞配脆炸薯條 $158又係勁大份，完全無諗過...雞焗得燶咗少少，但係香嘅同嫩滑嘅（雖然有雞胸），超級鐘意呢間餐廳嘅薯，薯條都食唔停，好有薯香。套餐配飲品的。心太軟 $78價錢比一般甜品店貴的，但賣相好grand，有金箔，雜莓係甜甜的，心太軟配雪糕，一冷一熱，挺滿足的，又剛好一人份量。另外，環境都靜靜哋，同friend吹水食個brunch真係一流。…查看更多

小編好鐘意去樓上cafe同friend 吹水，今次就去咗間勁近地鐵站嘅cafe，都幾方便，尤其係旺角成日set做新界九龍香港嘅中心集合點🤣-龍蝦汁海鮮天使麵 $84（包$38飲品一杯）龍蝦汁幾香濃，同天使麵幾夾，份量剛好。雖然有齊青口、魷魚同蝦等不同海鮮類，但質素參差，感覺像急凍貨😢+$35 朱古力心太軟雪糕極級推介💛完整無缺，一切開朱古力漿湧現😋無奶粉味（小編之前食過其他店，啲漿係打得唔好）配埋雪糕，一暖一熱，值得比like👍🏻至於飲品方面，小編點咗蜜桃乳酪，補多幾蚊，飲落有啲似雪糕碎冰，凍凍凍..有啲水果味，可以減輕正餐同薯條嘅油膩。另外，還有一個小食好值得讚，就係黑松露薯條$48，雖然賣相比較普通，但係熱辣辣好脆，好香薯味，食到口停唔到😋…查看更多

最近幫朋友慶祝生日，壽星話唔想食放題、自助餐、打邊爐，要啲新意，所以...我哋叫咗啲特色嘅Thai food~包括:青咖哩軟殼蟹 $158配脆卜卜蒜蓉包，沾上青咖哩，好有椰香味，軟殼蟹，唔洗剝殼搞到隻手黐笠笠，啱哂小編懶人😝青咖哩有火㷫住，唔會凍哂，真好。泰式串燒（半打）$88好抵食，有豬牛雞各兩條，好香，鐘意肉嘅朋友，係機會呀！ （小編叫咗一打...會唔會好多🙈泰式蛋包炒金邊粉 $108咁多道菜，小編始終最愛金邊粉，係去泰國嘅味道呀🤤賣相都幾好，有兩隻大蝦，撈哂所有嘢，味道都好夾剛剛好，唔會太鹹，仲有呀～有啲金邊粉會煮到好硬，呢度就唔會食到石頭般的粉（誇張了😂不過，越食越多，覺得好邪惡，因為實在太多肉，所以我點咗個冰涼椰青，喺我去過咁多東南亞地方最正嘅一個椰青水，夠冰涼甜甜的 （雖然就快冬天。。。）另外，值得抵讚嘅係服務員，上菜快速，點了幾個菜，15分鐘內就遞上了，待人有禮貼心，小編帶咗蛋糕，會主動幫忙遞上點蠟燭👍🏻可惜已經點太多餸，下次有機會要點芒果糯米飯🤤…查看更多

難得的星期日，小編走咗去飲早茶。門一開，都幾多人排隊，但等位時間不算太耐，大概幾分鐘，不過可能空間比較窄嘅關係，酒樓服務員說所有枱都要撘枱的，嚇到其他客人走了，所以...如果大家想人少少去飲茶，要有心理準備自己與朋友不能獨佔一張枱。點心選擇適中，有新式及傳統點心，亦有小菜。小編點了叉燒包(小編最愛)、豆苗餃等，平均價為20-35一款點心。可能小編喜歡吃乾身少少嘅叉燒包，覺得食落比較有漿感，黏黏的，咀嚼幾口便一團了，所以覺得味道不算太出眾。如果要推介一款菜式，我會選擇豆苗餃，皮薄而透，內餡不會過熟。最驚喜是，鵪鶉蛋燒賣，太耐無食，覺得挺特別的，用料挺豐富的，如果想回憶一下以前嘅點心，可以一試。芝士蝦長春卷有點令人失望，雖然做得挺完整脆口，長長幾（利申：4）條，但是味道比較普通，蝦嘅口感好似無乜？！（開頭係食到蝦嘅）然而，芝士味又不夠突出。茶位每人10蚊，收加一服務費。如果問小編是否會成為此酒樓常客，毫無疑問，很抱歉，小編覺得不值得，因為同樣價錢，我相信附近酒樓有更精緻味美的點心。…查看更多