forevefriends2015的個人專頁

平日8點幾嚟食飯，叫咗海南雞飯，喇沙同手指豆（秋葵）。我唔食得辣都食到，而且好好食。秋葵同個汁好夾，汁濃得嚟加埋秋葵個啲汁，中和哂好夾。都係第一次咁樣食秋葵。大家可以一試。…查看更多

見之前d食評話呢間餐廳d野食麻麻地，但食落去又唔係話咁差丫。個湯都唔算好差(咁好飲就唔會係好飲既）飲飲下湯食緊包就上扒，可能唔算多人都做得幾快。個扒5 成熟，汁係自己上。我覺得5成幾好，下次食牛都叫5成熟先初初好驚牛利會"un"，點知又幾嫩。薯條同紅羅白都幾好。如果要意粉/飯要加$10另外又有餐飲，最後又有甜品 （雪糕／啫哩)甜品係一球vanilla 雪糕我覺得員工服務都ok 環境都ok整體黎講我覺得ok…查看更多

中秋翌日晚, 去睇燈同火龍前黎左呢間食野。不過對我黎講, 呢間野相當難搵。行左去前面, 又兜左個圈。所以如果大家黎呢間食, 記得係AEON門口上電梯, 轉右就係啦。去到6點半左右, 可能早, 所以唔多人。跟住坐左個雙人位。睇到餐牌, 花多眼亂, 真係唔識點揀。有個係二人套餐, 三百幾蚊好似好多野食咁, 不過最後都係叫左普通餐牌入面果D, 再+$28升級有湯/沙津+飲品。最後, 同男朋友一人揀左一碟蛋包飯(呢間野出名蛋包飯, 點可以唔試呢?)我就要個清清地既香草汁什麼蛋包飯。呢個堅好味。個蝦又多肉, 而且個飯又唔會太硬太軟, 岩岩好, 個蛋又滑。點埋D香草汁, 簡直無得彈。男朋友叫左個牛既蛋包飯。但係好濃味, 濃味得黎又唔算好好味。我叫果個好味好多。同埋D牛比較UN, 唔夠軟熟同多汁。另外叫左個腸, 五十幾蚊。好好味, 雖然五十幾蚊, 但係咁好味真係好驚喜。鍾意食腸既大家真係可以試下。因為我地坐二人台, 又升級左做餐, 而且兩碟飯都大碟, 所以D野一黎哂唔夠位擺。個店員都主動話幫我地換過隻細碟。個態度都唔錯啊。下面張圖係個湯同埋個沙律。餐湯好飲, 味道夠。同出面普通餐廳D中湯西湯差好遠。入面有蟹柳,好味道。沙津就, 有沙津醬先好食, 同埋有DDDDDDDDDD辣, 不過就算怕辣都接受到既應該。整體黎講間野都幾好。雖然可能成百蚊個蛋包飯, 但係好食既又有咩所謂呢?諗住遲下仲會幫襯試下其他野。…查看更多

9月3號多左日假，心血來潮同男朋友試下啦。12點幾去拎籌，果時我地拎左81號，但叫到3十幾。於是就落左去樓下睇下衫買下衫。最後1點幾左右上去，叫到6十幾。再行又怕會skip左，因為佢話只會叫一次，無人應就會下一張，所以就留係度啦。結果等左一陣，叫極number都無人，好快就到我地啦haha。不過最後都等左個半鐘。我地坐正門口，叫飛位隔離。慘在佢地叫飛好大聲，好嘈。唔知人多定係伙記慢，坐低都等左個幾字先有人抹台，同埋幫你擺餐具。落單啦。咁當然叫蛋黃哥系列啦。叫左個飯，沙律，真真假假，奶黃包。原來叫茶要係埋張紙叫。得3樣茶，一樣普洱玫瑰(想叫但無嗮 )，一樣人參xx，一樣係茉莉花茶。 前面兩樣$10位，茉莉花$20位。本身唔想飲人參，唯有叫茉莉花。 d茶黎到， 原來係茶包。茶包都收$20位，得一包，好唔抵。 同埋水壺都無水，後尾仲收返走添。一黎黎沙律先。個樣好令，沙律都幾好。個蛋黃哥蛋，好香蛋味，同一般食既蛋唔同，勁正。然後黎個真真假假甜品。個樣唔吸引，食落無咩特別，有點失望。不過叫呢個好似有禮物？然後個飯同包都黎。個蛋黃哥幾得意。而飯就有d硬 應該飯焦(?)跟住個包我怕熱怕佢流沙會"辣"親，食左少少飯先食佢。點知食果時，咬開，一d流沙都無。而且個包有d "un"，尤其係白色塊底。 樣就幾趣致，可惜味道差d。見到其他點心都幾貴，不過今次專登揾蛋黃哥就無叫。但如果真係為蛋黃哥，為睇下，都ok。但味道就不要太期待。…查看更多

生日果日去左迪士尼玩。夜晚果餐就係呢度解決。入面有SUSHI食, 有意粉食, 有中菜食。最後我揀左食意粉果面。 我男朋友就叫左豬排飯。 野係幾好食既, 至少個豬排飯D豬排唔會硬, 同埋好好味。 但係D服務態度就好差啦。我同男朋友一齊行埋去, 見到前面有兩個女人已經叫緊野食, 咁我地行埋去啦。行到埋去, 有個男既問我食咩, 我話食肉丸意粉,之後佢叫我等一陣。 咁後面又有其他人排隊啦禾, 咁我地就向前行少少。 然後有個女人就問我地後面既人食咩野, 但係佢無問過我男朋友食咩。 跟住果個男仔就同我男朋友講等陣。等等等, 等左一陣, 等到後面果D人都拎埋野食, 我碟意粉都未得, 而我男朋友都仲未有人問食咩。 跟住我男朋友想叫野食啦, 跟住個男仔話等陣先。然後過無幾耐, 個男仔拎住碟意粉, 諗住放D肉丸落去係比我食既, 個女人就話: 唔係果D啊, 係落XX啊。 但個男仔照比肉丸我先。  但果一刻, 我男朋友仲未有人問佢食咩。我男朋友見問個男仔佢又話等等, 於是就問個女人。 個女人就示意話叫佢等陣。 咁等幾耐啊?於是過左一兩分鐘, 我地就話我男朋友未叫野食。 跟住個女人就用普通話同我男朋友講要排隊。 我地就心諗, 咩料啊, 我地一早排左好耐架啦禾, 我都叫左野食啦, 我男朋友排我後面, 點解仲未有得叫野食, 仲要比人當係D大陸人話無排隊??????然後我男朋友再同個女人講, 話等左好耐。 跟住個女人先用返廣東話話叫我地係後面排隊。 跟住我就話啦, 我地一早排左隊, 我地一齊架, 我野食都有啦, 都無人理佢。跟住個女人好串咁, 道歉都無, 仲話叫野食係係後面叫架禾。但係我地排隊果時, 個女人係邊啊? 係個男仔問我地食咩架渣, 係佢MISS左我地渣禾?個男仔就係度講唔好意思果D, 但係個女人D態度好有問題囉!!!!!!!!…查看更多

我總共食過兩次。兩次都係cwb果間。第一次去係舊年5月中, 果時11點幾去排, 排到去樓梯同樓梯中間個平台。 第二次去係上個月, 11點半左右去到, 排第二個。由於食左兩次, 就GROUP埋兩次一齊講啦。個鬆餅士多啤梨又多又大粒。個鬆餅唔硬, 反而鬆化軟熟, 我好鍾意。最鍾意就將個餅點士多啤梨醬同雪糕一齊食。總匯三文治。OREO野飲。 個OREO好冰涼好凍。水果茶。我覺得壺茶可以大壺D就好, D生果用唔哂啊。 唔知有無得添茶呢?呢個好似叫雞肉帕尼尼之類。果D菜點埋佢比果碟汁, 好好味 個包硬左DD, 不過都OK。 個雞肉簡直一流。 辣辣地, 又多汁, 幾濃味。呢間真係抵咁多人去食, 因為真係好好味! 特別係個鬆餅!…查看更多

佢未開之前, 見到呢個名, 已經好有興趣。 到佢開左之後, 見到佢每一日都排好多人, 好有咖X弄感覺。於是我同男朋友搵一日, 11點左右就黎排隊。 排左成個鐘開門先入得。裝修幾令、企理同光猛, 好舒服。然後點野食點咩好呢? 見到之前黎過既人都推介明太子意粉、鬆餅。於是就點左三樣野食同埋兩杯野飲。明太子意粉, 好令好令好味好味。 我第一次食明太子意粉就鍾意左。 (之後幾次去第間食都係覺得呢間最好)佢個味道好RICH, 又唔會太鹹又唔會太甜, 鹹鹹地甜甜地, 好正! (原諒我唔知點形容,嘻)推介!!!!!!!!!!!然後個鬆餅。佢比埋蜜糖, 又有個雪糕。我最鍾意就係蜜糖倒落年餅度, 吉起件餅再點雪糕食, 咁食法一流啊!呢間叫吐司店, 所以點都要叫既。 佢面頭係勁大粒既士多啤梨(流口水), 然後拎開D士多啤梨, BOX裡面係一條條既面包條, 脆卜卜。個面包BOX就硬左D。呢杯係我既水果茶。佢有個壺比你自己倒, GOOD。…查看更多

星期日既下午, 唔多人去食, 所以唔駛等位就得魯。同男朋友去食, 叫左3樣野: 明太子意粉, PANCAKE, 蛋包飯由第一次去食明太子意粉開始, 去親D有明太子意粉既地方都會點, 睇下邊間最好食 呢碟就係明太子意粉啦。有個面包係隔離好得意。 個賣相幾令, 有唔好既色。裡面有D硬硬鹹鹹地既魚仔。 整體上其實個意粉幾好, 因為有D魚仔, D味濃D。不過對於可能唔多鍾意太硬既朋友, 可能分開佢食會好DD。個面包唔係我食, 不過男朋友話好夠味, 好正。呢個係個PANCAKE。個PANCAKE真係好好好好好味道!!!!外面脆脆地, 中間又軟軟地, 又有CREAM, 同埋又甜。本身我唔諗住食咁多,可能食3分之1就算, 怕熱氣同肥。但我最後食左一半, 望住男朋友食真係流哂口水。而家諗返都想食多次添@@呢個係蛋包飯。個賣相好令呢? 又黃色又朱古力色。我就咁睇張相都唔記得呢個係蛋包飯, 我以為係甜品哈哈。D蛋好軟好滑, 唔會老。 成碟飯唔會太濃味, 岩岩好。…查看更多

同男朋友搵野食, 行左成座西九龍, 都係好似呢間CAFE吸引D。 不過入面太細啦, 每次容立到十幾個人, 雖然夜晚成8點幾9點, 都仲要等位, 等左半個鐘。因為本身果日腸胃麻麻, 無咩胃口, 所以都唔敢叫太多野食, 唯有淨係叫左一碟意粉同埋一碟餅(唔記得叫咩名魯)。間野得3定4個人, 而出面樓面就係兩個女仔黎。 點完餐, 個女仔話個明太子意粉要等(好似20定30分鐘), 所以就上左個餅先。個餅個賣相幾好, 個雪糕係抹茶來的, 仲有D紅豆。 個名好似叫紅豆抹茶唔知咩餅 (記性差哈哈)。不過我怕滯, 無食個CREAM。 將件餅撈埋雪糕食真係幾特別。 舊餅硬度適中。食完上面果碟, 碟意粉終於黎啦。香噴噴, 個賣相又幾令, 同埋D蒸氣上升果時, D紫菜絲郁下郁下, 好生動好搞笑 XD至於個味道呢, 佢有D鹹鹹地既魚仔(?)同一塊塊果D, 鹹左D, 如果唔係咁鹹既就更好。而個粉真係好好味…查看更多

星期三既夜晚都幾多人去ISQUARE食野。平時成日見到上海婆婆咁多人去食, 於是就同男朋友去試下啦。好好彩我地唔駛等位, 而且坐係窗口邊梳化位, 暗暗地幾舒服。我地叫左3樣野: 一碟黃金炒飯, 一碗雲吞面, 四隻小籠包。一開始黎碟飯先, 個樣好似好令咁禾。跟住食果時, 好蛋黃味, 同EXPECT有差距, 不過都幾好食。食食下, 黎左個小籠包。因為太熱, 所以食埋碗飯先慢慢食。跟住襯仲算熱熱地暖暖地, 食埋個小籠包。我食過好多小籠包, 但唔係個個都咁好食。 呢個溫度岩岩好, 仲要一入口D肉汁就出左黎, 好好味。睇黎上海店食小籠包先好食既。跟住食碗雲吞面。 D雲吞隻蝦都幾大隻, 幾好味。不過食完小籠包, 始終食返碗面好似差咁D野咁。整體黎講都幾滿意。…查看更多

果一晚臨時同人食飯, 西九龍多野食, 但又唔想食得太貴。 本身想食吉野家, 不過太多人啦, 於是就去左對面呢間牛車水, 見有電視睇又唔駛等位, 就試下。入到去揀個對住電視機既位置, 跟住點左個雙拼餐, 我自己就叫左個雞排+青口 飯, 要左杯熱杏仁霜。野食一到, 我 哇 左聲。 因為本身我又唔係肚餓, 見到碟野有雞排兩塊, 又有薯條, 仲有湯, 另上一碟飯。坦白講, 作為一個女仔, 作為一個比一般女仔大食少少既女仔, 我食唔哂-口-個湯係紅湯, 比較水水地, 淡淡地。 個汁好濃, 都算SALTY。 青口幾好, 不過都好似SALTY左少少。杯杏霜 都水左D, 好淡。 (我不嬲去餐廳飲野, 就算有 0水我都唔會落糖)整體黎講野食OK, 份量算多。價錢視乎你叫既係雞排定牛排定肉眼排定豬手。 我雞排好似七十幾蚊左右。…查看更多