lotto_vi的個人專頁

好耐冇去旅行呀，好掛住台式火鍋！我又掛住鹽酥雞又掛住麻辣鴨血～我又好想去日本食和牛～今次比我等到啦，去咗銅鑼灣「牛品」新店😏無限時任食嘅火鍋放題大餐！「牛殿品」✨千祈唔好揀錯啊因為佢哋有好多個唔同嘅套餐呢個餐先至可以 無限時！❤️‍🔥❤️‍🔥唔使拖篋唔使搭飛機，一次過可以滿足晒我✌🏻兩個願望😆6:00pm 去到坐低我問店員，可以食幾耐，佢話我揀嘅呢個餐可以食到佢哋收工😆 我見到佢個餐牌，5:00就有得入座啦喎 咁樣計一計食到10點幾起碼食到五個鐘呢個餐唔同時間入座有唔同嘅價錢！越早越抵😆 等我介紹下我食左咩～淨係火鍋湯底都已經有10款，火鍋配料直程過百款！但係我就揀咗個☀️季節限定嘅【蟲草花白玉珍藏鍋】！半隻冬瓜仔，加埋啲蟲草花，同埋有啲蝦仔～煲出嚟個湯底甜甜地，養生又消暑！。。🐮牛牛款式有成九款咁多🐑羊！🐔雞！🐖豬！🦐海鮮！樣樣都有，港島蠔又可以任食，青口海蝦都可以任食。。仲有好多款台式小食。鹽酥雞、麻辣鴨血，台灣腸都有。。飲品櫃都有好多特色罐裝飲品❤️‍🔥特別推介佢個勁脆油炸鬼❤️‍🔥👍🏻真係索索聲😆我食咗好多舊仲有就係個甜品區，台灣火鍋放題點可以冇台灣甜品，芋圓糖水嗰啲就一定唔少得啦，不過冇諗過佢個糖水area可以咁大~🙀👍🏻 乜嘢都有齊晒仲有雪糕區，同棉花冰區！！🍺1664生啤！係無限暢飲㗎！火鍋熱辣辣～咁樣飲法真係好爽🍻順帶一提，佢哋有個堂食優惠，讚好同分享佢哋嘅平台就會有季節特飲送～🍹🍸食完嗰餐，仲有得玩埋台式夾公仔嗰隻牛牛真係好得意😆❤️‍🔥❤️‍🔥❤️‍🔥…查看更多

前嗰排約咗個friend去佐敦居酒屋諗住食日本嘢，上到去揭開個餐牌竟然俾我發現有吉列雞扒❤️‍🔥仲要寫住個《大》字！ 我就問個員工「大？有幾大呀？」佢用個手表示咗個size俾我睇，🙂‍↔️我都冇當真，點知個雞扒上枱嘅時候😱俾佢話俾我知嘅size仲更加大！目測一定最少有20 cm，✋🏻因為我隻手本身就好大！佢大過我隻手🤣打卡玩咗差唔多幾個字，個雞扒依然係好脆，咬落去一啲都唔乾！個吉列上邊有啲麻辣粉，少少辣，配埋個他他醬，真係好好味～ 我一個人幾乎食晒成塊 咁五分之一就我個friend食左🤣有睇開，我社交平台都知道我係吉列控黎！雖然一塊雞扒我已經食到好飽，但冇理由淨係食一個餸㗎嘛，我同個女仔friend兩個人就嗌左啲嘢食，不過有啲眼闊肚窄食唔晒🥹我重點都淨係放咗喺個雞扒度，其他餸菜我就略略咁講一講🤣·麻辣風吉列大雞扒配他他醬 $88$88嘅話佢咁大塊，呢個份量其實足夠三個人食味道～口感～肉質 我都覺得呢個係必點嘅菜式！·蟹味噌甲羅燒配鱈魚乾 $58呢個係呢餐飯我排第二最喜歡嘅，佢個蟹膏好正，真係好正～蟹膏加埋蟹籽，再撈埋佢個醬料，真係超濃嘅蟹味～同埋有我最鍾意嘅鱈魚乾！·鹽燒三文魚頭 $75我講過啦，食親日本嘢，有三文魚頭嘅話我都一定會叫🤣 我真係好鍾意食三文魚頭～所以呢個係基本菜式～ 你預佢嘅味道同出邊嘅鹽燒三文魚頭一樣，不過佢唔會過鹹～ 魚油都係擠滿晒成個嘴·原條蒲燒鰻魚 $155價錢上邊呢個就真係比較上高咗少少，不過佢係燒得出色嘅，啲醬汁都好味，如果俾我再揀多次我會揀鰻魚飯或者半條鰻魚～ 可能因為我食咗個雞扒太飽🤣個鰻魚我食唔晒～·刺身盛 $248活赤貝（一本）、三文魚（2切）、帶子（2切）、中拖羅（2切）北寄具（3切） 呢個主要係睇中佢有個中拖羅喺度～係肥嘟嘟嘅～係會 「嗯」咁樣樣enjoy 舔舔嘴嘅❤️‍🔥•串燒 雞軟骨串燒2本 $40牛舌1本 $60我就想食雞軟骨串燒隻，牛舌就係我個friend嗌嘅，嚟到居酒屋點都要食下串燒🤣🥹最後我想講，原本都有諗過嗌嗰「15吋照燒雞肉潛艇」我覺得我好後悔冇叫到，因為臨走嗰陣時見到佢出餐，個潛艇真係好巨型！試食價仲要只係$48真係好抵！✨…查看更多

尖沙咀美麗華商場一期有一間蠔吧西餐廳～😏✨✨✨約埋成班朋友去嗰度慶祝真係好有氣氛！入邊嘅氣氛一流，不停係咁聽到，歌聲歡呼聲四起！🎶🎤原來現場係有live Music，仲有得俾你點歌～歌手sweet到會問你想聽乜嘢語言，佢仲唱咗一首《月亮代表我的心》比我簡直係冧到爆🤣🩷🩷🩷話到明鍾意玩火嘅餐廳🔥事關老闆不停堂煮料理～下下都會玩火🤣✨✨務求要達致最純正嘅料理製作👍🏻· 純正意大利卡邦尼意粉🍝$208 🔥推介✨因為佢即場整，完全睇到佢嘅製作過程，濃郁嘅蛋香，滿滿嘅煙肉，加埋佢用左白酒燒個36種醃製嘅芝士～個味道真係超級香濃～·生蠔 🦪呢間餐廳有成13款唔同嘅生蠔可以揀價錢由20幾蚊至到30幾蚊一隻不等！你揀夠一打佢仲送你一支，意大利餐酒～🍾·白酒煮青口 $168佢個湯味加埋牛油香真係不得了，啲青口都肥嘟嘟～我連啲汁都飲埋·牛蒡忌廉湯 🍲 $68 配蒜蓉包牛蒡係一個菇類嚟嘅，佢絕對唔係牛🤣你咪睇佢水水地咁！個湯真係好香濃好重菌味～·脆炸鹹豬手 🍖$288食鹹豬手我最怕佢韌㗎啦，不過呢一個脆得來啲肉一啲都唔韌～而且唔會話太鹹，我食到連支骨都唔放過🤣約左3個朋友仔～去其實都係嗌咗依幾樣嘢，最後我哋都食唔晒🤣✨❤️‍🔥❤️‍🔥🔥但係我最想講嘅就係佢場入邊嘅氣氛真係充滿，滿滿嘅愛同埋熱鬧！每一位都好熱情不論員工老闆同埋客人～而且每一台嘅客人好似自動會打成一片咁🤣真係會忍唔住再去再去！🩷❤️‍🔥…查看更多

有冇食過自帶豐唇效果嘅韓式炸醬麵？龍旺角朗豪坊一間岩石板燒韓國餐廳，入門口已經圍住岩石效果嘅氣氛，好似入咗洞穴咁～我哋叫咗個set餐～夠二至三個人食坐低點完嘢食，凳都未坐，店員已經好迅速咁樣開始燒肉俾我哋，我冇諗過原來有專人負責燒肉🤣好貼心《岩石板燒 Set B(2-3人用) 》. 罈子五花肉 450g 現場即燒五花肉，聽住啲油燒起上嚟嘅辣辣聲，望住佢哋由粉紅色變做金黃色，半碟仲有雞髀菇同埋泡菜，仲會有埋蒜頭，夾埋一齊食，即燒即放入口，啲油喺個口入邊爆開真係好正！·石板炸醬拉麵 （有得揀辣同埋唔辣）應該咁講，佢係有得揀BB辣同埋辣一辣呢個面啲醬汁真係好好味，雖然揀咗個好辣嘅，不過辣得好過癮～辣到個嘴唇都變到紅卜卜脹卜卜·韓式芝士蒸蛋一大片芝士放落去蒸到脹卜卜嘅蒸蛋上邊，匙羹一筆落去拎起上嚟嗰個畫面真係好靚～啲芝士仲係拉絲嘅～呢個一定要趁熱食，但係真係小心睇熱會辣親嘴仔🩷·蕎麥冷麵 推介✨望落去以為平平無奇，佢嘅湯底下便有個特製嘅醬，撈勻咗之後配埋跟湯嘅醃蘿蔔，酸酸甜甜，係超級好味！·韓式特飲士多啤梨米酒 - 甜甜地嘅韓式Cocktail哈拉邦米酒- 我稱佢為wisky soda咁酒精濃度唔係好高，女士們好啱飲🩷…查看更多

我係一個甜品控～作為 tonywong 忠粉～🎂🍪🍩佢地嘅甜品出色 應該人人都知～除左糕好味～佢地嘅曲奇🍪都好出色～朝早飲啖咖啡嘆返塊真係好寫意🩷🩷🩷早2日行過尖沙咀分店～✨一轉入去就忍唔住買左盒【Panda Twins Garden】！入邊塊熊貓cookie勁可愛～係特別為香港出世嘅雙胞胎熊貓bb而設計✨🐼🐼但我想講 佢其他禮盒都好靚架～💝買黎送禮真係靚又高貴～✨✨👍🏻#甜品店 #送禮首選 #曲奇 #tonywong #甜品控 #熊貓…查看更多

呢一間餐廳真係性價比超級勁高～我真係非常之推介👍🏻因為我可以用咁嘅價錢食到出邊酒店嘅級數🫠❤️‍🔥👍🏻「而家嘅食肆嘅生意係咪真係咁難做？」唔打開個餐牌，你都唔信自己隻眼睛～呢個價錢！當然我問過主要嘅原因都係地理上嘅問題，不過真係唔好埋沒呢啲咁高質嘅餐廳～✨✨成餐飯我揀咗咁多樣嘢食，每樣嘢食都令我驚訝同埋欣賞～而且餐廳嘅環境坐落都好舒服～🍖豬仔骨（4支骨）配酸黃瓜 $88呢個豬仔骨唔同平時嗰啲BBQ醬，食落有少少叉燒嘅感覺，不過個味道好出色～👍🏻👍🏻🍗香草羊架（3支骨）配脆薄荷葉 $98呢個質素呢個價錢嘅羊架，真係性價比超極高，入口多汁，一啲都唔酥～重點係佢係慢煮！軟腍腍啖啖肉🤩❤️‍🔥❤️‍🔥我勁鍾意🍲滿滿蜆肉蝴蝶粉 $118❤️‍🔥❤️‍🔥❤️‍🔥❤️‍🔥❤️‍🔥必叫！真係必叫～店員話啲蜆肉好多，我都唔係好信，拎到出嚟嘅時候，真係黐線，啲蜆肉仲多過啲蝴蝶粉，個醬汁一流，個蝴蝶粉掛起啲醬汁簡直係冇得頂～ 🤣 佢仲有一個加大size，蝴蝶粉嘅份量無變，蜆肉會更加多，大家真係要試試！🥠啖啖蟹膏蟹餅 $78佢個賣點係比較乾身嘅蟹餅，不過我強烈建議店員俾多啲障礙點，因為嗰啲蟹肉真係好多，味道真係好出色～但係未必人人都鍾意乾身嘅蟹餅🥧牛油果芒果蟹肉他他 $88淨係食依個我都已經夠開心，佢啲芒果比足！佢啲牛油果比足佢啲蟹肉都比足！因為呢一個真係好開胃～我都好鍾意🍹百利甜黑糖奶 $78呢杯係Cocktail嚟嘅～黑糖味帶點朱古力，唔會太甜，酒精濃度啱啱好，減肥嘅我平時都好忍口，但我不知不覺都成杯飲晒！…查看更多

平時喺尖沙咀返工，一定等到下午茶嗌佢個魚柳包因為茶餐真係好抵40幾蚊嗰塊魚柳帶嗰隻手板仲要配埋即炸嘅番薯薯條同埋黑松露醬佢個包得非常之好脆卜卜，中間仲搽咗牛油雙面都煎咗所以兩邊都勁脆今次仲試埋佢個菠蘿包三文治原來堂食同外賣返公司食係真係爭勁遠佢間餐廳啲包真係好出色魚柳非常之脆個菠蘿包脆到不得了中間加埋雞蛋同火腿，成件事昇華咗10倍！個雞蛋一咬落去啲蛋汁溝埋個菠蘿包，極度邪惡佢嘅餡料十足，個包嘅size都係勁巨型同埋我想講佢餐廳嗰個墨西哥包都好出色每次經過我都一定會走入去嗌個外賣返公司淨係食條魚柳都覺得好抵❤️❤️❤️❤️❤️我係樂天冰室嘅忠實fans…查看更多

正正～今次去左食銅鑼灣🇰🇷Bingo & Cook佢呢家有個 醬油蟹放題餐～1個鐘頭任食醬油蟹🦀醬油蟹嘅醬汁唔會話好鹹～岩岩好啖啖肉～蟹乸勁多膏✨✨而且佢個追加【蒜蓉牛油炒蟹】都係勁正！個醬汁好好味即叫即整～火焰炒蟹🤩🤩🔥正！餐廳十足韓國大排檔咁款～勁有氣氛而且仲有街機一玩👾醬油蟹放題餐 有2款簡$298蟹公/ $348 蟹乸第一☝🏻碟完隻上～之後追加嘅都係蟹公～留意﨎追加嘅都冇蟹蓋❤️坐低員工會一次過洗晒放題嘅小食每款都有❤️✨坐低淨係嗌嘢飲就得🫶🏻✨✨無限添食！✨✨1.醬油蟹 🩷🩷🩷🩷👍🏻必追2.蒜蓉牛油炒蟹 🩷🩷🩷🩷👍🏻必追3.烏冬炒年糕 4.炸雞 🍗5.年糕香腸串6.飯紫菜 ✨撈飯必點！+$99仲有得追加埋 【韓式燒牛腸連燒韓牛 X 1客 】 價值$480啖啖都係用～爆晒汁🔥…查看更多

唔知係咪因為我上世係巫女嘅關係🤣我真係好鍾意食中東菜今次去咗尖沙咀一間屹立香港50年嘅「爵樂印度餐廳」～因為印度菜我都唔係好認識，所以我直接叫咗佢哋嘅Tasting Menu 唔使諗食啲乜嘢由頭盤主菜到甜品都安排好晒～雖然印度菜未必人人啱食～不過呢度啲嘢食真係幾好食，整體唔係太濃味或者太鹹，我本人就非常之鍾意🤩👍🏻👍🏻✨ 10個like有10個like!❤️❤️🩷環境好闊落，好光猛~只係得一樣嘢我最介意嘅就係男女廁所都係各得一格～成日要排隊🥹🫶🏻一坐低已經有我最鍾意嘅✨印度薄脆脆🫓～配芒果甜酸醬～相當開胃❤️小點❤️✨Pani Poori ：薯泥+小扁豆嘅炸波波，下便有一杯薄荷Mocktail～我諗咗好耐究竟依杯嘢係倒落個波波度一齊食定係食完個波波之後飲嘅呢？🤣 味道唔錯，有口感味道唔錯，食完個波波之後買咗一啖個Mocktail 味道，剛剛好唔會話好濃❤️前菜❤️✨ChickenTikka：雖然佢有啲難切開，不過入口佢又唔係乾爭爭喎～幾多汁👍🏻有孜然同薑黃味～少少辣，味道濃，但係唔會話好鹹✨Lamb Galouti Kabab：用打碎咗嘅羊肉整～溝埋豆蔻同肉豆蔻，煙燻味重～微辣✨Malabar Crab Taco：Taco都係我最鍾意食嘅一樣嘢，呢個蟹肉Taco,可以encore，蟹肉多味道出色，幾種香料溝埋一齊，個層次感好多～👍🏻👍🏻👍🏻👍🏻👍🏻👍🏻👍🏻👍🏻❤️主菜 ❤️✨Dal Makhani：黑扁豆燉紅腰豆～個味道超超超好味，奶油味十足！勁濃勁香～用嚟撈飯或者愛嚟點薄餅真係一流！我最後仲打包埋返屋企🤣🩷✨Truffle Butter Chicken ：呢個直接當場K.O.晒，佢嘅松露加奶油雞真係絕配，加埋個洋蔥，調返少少甜味出嚟，勁濃郁嘅奶油香～我哋一路食嘅時候就一路大贊👍🏻✨🩷💋💋✨Kadai Prawns：蝦仁熱鍋，甜椒、洋蔥x番茄，同蝦蝦完全配合得非常之好～🦐🦐🦐✨配印度飯同埋薄餅，粒粒飯好有咬口，而且好香，蒜蓉薄餅真係一個人都可以食晒成兜❤️甜品❤️✨Gajar Halwa：係一個暖笠笠嘅蘿蔔奶油布丁，好甜非常之甜～✨Kesar Kulfi：自制冰淇淋，用豆蔻和藏紅花調味～呢個容易入口好多🤣✨Masala Tea：印度奶茶～香料味十足☕️❤️散叫❤️✨Palak Patta Chaat：極力推介呢一個一定要叫嘅！酥炸菠菜配洋蔥蕃茄沙沙x薄荷羅望子醬～食落去仲有一粒粒石榴，脆卜卜口感十足非常之fresh🤩👍🏻✨Southern Scallops：帶子煎得岩岩好～加埋個菠蘿果醬～出色！💪🏻我推介大家去試一試🤩👍🏻…查看更多

各位食神們！又有口福啦🦀🦀🦀🦀前嗰排我地四條女約咗去食大閘蟹🤣揾左間位於銅鑼灣嘅粵式酒樓小備注：嗰度嘅員工固執得來熱情可愛🤣🩷🤣我當時估係處女或者金牛座～點知係巨蟹座講返重點先：佢地推出左個 【兩小時任食大閘蟹套餐】個套餐可以自己揀小菜～兩個鐘頭無限大閘蟹、仲有湯，小菜，片皮鴨，鮑魚，糯米飯～🤣你都咪話唔爽！我講吓我哋女仔食咗啲咩先！主角😎• 【無限添加大閘蟹】🦀🦀🦀作為放題大閘蟹嘅質料一啲都唔遜色～啲蟹殼色澤鮮艷，蟹肉鮮嫩多汁，蟹膏金黃飽滿，一啖咬落去，蟹肉同蟹膏都黐住晒響嘴🤣 不過老實地講放題嘅蟹，你都唔好諗住太大隻，大約三両左右，記得食快啲食多幾隻🤩👍🏻👍🏻• 【紫砂功夫燉湯】首先介紹下呢個好講究嘅湯😎👍🏻湯料包括螺肉、海底椰、菇類同瘦肉，啲湯仲用茶壺裝住，下面有個燭台保溫。飲一啖，啲湯頭真係清甜到爆，感覺就好似喺皇宮中享用咁優雅！🤣🫶🏻• 【 桂花養淮山】淮山煮得啱啱好，甜甜地～配上桂花香氣，口感清新甜而不膩，養身又好味。• 【上湯蒜子浸時蔬】食嘢之前食啲菜～健康啲呀嘛😎大大粒蒜頭～清甜一流！• 【片皮鴨一食】皮脆肉嫩，薄皮包住睇鴨肉同配料～啲鴨味香到冇朋友！！• 【鵝掌扣鮑魚】鮑魚軟糯，鵝掌香濃，大大粒～食完真係一流。• 【臘味糯米飯】糯米飯油潤香口，配上臘味，天氣凍食真係不得了！！！• 【黑金流沙包】最後仲有甜品～夠晒圓滿啦！勁吸引嘅甜品！黑色外皮柔軟～入邊咸蛋黃流沙一咬爆汁，香甜到爆，記得要小心睇熱唔好辣親個咀咀～…查看更多

嗰日去呢間餐廳嘅原因，因為我個朋友仔同我講有$88八個餐揀一個餐我哋又諗唔到食咩，所以就揀咗呢一間，我揀咗佢個蝦多士芝，士牛油雞翼同埋羊扒羊扒個size就不過不失啦，佢個蝦多士都真係幾靚，好脆，芝士雞翼都好好味～不過你話呢個餐飽唔飽呢，晚餐嚟講就唔夠嘅，如果放喺下午茶嗰度食就一流啦我朋友仔就叫咗個吉列豬扒意粉，見吉列豬扒都幾大，而且都幾好味，我都吉咗幾舊嚟食配咗個咖喱汁，變咗日式吉列豬扒，個咖喱汁都幾好味如果佢吉列豬扒有得走飯意粉，或者本身可以當小食咁叫嘅話咁就非常之好啦佢個餐牌嘅選擇基本上全部都係差嚟嘅，變咗我有啲小食上添加都揀唔到希望老闆喺轉餐方便可以有更多唔同嘅配搭，餐廳唔易做，而家依個市道飲食業真係好難生存，多元化嘅選擇係好緊要備注一題，入邊嘅員工好親切，雖然係電子落單，但係有啲乜嘢唔明佢都會好細心咁樣幫你…查看更多

其實我好鍾意去元朗冰室，記得第一次去係好出色好好味好可惜⋯琴日朝頭早落去太子，經過入去食個早餐⋯叫咗一個美式早餐，都唔平㗎，要成50幾蚊睇佢餐牌嗰張相幾豐富幾靚，我當然知照片是供參考啦🫠但係冇諗過落差可以咁大，原本佢係薯蓉，轉咗茄汁豆佢唔講，我根本都唔食茄汁豆嘅，咁即係成份早餐已經少咗啲... 夾硬試咗少少⋯凍嘅⋯⋯⋯搞錯餐牌張相最少都有3塊蕃茄，佢實物只係得1塊⋯仲要個size只係大過五毫子少少⋯餵貓咩其他荷包蛋火腿都正正常常嗰塊雞肉，我相信你哋睇相都睇得到，佢係有幾咁細塊仲要係好薄嘅，仲要係炸過龍嘅⋯50幾蚊食過咁嘅早餐🥹我真係好失望…查看更多

位置係尖沙咀天文台～餐廳有得坐室內室外我覺得環境好岩約朋友仔食飯飲野靜靜傾下計成日經過都想入去試一試個日向尖沙咀收工 就過左去食因為我都真係幾中意食墨西哥菜～個啲烤餅同脆脆係我最愛❤️🌯Chicken Fajitas鐵板烤雞加上墨西哥烤餅🫓～上台熱辣辣～啲雞肉唔係話好咸，仲有蕃茄同3色椒烤餅夾埋啲醬料好好味～（我好中意個皮！）🌮Prawns&Avocado Taco個Taco啲蝦都幾多～仲有牛油果🥑～下邊個粟米餅皮脆卜卜，出色👍🏻呢個可以下次再叫🤩我中意～🍤Shrimps Nachos中意墨西哥菜嘅其中一個原因係因為我真係好中意食墨西哥脆脆周圍試唔同餐廳嘅脆脆～呢個配料我都係簡左蝦～佢嘅脆脆份量都真係幾多脆脆上邊有啲酸瓜，沙沙醬香草向面～仲要雙色～紅紅綠綠咁～襯埋個環境好有氛圍感✨🥰不過！如果佢個脆脆有埋芝士～我會比更高分❤️如果想食下野飲下酒，傾計傾夜啲～我覺得呢到幾好幾好👍🏻…查看更多

成日過開觀塘開工肚餓都唔知食咩好～觀塘其實好多嘢食，除咗快餐店同茶餐廳之外😏 做嘢咁辛苦都想食下靚西餐～今次個朋友仔帶咗我去 @hotelcozi Harbour View悅品海景酒店～！！！ 酒店下邊嘅餐廳 @cozideli 🤣👍🏻我諗住係得酒店餐廳應該都好貴啦，點知見到門口都已經排晒長龍，睇睇個餐牌原來百零就已經有得食龍蝦餐❤️‍🔥👍🏻👍🏻我哋嗰日各自叫咗個lunch set 開心share~😎❤️‍🔥🫕是日餐湯：蕃茄茄雜菜濃湯開頭叫咗個set，我以為係羅宋湯，問一問之下原來係蕃茄雜菜湯～❤️‍🔥OK喎，健康有抗氧化～🥗煙三文魚凱撒沙律伴脆芝士•$88大大碗嘅沙律菜，仲有滿滿蛋白質同Omega3嘅煙三文魚加埋嗰塊超大塊嘅脆芝士😏碳水極低，勁適合我呢一啲鍾意食又唔想肥嘅【少女】🤣🤣🤣 🦞🍛焗芝士波士頓龍蝦蟹肉黑松露意大利飯•$128你點會諗到午餐就食龍蝦意大利飯，仲要有黑松露🤣仲要係百零蚊嘅價錢～👍🏻芝士味好香，加埋個黑松露味勁香嘅意大利飯～隻波士頓龍蝦都唔細㗎，咬落都啖啖肉～😎性價比好高！👍🏻🍔COZi 手工安格斯牛肉漢堡（芝士，烤波特大菇及香辣脆薯角）•$99呢個好出色，首先牛肉漢堡配芝士大啡菇已經係絕配個漢堡包仲要好大，脹卜卜～ 平時出邊啲漢堡包點一個餐都百幾蚊， $99佢就有交易✨🤩～ 仲有脆薯角，想唔飽都幾難Lunch set仲包埋嘢飲，呢個價錢呢個級數，認真抵～唔怪得知佢咁多人排隊～❤️‍🔥❤️‍🔥其實我仲見到隔籬枱好多人都嗌牛扒～好鬼大塊囉～唯有留返下次先再試啦🤩👍🏻👍🏻除咗等位耐咗少少之外，上菜嘅速度同食物温度都幾好～味道方便～佢價錢抵得黎但完全唔馬虎👍🏻👍🏻 #觀塘餐廳 #觀塘美食 #觀塘下午茶 #觀塘酒店 #波士頓龍蝦 #性價比 #李諾陶 #lottovi #香港美食 #漢堡包 #大啡菇 #平靚正 …查看更多

呢間嘢，好似想親佢都好想幫襯，但係每次都已經過咗last order，因為佢哋好早就閂門🥹終於有一日唔使返工，可以早啲過去食同屋企兩老過咗去食晚飯～幫佢哋嗌咗個海南雞油飯，個油飯好香，個海南雞都好滑溜～豬頸肉就係Daddy食嘅，每次去泰國嘢都一定嗌個豬頸肉試一試，佢個豬頸肉燒得好香，個醬汁唔知係咩味呢，食完一件就好想追食吓一件，佢同平時啲豬頸肉有少少唔同，你當佢係有少少叉燒燒薄切嘅感覺啦～不過呢個份量唔多，如果可以大碟啲就好啦炒椰菜花就係我叫俾自己嘅，要試吓啲菜呀嘛～佢呢個啲醬汁都炒得好出色，但係份量都係好細份話說，同Daddy去食泰國嘢，佢一定會嗌冬陰功，今餐都唔例外，不過Daddy食嘢嘴刁～今次呢個冬陰功湯就過唔到佢個關啦，佢話冇乜味（不過佢食嘢好濃味，冇海鮮味冇冬陰功味咁我都梗係有試到啦，我淨係覺得佢個冬陰功奶味重，唔係好辣，又冇乜酸味，最重要係佢係海鮮冬陰功湯，但係唔見佢有海鮮🥲每次搵餐廳佢招呼我呢一個大老闆（ Daddy ）我都好緊張，因為每次都會俾佢評頭品足我帶佢去嘅餐廳，每次都好驚招呼佢不周😂所以我都嗌咗個佢鍾意食嘅薄餅，嗌得薄餅就要嗌多個咖喱，叫咗個咖喱軟殼蟹，因為佢指定話要食黃咖喱～個軟殼蟹幾好味，咖喱汁就真係冇乜，不過個包就好脆，但係因為我唔可以食太多碳水，所以咬咗少少就算，不過真係好脆👍🏻最後就係點解我每一次都經過嘗試呢一間餐廳嘅原因就係由我見到佢門口餐牌嘅呢一道菜泰式烤骨呢個係豬骨嚟嘅，佢個汁係有啲酸酸哋，上碟嘅時候係勁多勁多勁多蔥鋪咗喺面，有個火爐喺底一路坐熱， 佢個份量都好多，最後食唔晒攞咗返屋企～第二日整返嚟食都一樣係咁好最後仲有個甜品芒果糯米飯其實食物都幾OK，喺屋企人腌尖啲啫❤️‍🔥❤️‍🔥🥹…查看更多