無塵道人的個人專頁

我同女朋友去試下傳說正既合成糖水。我食左個冰花蓮子百合柿餅，我都冇見過人地用柿餅做糖水，於是便試下。蓮子果然鬆化，也很好吃。糖水的甜度剛好。但柿餅只是一些切成條狀的柿餅，放在糖水面，卻不太特別，但整個糖水係ok既。我女友的燉雪耳都ok，味道也不錯。其後我再來食，試了凍的紅豆清心丸，凍同唔凍的分別，我相信是加了碎冰和冇加的分別。加了碎冰，再食紅豆便會夾埋碎冰一齊食，我個人就唔太喜歡，所以可能熱好食d。但清心丸很爽很彈牙，很夾做甜品。…查看更多

經我的爸媽介紹，已經想試好奈，終於約齊一班好友去食私房菜，亦係我第一次食私房菜。我上次試過爸媽帶回來的食物，也覺得很好食，而且我鍾意食齋，所以決心一試。$200除了食味道之外，仲要食埋主人家的誠意同心機，可以話物有所值。最緊要係朋友們試完大家都話好食，咁就梗開心。有好野梗係要大家分享。我11月book枱，本來要2月先有枱，好在有人讓出日子，才有機會早點試食。老闆娘亦很熱情，還說了很多入廚心得。有午餐同晚餐選擇。涼拌珊瑚︰珊瑚爽脆，好比海蜇，仲有番石榴片加梅粉，醒胃秘製白玉︰好似牛腩，蘿蔔亦入味， 推介。三星拱照︰有芋卷，忙果卷，鹵水鵝。芋卷很香。但忙果卷較酸，未合時令。鹵水鵝較普通。東成西就︰即冬菇西蘭花，冬菇下還有白果及蓮子，不錯。黃金西湖羹 ︰ 用新鮮粟米做成，又香又滑。Amy話係用粟米隔喳，所以咁滑。推介金銀玉翅 ︰ 炸素魚夾了薄薄的檸檬一齊食，口感清新。食完也不覺油膩，我至愛。鴻運當頭 ︰ 南瓜當所蟹蓋，下面還有炒素翅，加醋食，口味獨特。我的朋友都話好食。深藏不露︰即腐竹卷，及玉蘭絲，可見師父的心機及刀功，味道較清淡。天女散花︰即菜粒炒飯。每粒都可用刀切得很細緻，紅蘿蔔可以看作蟹籽，勁。飯則較乾身，少油，可以話係健康炒飯。情如手足︰炒米粉同粉絲，我的女友及媽媽都很喜歡，炒得幾好食。鴛鴦美點︰有土伏靈糕及椰汁糕，味道不俗。腐竹西米露︰想不到加了綠豆，令感覺變沙，幾好味。總括來講，好味！飽！值得去試！…查看更多