ChanGladys的個人專頁

一入門口果位阿姐好鬼嘈,個人又亂,好似樣樣都亂曬龍咁,其實裡面d伙記都係一樣,幾個人做埋同一樣野,其實野食未係最緊要,態度先係最大問題,2個人去食野知道當時午市搭枱,但當時仲有幾張枱,坐低左分別有4個人排隊咁同你講坐埋一邊,其實當時冇人要即時坐落黎同埋我地唔係坐埋一邊只係佔左2個位,d職員好咄咄逼人講完一次又一次,唔知係咪想2個人坐一個位,食到差唔多走都仲有枱,其實服務咁野食一般都幾難叫人番轉頭再黎,另外睇到有個送外賣得左大半個鐘係咁嘈都出唔到餐仲比人抄埋牌,無陰公,真係連外賣都冇人敢接…查看更多

買左一碗烏冬加一份叉燒，見到果份所謂嘅叉燒我都諗一諗其實係咪叫左一份叉燒，我仲問多次個員工衣份係咩黎，佢就話叉燒丫嘛係呀叉燒，又諗下係咪太平所以係咁，可以睇到張圖實質成個碗裡面真係得見到果d，員工果種唔想撈嘅態度同果碗所謂嘅叉燒都唔會想再幫襯.…查看更多

一心諗住黎食pancake最後放棄左，係真係有d期望，但因為點左2個主食都麻麻地，一個係大蝦燉飯，另一個係卡邦尼意粉，大蝦燉飯個汁係酸酸地，飯嘅質地韌韌地但比起我以往食嘅意大利飯衣個就一般般，隻蝦完住冇味，卡邦尼意粉個汁好杰但都係帶小小酸味冇乜料嘅，味道都係麻麻地，2個主食都偏咸嘅，所以最後都冇食到pancake驚同樣咁失望.話曬都成百蚊一個搏唔過，同埋衣間店個個職員都好得閒篤手機，都唔係好理d客，係度做都幾好🤭…查看更多

我和女同事去食午市套餐，點了一個咕嚕肉，一個宮保雞丁，一個配飯一個配陽春麵，包2個苦瓜湯，苦瓜湯幾好味飲完感覺很舒服，可能天氣太熱，之後來了咕嚕肉超細碟，數過得4粒，女士食都唔夠飽如果男士食要叫3個，宮保雞丁很小份量，味道可以但很辣同想像中唔同，其他飯店多數選用腰果同埋有甜酸甜味，但這間做法不一樣，都會用如同前菜一樣，白飯有香味，陽春麵來到同想像唔同，面身好林湯冇味，其實價錢都唔平，2百幾蚊食午餐食唔飽，唔會再去。…查看更多

之前食過午餐覺得都幾豐富,所以對晚餐都幾有期望,但其實食嘅野差唔多,有d失望,今次食刺身好在換左師傅,上一次黎果個負責刺身嘅師傅好明顯係唔識切,刀又唔抹,切完好似堆垃圾咁比客,今次換左師傅,覺得自己切大舊左又切多野切番細舊d,但油甘魚刺身竟然有骨,炸軟殼蟹幾好味,片皮鴨好似好枯寒咁,都食唔到咩味,但最唔滿意係雪櫃有可樂,想要罐無糖唔可以仲要加錢買,冇其他選擇。…查看更多

被待應遊說5個人每份加$200點了3份和牛和2份澳洲牛扒，和牛冇乜肉味，5成熟但出黎成碟血水，反而唔加錢嘅澳洲牛扒比和牛有肉味。其實衣間酒店餐廳比較細，請左好多唔係香港人，今晚問左5 個待應先拎到1包代糖，因為佢地理解唔到你係要咩，問其他問題待應一樣都唔係太清楚，例如問係咪會餐有冇包埋飲品，其實d咁簡單問題都答唔到，覺得好奇怪。不過單講衣個價錢係抵食，未食主菜食其他野都飽。同埋佢間中推出嘅食物唔係d好矜貴嘅野，例如糖不甩，咁都唔係咁值得排同埋好混亂，仲要排隊未必拎得到，有機會排到去唔夠分。…查看更多