tm_foodhunter的個人專頁

💥 尖沙咀有間真係唔多人識，但食過就會記住嘅米線小店 — 雲香園！我之前聽朋友介紹話佢哋係香港只此一家，於是就特登去試吓，結果真係驚喜到唔得了🙌佢哋嘅酸辣湯底係偏酸為主（我叫咗bb辣），配埋麻辣肉碎，層次好豐富，入口即刻有層次感。米線係偏軟身但煙韌有彈性，真係好食。最正係佢哋嘅豬扒，係原塊連骨上，唔係切片咁簡單，肉質嫩滑又有蒜蓉香，絕對係良心之作！豬腩肉肥瘦均勻，口感層次分明，啖啖肉超滿足👍另外推介佢哋嘅小食豬頸肉，外層微焦，入面嫩滑多汁，啖啖肉香同椒鹽味散發出嚟，好有驚喜感，絕對值得一試🙌我仲偷試咗朋友叫嘅清湯雲香園米線，湯底係老火慢煮6小時，味道濃郁又清甜，瑞士雞翼炆得夠淋，雞絲嫩滑，冬菇入味，整體好有心思。佢哋嘅奶茶都唔錯，香滑又有茶味，唔會太澀，飲完回味無窮🙌鋪頭雖然細細，但人流絡繹不絕，9點幾仲有外賣不停手，喺呢個經濟環境下真係好犀利。想搵間抵食又有水準嘅米線店，雲香園真係唔可以錯過！✨️下次去尖沙咀，不如試吓呢間隱藏版嘅好味道，保證你一試愛上！💯…查看更多

呢排天氣凍凍哋，最啱就係食米線，貪佢碗湯暖胃得黎又滋補😆今次就同友人揀左呢間春城銅鍋米線，本身係想試銅鍋嘅，點知自己揀錯左🫠店員都有提及銅鍋嘅特色就係可以保持食物的溫度和鮮味，確保所有嘅精華都可以讓客人食到🙌每碗米線配料不同，亦可以自行選擇加辣，相當客製化👍小弟就叫左海南胡椒豬肚雞米線，湯底黑胡椒同胡椒粉嘅味好強烈，呢個湯名乎其實夠曬驅寒🔥仲要有埋肉碎配料，食落好有層次👍雞肉嘅部份好嫩滑，真係有雞味👍豬肚份量都唔少，足足有6～7舊，口感煙韌，夠厚身🙌友人食嘅係蟲草花椰子雞米線（轉雞脾），湯底充滿椰子嘅香同雞湯嘅濃，蟲草花、紅棗等配料更增添多一份甜味👍雞脾食得出無雪味，夠曬大舊嫩滑，米線本身夠煙韌，所以食落口感分明🙌女士想係冬天滋補下就一定要試下呢個小食方面，爆漿紅糖糍粑一咬開淨係feel到2隻字：好熱🥵內餡一咬即刻爆曬出黎，黑糖嘅甜味配埋煙韌嘅脆皮真係食到停唔到口👍 炸脆脆蝦膠豆卜一咬入口已經爆汁，蝦嘅份量好足，唔會食到成口粉👍蝦膠好彈牙，內餡充滿蝦味，脆得黎又唔會太油膩，恰到好處，配埋甜酸汁更有層次，真係好推薦大家試下🙌大推總結：整體湯底出色，米線煙韌，各樣都係水準之上，特別係小食，食完真係好飽🙌強烈推薦各位一定要試下🤩小弟都望到店員待客細心，有禮貌，就算好似小弟咁係第一次食嘅客人都會耐心講解，收拾時都好有禮貌同效率，相當高質嘅食店，一定會再翻轉頭🤩地址：春城銅鍋米線砵蘭街175號地舖#最真實食評 #hkig #ighk #foodie #Eeeeeats #FoodPhotography #FoodPorn #FoodGasm #ForkYeah #FoodInTheAir #ELLE #foodiehk #hkfoodie #followme #tm_foodhunter #tmhunter旺角 #春城銅鍋米線 #米線#雞湯米線 #旺角 #旺角美食 #朗豪坊 …查看更多

呢排咁凍，緊係要就係食餐暖笠笠嘅野la。今次食呢間食店主打火鍋五步曲，分別係有餐前小食加燉湯，刺身，三選一鍋類，一次性海鮮加牛肉，任食火鍋。我同友人都係食＄368個set，一次過食個夠本🙈餐前小食就叫左各樣一款，分別有甜番薯條，唐揚脆炸雞，蟹籽沙律，酸甜炸大腸，鮑汁雞腳。炸雞多汁軟嫩，番薯條都好夠熱。酸甜炸大腸重孜然味，脆中帶肥，幾唔錯👍鮑汁雞腳夠入味。蟹籽沙律嘅青瓜絲味道清爽。燉湯相當足料，真係有成粒黑蒜架！湯料有雞肉，黑蒜，排骨，枸杞。飲落好重嘅黑蒜味，同時都有肉嘅濃郁，作為第一道暖胃嘅湯水就最啱la🙈刺身方面有三文魚，吞拿魚，帶子，北寄貝，赤蝦。帶子幾新鮮。蝦就咁度連埋頭尾有20cm或以上，真係可以成隻連埋蝦膏抽出黎，幾好。三文魚夠厚身，有油香。吞拿魚同樣厚身，無乜腥味，味道唔錯。三選一鍋類小弟就揀左雞煲，食開可以比較下ma🙈雞煲每2分鐘炒一次，總共炒四次。另外有跟一碟牛栢葉，豬皮，水魷。雞用嘅係三黃雞，食得出係新鮮嘅，夠軟嫩。雞肉經炒製過後有一陣焦香，雞煲叫左BB辣，食落有孜然味，夠惹味🙈食到一半落埋d配料，豬皮加埋炒製嘅雞煲汁，特別入味👍火鍋方面就叫左濃湯豬骨鍋，真係有2舊大骨係個湯到🙌湯底飲落幾清，食到湯料嘅甜味。店員會先上一次性嘅海鮮同牛肉（無得再叫嘅）。牛肉各款嘅品質都係水準之上，個人最中意熊本雪花一口牛同牛頸脊。海鮮整體幾高質，首推海蝦同蟶子。魚片食落帶少少骨，食落新鮮。火鍋料叫得太多就唔一一細講了🤭值得一提既係佢嘅午餐肉係有火腿絲果隻，同一般嘅火鍋午餐肉唔同。馬交魚丸，濃汁牛肉丸個人十分推薦👍流心海苔丸裏面係起沙嘅鹹蛋黃，幾特別。總結：餐廳以柯基做主題，周圍都係狗仔嘅畫同元素，真係好得意。愛狗人士又多一個必黎打卡嘅地方la🙈值得讚嘅係店員服務好好，會主動問你洗唔洗走芫荽芹菜等。上菜時都會同你講一次食法同有咩要留意嘅地方👍食物質素唔錯，任飲任食，性價比好唔錯👍推薦大家要黎試下🙌地址：為食火鍋公司觀塘創業街15號萬泰利廣場地下C號舖#最真實食評 #foodie #Eeeeeats #FoodPhotography #FoodPorn #FoodGasm #ForkYeah #FoodInTheAir #ELLE #foodiehk #hkfoodie #followme 觀塘 #為食火鍋公司 #火鍋#雞煲 #刺身 #放題 #任飲任食 #觀塘 #觀塘美食…查看更多

今次同友人食嘅係一間屯門新開嘅雞煲。入去店面幾乾淨光猛，已經有幾枱座上客食緊。點餐期間店員會俾一盤醬料盤你自己加，亦會俾一盤水你洗餐具，相當貼心🫰小弟同友人主要去試下d特色野。，叫左招牌魔鬼雞煲（BB辣）即叫即炸餐肉條，即叫即炸脆響鈴，椒鹽粟米，蜜椒薯仔牛柳粒，珍寶多果茶，白飯。先講主角魔鬼雞煲先la（一隻＄288）🤭雞肉係新鮮雞，有肉味得黎夠軟身同厚肉。醬汁偏甜，有新鮮嘅花椒香，重香料同紫蘇葉味。成個煲都幾足料，有好多底料，仲有豆卜同雲耳，好入味，好過癮👍椒鹽粟米（＄58）好夠味，咸香嘅調料配埋粟米嘅清爽，唔錯🙈蜜椒薯仔牛柳粒好值得食（＄78）🤩牛肉有油脂香，入口軟嫩，裏面呈半生熟，充滿肉汁。醬汁有蜜糖甜味，薯仔脆身得黎又夠腍，配埋蜜汁，真係一流。珍寶多果茶（＄38）真係好大杯，入口好濃嘅水果香，食得出用嘅係新鮮水果，仲要好多果肉（火龍果，菠蘿，西柚等），性價比幾高👍即叫即炸餐肉條（＄48）好夠脆，舊舊都好厚身，肉又唔會太乾身同油膩，配埋xo醬一齊食幾唔錯🙈即叫即炸脆響鈴（＄42）真係好夠脆，黎到熱辣辣，無乜油味。配埋雞煲汁，一絕。要讚嘅係，即使擺左好耐，都仲keep到好脆👍總結：店員服務好好，真係要讚👍特別係店員幫你加湯都會有塊膠板擋住，亦會幫你隔埋表面嘅飄浮物，相當貼心。另外，食物質素，環境都係中上水平，薯仔牛柳粒真係必食推介，誠意推薦各位試下🙌地址：再來一煲 (好發大廈)屯門青棉徑6號好發大廈地下17-20號舖#最真實食評 #hkig #ighk #foodie #Eeeeeats #FoodPhotography #FoodPorn #FoodGasm #ForkYeah #FoodInTheAir #ELLE #foodiehk #hkfoodie #followme #tm_foodhunter #tmhunter屯門 #紅橋 #虹橋 #雞煲 #雞煲火鍋 #火鍋 #單點火鍋 #單點店 #再來一煲…查看更多

小弟甚少係到寫放題嘅食評，但作為CP值達人，呢間黎自台灣嘅馬辣真係唔可以錯過🙌佢係一間任飲任食2.5小時台式火鍋，有幾抵食，望埋落去la 🙈首先入座之前，店員會問你揀咩湯，仲要係唔洗升級都有嘅鴛鴦湯底👏湯底有好多選擇，小弟揀咗沙嗲湯同埋藥膳豬骨湯。藥膳豬骨湯幾足料，食落真係足藥膳味🙈沙嗲湯夠曬濃郁，好地道嘅沙嗲味，入口好滿足。岀去行下拎野食，發覺佢嘅火鍋料相當之多，基本嘅丸類，菜類都有齊，仲有豬頸肉，魷魚，麻吉燒等人氣之選，款款都唔差架。小弟最推薦貢丸，彈牙得黎帶少少沙茶味。麻吉燒都幾過癮，食落就係台版嘅花生湯圓🤣肉嘅種類有8款，牛都有4款，小弟最中意係牛梅花，食落夠滑有肉味。海鮮都有唔少選擇，小弟幾中意個蝦，起碼一隻隻串好曬俾你，要剝都起鬆d la 🤣飲品方面啤酒，汽水就兩個大櫃，生啤都係任飲🙌 最驚喜就係有豆漿，椰青水同埋nescafe系列嘅飲品，小弟都忍唔住整左杯朱古力🤣甜品方面，除咗凍櫃嘅基本甜品之外，麵包布丁，movenpick雪糕，更加有現場即整嘅香蕉班戟，棉花糖，同埋焦糖燉蛋🙈個人最愛焦糖燉蛋，一凍一熱，口感好正。香蕉班戟好多cream，皮夠煙韌，食落格外滿足。餐廳更設有幫客人慶祝生日嘅服務，成間餐廳播曬生日歌，好有氣氛🤣整體小弟覺得好抵食，甜品多，肉又唔差，飲品多選擇，仲要坐得耐，真係一個字，抵！推薦大家去試下🙈🙌地址：馬辣台式鴛鴦火鍋 (創興廣場)旺角彌敦道593-601號創興廣場14樓味道：8/10性價比：8/10#hkig #ighk #foodie #Eeeeeats #FoodPhotography #FoodPorn #FoodGasm #ForkYeah #FoodInTheAir #ELLE #foodiehk #hkfoodie #followme #tm_foodhunter #tmhunter旺角 #馬辣 #台式火鍋 #放題 #任飲任食 #台灣火鍋 #台灣菜…查看更多

小弟同友人難得係銅記食野，一上op就搵到呢間人氣推薦，就試試佢la 🙈我同友人就叫2個唔同嘅set dinner 一齊食，試多d野開心d嘅😂先講我個set先，精選餐湯係黑松露蘑菇湯。面頭係忌廉。質地偏稀，但菇味岀奇地重，帶少少黑松露味。忌廉融入湯到更帶岀湯後段嘅質感，幾唔錯。前菜係薄荷意大利火腿配哈蜜瓜，呢個絕對係一個經典嘅組合，係鹹同甜之間有薄荷嘅清新，減輕左鹹甜帶黎嘅衝擊感。如果凍d就再好d la 🙈主菜係日本廣島蠔意大利飯。蠔夠新鮮嫩滑，無乜太重嘅腥味。店員建議將蠔整碎撈勻食用。飯粒口感偏腍，夾落creamy 嘅醬汁更呈現整體綿密中帶少少咬口嘅感覺。醬汁味道偏重，配埋菇，洋蔥等食材幾夾。初初擔心蠔嘅汁水配埋個飯會唔會太濕呢，點知又唔會wo，反而將蠔嘅鮮味融入飯裏面，配住碎蠔嘅口感，鮮味爆燈！！值得一試👍接著落黎係廚師推介甜品，係三重朱古力蛋糕。面頭嘅朱古力慕絲幾香濃同夠順滑。夾心嘅朱古力碎似係KitKat,兩者配住食幾有層次。小弟仲叫左杯Peach minty fizz，姐係桃薄荷梳打。淡淡嘅桃香味伴著檸檬同薄荷嘅清新感，幾fresh。講完小弟個個，略略講下友人個d la 🤣龍蝦湯嘅龍蝦肉味幾岀，夠鮮味。前菜方面係煙三文魚杏仁片芝士卷，煙三文魚嘅煙燻味，配著口感偏厚重嘅芝士，味道鹹香得黎又有魚鮮味。再加上脆嘅杏仁片，口感幾特別！主菜係烤美國頂級牛腹肉配香草醬，望落就3～5成熟，食到有肉味同均勻嘅油脂感。香草醬以羅勒，香草，黑醋製成，好有風味。牛肉配埋香草醬食，别具風味之餘更引人食慾。再配埋焗蒜同香料鹽更惹味。個人幾推薦呢道👍總結：餐廳環境雅致，幾適合情侶過黎慶祝情人節or週年紀念。待應幾細心，有留意住上餐嘅速度同客人有咩需要，有適時地幫客人加水，值得一讚👍…查看更多