tiara**的個人專頁

吃過幾次的澳牛，今天終於要為他寫寫食評，只從第一次吃過驚為天人的炒蛋後，我這個愛蛋人士真的無辨法忘記那種味道。炒蛋竟可如此香又滑，吃多少都不會感到膩口，　配上厚多真的一絕。　憑著他們對炒蛋的執著可以一直穩守這裡的皇座，可以想像是無法形容的好！小妹也吃過其他食品，其實真的很一般，燉奶我有吃過比他們好很多的，但唯有炒蛋，他們是真正的皇上皇！…查看更多

今日去旺角報旅行團，完成後已是八點。本想食附近的沙嗲王，但奈何好多人，忽見到這間免收加一又唔算太貴既餐廳，門面也算不錯，一行三人就入左去試試。　我地叫左雞扒石頭窩飯，鐵板鏝魚炒飯，鐵板豬頸肉炒鳥冬，另外要多個炸蝦球，首先來的是忌廉湯，好重奶味，不過還可以，炸蝦球來到既時侯呆左，＄１８有４粒，但問題是細粒得可憐，味道可以但有點太油膩了。之後先來飲品，媽媽說珍珠奶茶太甜，飲了幾口就放棄了，而我的朱古力雪香也很奇怪，這裡的出菜很慢，只有２個待應，我們差一份餐具都要叫了幾次先到，來到主菜，本人是非常喜愛吃烏冬，但這裡的烏冬只可以用難食來形容，個汁竟然是甜的，甜得來是很奇怪，豬頸肉又薄又小，洋蔥又勁多，搞到成個烏冬很臭，十個難食！只吃了幾口也都放棄了。男友的鏝魚炒飯比我那個好小小，最起碼食得落口，但也是很多洋蔥，搞到佢出到去都要再買野飲除臭。:(至於媽媽的石頭窩飯更是差勁，飯身濕到爛，因為我媽媽是不吃辣的，但隨飯的汁竟是辣得過份，令媽媽不停飲水，最後還要唔撈汁淨吃白飯。而雞扒也是雪藏的，味道也不討好。埋單＄１４１，雖然不算太貴，但到死我也不會再來！…查看更多

佳記, 每次來親荃灣必去既地方, 魷魚SO 真係好正好正, 唔似其他鋪頭咁一層厚炸粉, 佢只係薄薄既一層, 但又勁香勁脆, 唔會太咸~ 又唔會無味 准鹽份量真係岩岩好唔知係咪我好彩, 去親都係新鮮炸起, 不過我見佢都好快又出一盤新既小食最佳首選PS 我記得旺角家樂對面都有間同名, 唔知係咪分店但個到既魷魚SO 同呢度既係無得比~一定係荃灣係呢間好食好多…查看更多

叫左個咖哩豬柳農夫飽 + 羅宋湯個羅宋湯完全唔得.. 無味好淡至於個飽.. 可能本身預佢好好食! 初頭第一啖係好新鮮既感覺, 都好脆, 咖哩都唔錯 不過d豬柳就好差, d肉好肥~味道都怪怪的 但食左幾啖就感到唔想再食.. 個飽好難"meet", 又淋又硬哂.. 咖哩亦愈來愈漏.. 結果一半就放棄左.. 雖然係幾新奇幾得意既飽, 不過無下次了~ …查看更多

第一次寫食評就俾左OUTBACK.. 我一向都鐘意同男友渣車去OPEN RICE介紹既餐廳周圍食野... 有好多都名過其實, 但OUTBACK真係要令我寫一寫!6點半去到,, 可能仲早,, 無網友話會好嘈既感覺~ 環境都算唔錯! 卡位都幾有私人空間 一來就整個黑糖面包先, 一般啦~ 個牛油我覺得無咩味~BUT男友就覺得面包OK 之後我親愛既芝士煙肉薯條就來啦... 嘩!! 好多芝士呀! 食落去係又大條又濃郁既芝士味, 脆卜卜, 即刻令我諗係愛爾蘭瘋薯..但呢到仲要再好食D呀! 勁停唔到口...!! 跟住西冷配雞飯同甜蕃薯就來啦.. 個甜蕃好食到暈呀... 從來未食過咁甜既蕃薯!! 好正 真係好有衝動問個WAITRESS係咩蕃薯來, 紅色既心~ 至於好鐘意食牛排既男友就不停食個西冷, 佢話好好食~我唔係太識食牛.. 不過都FEEL到好有肉汁! 個飯就一般啦, 下次試其他配菜~ 另外叫左個$28既橙雜, 一舨啦都係 雖然淨係叫左兩樣野+ 一杯野飲.. 但已經令大食既我地好飽LA.. 埋單都係26X ~ 要食牛扒同薯條又唔想咁貴既就來啦抵食!! PS 其實有咩野可以REFILL? 無野REFILL過野俾我WO..當然 除左水啦…查看更多

貴為OPEN RICE的頭三甲，相信一定係有佢既獨特之處，有一次山長水遠特登去食。。或者係期望真的過高了食了一個魚柳包，芝士漢堡同薯條，講真，我真係覺得burger king個d好食好多，而薯條亦都太油啦。。或者係我唔習慣呢種味道，但對我來講，試過一次便夠了，唔會再特登去！…查看更多

食過兩次，一次武大朗一次燒餅皇！　真係武大朗好食好多喎。。勁多肉汁，又好大個，食完會勁飽！最緊要係而家物價高漲都無加價麻，其實最睇唔出都唔係佢會咁好食。。係估唔到佢樣樣野都熱辣辣嫁，係門面睇真係好似放左好耐咁！雖然我對中式餅類真係無咩興趣，但呢個餅真係唔錯，下次會試埋三串金連同淑女餅最衰男友唔食啦，唔係可以一次再試多ｄ！…查看更多