Puika Lee的個人專頁

星期六去食晏，有商務午餐，都算抵，一個麵跟小食同飲品。窩貼得個大字，皮厚又油又唔夠熱。小籠包裡面個餡同窩貼係一樣，而且擺底果陣個皮已經串左漏曬汁。排骨擔擔麵幾好，湯底夠濃夠香，排骨都炸得唔差，而且幾大份。但個黃魚燶麵就真係有驚喜啦！個湯係魚湯，條煎魚應該係新鮮魚，又滑又鮮甜，估唔到會係夏麵館食到咁高質既魚，實在驚喜！老人家或者身體唔舒服食呢個當堂暖曬，而且起左骨，推介！唯一麻煩既係洗手間要行九曲十三彎，去用商場果個，仲要拎鎖匙，有d唔方便。而且d伙計成日漏order，香港地係咁架啦，唔會對服務有期望。…查看更多

人生中食過最難食既担担麵，睇個湯水油分離就知伏左，個麵無事既，係整果個人有問題者。涼伴青瓜腥既，唔講以為係隔離放題拎伴碟用既青瓜泥整，又嘥左我個quota!生煎牛肉包入面個餡係叉燒包既餡（走叉燒）😫#劣食 #劣評 #劣劣劣 #欺騙左我對担担麵既感情…查看更多

係隔離街返左2年幾工，見個mt成日一條友走去食，原來真係堅好食！第二間食既酸辣粉，一食先知原來傷心果d真係好一般，死油死辣。呢間野正呀，食落唔係太酸，飲啖湯又會酸返d，但咸味同香味做得好好，越食越麻，我叫少辣所以唔係好辣，加埋d蔥同芹菜吊一吊味，仲有小片荀同肉碎增強口感👍除左粉麵連小食都係有辣🌶️有唔辣，麻辣/滷水任君選擇。個蒜泥白肉先經典，紙咁薄，每一片都夾左塊薄薄既青瓜，入口即溶，個蒜唔喇口😋姐姐們都好有禮貌，招呼周到，下次會泥試下肥腸麵，口水雞同冰粉！呢一餐係食到心花怒放既酸辣粉，不過應該要節制一個星期at least。好啦寫左咁耐，等我繼續食埋佢（飽）。…查看更多

冬至飯馬拉松潮滙館📌一定一定要訂台！某d指定菜式要訂，例如鵝腸、翅。。。炸野好出色，普寧豆腐外鬆內滑，蝦棗蟹棗雖然入面撈左馬蹄粒幾清楚，但相比之下顯得失色。煲仔飯係好食既，不過個底會好油。胡椒豬肚雞👌因為個雞好滑好香！似係新鮮雞。家鄉炒麵線勁油，又有人食完即刻要去洗手🙈d野食都去得快，訂台8點，加左一次單，食到9點幾,個櫥窗掛係度既野食已經清曬甜品試唔到，豆沙水晶包無，留待下次。人手唔係好夠，3個伙計樓面傳菜收野滿場飛，但d餸夠熱，雖然坐得好迫好迫，但會encore!好佩服其他人夠膽食生海鮮，自問我沒膽試。…查看更多

其實一直都幫襯佢，無論係行到攰等開飯，訂生日蛋糕，或者好想食件好食petit cake🍰但就係一路都無寫過食評，夏天果陣試過一、兩次d cake唔夠凍有少少溶，同埋個味硬係有少少唔到位。不過今次見有限定既栗子口味，試完又驚艷返！師傅既水準又返泥啦，每次坐低食都會跟杯熱茶，佢地既茶包幾好，水夠熱，環境靜靜地又裝修得幾簡約。(只要ignore左商場中間果張梳化位）記得飲過杯生果茶有d蘋果粒粒係入面，個名唔記得咗。最好食（個人認為）都係lady earl grey，希望會定期出新口味（例如一個月/個半月出一款）,咁樣會提高我泥食既慾望。…查看更多

舖頭大約7-8個位，所以要等。烏冬係自家制，喜歡煙韌有咬口既朋友會好鍾意，個鰹魚湯係正既！👍 我點既月見烏冬係熱湯再加生雞蛋，因為湯夠熱，所以雞蛋攪伴之下都會熟少少，忍唔住飲埋個湯。好飽，一路到訓覺都聞返果陣味😅天婦羅中規中矩啦，炸漿係脆既，不過個茄子索曬油😥唔建議速食手，因為要等同埋花時間咬，既然排隊都等左咁耐，點解唔俾多少少時間慢慢咁欣賞精心制作既食物呢？好岩香港人食呀，但我就唔會返泥啦，阿婆d牙又唔好，個胃又唔係咁好，出盡力去𡁻碎條烏冬（仲要幾大碗）對阿婆泥講太攰，但可以將平日返工既壓力同不滿𡁻曬出泥！😆成件事好正面呀！…查看更多

久不入（大）圍，人生路不熟，有人俾左兩個選擇我：屋子/茶記，咁之前試左屋子，咪試下茶記咯。點知一入去，嚇親多人到。。。唸住無位係門口等等，點個個阿姐大聲一叫：兩位入泥丫！心裡面講左句粗口，一張4人圓台，居然屈到6-7個人坐，好野呀！坦白講，雞飯既雞係唔錯既，朋友話個皮咸，咁大佬鹽焗雞呀嘛！起碼食得出係新鮮雞，多油，肉嫩有香味相反，朋友個蒜香豬扒就唔得啦，大碟但d豬扒喇到林，食得出果d梳打粉定鬆肉粉，又整到勁咸，條脷會痕果種，而且d肉喇到紅色都唔想再食。BTW，碗同碟目測都係咁多雞只係飯多同少，女仔叫碗都夠曬食架啦！結尾，如果再去大圍又有得揀，一定唔會再去；如果再去大圍而又好想食雞飯，會叫外賣，試下炒底，完。…查看更多

姨姨：「小朋友，姐姐帶你去金魚街睇金魚好冇呀？😏」小朋友：「睇咩金魚呀？我都唔鍾意金魚既！我肚餓，我要食野！」姨姨：「好啦，咁我地去食野先啦。😒」結果去到餐廳，死仔包邊食邊睇金魚。End of story入返正題，一坐低即刻端上熱騰騰既紫菜蕃茄蛋湯。麵餐送3隻水餃（白菜/韮菜）/春卷，飯餐則送糖水。呢個價錢，認真抵食！環境夠清靜，亦好適合同外國朋友泥感受一下中國、老北京飲食文化。店員招呼周到，友善…查看更多

係一芳仲未開而又想似水果茶既情況下，膽粗粗試下茶狼既水果四季春。今次只係微糖，但都好似飲緊走糖咁，睇泥個甜度掌握未係太穩定。熱情果核直頭無熱情果應有既香味同酸味，夾硬咬碎之後吞仲要刮喉。睇泥一芳既甜係有佢既道理呀值得一讚係原來入面個bar位都可以落單，見到出面落緊一頁紙既order就記得「鼠」入去啦。佢d cheesecake又係做得唔錯，畢業係美心，但卷蛋就太乾。如果想試埋佢d cake，不妨叫埋野飲，會有優惠架！…查看更多

「乜又係你呀陳生？」係我懶得行去研究一芳水果茶係apm究竟開左未既情況底下，我又忍唔住返左茶狼既懷抱之前飲左杯好令我驚艷既紅柚茉莉白露茶，茶味之香同水果既清甜混合得天衣無縫！今次膽粗粗走去買杯士多啤梨白露水果茶，今次收銀既妹子又難得無溫馨提示我「如果完全唔加糖，個茶會有少少澀」，好順利咁買左杯走糖少冰。飲左兩啖，我終於發現妹子係真心為我好，感覺嘥左杯茶，算啦，唔試過唔會死心既仲要係menu上差唔多最貴果杯，當買個教訓！士多啤梨果肉切得夠細，用飲管輕易咁吸到！有次返工經過佢地門口，真係有蔗係度！仲要係一大碌！證明唔係糖水…查看更多

排隊等就耐，去到counter連望menu既時間都無，求其要杯皇牌架啦！制作時間都唔算耐，即係落單落得慢。Weekend既時候要排隊，平日就唔洗點排（指既係午飯前後時段）。大細珠係幾好咬口，不過個奶唔夠香，面頭唔係應該有一層奶油（cream?)既咩？打完卡影完呃like相就聽佢講搖左佢先飲，嗯。。。無咩特別。可能係台灣飲過一杯太好飲，仲要加左少少黑糖可以咀嚼到，呢杯如果要我等10分鐘以上我會去其他鋪買其他野飲。…查看更多

以前係斜路既街粥，輾轉變成左依家既緣來風味。要食返舊時風味，始終都係要搵老師傅。係石籬粉仔旁邊既呢間粥店，有各式各樣既小食。由粥品、粉仔、煎炸小食到糖水都有，以前細個係收夜之後既指定宵夜店之一。$10有6件既煎釀三寶，認真抵食粉仔應該係用乾蔥炸豬油渣，再加蝦米去煮，所以特別香。今次無加辣菜莆，因為加少少都經已好辣！留返冬天先！今日星期六午飯時間，成間鋪都係學生。推介好食：粉仔（加辣菜莆）、 雞粥、煎釀三寶、炸雞翼、西米露。…查看更多

初泥觀塘報到，用左一個月時間，試左幾款麵/米線，水準都穩定而且求其點都唔會難食。如果我lung廚想哋碗米線，唔洗唸就算冒住俾人偷手機既危險（認真）都要行過泥買，因為佢地生意太好唔送外賣。有人話，要試一間麵鋪既湯頭，一定要揀蕃茄湯。雖然我都唔知點解，但事實證明左條友講既係岩既！蕃茄湯無求其落茄膏hea煮，真係切新鮮蕃茄落去煲（一粒粒蕃茄肉）肉燥真係用免治豬肉，炒到一粒粒（唔似某間米線個肉燥好似一pat嘔吐物咁）米線雖然有陣時會煮唔夠淋，不過都只係al dente，唔會太過份。另外推介俾芫茜友，記住俾多$5加芫茜，佢會另外俾個紙杯你（外賣）, 芫茜都係要新鮮食先有味包你食過番尋味！另外担担麵都好用水準！（最衰張相連埋手機俾人偷左...）估佢唔到個中辣真係辣！仲辣得幾過癮添！利申：大眾評級最勁食小辣…查看更多

幾驚等到我resign都未開，可能係見到老虎堂進佔2樓所以快快手開左先？第一日開將未見人龍，可能呢邊天橋無地鐵站咁旺，又無乜人知。即刻要嗌返杯奶蓋平伏一下心情😍有得點熱飲對OL泥講都幾體貼，而且可以係鋪頭入面等，唔洗企曬係門口，對商場同隔離左右既鋪頭泥講都算安排得好好。略嫌個奶蓋唔夠厚，已經叫左半冰，但仲係好易溶左落杯茶度。下次叫走冰試下先！另外有少少建議，門口收銀位置最好都擺返張menu，好似我呢d太耐無飲既人，狗衝到埋去又唔記得有咩選擇…查看更多

差既要分享，好既更加要分享。未食過咁好食既春卷撈檬！！😍✨ 炸春卷皮超薄、超鬆脆！雞絲沙律將材料切得幼細而且爽脆！無加過量既沙律汁，而且仲落左d薄荷葉，好fresh呀！🥒唔介意大排檔式可以去try try！朋友既豬扒飯亦都不錯！係得一個樓面姐姐可能需要多d耐性，但都好nice，下次會返泥試串燒！餐廳都有滴滴咖啡。提一提旁邊有間果汁店，都幾多食客買果邊d果汁過泥邊食邊飲，汽水/咖啡茶以外既健康選擇。…查看更多