saycheese_的個人專頁

越式烤豬頸肉米飯 $65🐷🍚成碟飯好豐富，豬頸肉有成八片，份量相對上多，咬落去肥瘦分明，亦唔會切得太薄片，略嫌唔夠脆身，不過肉質算係細嫩😋 豬頸肉上面有啲脆脆同埋蔥油，我就覺得蔥油可以多啲，不過每個人口味唔同啦！中間擺咗啲甜酸蘿蔔絲同埋蝦片，想開胃啲可以食咗先～ 飯嘅份量都尚可Lunch跟餐仲會有杯嘢飲㗎，我就加$26要咗椰青，結果係飲唔晒因為太飽了🤣但夏天叫嚟消暑一流🧉平日午餐時間去都幾多人，不過一人就好快入得，見到職員都幾爽手，坐低幾分鐘就已經有得食😎 喺荃灣返工lunch都不失為一個好選擇😚 啲裝修都幾靚，尤其係啲燈❣️…查看更多

歐陸監獄鐵板三文治 $54🧀🥔🥪已經係第三次食呢個包！呢款三文治味道有兩個層次，一邊係肉丸通心粉味道濃郁少少，啲通心粉唔會太淋不過就冇乜芝士味，因為個燒烤醬有啲太搶fo, 反而個薯餅比起平時就咁食，加埋其他餡料好似冇咁漏口、油膩，易入口左！另一邊就係甘藍菜沙律加蛋黃醬、荷包蛋，相對上清新少少，啲菜都幾新鮮、不過不失，每邊咬一啖就可以中和返！不過佢個包滲左啲汁落去，叫做鐵板三文治但好似又唔鬆軟又唔夠脆口咁，有待改善！不過整體食呢個包係好開心好滿足的🥰🤭蝦兵蟹將鐵板三文治 $65 🦐🦀🥪又係另一個舖頭推薦嘅三文治。話明蝦兵蟹將，裏面有好多海鮮，我自己最鍾意軟殼蟹因為佢仲係脆身嘅；小龍蝦沙律嘅龍蝦就唔夠鮮甜。呢個包好多蔬菜，顏色配搭都好靚，醬汁嘅份量啱啱好，都冇話食到流晒出嚟，如果lunch唔想咁heavy , 呢個都不失為一個好選擇！中環嗰間比起尖沙咀， menu係少啲選擇嘅, 如果可以定時轉menu就好啦～ 我當日同朋友兩個人食咁就可以交換口味，大滿足！😆買完可以落返地下嗰層，嘆住冷氣food cort 入面食🤪記得食嘅時候，唔好拆咗張紙，要慢慢兩邊推個包出嚟，如果唔係會散晒㗎～ 可以嘅話就預先問定職員攞多啲餐巾先😙 …查看更多

菠蘿莎莎醬炸雞 （雞腿肉、細份）set $76個莎莎醬汁係幾好食，甜酸適中且帶微辣，不過啲醬似乎太多，如果唔加埋舊菠蘿一齊食就有啲漏口，皮入邊嘅雞肉質鮮嫩同埋唔鹹，就算嗌細份雞腿肉都有九件，喺個食物籃嘅底下有幾條薯條，不過就比較幼同埋硬身，整體來講係性價比之選！💕喺德福food cort 遊蕩之際，見到呢間炸雞🥹 $58唔算貴！不過事後諗返其實唔使加$18 餐食，我一個女仔都已經夠飽，我完全冇食到佢嘅前菜，不過個牛肉飯啲飯攞嚟送炸雞會冇咁膩😙…查看更多

大阪燒海鮮蛋餅 $128睇落似日式pizza，餡料豐富，有章魚、蟹棒、木魚絲，蛋餅煎到比較薄，比例啱啱好，如果有例如粟米呢啲配料，令到食落去fresh 啲，就更加好啦😁招牌牛肉麵 $118有得揀都刀削麵或者粉絲，我哋揀咗前者，麵條長度適中，咬落去煙啃得來，唔會好大浸麵粉粉味, 牛肉完全唔韌，有一舊辣味牛油，供整溶入湯底，唯獨係味重咗少少😮‍💨 抹茶奶奶麻薯 $108有驚喜！質地適中唔會太淋或者太韌，奶味、甜味慢慢滲出來，略嫌抹茶味偏淡 秘訣係一次唔好太大啖，細細啖食可以令到麻薯同黃豆粉嘅比例更加接近，滋味啲🫣兩個人食$407 埋單，以海港城餐廳價錢來講算係咁，餐廳嘅裝修好靚中間嗰牌燈同埋執鞭四人座位嘅打卡位等等，光暗適中，店員一開始係咁講普通話，可能想有去咗台北嘅感覺🤣🤭 有機會想試埋中環嗰間！…查看更多