yiyi2233的个人专页

住在灣仔已經住左成年，每次經過都無興趣行入去，最近食飯時間都在灣仔搵食，又想想搬屋，於是決定試埋佢。不過我的直覺是對的，根本唔試好過試。我㨂左個魷魚便當，幾個前菜無得揀已經預左，都係啲cheap野，炒魷魚好少食，所以揀左炒魷魚。魷魚都係一般般，好多油，預咗，份量亦好少。個便當仲係$85， 仲要無野飲。仲要佢只係做外賣。其實佢排哂啲前菜出嚟，懶高貴咁都覺得佢無好野。俾得起其實都無必要食。講返前菜，泡菜又霉又臭，是一劈野咁，唔係一條條。一件凍豆腐加芝麻醬，好慳。紅米飯正常，份量少。灣仔區韓國菜得QRE上面有一間幾好，午餐有套餐又多泡菜。鍾意食韓國菜可能灣仔唔啱，銅鑼灣高質素啲。講到服務質素，連一個識講廣東話嘅人都無，仲請好多姐姐企享度，遞下野，間鋪又細，用來做樣的。…查看更多

東涌無乜野食，urban算係唔錯的選擇，本來想食佢既燒雞，但係坐低個職員話今晚無燒雞，唯有諗下食其他野。但係喺我地差不多食完的時候，就見到待應拎碟燒雞去其他枱。差差差！睇住個menu搵下仲有咩好食，佢嘅all day breakfast幾豐富，但係做晚餐不太滿足，見佢個海鮮晚餐寫到有：龍蝦，魚，青口，蝦，而且是晚餐menu裡面屬貴，諗住唔會太差。開個openrice出來睇但係又無乜人食過海鮮拼盤晚餐，但最後都俾左信心。好可惜用這種想法叫晚餐就中伏了。一上碟就知中伏！！青口，魚，蝦都係超細隻，細細件，唔明點解可以cheap成咁！見到咁細份覺得奇怪，睇返menu，明明仲有龍蝦，去左邊？？？努力細看之下，見到一隻似蝦又唔係完全似蝦的物體！！無頭無尾，蝦殼又比一般蝦厚，終於先知這隻野叫龍蝦！海鮮晚餐喎！！不如叫迷你海鮮餐睇下仲有無人嗌吖！！中巨伏！！！個芝士肉醬薯條都唔好得幾多！唉！！浪費了難得放假的夜晚！…查看更多

買了紫菜飯卷和豬手飯，回味韓國生活時的味道紫菜飯卷好細條，好少料，沒有牆上介紹咁多料喎，沒有韓國標準的份量豬手飯得好多餸！豬手得少少幾片，比韓國萬零won一隻貴得多，而且煮得不夠耐，唔夠林唔夠入味太失望了…查看更多

森美已食過好多次，可以因為食過太多次，menu一直都無變過，已經食到好厭⋯⋯而且這次再去，呢樣又無，果樣又無⋯⋯晚飯時間都得好少人，為何變得這樣呢以前熱熱鬧鬧的小西餐店，今日已經不同了…查看更多

曾經在韓國生活，好鍾意食炸雞，成日食，好期待佢黎香港開店，好可惜品質卻控制唔到，料唔靚就算了，估佢唔會用韓國本地雞，但係雞肉好「鞋」，雖然是原味，但無諗過係無味，還好心連雞頸一起上（！）打開menu，佢竟然將韓國的平價食物，價值只係大約5000won的蛋卷，和1000won一串的魚片（同魚蛋差唔多），一個魚片鍋賣成$150，實在太呃人了！來到香港點解唔做好D？…查看更多

很喜歡吃四川菜，還曾經為了吃四川菜去四川旅行，所以間唔中就想食四川菜，尖沙咀食開滿江紅，不過貪新鮮想去下呢間川熙樓，叫的是經典四川菜：口水雞、麻婆豆腐、酸辣粉，很可惜，完全不似四川菜，沒麻香，不夠辣，完全不像四川菜，淨係做得似個色水，伴菜卻很驚喜：有蛋干、藕尖，很少見餐廳內光線較暗，人又不多，卻有些日本遊客…查看更多

一直無食過呢間餐廳的燒肉放題⋯⋯晚飯時間周圍都要排隊，見佢唔駛等，便「鐘」左入去，但是，原來無人幫襯係有原因的，張Menu上寫到好多野食，但唔係樣樣都會黎，而且食物質素真是麻麻，好像都是剛剛從雪櫃拿出來俾人，鐵板都已經嚴重耗損了，痴底得很厲害，不知對健康有沒有問題⋯⋯真是非常慘痛的被騙經歷…查看更多

好鍾意飲椰汁，所以間唔中都會來買椰汁，因為佢既椰汁係最香最純，椰汁大王或者其他賣椰汁的根本無得比，可惜，它已經風光不再！今次去買椰汁，椰汁是米色的，味道帶很重的花奶味，而且少左浮在上面的「椰油」本來白雪雪的椰汁亦因為溝太多花奶而變成米黃色我自己榨過椰汁，很花時花氣力，但那種滑和椰子濃香是最純的希望佢可以保持返質素！…查看更多