Yeeyung215的個人專頁

我一個人去，揀咗午餐最貴那個，諗住因為可以食多啲種類嘅食物包括我心愛嘅雞子，之前喺此平台睇別人分享的相片，印象中係睇到包蝦同蜆，但係去到現場，入去佢個QR code度落order嘅時候就發覺唔見有呢兩樣嘢可以揀，仲有可以揀嘅種類好似好少，係有D失望，因為午餐$268食火鍋呢個價錢算幾貴，不過就安慰自己心諗算啦就算食都唔會食得多嘅，反而主要都係食牛肉雞子同埋有蝦滑，同埋想試被人讚嘅雞肉，咁都OK啦。不過當我見到佢上咁大碟牛肉俾我，我就覺得呢間舖頭一啲都唔孤寒，同埋當我一食嗰個雞子，簡直覺得好好味，有誠意醃過有酒味👍🏻蝦滑就有如之前有食評讚過好味兼食到啲蝦肉👍🏻其餘牛肉同雞肉，我都覺得不過不失嘅。個人認為丸類可以唔使咁多款式，反而我希望啲瓜、菜同啲菇類可以多少少選擇，我印象中好似唔係好多。最尾食埋佢個炸榴槤丸嗰個都好好食，不過可惜我食咗一粒之後想再encore嘅時候已經截咗單。…查看更多

除咗炸物還可以叫正常之外，其他所有野都勁難食，仲要D壽司魚生比起日本連鎖廻轉餐廳貴㖭，最有趣係佢冇嗰樣食材就直接唔同你講嘅情況下，自把自為咁改咗其他食材俾你😓，話說就係我好鍾意食油甘魚，見到佢單點壽司或者單點刺身都寫售罄，跟住睇落去就見到壽司套餐內有一嚿係油甘魚，我見冇寫售罄，咁我就諗住可能得少量貨，所以呢個套餐仲有供應，其他單點可能量大驚唔夠貨，所以就改售罄啦！卒之啲嘢嚟晒，因為照顧小朋友真係冇時間影相，一路餵佢哋食，一路自己食，就一路同老公講話咁難食嘅😨仲要食食吓先發現自己嗰份壽司套餐入邊係冇油甘魚嘅，但係冇辦法啦，鬼叫自己食咗咩冇得坳，只係覺得佢哋咁得意，唔行過嚟通知聲話嗰樣嘢冇貨，夾硬上其他嘢😡嗌咗烏冬茶碗蒸嗰啲嘢俾BB食，點知BB都唔願食，咁唯有自己食埋佢啦，我食咗一啖茶碗蒸，佢係史上最難食嘅→冇味😰烏冬就好淡，個質素完全係不適宜開舖😨仲要埋單嘅時候個收銀猛咁講話多啲嚟幫襯啦儲分送嗰啲車仔啲小朋友一定鍾意玩😅😅😅我心諗呢度貴夾難食，我用嗰啲錢直接買架車仔冇咁嬲啦🤣…查看更多

先講環境，冇乜特別似茶餐廳，幾迫下！職員的服務態度係最高分，主動有禮貌但至於食物上就:(點咗一杯珠奶，好細杯，味道係正常水平；食物就點咗一碟鹵水牛筋，夠淋份量足但偏咸；仲有一碗麻香骨烏雞麵，味道算係幾好，似某品牌嘅即食碗麵味道麵的份量夠，但肉就完全失望，咁嘅價錢，得三舊極細兼骨多過肉嘅烏雞不如食返即食碗麵其實一年前去過太古分店食過牛肉麵，味道係幾好但極細碗，朋友食便當話極難食！貴夾伏！真心唔會再幫襯！…查看更多

每位$458，免加一，預咗唔會好好食，但忽然想食自助餐，就即管試試。食物種類算多：海鮮有唔好食嘅麵包蟹，尚算新鮮有啲蠔味偏瘦開好咗嘅蠔，仲有兩款無食過的貝殻類海鮮。刺身反而好食、新鮮，至於熱食類反而有驚喜，基本上所有肉類都好食，有焗蠔，燒牛肉，片皮鴨(還可以)，燒羊肉，鵝肝，蒸斑，黃金蝦⋯仲有唔錯嘅龍蝦湯煮嘅西班牙飯、心太軟，雪糕係movenpick👍🏻係唯一比較失望就係啲海鮮唔係咁OK，同埋湯就冇燉湯係例湯，炒嗰個菜好唔吸引。…查看更多

卡邦尼意粉好味到無得彈，乳豬和牛扒都非常地嫩，芝士薯條出面的食肆不常見但這裡有而且超正，加上點了新鮮生蠔和帶子，還有青口、蜆和兩種湯（分別係龍蝦濃湯和松露濃湯）等等都好好味啊，完全係回味無窮再一起去嘆杯紅酒，一行人都非常滿足呢！（P·S：有D野食顧住食而忘記影相）…查看更多