周圍去搵食的个人专页

食左個安格斯牛堡，好有肉汁，唔會太老，整得岩岩好。個包都唔會霖patpat好香脆👍🏻👍🏻除左漢堡之外，夜晚6點後仲會有意粉食嘅。cafe全部加埋有十款唔同嘅漢堡👍🏻👍🏻👍🏻…查看更多

今日放假就去食個下午茶啦🤩叫左海膽海鮮炒飯、一口牛仔粒同巴馬火腿pizza 🍕海膽海鮮炒飯比想像中多料，有象拔蚌、帶子、芥蘭粒、蝦同海膽。炒得鮮味由於係石頭窩飯所以個飯慢慢食都仲熱嘅，但粒海膽就略有腥味。巴馬火腿pizza個餅底香脆，唔會太膩而且好好食👍🏻…查看更多

Playt最近做緊魚子醬主題又加上一直都人氣爆燈就去左食啦。一去到覺得款式都唔錯，有龍蝦、長腳蟹、中式點心、海南雞飯⋯⋯款式唔少。黑松露魚子醬炒蛋比較特別，佢炒蛋下有一塊麵包嘅。黑松露味好濃👍🏻魚子醬唔太腥兩者加埋都幾夾👍🏻👍🏻👍🏻…查看更多

同同事講左好耐想去飲茶，今日就就岩時間lunch去飲個茶啦。因為大家都餓就叫左一人一個飯：排骨飯、牛肉蛋飯同北菇蒸雞飯。我就食左牛肉蛋飯，佢個牛肉餅好似蒸牛肉嘅質感，諗諗地，唔難咬。而個蛋係西式荷包蛋但煎得熟左唔會有蛋漿流出嚟。…查看更多

今日同朋友食飯搵左個中間位就去左旺角嘅牛極食火山石燒🔥近期好似好流行，但我一次都未食過。牛極就有唔同部位嘅牛燒嘅，我就叫左一個有齊所有部位同一舊牛肩。牛肩嘅口感有啲硬，唔知係咪我切得唔好定燒得太耐，但唔太推介。相反，有齊所有部位嘅比較抵食同好食，肉質會嫩口啲…查看更多

呢間餐廳嘅菜式都比較特別，每一款都會有蒜頭入菜。每一款都有蒜頭，但係都唔算太特別，唔會話有好濃烈嘅蒜味味，純粹似配搭咁。好似pizza咁會係蕃茄醬加幾粒蒜頭係面，感覺一般整體而言，一試就好了👍🏻👍🏻👍🏻👍🏻…查看更多

又到中秋今年就試下聞名而久嘅望月流心月餅🥮今年買左一盒奶黃流心同抹茶流心，我就無將啲月餅加熱再食只係放係溫室嘅，咬口好鬆軟，唔太甜，流心奶黃嘅味都好濃👍🏻👍🏻而抹茶🍵都比較特別，切開啲抹茶餡即刻就流曬出嚟啦🤩🤩🤩…查看更多

海南雞飯lunch set🤤🤤個套餐有甜品有菜有湯同主食，都幾抵食。個海南雞好滑好嫩，唔會話又老又硬唔好食👍🏻但個飯就唔夠香，並唔係黃薑飯嚟但飯面有啲脆片係到有啲嘢咬下。個芋頭甜品係最好食，芋頭味同椰汁味好夾，好味好味👍🏻👍🏻👍🏻…查看更多

放假緊係同屋企人飲茶啦，彩福酒樓嘅樓底高，又無柱遮擋，果然係婚禮專門店。彩福酒樓嘅點心選擇多鯪魚球唔會太硬身，又有魚味👍🏻棉花雞嘅雞都夠入味，好食好食👍🏻👍🏻👍🏻…查看更多

收工經過食返個蛋撻🍳牛油曲奇皮嘅蛋撻好鬆化，蛋味香濃。個蛋唔會話好實反而仲好香好滑。曲奇皮都好好食，好香濃嘅牛油味，兩者配合得天衣無縫👍🏻👍🏻👍🏻👍🏻…查看更多

行街行到餓餓地又未夠鐘食飯就走左去華御結到食個飯團🍙今日食左呢個米澤牛蛋汁壽起燒，揀嘅時候都無話會好大期望地覺得好好食，只係諗住都似普通一pat汁加啲牛肉落去無咩特別咁。點知一咬到有料果個位就發現個飯團🍙真係唔錯，佢嘅蛋汁有啲似溫泉蛋飯團果個味道，再加壽起燒汁甜甜地同個牛肉好肉，感覺就好似食緊個迷你版壽起燒咁！唔錯唔錯👍🏻👍🏻👍🏻👍🏻 飯團嘅飯又夠軟熟，唔會雪左好耐連飯都變到又硬又事身咁好難食😵…查看更多

第一次食就叫左兩個味，伯爵茶同抹茶味。抹茶味個面層有一層厚厚嘅抹茶粉，令佢入口濃味，而lady m就出左名個千層蛋糕好食嘅。佢層層都好薄，唔覺得係同食蛋糕咁，不過一無抹茶粉嘅位就食到普通蛋皮味。我個人本身好鍾意食抹茶嘢，所以今次呢個完全岩曬我口味🤤🤩🤩🤩另外伯爵茶味好淡，面層有層薄薄嘅jelly🍧感覺比較特別，係估唔到嘅同千層蛋糕會夾😱。但係因為比較淡口嘅原因我認為可以先食左伯爵茶味先之後先再食其他濃味蛋糕會比較好。…查看更多

蕎麥麵同咖哩豬扒飯定食都係我鍾意嘅嘢食嚟😋。蕎麥就有三隻味嘅，昆布芝麻同原味，三種麵三種口感，軟身到硬身👍🏻慢慢咁食慢慢咁品嚐你就會發現佢地之間嘅分別。芝麻味比較濃味同比較香，同時都最硬身。昆布味就係全綠色嘅，起初仲以為係綠茶味嚟🙈不過味道就偏淡。咖哩豬扒定食，豬扒比我想像中脆口，千層豬扒嚟起初仲以為係炸粉多過內容。但原來咬落實在之餘仲好香口👍🏻👍🏻👍🏻👍🏻唔講唔知原來有日式泡茶㗎喎，但同韓式好似都無咩分別。…查看更多

第一次呢食，個門面已經好吸引我，呢到可以釋除掛住係日本嘅感覺🤤🤤。首先，燒牛舌好好食，好厚身又好爽口。唔會又乾又硬咁，仲好juice👍🏻👍🏻👍🏻👍🏻不過個調味粉就好似多得濟令到佢味道偏咸，令到我要撩走左先覺得岩我味道多啲。其次，迷你三文魚子甜蝦蓉丼🍤。餐廳一啲都唔孤寒成個飯都好多三文魚子同甜蝦蓉令到個飯好澎湃😮兩隻配合好好味👍🏻👍🏻最後，味噌甲羅燒配蒜多士。我第一次食㗎炸，但已經深深吸引左我，又濃味又好食🤩🤩🤩…查看更多