kkkkkeung的個人專頁

從來都未試過露營因為好驚昆蟲😆但係見到人哋露營嗰陣整嘢食又好想試見到呢間餐廳竟然可以沉浸式露營燒肉即刻要想試吓！入邊真係勁有露營feel仲要係乾淨版二人套餐有齊前菜，4種肉，飯同麵仲有飲品嗌多咗個A5宮崎牛三角腹肉✨黑醋冰蕃茄沙律燒肉嘅時候，間中食一下非常適合解膩✨花切長牛舌見我哋唔係好識燒職員都好主動幫我哋手厚切牛舌夠爽口✨伊比利亞豬肋條呢個豬肋條超好味超香！肥瘦適中✨北海道豚腩卷一拎上嚟即刻O嘴 份量超足兩大條 而且肥瘦相間特登叫多咗個生菜包嚟食😆✨夢見鳥雞腿肉醃到雞肉好滑 一啲都唔”鞋”✨ A5宮崎和牛三角腹肉 $168呢個係另外散叫加嘅油花分布好靚入口即化！推薦！✨夢王蛋海苔飯 ✨柚子梅素冷麵呢個冷麵幾特別食落口感好清新好適合結尾嘅時候食！✨海鹽菠蘿梳打✨百香果梳打埋單每人四百幾蚊但係牛雞豬都食齊！而且食物質素都高，抵食…查看更多

今日嚟the one同男朋友慶祝紀念日💕呢間餐廳係高層一到已收到有西裝職員協助感覺已經好好環境樓底夠高望到遠景係個天望落去望到海高級同浪漫嘅感覺都齊晒😆Tasting menu 3course係$788一個人先上餐包暖暖哋外脆內軟✨Japanese Red King Crab Egg Foam with 24 Months Comte Cheese Flakes & Uni日本帝王蟹蛋泡沫配24個月法國康帝芝士脆片及海膽帝王蟹肉有鮮甜，加埋蛋泡沫同康堤芝士脆片鹹香酥脆，仲有海膽，用匙羹中間卜撈埋落去食，味道有層次✨Brittany Blue Lobster Tartare with Crispy Foie Gras Chicken Skin, Salt Cured Egg, Oyster Leaves法國藍龍蝦他他配鵝肝脆雞皮，醃製蛋黃及生蠔葉呢個組合正，藍龍蝦他他鮮甜彈牙夾埋少少生蠔葉嘅清新，好夾！脆雞皮食得多，鵝肝脆雞皮第一次試，搭埋藍龍蝦他他一齊食！✨Lobster with Crispy Spring Roll Pastry, Caviar & Creamy Sake Sauce龍蝦配香酥脆皮，魚子醬及清酒忌廉汁龍蝦肉彈牙，酥皮好香脆，配個汁食一啖放入口，超正✨White Cod Fillet with Parma Ham Salt with Mixed Melon, Mint Pesto, Tangerine Foam白鱈魚配風乾火腿鹽，甜瓜薄荷香草醬，金橘泡沫白鱈魚個皮點解可以整到咁脆🥹肉質juice，超鐘意呢個！甜瓜薄荷香草醬食落幾得意，涼涼哋咁✨Yuba Mille-Feuille with Tofu Cream Cheese & Osmanthus Tea腐皮法式千層配豆腐忌廉芝士桂花茶食埋個甜品完結滿足嘅一餐呢到嘅食物每一樣配搭都好得意，好夾…查看更多

一上到嚟已經係俾裝修吸引住即刻想約埋班朋友下次着埋啲懷舊衫喺度開餐 實好有feel😂叫咗個二人套餐10分豐富 乜都有齊懶人一定要揀呢個餐✨醬料✨胡椒豬肚湯+十下麻辣鍋鴛鴦鍋底唔使加錢 大讚有啲地方鴛鴦鍋要額外加錢完全唔明點解😂我形容湯底係喜出望外胡椒豬肚湯10分足料有勁多酸菜同埋豬肚胡椒味超濃飲咗兩大碗個胃即刻暖晒 推薦！麻辣鍋亦都夠晒濃入邊仲有蜂巢豆腐同埋鴨血超級足料 冇得揀辣度但係個人覺得個辣度適合✨麻辣鴨血呢個係就咁食嘅 味道幾香濃不過感覺同佢湯底入邊嗰啲差唔多但係呢碗勁多花椒卡住咗喺個鴨血度😂會一齊食埋唔食得好麻辣嘅朋友 要小心！✨大刀手切本地牛頸脊份量足 牛味重 肥瘦適中我哋揀嘅兩個湯底都算濃但係淥完之後都仲食到牛味超正 推薦👍🏻✨十下三寶滑髮菜牛肉滑墨魚滑蝦滑三種嚟講個人最推薦蝦滑十分彈牙值得一讚 職員會主動幫我哋落服務好好👍🏻✨花雕醉雞花雕味好入味 雞亦都好滑喺濃味湯底下都有食到花雕酒味推薦👍🏻✨蔬菜拼盤✨鳳城水餃✨三星蔥醬爆貢丸✨懷舊果皮魚蛋✨脆炸響鈴呢個二人餐絕對係夠三個人食😂因為個湯底都已經10分出色啲配料乜都有啲 份量亦都十足連兩罐嘢飲 超級抵食！…查看更多

屋企附近商場新開嗰間拉麵鋪仔唔算大 不過keep住有人排隊望一望個餐牌 嘩$50就有個拉麵即刻排埋一份試吓先沾麵食得多 拌拉麵真係未試過所以我哋都嗌咗拌麵試吓✨一橋油麵大盛 拌麵大盛同普通相差$10到不過冇叉燒同蛋所以緊係叫大！上到枱配料已經鋪滿個碗味道係近似豬骨湯醬油味嘅撈麵感覺幾特別 味道濃郁✨一橋辛辣油麵 大盛 拌麵呢個建議食得辣嘅朋友先好試通常去食拉麵所謂嘅辣都唔會點辣終於食到個真係難嘅拉麵😂勁辣，勁惹味撈到個底啲辣汁 條條麵都變成紅色職員教我哋拌面嘅話淋兩圈果醋一圈香油呢個食法都未試過加咗的確有層次咗果醋本身以為係酸但係撈埋食又唔多覺✨日式糖心蛋冇為意拉麵都有溫泉蛋所以嗌多咗😂不過先$9但係質素都有保證喎！✨香滑牛頰肉肉質夠腍味道都好濃郁個人覺得有少少港式嘅味道✨牛肉餃子皮勁薄成嚿都係肉！超滿足係即叫即蒸上枱出晒煙牛肉餃子味道幾好推薦✨中華燒賣Combo三款燒賣每樣一粒麻辣豚肉燒賣:唔算辣，個人最鍾意呢款海老豚肉燒賣:呢個有啲似平時飲茶嘅蝦燒賣糯米燒賣:鍾意糯米卷嘅朋友應該會鍾意✨玄米茶✨波子汽水本身其實以為$50個面，應該冇乜餸所以加勁多小食最後係食唔晒😂呢間拉面完全係平民拉麵值得一試！…查看更多

位於旺角The forest嘅青花其實都想試好耐！環境企理乾淨 座位尚位寬敞✨炭燒牛肉串燒沙嗲 $82炭燒牛肉外層焦脆，有淡淡炭火香味沙嗲醬有椰香一碟有6串 十分抵食！✨馬沙文奶油咖喱雞 $118馬沙文咖喱有少少肉桂甜 雞肉燉煮得軟嫩入味馬鈴薯吸飽了精華值得一提入面仲有蓮藕秋葵等等配菜超級豐富搭配油酥薄餅堪稱絕配✨油酥手抓薄餅 $52薄餅好得意漲卜卜 外層金黃酥脆內裡保持柔軟輕輕撕開一層層掛咖喱汁一流✨馬拉盞炒芥蘭 $78芥蘭爽脆新鮮用鹹香鮮美的馬拉盞炒好惹味✨香辣蟹蒜炒麵 $118鑊氣十足，夠蒜香粗圓的泰式麵條炒得幾乾爽彈牙蟹肉份量都多有少少辣味 不過同行唔係點食得辣嘅朋友都食到✨芒果糯米飯 $78最後以經典的芒果糯米飯作圓滿結束芒果有半大隻！甜到不得了欣賞佢仲有啲杏仁片同埋椰絲係面令個口感再豐富咗！…查看更多

新加坡米芝連海南雞！連鎖餐廳通常啲人都冇乜期望但其實出色嘅連鎖先代表穩定嘅質素😆呢到嘅坐位唔算好多但係坐位都舒服 裝修高檔有個2人餐都幾抵羊腩煲都只係$168但見好多食評都話蝦多士正 1516之下決定都係散叫✨黑松露蝦多士3隻厚肉蝦多士，望薄就夠邪惡咬落多士夠脆口 蝦都彈牙不過個人略嫌太多醬😆怕肥但整體係十分好食✨天天海南雞拼燒雞一上枱燒雞味已經好香雞皮熱辣辣夠乾身而海南雞係凍身雞肉唔厚 所以唔會有”鞋”嘅感覺啖啖肉 好感動另外佢哋嘅辣汁都係好好味比較冇咁甜口個人幾鐘意呢到嘅醬汁✨新加坡福建蝦麵呢個蝦麵超級足料睇圖都見有齊蠔仔，蝦，大大隻蝦乾粟米芯，青紅椒，青瓜好惹味，超滿足總結嚟講呢餐唔算平但質素穩定而且味道份量都完全俾足連鎖餐廳都完全唔頹！…查看更多

行過見到呢間餐廳裝修頗有特色而且300蚊都唔使有齊海陸空放題120分鐘都夠同朋友吹埋水！呢度嘅裝修係行懷舊風格好少放題餐廳會咁有主題！而且環境夠闊落 多卡位！揀咗安格斯牛頸脊套餐因為今日主要想食牛，就冇揀到雞煲否則任食雞煲其實都好抵！鍋底一上就送上海鮮拼盤份量按人頭計有貴妃蚌，蜆，鮑魚，蝦，魚多就唔算好多，但勝在樣樣都夠新鮮而且蜆同蚌都冇沙十分鮮甜嗌咗唔同種類嘅牛肉都試晒！最推介嘅就緊係安格斯牛頸脊油脂分布平均，淥幾下就食得！重牛味！encore 咗幾次每台都會送即炸嘅響鈴冇諗過原來即炸分別咁大十分脆口而且唔係嗰種好薄嘅感覺特別吸湯底！欣賞其他嘅大路打邊爐配料都有晒主要食海鮮都牛都飽飽哋靚牛自己買都幾百蚊300蚊都唔洗實在物超所值！…查看更多

呢間日式燒肉係TOP商場位置十分就腳 價錢都唔貴食物質素意外地不錯喎！店内座位十分闊落亦冇乜油煙味 通風做得幾好有幾個燒肉嘅套餐揀豐儉由人 最平$208就可以食到「雪」90分鐘都可以牛豬雞海鮮乜都有！最高級嘅就有「雨」日本A4和牛咁辛苦做嘢 點都要獎勵吓自己最後揀咗「雨」！✨A5岩手和牛西冷超大塊和牛！我哋嘅第一個諗法就係勁抵😂呢塊嘢講真出去食都已經成千蚊油花超靚✨和牛拼盤跟住有唔同部位嘅A4和牛有薄切 和尚頭 後腰肉 牛肩 三角腩個人最推三角腩肥瘦適中，有牛味有咬口薄切個人唯嫌肥咗啲✨韓風瓷壺醬油牛肋肉 ✨鮑魚 雞泡魚乾 鰻魚✨比目魚西京燒而且每張枱側邊會黐住教你點樣燒鮑魚同埋比目魚都燒得超好味食完牛之後其實已經飽得7788 不過食得放題，點樣都要我試埋其他嘢先啱數另外都仲有少量甜品可以揀點樣都要食埋先夠滿足😌…查看更多

發現呢間遠離塵囂嘅泰國餐廳所有食物質素都正常絕對冇伏個別嘅菜式更加係用心有誠意每樣都係十份大碟份量超足環境靚 座位闊落好坐夜晚應該會更有feel一班朋友食吓嘢飲2杯坐室外勁chill雖然位置唔算勁方便不過離市中心其實都只係十零分鐘步程以佢嘅食物出品同環境絕對係可以無視佢唔係市中心呢件事！已經升級為我心目中最抵食舒服嘅泰國菜餐廳！呢到嘅酒精飲品大路嘅都有齊下次一定要試吓夜晚過嚟！✨泰式生蝦 $128虎蝦大大隻夠厚肉 有舊冰座住食極都夠凍！✨泰式鳳爪 $88酸辣汁十分惹味而超級抵食 份量極多 食極都仲有咁職員有問我哋要唔要小辣 我哋揀咗正常怕辣朋友可以再揀小辣✨生菜包 $128生菜全部青bb新鮮爽脆肉碎都香 不過個人略嫌唔夠辣驚喜係配咗車厘茄仲有炸豬皮好似賺咗咁😆✨手打炸蝦餅 $108有成8件 件件厚肉蝦肉係有蝦碎係入面 口感更好而且面頭有麵包糠係更加香脆推薦！✨串燒沙嗲雞 $38✨串燒沙嗲牛 $38沙嗲汁都幾有椰香味水準正常✨馬拉盞炒通菜 $98通菜新鮮 炒得唔會太過淋而且唔會炒到黑晒借得講嘅係佢落咗好多蝦米係惹味勁多 好有誠意好推薦！✨泰斗三檸梳打 $58呢到嘅特色嘢飲都唔少揀咗呢個三檸梳打有咸檸 青檸 檸檬口感幾特別 幾解膩…查看更多

呢間餐廳之前已經聽過朋友介紹話好抵食高質見到OpenRice有套餐$880就食到鵝肝龍蝦和牛係時候要試吓！餐廳嘅環境都闊落有落地大玻璃 座位寬敞幾啱情侶一齊食飯✨自家製醬汁煮南非鮑魚醬汁係有啲日式醬油同有啲啲酒味鮑魚入口夠彈牙鮑魚下面有嚿蘿蔔係超級入味✨季節刺身三款今日嘅季節刺身係鰆魚 油甘魚 吞拿魚鰆魚本身脂肪較厚 肉質肥美魚皮稍作炙燒 突出到油脂香味處理得不錯✨金槍魚腩手卷金槍魚腩茸上面灑咗淡雪鹽就咁食都已經吊到味✨海鮮茶碗蒸✨季節吸物清清地嘅海帶蜆湯清一清個口準備入戲肉😆✨野生生猛龍蝦有半隻龍蝦嘅份量龍蝦肉係用龍蝦汁煮呢個做法係我最鍾意可以原汁原味食到龍蝦本身嘅鮮味而且肉質彈牙一食就知係新鮮我同同行朋友都對龍蝦十分滿意✨香煎鵝肝拌自家製醬汁自家製醬汁係無花果意大利黑醋可以中和到鵝肝嘅膩好味！職員特登提我哋食咗鵝肝先食嗰粒黑豆果然係有作用！黑豆甜甜地可以再解膩做法同處理好細心✨日本宮崎和牛唔識牛嘅朋友可以揀西班牙黑毛豬不過我就一定係揀和牛嘅😆五成熟嘅和牛煎得啱啱好原汁原味一咬落口肉汁係即刻爆出嚟之後可以再配搭蒜片或者鹽去食最後有小青椒解膩，又咁細心😆💖✨煙肉香蒜炒飯炒飯炒得夠乾身香口不過其實食到呢個位已經飽飽地😂✨炒雜菜有類似日式XO醬可以配搭食辣辣地幾香口✨是日精選甜品…查看更多

今日帶媽媽食晚飯老人家都係比較喜好中餐揀咗呢間新開「大宅」😆餐廳其實係問月酒店入面銅鑼灣站落車行8-10分鐘都尚算方便入面地方唔算大 但都包括晒有包廂大枱細枱都有 座位係超級舒服闊落值得一讚職員Paul服務超專業笑容滿面有禮貌久唔久仲會過嚟為我哋介紹菜式✨玄米桂花茶呢個係Paul介紹我哋飲嘅茶桂花十分清香 玄米茶淳 十分夾 值得叫✨江西豆腐金沙白飯魚 先食江西豆腐 外層酥脆 入面豆腐超熱超滑金沙白飯魚充滿咸蛋香 好濃味所以要先食豆腐再食白飯魚✨大宅佛跳牆呢個係招牌菜佛跳牆除咗用料要好靚之外煲到黏口濃郁先叫合格呢到嘅佛跳牆絕對合格以上！食完抹嘴張紙巾都痴住個嘴😂✨蟹黃銀針燴玉帶個名好靚 帶子厚肉 面有輕輕煎過蟹肉都唔少 個汁好味 阿媽話想撈飯哈哈✨20年古月龍山花雕蛋蒸虎蝦球一上嚟已經聞到濃濃嘅花雕酒香但食落酒味並唔重 反而係香襯到蛋香味 原來個蛋先係主角😆✨拔絲咕嚕球酸甜嘅咕嚕球係呢個餐入面最濃味嘅但個人略嫌拔嘅絲唔夠多😆✨ 香煎一夜鮮麒麟魚煎麒麟魚唔係到到有得食 多數都係蒸呢到係煎完加葱油 煎完嘅皮係十分香脆呢個好好味 家母都大讚✨蝦子花膠濃雞湯 拌菜苗 手工拉麵見到個花膠就知靚料手工拉麵亦好煙韌食咗呢個已經好飽 但係我哋都食晒😂✨芋茸燉鮮奶飯後甜品貫徹佢哋呢個餐嘅作風樸實無華 不作花巧但係真材實料 味道絕不敷衍成餐飯食完係滿足同充實冇過多嘅打卡色水嘢但食物質素絕對係高分食嘅過程包括服務都係舒服呢個食物質素同服務每人只需$800不到係物超所值…查看更多

位於中環嘅呢間鋪想試好耐因為用丼上嘅Omakase實屬少見！今日終於得閒去到小小嘅門面再加一條神秘嘅樓梯先落到嚟地庫增加咗隱世嘅感覺😆店內座位並唔多，大約十幾二十個但係座位唔逼，日系簡約風Menu嘅選擇唔算多話明專門食Omakase丼都係交俾大廚！每個丼飯都有沙律，茶碗蒸，同埋麵豉湯個沙律食得出每種食材都係分開調味由前菜開始已經感覺到大廚嘅用心茶碗蒸亦都好滑✨海言廚師發辦魚生飯(特上)一碗丼飯足足有15款時令嘅魚生！今日有白子鰤魚每種魚生都睇得出有唔同嘅處理方法唔同嘅切法同埋厚度 有部份係有火炙過 ✨江户前散壽司(特上)江戶前壽司係比較傳統嘅選擇魚生嘅數量比較少不過雖然係散壽司 但係全部都厚切有鰻魚，八爪魚等等處理手法都係傳統嘅方法亦有傳統嘅日本漬物特別講吓佢嘅飯 係紫菜芝麻油飯 好香！最後會送上櫻花蝦清湯即時暖返個胃 圓滿咗呢一個特別嘅Omakase丼之旅！…查看更多

呢間鐵板燒位置係旺角The one高層19樓 景觀一流 可以坐窗口位一路望住廚師整鐵板燒一路睇夜景！我哋揀咗個秋冬會席做緊特價優惠！每位只係880有齊9道菜 性價比唔錯✨精選秋冬前菜兩點分別係鮟鱇魚肝同燒鰻魚鮟鱇魚肝第一次食 食落香滑軟身冇鵝肝咁漏 較清新兩樣都係簡單用醋去調味 已經夠晒鮮味✨精選秋冬刺身一款及金槍魚和甜蝦今日上嘅係油甘魚 魚生食落真係好新鮮✨松葉蟹大根煮物上網嘅係拆咗殼嘅松葉蟹肉中間係炸豆腐 底係大根成個配搭都好清甜 湯都俾我哋飲埋✨甘鯛立鱗燒芒果蛋黃醬呢個魚令我十分驚喜立鱗燒十分香脆 配搭京蔥同芒果蛋黃醬係好特別嘅味道 到依家都仲掛住緊✨鐵板燒帆立貝松茸清湯終於上到鐵板！帆立貝燒得啱啱好簡單調味加個焦香就已經夠出色可以飲埋個松茸湯✨鐵板燒大蝦蜜糖山葵醬大蝦彈牙有2塊煙燻多士配嘅係蜜糖芥末醬✨鐵板燒美國牛肉眼薄燒呢到可以選擇加$200轉A4和牛厚燒我哋就冇加到薄燒牛可以點薑忌廉 涼涼哋唔辣亦可以點山椒汁✨三十六個月風乾伊比利亞火腿炒飯最後上埋個米氣！雖然已經好飽 但係見到炒飯粒粒分明忍唔住食咗大半碗如果太飽嘅朋友可以提早同廚師講聲少飯✨甜品總結佢哋嘅食材新鮮而且調味我都好滿意聽日大家趁佢依家減價過嚟試…查看更多

呢間新開嘅居酒屋喺SOGO附近地理位置十分方便座位唔算多 人少少 有日式居酒屋氣氛！食物選擇都唔少 值得一提係呢到有提燈食唔係到到有嘅菜式 可以試吓✨虎蝦金柚沙律 前菜沙律好清新，有少少泰式feel配埋夏威夷果 酸酸哋即時開胃✨本日推介-梭子魚刺身 本日推介嘅刺身有幾種 會定時更換有比較少食嘅梭子魚同白子 我哋揀咗梭子魚魚肉係比較鬆軟油份唔多 但火炙過嘅魚皮 就油份充足食落唔會係好漏 但係鮮味十足✨提燈 提燈作為比較少見嘅食材係因為佢屬於比較特別嘅部位係雞卵巢加未孵化的蛋 所以真係唔係到到有得食蛋黃半生熟 一咬就爆開而肉嘅部位就充滿肉焦香 比較Q彈✨鹽燒原件雞皮 鹽燒雞皮好考師傅功夫呢個唔留神就會燶咗呢到燒得超級脆，充滿油香啱晒配啤酒✨宮崎A4和牛火鍋6片大大片嘅和牛 睇相都知啲油花超靚半生熟嘅靚牛係永遠都唔會令人失望超好味🤤超軟嫩蔬菜鍋份量亦都十分充足菜 菇 粉絲 應有盡有…查看更多

北京正宗火鍋新京熹開到嚟香港！即刻過嚟試吓作為香港第一分店裝修結合暗黑同中式一入門口已經有新派”京味”呢到係一人一個小暖鍋好處就係乾淨衛生，仲可以揀自己鍾意湯底值得一提係佢嘅蘸料有得揀傳統嘅芝麻醬，仲有沙蔥汁同腐乳等食唔慣嘅朋友亦有昆布豉油辣椒醬十分貼心新京熹主打食羊肉，我哋揀咗兩款羊肉兩款都各有所愛呢款錫盟180天羔羊肉屬機切羊肉，上枱個碟成米長😆機切羊係比較薄，但口感就比較清新相對羊味會冇咁重另一款鮮切寧夏灘羊羊梅花屬於手切羊肉，口感就會比較軟滑同時羊味都比較重經典大片脆毛肚必點菜式！每片都超爽口咬落塊塊都”嗦嗦” 聲原產地雲貴川鮮菌千祈唔好以為嗰啲係雪耳其實係比較少見嘅繡球菌食落爽口之餘吸到湯汁十分建議未試過嘅朋友試吓初識君 蜜桃烏龍/牛乳 三分甜粵•鮮蔗馬蹄試咗兩杯嘢飲，初識君有驚喜淡淡牛乳味，蜜桃烏龍茶味亦唔會被蓋過恰到好處，推薦最後叫咗個經典北京甜品糖油餅外層酥脆，中間煙靭，唔會過甜作為飯後甜品又飽又滿足最後一提餐廳每晚都會有京戲表演啱晒打卡，而且表演者係唱live好犀利新奇有趣嘅用餐體驗！不過如果可以隔開時間就更好等早輪同次輪用餐嘅朋友都可以有機會欣賞到…查看更多