Sindyyyyy的個人專頁

係網上見到有人推介呢間既米線，咁岩路過一於試下，但真係好失望。同朋友兩個人去食，叫左酸菜魚米線同撈米線+滷水雞腎，小食叫左一份麻辣牛柏葉，仲有兩杯凍飲。酸菜魚米線有4舊魚肉，都嫩滑無骨，唔錯既，但湯底係比較重胡椒味既雞湯，味精都好重，食完會好口渴。另外明明叫撈米線但就俾左拉麵，食落味道幾香，但雞腎好乾好硬。但最伏都係麻辣牛柏葉，作為一個涼拌小食，竟然係熱既、又完全唔辣，呢個真係好失望。而且環境好迫，坐得好唔舒服，成日都同枱離檯碰撞到。…查看更多

之前同朋友係某酒店既tea set試過西瓜蛋糕，覺得好fresh好特別。有一日行街路過呢間蛋糕店，見到主打西瓜蛋糕，打算再食一次就發現中左伏，食完就會發現同想像中既味道差好遠。今次趁屋企人生日買左一個small既荔枝西瓜蛋糕，西瓜肉入口冇甜味，荔枝肉唔甜而且唔新鮮，蛋糕同中間既忌廉唔香又唔滑，食落冇味，再加上杏仁餅底太濃味，搶過哂其他材料既味道。一整個蛋糕入面既所有野一d都唔夾，都唔知自己食左啲咩，難怪門市冇人嚟食野😅…查看更多