marcohiuhung的個人專頁

無諗到呢間日式放題咁大間，係二樓全層，勁大間。店內有好多區域提供，最搞笑係夾糖專區，沒諗到放題都咁多選擇。果汁區原來都有清酒，梅酒，提子燒酒呢啲斟。養生啲仲有熱飲，羅漢果同菊花蜜。醃漬食物都好多種，作為前菜小食一流。之後仲有生果甜品林林總總。之後，呢間係用手機叫餐嘅，望到有刺身就全部都點哂！壽司都揀啲黎食，因為選擇太多，有選擇困難症可能都要揀好耐。刺身拼盤到了，真係無揸流攤，油甘魚，三文魚呢啲好靚，好好食，重點係任叫。佢仲可以叫熟食炸物串燒呢啲，炸南瓜天婦羅都唔錯，之後我仲叫左碗花膠試下，都幾特別。臨尾仲有哈根大師嘅雪糕食，都咪話唔過癮。放題有呢種質素真係性價比之王，難怪呢間咁大間都仲咁多人排隊。…查看更多

好日都唔會過嚟大埔～但係一個好耐無見嘅朋友叫到，遠一遠都要去啦～朋友係要見架麻～佢喺大埔返工，我又咁啱放假，所以就決定入去大埔搵佢就佢放工～佢介紹咗呢一間八妹雞煲，話入大埔一定要食咁話喎！訂咗枱8:30，一到步就即刻入得喇～餐廳內部係舊式香港大排檔feel～有霓虹燈掛牆餐牌等等成個感覺幾正～坐低咗點嘢食， 首先帶咗半隻小辣雞煲先，之後再慢慢揀打邊爐嘅配料～等咗15分鐘左右雞煲就已經到啦，一上枱就聞到好香，店員幫我哋炒咗幾吓就同我哋講可以食喇！兩個人換隻雞啱啱好，雞肉都幾滑，我重點係個雞煲醬好惹味，小辣我哋兩個都食到！食到尾聲啲洋蔥都煮到透食落仲正！兩個人叫咗兩大支ASAHI啤啤佢~ 餐廳有提供到冰桶，Keep到啤酒冰凍真係好緊要！！叫咗呢個手切肥牛（大），份量都真係唔少，而且肉同脂肪比例啱啱好，睇吓啲雪花幾靚就知～牛肉味超級重👍🏻豬腩片，睇落好似好肥咁，但食落一啲都唔肥膩仲有啲爽脆！同埋食得出係新鮮嘅唔係啲冰鮮豬！手打鴛鴦滑（墨魚滑&蝦滑）每次打邊爐都必點！因為新鮮爽口彈牙！鮮蝦雲吞 我朋友鍾意食所以點嘅我自己就一般般， 不過都幾好食嘅我哋仲叫咗娃娃菜同埋炸響鈴，炸響鈴應該係餐廳新鮮自己炸，冇油益味，索咗啲雞煲汁食好正😋…查看更多

放工之後同同事睇完戲直落去食飯～好似都有一排冇食泰國嘢所以決定過嚟尖嘴呢一間「新泰東南亞餐廳」食個quick dinner 就坂去休息，因為第二朝大家仲要返早🤦🏻‍♂️間餐廳正門正正就係喺K11對面姐，好易搵～餐廳用膳嘅地方係位於地牢嘅，真係超級大～內部嘅裝修都好靚好精美而且都富有東南亞嘅特色！整體來講環境係乾淨舒適！坐低冇耐店員已經為我哋鋪設餐具提供飲用水同埋遞上餐牌，好有效率！呢間餐廳其實提供非常之多嘅選擇，亦都有甜品～不過由於我哋唔係太肚餓，只係想過下泰菜口癮食個quick dinner，所以最後我地只係叫咗三個菜，雖然係咁但係都充滿驚喜嘅！燒豬頸肉 $78燒得啱啱好，豬頸肉依然保持相當肉汁，而且食落又咬口！配埋隔離嗰兜泰式酸辣汁，作為小食前菜真係好開胃！馬沙拉咖喱雞 $88正正常常，咖喱唔係好辣偏甜，椰香味足！泰式蝦炒金邊粉 $108分量十足，味道對辦！金邊粉炒得條條分明，泰式蝦爽口彈牙！叫多兩杯泰式凍奶茶一飲就知係正宗泰茶黎，因為夠甜，茶底亦都飲得出係紅標茶！真係好懷念泰國嗰陣味😢…查看更多

放工同同事過嚟呢間「馬師傅菜館」食一盅兩件吹吓水訴下苦～三點幾鐘嚟到都唔使等位可以直接入去坐～環境同一般茶樓冇分別，坐低叫茶Take點心紙，重機一陣就食得喇～竟然有皮蛋酸薑，即刻叫咗一碟嚟食諗都冇諗😛皮蛋好靚呀有流心架！食落都唔會一大浸噏味，啲薑就正正常常啦如果係子薑就最好啦不過可能依家唔係時候～整體來講係正嘅！豉汁蒸排骨，唔係好覺有豉汁但係又好夠味㗎喎，整得都幾淋幾滑嘅～同埋舊舊都嚟晒骨嘅！之後當然都唔少得嗌蝦餃燒賣牛肉球啦！每樣兩件我同個friend食啱啱好一人一粒～ 山竹牛肉球幾好味，陳皮味好香～紙蝦餃燒賣亦都係正常水準，唔錯！雖然只係嗌咗幾籠野食，但係同同事邊傾邊講邊食都食咗成個幾鐘，得返我哋一台客，不過店員好好都冇話俾面色我哋睇仲叫我哋慢慢坐慢慢傾，仲主動幫我哋加滾水！買單都係一人$7-80～ 好滿足！…查看更多

老友成功轉工升職加人工，佢請我過左嚟佢屋企附近到食飯慶祝～我哋約咗8鐘半係TKO 地鐵站等～ 再行大約10分鐘到就到啦！間餐廳真係都幾隱蔽佢係一個好大嘅停車場隔離條巷仔入面～聽朋友講話相當之高質！我哋事先book咗枱，簡單做左啲登記就侜得啦～安排左四人枱比我地，坐得好舒適！餐廳嘅內部裝修都頗有格調，店員嘅服務態度都非常好同專業！坐底無耐就為我地送上餐具同水～我地叫左一個salad, 一個pasta, 一個main course 同兩杯野飲～1）MANGO & TIGER PRAWN SALAD 鮮芒果虎蝦沙律 $128呢個salad 好refreshing 呀！虎蝦大大隻，爽口彈牙，食落仲係熱嘅，相信係即煎香上碟！芒果🥭亦都好甜～2）LINGUINE VONGOLE 橄欖油蒜香白酒煮紐西蘭海鑽蜆扁意粉 $188海鑽蜆係新鮮空運食材，好鮮甜同好大隻，啖啖肉！意粉都煮得好好，有咬口！個seasoning 都岩岩好，整體成個意粉都好高質！3）PORK KNUCKLE 德國鹹豬手 $268呢個德國鹹豬手上菜嘅時候，我同朋友都嚇親，咁大份嘅！食完個salad 同pasta 其車月都已經七分飽！呢個豬手熱辣辣，個豬皮燒得勁脆！上菜嘅時候已經拆左肉，亦分左一件件，所以唔會話食得好論盡！另外，食德國鹹豬手又點會無酸椰菜～ 豬手配埋個蜜糖芥末醬好好味😋👍🏻4）鴛鴦 （焦糖味）$58奶茶底+咖啡冰磚 都幾特別～…查看更多

Dodam Chicken 位於觀塘亞太中心，午餐時間坐無虛席，建議午餐必需要提前入座。一行四人點了兩份午餐韓式炸雞，再加一份雙重芝士麵包辣烤雞，份量果然十足。午餐香蒜豉油焗烤雞，味道略甜，炸雞會較為乾身，感覺似西式炸雞。另一款韓式辣焗烤雞，用上傳統韓式辣醬配炸雞，味道果然不同，炸雞會感覺較為多汁，辣度適中。順帶一提，午餐炸雞每份大約三四件，更配有沙律菜及韓式醃蘿蔔，及韓式自取小食等等。雙重芝士麵包辣烤雞，辣度十足，麵包使用麥包，雞肉使用烤雞方式處理，配上大量芝士及韓式年糕，絕對大滿足。…查看更多

朋友食過幾次呢間「蝦蝦燒」任食流水蝦放題話勁正，今次帶埋我過嚟encore咁話喎～呢間餐廳位於佐敦白加士街，搭巴士或者地鐵都方便嘅～ 朋友話呢間餐廳勁爆要提早book位，我哋book咗7:30，準時到準時入場開波～一入到去發覺間餐廳真係好大，睇返資料原來有成六千呎，但係依然係座無虛席， 非常之熱鬧！睇嚟今次實冇介紹錯😜餐廳話由於已經冇晒二人枱所以安排咗張四人枱俾我哋，正！間餐廳大部份枱與枱之間都會魚缸裝住大大隻又新鮮嘅大頭蝦比客人自己夾！搶到埋位侍應已經預先安排咗10隻8隻大頭蝦俾我哋燒住先，同時間每一位客人會送一份白鱔肉，一隻貴妃蚌，同埋一條蟶子皇！白鱔肉真係好肥美，個皮燒到脆卜卜，肉質鮮嫩啖啖肉好正！貴妃蚌同埋蟶子皇都好鮮甜！可惜無得encore!不過呢間餐廳最正嘅除咗係任夾流水蝦之外，就係佢免費任食好多款唔同嘅海鮮!鮑魚、扇貝、大蜆、海螺、魷魚、海魚⋯全部都係任食！！！！ 個重點係佢哋一啲都唔易行係咁refill 從來冇見過呢個海鮮section 係吉嘅！除咗有海鮮任食之外，呢間餐廳都提供咗兩大櫃唔同嘅肉類丸類比客人選擇，個人推介牛仔骨！其實仲有熟食嘅，不過因為實在有太多其他選擇，我就冇食到熟食！另外當然唔少得有唔同嘅飲品又係飲任啦，啤酒汽水茶特飲全部有齊晒同一般放題提供個啲有過之而無不及！…查看更多

今日喺荃灣做完Facial約咗朋友喺附近食飯講到去荃灣食嘢一定係去大鴻輝中心度食啦成幢都係餐廳大把選擇～最後決定去咗呢間18樓雞煲～我記得以前食過一次嘅印象都唔錯！由於我朋友佢唔食牛嘅，所以就揀咗最平嗰個套餐A！我哋今日食個early dinner ，六點鐘就到喇所以可以直接book in唔使等～安排咗我哋坐卡位有個無敵靚view ~一坐低侍應已經即刻問我哋雞煲想要咩辣，大約15分鐘之後計較就已經到咗可以食啦～隻雞夠滑，味道亦都夠濃，小辣啱啱好～食完隻雞就可以到啲湯落去打邊爐～呢度係用QR code點餐非常方便，而且出餐速度奇快亦都唔會漏單～食完個雞煲之後其實都已經飽飽地所以我哋都係輕輕點左少少其他邊爐配料邊食邊吹水～主要都係點咗丸類，豬腩片，梅頭片，羊肉片～至於啲蔬菜就可以喺一個凍櫃入邊拎，有娃娃菜油麥菜，另外仲可以點秋葵等等～至於飲品汽水特色飲品就唔少得啦，另外佢哋仲有自家製嘅桂花烏龍茶同埋冬瓜茶！我人最鍾意冬瓜茶，因為唔太甜好解渴！呢一餐真係輕鬆愉快，而且價錢唔貴每人都係$178再加一，抵玩！另外真係要讚一讚佢呢度嘅抽風系統，入嚟前同食完後我都完全聞到個身有打邊爐同埋雞煲味！…查看更多

呢排日日放工都約咗朋友食飯仲要食唔同國家嘅菜式😅今日就揀咗嚟到Mikiki商場嘅西班牙餐廳食飯間餐廳細細間但係都相當熱鬧，而且裝修亦都好有西班牙風味特色，又見到有一大個酒櫃，幾有氣氛～餐牌都有幾多選擇，最後我哋揀咗呢間餐廳嘅signature烤乳豬、生菜包牛小扒、火腿野菌闊條麵！我同朋友仲一日嗌咗一杯draught ，佢飲黑啤我飲白啤！我鍾意個黑啤多啲，飲到麥味都好重！正！乳豬脾燒得好脆好香口，又保持到好多肉汁，仲要啖啖肉好鬼正！另外佢配埋個sauce點嚟食，酸酸甜甜更加惹味！呢個牛小排上碟個賣相同餐牌上面嗰張相真係有九成似！個牛小扒燒到medium rare，中間勁粉嫩勁Juicy，包生菜食可以低油膩感，再連埋佢配嘅嗰個paste食真係幾好味！條麵都做得唔錯，應該係自己搓嘅，口感紮實彈牙非常好，朋友話仲食到有少少蛋香味！唯一美中不足嘅地方係佢落西班牙火腿嘅份量偏少～聽嚟講一間係高質嘅西班牙餐廳！…查看更多

嚟咗呢間啦喺尖沙咀嘉芙中心一樓嘅「二鍋頭」食雞煲&打邊爐放題！呢間舖比起一般放題細間啲，但麻雀雖小五藏俱全！又有雞煲食又有邊爐打，一個價錢兩個享受～首先食咗個「二鍋頭惹味雞煲」先～我哋叫咗少少辣，雞幾滑嘅，雞煲醬亦都好惹味～落咗大量芫茜，唔鍾意食茜嘅可以剔走芫茜！淨係食完個雞煲已經有四五成飽啦～食完雞煲之後，就打邊爐啦！本身仲以為就咁到啲湯落去，原來係另外俾一煲打邊爐嘅湯底，我哋清清地揀咗個豬骨湯！另外呢間尖沙咀店有限定優惠「牛魔皇」放題！音色美國極黑和牛、美國angus prime 牛小排同牛頸脊！另外仲送每人送一客澳洲M6和牛！有雞煲有任食牛，$298咋，抵到爛！無論係送嘅澳洲和牛， 定係任食嘅牛小排牛頸脊都好高質，雪花紋靚，食落牛味又重，我哋都encore咗4-5 round ！因為實在太飽，所以反而其他任食嘅材料就淺嘗下就算～最後梗係唔少得要食埋甜品先走啦～食埋呢個椰汁🥥芋頭味嘅雪條就好滿足咁抱住個肚返屋企喇～…查看更多

食好西係喺疫情期間維持動力嘅其中一個心需嘅活動～今日嚟咗大角咀搵好嘢食～朋友介紹呢間良心小店唔錯值得幫襯，於是早咗一日book枱約埋個friend一齊食～「作為一間本土小店⋯⋯香港本土證是我們的家」😊 一定支持本土呀！呢個係豬肩肉扒，可以揀九成熟！打都算鮮嫩有肉汁，亦都有啲脂肪，咬耐啲會有脂肪香味走出嚟！塊豬扒下低有牛油味好重嘅薯蓉同埋我都幾鍾意嘅翠玉瓜～呢個係明太子海鮮pizza，皮薄餡靚，口感豐富！唔錯！黑松露cream cheese醬雞翼黑松露味幾重，忌廉芝士又唔會太Heavy，well balanced flavor ~榛子奶蓋美䘵，個奶蓋好正，我係飲唔到美䘵味！青檸水果梳打多多，好飲！海鹽焦糖cheese cake海鹽味都幾突出，中和到焦糖嘅甜味個餅底真係做得好鬆，食落去同上面嘅芝士蛋糕口感一致！高質！…查看更多

一直都好想試呢一間呢間medium rare steak 架啦～今日終於試到，之前上OpenRice做咗功課先！其實就係埋到去同店員講想食邊個部位嘅牛，要幾多gram，比錢，坐底等食！就係咁簡單～呢間餐廳有設立食區，不過其實都有櫈嘅，只係佢係出面咁解姐～我三點去其實都冇咩人，所以點完餐直接入去等食就得喇！揀咗塊西冷300g，店員即刻喺凍櫃拎出黎手起刀落一刀就切咗289g出黎啦，佢即時喺你面前秤埋，唔夠數會再補返一舊仔比你，好均真！另外我仲加錢轉做set，要麵豉湯波子汽水同埋溫泉蛋～點完餐佢會俾個感應器你～返牛扒ready就會響你出去拎㗎啦～餐廳係用吧枱高櫈形式嘅，每張枱都有鹽同埋黑胡椒比客人自己加～偷偷地整咗塊扒嘅製作過程🤭等咗大約10分鐘左右，快扒就已經煎好啦～塊牛扒係用鐵板serve嘅，拎嘅時間咋咋聲熱辣辣出晒煙，同埋見到塊扒燒嘅grill mark，真係流晒口水～睇相都睇得出塊扒好Juicy，煎得啱啱好真係medium rare ! 呢間餐廳特製左一個用嚟點牛扒食嘅醬汁， 幾好味！…查看更多

放假悶悶地落尖沙咀行下周圍睇下野行到攰就打開openrice 望下附近有咩好食啦無意間發現到呢間樓上有貓店主坐陣嘅cafe -「夢樂園」就諗都無諗就衝左上去嚕～呢間係啲樓上家庭小店黎嘅，一禁門鐘就率先見到可愛貓店主「笨笨」出黎迎接客人啦～ 入黎嘅時間係五點鐘，我包場咁，正！呢間餐廳嘅裝修名副其實「夢樂園」，枱櫈都色彩繽紛咁樣，幾舒服嘅！坐低咗冇耐，親切嘅店主就介紹話呢個鐘數我都仲可以叫到午餐，餐牌簡印咗喺隔板到，方便客人點餐👍🏻最後我揀咗黑毛豬魯肉飯$68，再加$6叫左個紅油抄手，另外店主特別推介我飲冬瓜茶，話係自家煲嘅，所以一於試吓佢啦！係等緊食物嘅時間，當然就係撚吓貓啦，我唔算係貓奴，但係呢間店嘅兩隻貓真係令我好心動想做貓奴😍 佢叫笨笨～ 無嘜出聲，但係叫佢佢會用個肚黎回應你嘅🤣佢叫妹妹，店主話佢比較怕羞，但係又好嗲人！我想講我坐低咗冇耐，妹妹佢自己跳咗上嚟我隔離張凳好乖咁坐低咗，之後仲跳埋上嚟我大髀到😍😍 第一次見就咁嗲咁熱情架咩❤️ 兩隻貓貓都好乖唔怕生，任摸唔嬲架！真係心都熔埋！正過貓cafe嗰啲呀真係！我掛住撚貓，同啲貓影相自拍，啲嘢食嚟到都唔捨得食住🤣好，講返啲食物啦！呢個滷肉飯其實租做得好好食，老闆娘話係用本地黑毛豬，黑毛豬魯肉煮得好淋好入味，調味亦都啱啱好，唔會話好鹹！而且用嘅係珍珠米粒粒分明，食到最尾唔會見到碗底好油嘅😋😋 至於個紅油抄手呢，就不過不失啦，值得一讚嘅係佢唔似出面食咁，直情有紅油浸住咁油！呢個紅油抄手個麻辣味都幾重，唔錯！最後就係杯冬瓜茶，好飲！甜到啱啱好，而且真係飲得到有冬瓜蓉，好fresh 好清涼！餐廳食物質素唔錯，再加上兩隻咁可愛嘅貓店主坐陣，得閒絕對會想再黎坐下hea下撚下貓😍…查看更多

放假喺屋企煲劇耍廢左全日，發現肚餓嘅時候已經到咗夜晚～於是又慣常咁打開OpenRice睇吓土記有咩好西食，發現呢間豐盛牛肉麵未食過，於是就喳喳臨換衫落去試下佢～呢間小店除咗有牛肉湯麵之外仲有其他唔同嘅台式料理，包括滷肉飯、乾拌麵，仲有好多唔同嘅台式風味小食，選擇花多眼亂！最後我都係揀咗個紅燒牛腩牛筋面，加多杯珍珠奶茶試吓先，好食嘅先下次再嚟試其他～呢碗牛腩牛筋面好大碗嘅，上面有兩三舊好大舊嘅牛腩+加兩三舊牛筋～ 首先試一試一個湯底先！第一啖飲落去覺得佢偏淡，心諗湯底嘅顏色咁濃烈，但係點解咁淡呢？之後再飲多啖就發覺個湯底係有啲菜甜味再加少少牛肉味，好好飲！飲完個咀仲會有啲漿住嘅感覺，但係絕對唔會覺得口渴，我敢寫包單一定冇落味精！你見我差唔多飲晒成碗就知！我睇返個Menu先知原來佢哋嘅湯頭係以新鮮牛大骨加入炒過嘅牛肉再加大量蔬菜慢火細熬而成，唔怪得個湯咁甜咁漿口！至於個牛腩，就相對冇個湯咁出色，食落係鬆化嘅，不過有啲瘦，所以食完會勁攝牙罅！至於個牛筋都炆得好林好入味嘅！至於個面就正正常常啦，不過就唔係好掛湯！整體來講成碗牛肉麵嘅份量真係好大碗，質素亦都唔錯嘅，個湯底就真係個人覺得做得好出色，絕對會間唔時過嚟食吓嘅！…查看更多

阿爸阿媽放假唔想煮飯，咁啱發覺仲未食父親節飯，於是決定成家落街食飯！住咗喺土瓜灣幾十年， 都知道呢間聚會小廚開咗都好多年，但真係一次都未食過！上OpenRice睇原來都幾過分，決定一家三口落去試一試佢😋老竇話想食雞煲，但係又唔想打邊爐！ 咁就簡單啦直接叫個雞煲食再嗌其他小菜！薑蔥桶蠔 $168 有成七隻大大隻嘅桶蠔，有預先走油，有落食到脆邊，桶蠔都好鮮甜！豉汁蒸白鱔 $138調味適中，白鱔都係新鮮嘅， 不過蒸得過老，識落唔夠爽脆！重慶雞煲（半隻）小辣 ）$198味道啱啱好，啱晒唔係好食得辣嘅阿爸阿媽，半隻雞三個人食亦都夠有突，雞肉都幾滑👍🏻香煎墨魚餅$98呢個真係極度推介，墨魚餅應該係自己打，新鮮彈牙，咬落去仲有好熱嘅墨魚膠肉汁！一碟有八件，抵食！店員非常殷勤，仲介紹我呢個藍妹啤酒promo比我地一家，上網登記成為會員，就免費送兩支640ml嘅藍妹啤酒！正到爆！咁啱做到今日咋🤣…查看更多