Annieyng的個人專頁

一家人共10人慶祝母親節， 點知一坐低， 個侍應就不停咁問， 你哋會唔會飲湯， 我哋話等一等先未睇完餐牌， 過咗唔夠一分鐘，佢又過嚟再問， 語氣態度非常之差， 跟住就話 ，如果你哋唔飲湯我就收咗啲湯碗， 我哋同佢講我哋會叫湯咁佢就走開咗喇， 過咗一陣又走過嚟 話要同我哋落單， 我哋話都未睇完等一陣間先， 佢就冇回應就走開咗喇， 非常之冇禮貌 ，跟住落單嘅時候講個菜名畀佢，佢話要比個number佢， 語氣態度非常之差， 跟住我哋話唔記得個number喎你睇啦 ， 跟住佢發曬脾氣叫第二個人嚟幫我哋落單，未開始食飯就已經受氣， 啲嘢又唔係特別好食， 咁樣服務嘅餐廳唔會再去囉…查看更多

買左秋冬4人餐，就約朋友去試下，每人一隻大閘蟹，係公蟹味道非常好， 跟住仲有每人一碗蛇羹， 一煲羊腩煲， 半隻炸子雞， 魚湯浸時蔬，食得好飽，好好味， 侍應服務一流， 值得一試 下次會是其他…查看更多

見youtube介紹有4人餐， 蛇羹羊腩煲 好似好正， 咁就約朋友去試下啦 真係畀人呃 ， 第一道菜 得12隻蝦 都冇影出嚟咁多隻 又係呃人， 鮑魚冇味， 羊腩煲 全部都係肉 味道係可以， 蒸魚合格 但係條魚都係冇魚味， 最後係臘味煲仔飯， 算係正常，影片中， 係咁話247蚊 ，原來係未計加一茶芥 加埋要三百幾蚊， 覺得有啲畀人呃咗…查看更多

見D人話好味咁咪去試下，非常之多人，一定要訂位，魚生新鮮好味，但每次點份量都會比少一半，咁就要點多幾次，其他熟食衹係一般，原本見燒生蠔好似好正，但結果也衹是一般，重要係吾熱，咁價錢如果喜歡食魚生係可以…查看更多

係open rice 買左coupon$329，見食評寫好似好正，就去試下，原本訂左佐敦分店，當日通知佐敦裝修所以要改旺角，已經覺得不妙，環境感覺很不清潔又細，我地5個人叫我地坐4人枱，但因為已經買左coupon所以一定要去食，海鮮係正常水平，牛肉並不理想，送到枱已經係出水啦，又一次中伏，一定無下次，店內服務員態度很不好，相片影出來好似店舖很大，食物很新鮮，原本都是影相效果，一餐生日飯，食到一肚都係氣，…查看更多

假期最後一日 ，原本諗住食好啲 去咗呢間，見到好靚嘅西餐廳環境唔錯不過服務就一般啦 叫咗一份牛扒一份豬扒牛扒食咗第一啖 非常之咸完全食唔到牛肉味， 根本唔值二百幾蚊豬扒個味道係ok嘅 但係就煮得好鞋都係唔值一百七十幾蚊環境雖然係舒服 但係冇諗過食物質素咁差兩個人食咗五百幾蚊 真係非常之失望…查看更多

一個晚上吾知食甚麼好，最後揀左車仔麵，本以為有 特色車仔麵， 點知全部餸菜都得個鹹字而且仲凍冰冰， 麵同湯底 都可以接受 味道也不錯， 叫咗豬皮得個鹹字， 咖哩魚蛋 啲魚蛋係硬嘅， 韭菜豬紅 得四條韭菜 三舊豬紅 啲豬紅都係凍冰冰， 原本車仔麵 就係熱辣辣 所以覺得中伏， 而且價錢也非常貴一碗車仔麵指定一麵三餸， 蝕咗60蚊 唔會再有下次囉…查看更多

見到食評寫到D菜式都好似幾好，所以決定要去試下，我地有大有小共13人，安排坐長枱已經覺得很方便， 都唔知點樣夾餸，都算啦如果D餸菜好味的話， 又話係新鮮雞必食， 但食落又鞋又冇雞味根本唔係新鮮雞， 籠仔蝦蒸飯最後一道餸先嚟 仲要啲飯好鹹啲蝦係梅，一D都 唔值嗰個價錢， 其他餸菜 就一般般 都還可以接受， 但如果咁嘅價錢就真係唔值啦…查看更多

有人生日要食生蠔，打去問話中午自助餐也有一款就決定去試下，而且重有78折，我地一行5日，其中有3位都很喜歡食蠔，試左第一輪非常ok,而且係任你攞幾多件都可以，正呀!吾使不停去排隊，其他海鮮就ok la,熱食也有很多選擇，但我主力是食生蠔同甜品，甜品種類多但每款都好好味，今期是芝士做主題，芝士甜品特別好味，魚生就很一般，但整體這個價格值得去食，而且也有150分鐘時間，邊食邊傾計，一D都吾趕呀!最後 食埋個雪糕 飲埋杯餐茶 剛剛好…查看更多

8:30 去到,明明已經有人到左,佢話未有人黎,我自己入去揾,咪已經有人到左囉,先係無人理過我地,無招呼,水都要自己斟水,叫左個 麻辣雞煲小辣,D雞係超雪雞無味, 麻辣吾麻辣,全程想叫人加湯都係自己來,無下次…查看更多

見新開就去試下啦!茶位9元ㄧ位,但係服務員幫你潻飲的,不是自己在酒楼点的自斟自飲,小籠包皮厚,菜式很鹹,還要加ㄧ呢!服務員都很年輕,服務ㄧ般,价錢也不平,不會再有下次…查看更多