sakichanchan的個人專頁

早排先係度開過餐食左個百幾蚊既丼，因為都覺得ｄ野都幾鮮而且價格符合，整睇幾合心水，所以今次就豪一ｄ，叫佢最貴既招牌北海丼！咁佢叫得招牌既野…亦都冇令我失望，一上檯當然見到份量十足啦，豐富到我要影多兩張ｃｌｏｓｅ　ｕｐ添呀！有三文魚、鮑魚仔、三文魚籽、海膽、牡丹蝦…等等。每一樣都食得出佢應有之鮮味，感受得到個食材係保存得好好。心裡經常有個印象，怕食刺身丼飯貴價唔夠飽，但呢個就真係…味道好，份量足。另外仲有叫左一個沙律同朋友ｓｈａｒｅ食。呢個0係餐牌上真係睇唔出原來係好多料… 本身只係諗住想食d菜所以先叫。點知係意料之外有好多角切既魚生，算係今餐一個驚喜。…查看更多

第一次食呢間餐廳，一入去揭開ＭＥＮＵ花多眼亂。佢有ＳＥＴ同埋好多種唔同單品既丼。ＳＥＴ包左幾樣野二百有找，看來十分抵食。但單品丼又款式多多，每一樣都十分吸引，一開始都猶豫左好耐要揀邊樣好！最後我放棄左ＳＥＴ，揀左一個唔係太貴既三文魚親子丼（一百六十幾蚊）。另外再叫左個小食芝士年糕。三文魚親子丼上菜，賣相同ＭＥＮＵ一樣唔錯，睇得出新鮮。食落都幾好，三文魚籽唔腥。（本身並沒有特別愛食三文魚籽，因為有Ｄ地方好易食到有腥味）整體品質對得住個價格，係幾正既～芝士年糕就覺得普通，沒有太特別。下次再幾會再試試其他小食～順帶一提，個地方都幾好坐，舒服同埋侍應服務幾好。…查看更多