eateatbaby的個人專頁

放工突然好想食豬膶粥就走咗過嚟獨食連埋炸両一齊叫粥嚟先，侍應細心話轉頭俾隻豉油碟我點豬膶好多塊厚切豬膶，煮得啱啱好！咬落去爽口彈牙！新鮮唔腥！就算唔點豉油都非常好食😋粥底都好綿滑夠味又唔鹹，隱約仲食到少少瑤柱絲👍🏻👍🏻碗粥食到中間碟炸両已經嚟咗但同其他店唔同～佢哋豉油係小店另上食時先自己淋落去所以炸両唔會稔、都唔會太鹹就算俾我攤凍咗都又脆又好食😋😋大滿足💯💯💯💯🈵🈵🈵🈵…查看更多

今日想食麵 同事介紹嚟咗呢間全場滿座，但好靚又nice 既老闆娘好快就安排入座唔係食肉獸嘅我點咗十三飛嚟到覺得成碗麵充滿誠意！牛肩肉好濃肉味、唔un 牛肋條稔香唔嚡口，一咬即化湯底濃香唔口渴，粉絲撈米粉 簡單得嚟非常驚喜嘅配搭！增加口感嘅層次，飽肚得嚟唔滯仲配有芽菜👍🏻👍🏻份量都好足，中間覺得碗麵點解食極都未完🤣所以男士可以放心，夠飽嘅👍🏻👍🏻最後跟餐嘅熱菊花蜜，清甜好飲～但美中不足係～某女侍應好惡～上菜時係喝我哋要即刻食埋啲蝦片俾佢收碟張枱唔係唔夠位嘅，我哋全枱呆咗！另外係要叫先有水提供，仲係大滾水！坐低口乾想濕一濕口都唔得😢😢…查看更多

食過好多間類似嘅舖頭始終做得最好味嘅都係肥姐不論味道、口感都係所以每次經過都會走去排下隊分別只係食幾多串🤭🤭墨魚係必食，有時會食個大皇牌😚嗰條隊永遠都係咁長，但永遠都係郁得好快加油！如果冇得食會係一種缺失…查看更多

自細食橫鋼嘅麵大，即使疫情都有間中嚟支持吓，但近1年嘅質素實在每況愈下，不論員工服務態度、衞生同出品都係只能算係勉強仍可接受嘅水平～～今日入門照舊來一碗九州拉麵，居然冇哂粟米、菜等嘅配料問員工只識話係吔改咗餐牌，其他乜都唔知一入口叉燒片、鳴門卷、筍片同湯底口感味道都全部變哂！唔再係咁多年來嘅味道！完全係2回事～～掀開餐牌，見到大部份麵類相片都冇咗堆配菜成間嘢嘅水平格局已經面目全非早知我去隔離冰室算失望以後唔會再嚟～👋🏻👋🏻👋🏻…查看更多

起初幫襯食開豆花米線外賣，疫情回落呢排路過就過嚟堂食，事頭婆阿姐永遠唔俾人埋牆坐，話係4人座，不論咩時間，全場空蕩蕩都趕人去坐啲豬頭骨位，態度真係超差！佢哋忘了幫我碗米線走蔥同佢哋講返，啲態度仲惡過我🤯豆花米線、乳餅同木瓜冰都係我最愛，但態度差到咁，附近都好多選擇，冇需要再嚟貼錢買難受😤…查看更多

朋友生日，事前打電話問過話午餐主菜冇乳豬、冷盤前菜、甜品任食，甜品都會寫個生日牌俾朋友，就訂座點知今日去到，先話海鮮拼盤同刺身限每人一份係其中一樣，唔係每樣限一份然後⋯忘了俾橙汁，再整跌咗我個口罩落地😑但事後有俾返個新嘅我，只可算數頭盤麵包：問先講可以添，唔特別海鮮拼盤：每人只可揀1碟，成碟都真係1人份Share 唔到，質素都唔係好好，ok la另外佢哋俾漏個温泉蛋俾我哋，追完單都係冇😑主菜又話限每人每次2款同只可添1次：肉眼同豬扒ok gei，但春雞同鱸魚就難食啲汁都水流流，冇人講咩汁打咩汁，而且我哋都分唔出，冇乜味食到甜品都冇咩心機再影，總括apple Cambo ok 但唔突出、tiramisu 算係最好食嗰個但都係普通，士多啤梨嗰個酸到食唔到，雪糕只俾咗1球曲奇味嘅。至於個芝士拼盤，冇餅冇包配，食落怪怪嘅，而且個人覺得應該係頭盤嘢。總括而言，因為疫情先會轉咗做semi buffet 正常buffet 都唔會諸多限制，完全冇咗嗰種樂趣，仲要唔係特別好味。所以，真係6折都唔抵食，留返食其他嘢會較好…查看更多

因為湊住小朋友又夠近，所以幫襯過外賣好多次，我通常買乳豬飯，唔係度度有得食但每次嘅食感都係一樣：就係好鬼難食一係就俾哂啲肥到極嘅皮、叫佢哋唔好咁肥，就俾哂啲真係半點肥都冇、柴到無論嘅嚟，啲皮仲要有陣燒燶咗嘅苦澀味，又係難食到大半盒都食唔到另外都試過啲燒鵝，唔差但都唔特別，未去到值呢個價位囉⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯…查看更多

老公之前同朋友食過，覺得幾好帶我嚟試，佢叫咗個牛扒蛋包飯餐，我就叫咗個芝士湯鍋雞扒飯，老公嗰個好快嚟咗，侍應都好快放咗碟芝士配料俾我個飯，但等了又等，我個飯唔見咗～見老公食咗一半，無奈下催一催我個飯，侍應問返我嗰個係咩飯，答咗再等一陣都冇，再問，回覆話好快有，終於嚟咗碟我冇叫嘅嘢嚟！嗰吓我堅火了！捱咗咁耐肚餓，老公都差不多食完，居然仲嚟錯嘢？！我同侍應講：我唔係要呢個，你直接同我取消咗佢啦！隔咗一陣，個阿姐走嚟同我講等多一分鐘就有，我已經唔想再食，講多次唔要，取消咗佢！對方話唔好意思，幫我取消，點知2-3分鐘，另一侍應再捧返個餐過嚟！我想食時追極都冇，而家我唔想要就想硬塞俾我？然後錢照收？生意唔係咁做！真係令我好反感！所以堅持取消！呢間嘢真係完全無視食客講乜嘢，完全亂嚟！隔離搭枱叫個鐵板飯，講咗3次話蒜蓉汁另上，都堅持落咗個飯度！而且兩間店都有個通病，就係通風系統極差，賣得鐵板餐同石鍋餐，又唔搞好通風，一味淨識開大冷氣吹到人哋頭都痛埋，仲要未食完已經全身油煙味！呢間我冇正式食過，但回想旺角店嘅質素同呢間店嘅服務，已經夠我永久black list 飯意！…查看更多

老公想試好耐，今晚陪佢去試冇乜胃口嘅我想叫碗清清哋嘅湯河，無，得濃味嘅炒粉佢叫咗香辣肉碎飯，ok gei 同埋鹹魚炒芥蘭，不過唔知點解帶點苦澀味，最後，我諗住叫個清清哋嘅紫菜肉碎湯，講明走蔥走芫茜，點知嚟到一啲都唔清，加埋大堆無厘頭嘅料入去，完全唔係泰式嘢最離譜係居然大大棵唐芹放埋入去！即係連蔥同芫茜都食唔到，點會頂得順芹菜？煮嗰個有冇腦架？陣味霸道到，夾走哂啲芹菜仲好大陣味，我聞到都想嘔！呢間嘢的確係大眾化價錢，但如果追求好泰式嘅，就唔太適合，而且好鹹好多味精，我哋兩個食完都超口渴好彩我哋早入座，唔駛等但如果要我排長龍入去，會係絕對嘅失望…查看更多

偶然間帶外地朋友來試食，叫咗招牌蟹粥、薑蔥桶蠔、咸魚蒸肉餅同薑汁芥蘭。起初只係貪佢好坐，價錢唔平，冇寄望啲嘢有幾特別第一樣上嘅係薑蔥桶蠔，好似有4隻，隻隻都肥美肉厚仲好鮮味，個汁都特別跟住係膏蟹粥，真係成隻蟹，多膏夠肉有份量，成煲粥都橙黃色，個蓋仲有好多膏，夠哂真材實料。粥底都非常綿，口感好好！之後係咸魚肉餅，特別在佢唔會過鹹，好香口，肉餅內仲好似夾有啲魷魚粒嘅嘢？總之係有咬口嘅嘢，但唔係我最怕嘅馬蹄。總括嚟講，呢間嘢真係有一番風味。幾個餸嘅食材好新鮮，啲嘢唔會過鹹，鹹香適中，口感都恰到好處。食得出係心思之作，絕對唔係行貨。值得一試唯一美中不足，就係飄住陣臭渠味🙊…查看更多

費事等位入咗嚟叫咗個推介嘅香茅豬扒飯同埋春卷撈檬等咗15分鐘追單 話落咗好耐單但入機時間係兩分鐘前等多十分鐘後終於等到香茅豬扒又鹹又乾又少 春卷撈檬得兩條春卷仲要係苦嘅食完仲肚餓 好彩冇叫其他嘢…查看更多