valeriefunglc的個人專頁

上網見到好多人都話好好食，唔似得西貢嗰啲會劏客，性價比極高！❤️白灼韭菜花 韭菜花冇咗嗰浸草青味，仲好爽脆。裏面應該加有少少麻油，食落去有浸好香嘅花生味！ 白灼鮮魷魚 魷魚爽口好新鮮，醬汁鹹鹹地好開胃。杏汁白豬肺湯 推介❤️平時喺屋企懶得整呢個豬肺湯，工序又多，又要洗豬肺。 一飲落去杏汁嘅味道好豐富，個湯底好濃郁，仲要個豬肺都好林。裏面仲好多料添。 豉汁蒸蟶子皇 蟶子皇手掌咁大隻，蒸嘅火候啱啱好，爽口新鮮。個豉汁又唔會太過鹹同埋油膩。 白胡椒龍蝦粉絲煲 推介❤️平時出邊食龍蝦，好多時都係高湯或者芝士。呢一個粉絲煲非常考功夫，又要啲粉絲唔窿底，仲要吸晒啲白胡椒同龍蝦嘅鮮味。又有鮮甜味亦都有胡椒嘅辣辣地，非常惹味！ 龍蝦啲肉大大嚿，同埋斬開咗一嚿嚿方便進食。 食落去唔會太老，粉絲亦都唔會太林又唔會太硬，烹調時間啱啱好！ 高湯菜心個菜心軟硬適中，而且用高湯嘅話就可以解下啲油膩感！ 裏面仲有啲原粒蒜頭同杞子。呢度嘅海鮮都幾有特色，仲要味道都唔錯，價錢亦都非常合理。不過真係要book位因為真係好full ! 🤣…查看更多

今日朋友帶我去咗一間尖沙咀北京道嘅日本餐廳，餐廳位置好方便，環境非常舒服，仲有個落地玻璃可以睇到維港成個夜景！原來餐廳最近每週唔同日子都有優惠，今日星期四單點壽司、刺身半價😍叫咗兩個刺身都好新鮮！深海池魚2切金目鯛2切仲有紫蘇花，可以同刺身一齊食，味道更加清新。另外都叫咗啲串燒送酒～雞軟骨 同 雞腎有鹽燒嘅味道，燒得啱啱好，雞軟骨好香脆，雞腎一啲都唔韌，好爽口。大蔥雞肉雖然係串燒，但係雞肉中間都仲好嫩滑juicy ，配合大蔥一齊食非常夾。黑豚肉紫蘇卷鍾意食紫蘇葉嘅朋友都可以試吓呢個黑豚肉串燒，原來紫蘇葉嘅香氣同黑豚肉嘅豬肉味都好襯。牛肉稻庭烏冬推介～ 湯底做得唔錯！好香濃嘅牛肉嘅鮮味同油香味，而且烏冬好煙靭。日本燒牛肉石鍋飯份量十足嘅燒牛肉石鍋飯，天氣涼咗少少，食充滿燒汁香味嘅牛肉 配合熱辣辣嘅石鍋飯好正。中華風燒賣壽司呢個幾有創意嘅壽司，外貌好似燒賣，但係食落去就係吞拿魚蓉壽司，連燒賣嘅外皮都食得，好得意。…查看更多

今日同屋企人去左大美督行下， 行完上網見到呢間泰菜 pet friendly 之外仲有免費泊車，就入去試下！ 環境好舒服有室內室外，而家仲要就冬天涼涼地。 白酒焗大蜆 推介大蜆夠大隻之外又新鮮，可能係泰菜所以調味上佢除左白酒都有香茅味！ 香茅同蜆好夾，我好中意！ 特色蟹肉炒飯 推介佢上盤個時好似一隻好大嘅糭咁，好得意。 本身見佢有兩隻蟹鉗以為剩係得蟹鉗，原來都有蟹肉係個炒飯裏面，而且都幾多。 調味都幾好，唔會太鹹，亦都唔會太油膩。泰式青咖喱 牛 青咖喱大啲又抵食，裏面都好多配料。除咗有草菇青豆，仲有泰國茄子。青咖喱一啲都唔辣，小朋友都啱食。而且都有好多塊牛，送飯同埋薄餅一流！香酥餅薄餅炸到脆卜卜，而且都好多塊！ 點青咖喱醬冇得輸！ 整體來講嘢食質素都好好，而且環境都幾舒服。帶狗仔食完嘢仲可以喺水壩行吓添！…查看更多

今日朋友帶咗我去食一間係Mira比較新開嘅泰國菜，餐廳裝修好靚！環境好舒服，而且服務都好好。各式各樣嘅傳統泰菜都有，但係做法同出邊嘅泰國菜都有少少唔同，別有一番味道。紅磚豆腐好俾心機嘅一個小菜，望落去好似真係一嚿紅磚咁，豆腐外皮炸得非常香脆，入邊係超級嫩滑嘅豆腐，仲有好多脆脆同埋乾辣椒半碟，賣相相當唔錯，而且又好食。炭燒沙嗲可選豬/牛/雞，今次我哋就揀咗牛串燒，牛肉肉味都好香，而且燒得啱啱好仲保留咗好多肉汁好Juicy，話佢嘅沙嗲醬同出邊有啲唔同，有沙嗲嘅香味又帶啲甜味，我幾鍾意呢個醬，比較清新，冇咁重花生醬味，食落冇咁Heavy，有沙嗲嘅香味又帶啲甜味。摩登海鮮冬陰功好足料嘅海鮮冬陰功，包括有好多青口同埋鮮蝦同埋魷魚，青口同蝦都好大隻好鮮甜，魷魚都好爽口，呢度嘅冬陰功湯底檸檬味比較重，再配合埋海鮮嘅鮮，特別開胃！金沙麥皮蝦非常邪惡嘅黃金蝦，外皮炸得非常酥脆，而且蝦球非常大粒啖啖肉，食落口非常濃郁嘅蛋黃香味。菠蘿炒飯呢度嘅菠蘿炒飯都幾足料，特別鍾意佢落咗好多腰果同埋提子乾，令到成個炒飯嘅口感同埋味道都提升咗，腰果非常香口，而且啲菠蘿粒都好香甜，所以成個飯係有鑊氣得來又帶啲水果嘅香氣。芒果糯米飯芒果好香甜，欣賞佢個糯米飯煮得啱啱好唔會太硬，而且溫度仲好夠熱！食落口仲會好軟糬。Passion Whisky叫左杯Cocktail飲 ，酒底係波本威士，另外加咗啲熱情果糖漿，所以好易入口，仲有熱情果同檸檬汁令到杯酒更加清新，仲有蛋白同龍舌蘭糖漿，層次感up!…查看更多

朋友之前介紹咗一間喺上環嘅西餐 ，今日終於book左同朋友試下，果然無介紹錯，食得出廚師好有心機，每款菜式都好用心去烹調，用料同做法都好特別！環境都好舒服，可以坐喺度同朋友傾偈，又可以睇到廚師即場烹飪各種特色菜，好治癒好放鬆嘅感覺。花膠配泰式酪乳紅油醬一個幾特別嘅前菜，Crossover咗中國菜同泰國菜，材料用咗花膠，但醬汁就配上自家製嘅泰式紅油，有少少似冬陰功嘅味，口感好thick 好Creamy， 湯 - 烤栗子湯配洋肚菌係比較少有嘅栗子湯，成個湯都好濃郁好creamy，超香濃嘅栗子味，上面仲有煎香嘅羊肚菌，煎香草嘅羊肚菌散發住一陣gases味，好香！連埋佢地自製嘅酸種麵包食味道都好夾。臘腸卡邦尼手工意粉又係一個Crossover嘅芝士火炙意粉，本身以為臘肉會令到個意粉好膩，但食落個效果完全相反！臘肉本身有啲咸香味，再配埋溫泉蛋mix埋一齊食，充滿蛋香同埋臘肉味，但又唔會好滯！西班牙紅蝦燒賣一個好有創意嘅燒賣，用料當然同普通唔一樣，燒賣似係用左西班牙紅蝦整成，再加西班牙紅蝦醬點埋一齊食，強烈建議大家一啖食晒佢，因為入面好juicy! 一啖食落口就會充滿蝦嘅鮮味！自家制酸種菠蘿包配 港式奶茶雪糕最後就Crossover埋一個本地茶餐廳嘅下午茶必點兩個口味！菠蘿包加奶茶！自製嘅菠蘿包包面做得超級脆口，中間就好軟熟，另外配咗港式奶茶味道嘅雪糕，好似用令一個方或食咗一個港式下午茶咁haha…查看更多

尖沙咀麼地道原來有一間 越南fusion泰菜嘅吧，裝修都好有格調～ 而且食物都幾特別，好有創意，鍾意食越南嘢嘅朋友都幾值得試吓 。Som Tum Goong With Fried Soft Shell Crab (泰式青木瓜沙律配炸軟殼蟹) 沙律材料好豐富，包括有清爽嘅青木瓜、蛇豆、仲有 啲蝦米提升鮮味、另外仲有啲辣椒，花生、羅望子醬調味，另外都有啲酸酸地幾開胃，蝦米同碎花生味有成個沙律好有口感，配一隻酥炸軟殼蟹，整體成個沙律味道都好豐富！Lamb Larb With Crispy Rice Salad (炒羊肉配脆米沙拉)食得辣嘅朋友，不妨試吓呢個炒羊肉米餅，由於佢加咗好多泰式辣椒、紅洋蔥絲、同混合香草，所以除咗羊肉本身嘅味道，香料味道非常濃郁，食落去啲羊都唔會騷～另外佢有啲生菜俾你包住食，似特別版嘅生菜包肉！Pho Bo Beef with Roasted Bone Marrow Add (牛肉湯河粉+牛骨髓)我自己就鍾意食越南河粉！呢度個越南河粉真係幾有特色，推介！湯底你會食得出非常厚，因為佢地係慢煮24小時牛肉湯、另外湯底都會帶一浸酸味，令到成個湯底唔會好漏，另外仲有唔同嘅牛肉包括 牛胸肉、牛腩 ，另外仲可以加錢追加牛骨髓，頭骨髓味道真係好濃郁！Prime Rib Eye 400g (肋眼牛排)我哋叫咗五成熟，中間仲好Juicy ，另外佢用咗好多唔同嘅醬汁調味，例如Bone marrow butter, rau ram oil (越南芫荽(rau ram)) &南鳳梨鳳尾魚醬，唔同味道嘅醬汁食落去都有唔同風味，所以食落味道都好豐富 DIY 一個可以freestyle 嘅前菜，包括有好多款唔同嘅材料，例如生菜、越南香草、鳳梨、黃瓜、泡菜青木瓜和胡蘿蔔、仲有地道嘅Bánh hỏi 米餅，可以根據自己嘅喜好組合啱自己口味嘅米卷，Bánh hỏi口感脆脆地好特別，同出面嘅米紙卷質感唔同。Fried Chicken Spring Rolls (炸雞春捲)超脆嘅春捲！肉味都好香，另外有好香嘅香草味，令到味道有啲清新。Durian Sticky Rice & Coconut Sundae (榴槤糯米椰子)芒果糯米飯就食得多，原來榴槤糯米飯都好夾！仲要用雪糕杯嘅形式上，好似食雪糕咁食，正。…查看更多

終於book到呢間omakase！多謝朋友介紹，整體呢間質素真係唔錯，魚生都好新鮮，而且都幾多元化！成個流程真係好豐富 好滿足❤️熱食湯 - 京都名物成個湯充滿柚子香，上面有一大塊鱧魚，用咗千刀刺嘅技術處理，所以骨都可吃，魚身好爽脆！天婦羅 - 用上北海道白粟米同黃粟米好少食粟米嘅天婦羅，時令嘅白粟米好清甜，以往粟米就有比較濃郁嘅粟米味，兩種都好好食！炸白海老小食用嚟送酒岩晒。海老真丈 係非常大粒嘅蝦餅，質感軟熟得黎又做到有啲Q彈，其實係因為用左雞蛋！刺身來自和歌山嘅真羽太 ，配上紫蘇花同檸檬醋食好清新。來自和歌山嘅甜蝦，甘海老，伊世，本身已經好甜，就咁點wasabi 都好好食！縞縿刺身來自北海道嘅北寄貝，可以點Wasabi或者豉油或者鹽，點少少就可，襯托出本身北寄貝嘅鮮甜。來自北海道嘅水八爪魚刺身 正！分別有八爪魚腳同八爪魚吸管，好爽口彈牙😂食得辣嘅朋友可以點多啲醬油漬Wasabi，同八爪魚吸管好夾！咁啱又係食海膽嘅季節，今次試到好幾款海膽！前菜沖繩海帶酸酸地，加啲 白海膽 味道好清新。配太刀魚加啲少少牛蒡香氣同松野露筍，前菜幾特別紫海膽師傅講 原來每隻海膽都唔同味，有啲偏清甜，有啲偏重礦物味，所有所好，我自己就喜歡清甜啲，但如果配sake 就食重礦物味嘅海膽會更加夾！北海道馬糞海膽手卷師傅包完之後即刻遞俾你食，紫菜好香脆！壽司 金目鯛魚皮已熟了，所以可以感受下 連皮下脂肪一齊食嘅魚油脂肪嘅香。關鯖 大分出產 （是日我嘅no.1)鯖魚大家熟食就食得多，呢到難得食到啲魚生關鯖，不是醃製的，但一啲都唔腥的，入口就會充滿鯖魚獨有嘅香味！來自青森嘅昆布漬帆立貝 新秋刀新，是新開始的意思，係好鮮嘅秋刀魚刺身！福岡槍魷魚師傅將佢切好好多條，方便食用，再加有紫蘇葉，更加清新。長崎嘅吞拿魚 即切 每一款吞拿魚好好食！中拖羅 皮下肉，都幾肥美，油香好足霜降位置，蛇腹 吞拿魚腩所以好肥美！吞拿魚中心部位 - 天身 比較稀有嘅部位…查看更多

上網見佢呢個闊面咁得意，今日同朋友嚟咗試吓！嫩雞白布湯闊麵湯底奶白色，有農香雞味，而且食落去啲雞肉非常嫩滑。最期待嘅闊麵真係好好食，好滑之餘仲好有咬口非常煙靭同Q彈！牛骨餃子麵套餐呢一款嘅湯底又好重嘅牛骨味，佢應該仲用咗白蘿蔔熬製所以都有啲白蘿蔔甜味。仲加咗啲蔥同埋胡椒粉，食落去好惹味！西施燉蛋牛骨面套餐仲送呢個甜品，食落去燉蛋非常滑，小甜，好好食！輕量魯肉飯滷肉飯嘅滷肉，肥瘦均勻。而且個醬汁調得好好，少少鹹少少甜。醬汁亦都唔會搞到個飯太濕，個滷肉送飯好好食！香茅香水檸檬茶朋友同我都嗌咗呢一杯嘢飲少冰少甜，好似最近興嗰啲手打檸檬。酸酸甜甜，茶底唔會太濃！總括而言餐廳嘅嘢食性價比都非常高，味道又好食，而且價錢又平！ 可以再去！…查看更多

觀塘駱駝漆大廈又開左間cafe, 上網睇佢話有適合生酮飲食嘅食物，所以就嗌咗外賣同屋企人試吓,整體都幾好食，食物都幾有特色。龍蝦汁番茄鮮蝦扁意粉意粉煙煙韌韌，唔會太軟啱啱好。龍蝦汁嘅味道都幾重，所以醬汁偏Creamy不過佢再加埋蕃茄就啱啱好。Creamy之餘，酸酸尾尾，蝦都有好多隻，所以個醬汁都好有蝦味，而且份量都大。招牌蒜香橄油煙鴨胸翠玉瓜麵呢個就係比我個生酮飲食朋友試嘅，用翠玉瓜做麵條，食落去好清新。咬落去有口感，翠玉瓜都好，配合到蒜香味！煙鴨胸都有好多舊，加咗少少蒜油嘅醬汁，好香口之餘仲有鴨香味！氣炸香烤雞翼雞翼香辣，調味非常足夠，唔會太過油膩，仲有五隻添，夠晒大份，鍾意食辣嘅朋友一定啱！整體來講，食物嘅質素都唔錯，份量都足夠，我見佢仲有啲健康餐沙律同埋生酮飲食嘅嘢。雖然嗌外賣但係溫度同嘢食質素都keep 到。…查看更多

之前一直想食呢間朋友介紹係朗豪坊附近嘅法國菜，今日食完覺得性價比好高！地理位置都好方便，如果想搵一啲價錢合理嘅法國菜食吓，不妨試吓呢間餐廳～煙三文魚牛油果沙律好大碟～ 都有幾多煙三文魚，亦有唔同沙律菜，紅蕃茄仔，黃蕃茄仔同牛油果，全部都好新鮮，沙律醋酸甜度適中，係一個幾開胃嘅沙律。焗法式地道古也芝士洋葱湯非常濃郁嘅一個洋蔥湯 ！再加上濃郁嘅芝士，塊麵包完全吸晒芝士同埋洋蔥嘅香味，整體成個湯都好有質感，推薦！海鮮墨魚意粉海鮮都相當豐富，有鮮蝦同埋帶子同埋青口 ，所有海鮮都好新鮮，隻蝦又大又鮮甜，肉質彈牙，意粉煮得啱啱好，仲好爽身，醬汁味道比較特別，再加埋蕃茄嘅酸甜味，第一次食呢種比較清新嘅墨汁意粉～香草燒黑毛豬鞍架配焗薯黑毛豬安肉質有一定嘅保證，再加上烹調嘅時間啱啱好，入落口仲好Juicy，仲要淡淡豬嘅油香，另外佢個薯仔好特別好好食！問返師傅原來用咗鴨油焗！所以有陣油香包住粒薯仔，推介！酥皮蘋果批配雪糕新鮮焗起嘅蘋果批，酥皮非常酥脆！而中間蘋果焗到好軟熟，再配上伴碟一啲甜甜酸酸嘅醬汁食，好夾！鍾意食蘋果批一定要叫！…查看更多

最近有朋友同我講尖沙咀開咗間新嘅火鍋店幾好，今日咁啱同朋友一齊嚟尖沙咀食嘢就順便試吓呢間新餐廳！環境都非常唔錯，座位好闊落，而且好舒服。中間有一個好大嘅調味料自助吧，另外仲有好多卡位甚至係包廂比唔同嘅聚會～最近仲做緊優惠，喺社交平台度follow佢哋嘅Account就可以有免費湯底，仲可以揀鴛鴦鍋！我哋就揀咗麻辣鴨血鍋，同埋胡椒豬肚鍋做鴛鴦鍋。麻辣湯麻辣味都幾出！越食越辣好惹味～另外胡椒豬肚湯就有好多豬肚！另外呢度嘅食物係散叫嘅，不過價錢都唔會話好貴，而且有啲份量太大嘅可以嗌半份，就算兩三個朋友嚟都可以試到唔同嘅嘢食～手切本地牛份量都幾多，而且牛肉望落去都好新鮮，食落都好有牛味又唔會韌～ 特級毛肚香港唔係好多火鍋店有毛肚！呢度嘅毛肚都幾新鮮，用麻辣湯底煮熟就最夾！食落口好爽脆。鮮鵝腸（半份）搬份嚟講都有啲多lol 鵝腸都洗得好乾淨，食落口好爽甜。桂花蚌（半份）桂花蚌都好推介，大隻又爽甜。冰菜個人好喜歡食冰菜，就算自己去街市都唔係成日買到嚟食，呢度嗌一份冰菜份量真係好抵！而且菜都好新鮮。鮮鮑魚仔同鮮海蝦（半份）值得一讚呢度嘅海鮮都係幾新鮮，鮑魚同海蝦食落口就會感受到嗰種鮮甜味，而且肉質都好爽彈。手打烏冬習慣打邊爐都會嗌一個烏冬最後食，撈埋一啲濃郁嘅麻辣鍋汁，烏冬吸晒啲精華，正！另外佢哋個優惠係麻辣鴨血同蜂巢豆腐可以無限量加！呢度嘅鴨血都幾入味鍾意食鴨血嘅朋友可以瘋狂食！另外生啤都做緊promotion！都幾抵！下次一於試下！…查看更多

觀塘協和街一帶都有好多嘢食，自從裕民坊開咗之後就多咗更加多嘢食，聽朋友講呢度有間水門雞店幾好食，今日經過裕民坊轉車返屋企就順便買咗個水門雞外賣食，整體食物質素同份量都幾合理。餐廳喺裕民坊嘅地舖，喺大陸馬路就會見到，雖然座位唔係好多，但係都好新淨闊落，不過亦都有外賣自取服務。水門雞半隻加油飯叫咗水門雞半隻加咗兩個油飯，半隻雞份量都幾多隻雞都幾大隻，而且整得好滑，雞油味特別香，配埋佢提供嘅醬汁食更加惹味。食水門雞，梗係要食油飯！所以另外加咗$20加咗兩碗飯，每碗$10，兩個人食一定夠飽。香辣肉碎沙律香辣肉碎炒得好香，唔算好辣，但係肉味好香配一啲新鮮生菜食口感爽脆又豐富。芒果糯米飯一個經典嘅甜品，芒果份量都好多！而且芒果都好甜～糯米飯唔會太硬，呢個價錢都幾抵食。下次有時間一於試吓堂食其他菜式！…查看更多

觀塘協和街嗰邊都有好多嘢食，今日就食咗一間喺度開咗好耐嘅魚蛋粉專門店，見到其他地方都好似有分店，但係一直都未食過，今日試完，覺得都好有香港地道風味，味道都正宗，份量同價錢都合理。雖然地方唔係好大，但係都唔會話坐得好迫。樓面姐姐都好有效率，食呢啲傳統粉麵出名就係上菜夠快！首先叫咗一碗魚蛋米腩汁多蔥，叫多蔥真係好多蔥！魚蛋同魚片都好爽蛋鮮甜，傳統嘅魚蛋麵湯底加腩汁味道都好夠濃，如果食得辣嘅朋友，都可以試吓佢哋嘅辣椒醬都幾辣下㗎🤣另外就叫咗個雙拼河粉，拼咗牛肚同雲吞，雲吞好大粒，牛肚份量都好多！河粉唔會太腍都仲有少少口感，雙拼幾抵食。凍檸茶走甜少冰香港地道茶記飲品，茶底都幾香，少甜就真係少甜，唔會太甜。熱華田華田自己落砂糖，可以自己控制甜度。…查看更多

今日去食左一間喺旺角嘅鐵板燒專門店，發現入邊除咗鐵板燒，仲有好多其他嘢食揀，個burger同意粉都幾好食！價錢都好親民，跟set嗌仲可以加甜品同埋小食，值得大家試吓！是日餐湯粉首先套餐會包咗一個湯，今日嘅湯係忌廉蜆肉湯，忌廉湯口感好順滑，仲有好多蜆肉仔～重量級安格斯牛肉漢堡伴薯條一嚟到見到個份量，有啲驚喜！超級大塊安格斯牛肉漢堡扒！真係重量級，另外仲有好多新鮮配料，例如煙肉洋蔥同埋芝士，非常Juicy, 旁邊仲放咗啲酸青瓜同埋蕃茄可以自由決定落唔落。食落口肉感非常飽滿 ，而且牛肉非常多汁，充滿安格斯牛肉味！另外配上新鮮炸嘅薯條。香蒜欖油海鮮意粉香蒜味味味好濃郁，海鮮都有好多款式，包括有魷魚蟹柳蜆仔同埋蝦，同欖油味好夾。香辣魷魚 （+$38）燒到好香嘅香辣魷魚配上照燒汁，非常惹味，口感煙韌～焦糖燉蛋 （+$28）最後加咗錢食咗一個甜品，$28嚟講都幾抵食，焦糖燒到非常脆，而且燉蛋做得都幾滑，整體感覺唔錯。Yellow Pine 一杯油菠蘿沙冰，菠蘿味好香甜，夏天飲沙冰就啱晒！檸檬菜蜜另外就嗌咗杯熱飲檸檬菜蜜。…查看更多

呢度環境比較有情調，裝修都好靚，好多打卡位。食物都做得好精緻，嚟飲酒又得食晚餐又得！好適合帶朋友嚟食飯或者情侶聚會！紅菜頭他他鍾意食紅菜頭嘅朋友可以試吓呢個前菜，紅菜頭切細粒伴上沙律醬，味道相當清新，帶點酸味，再加上一啲脆脆片，口感更豐富，係一個好開胃嘅前菜。炸薯條新鮮炸嘅薯條，另外配上黑松露忌廉芝士醬，黑松露味非常香，送酒一流。芝士肉醬闊條麵巨量嘅芝士配合海量嘅肉醬味道非常濃厚！闊條麵煮得啱啱好，配合酸酸哋嘅蕃茄醬汁，令到成個意粉冇咁膩，唔會太腍。茴香豬肉腸貓耳朵係比較特別嘅貓耳朵意粉，再配合豬肉腸同埋茴香，醬汁相對地比較酸辣啲，味道都幾特別，值得推介！另外仲叫咗兩杯Cocktail，呢度嘅signature Cocktail好有創意，Menu好詳細咁講解咗每杯獨特Cocktail嘅設計靈感，成份，酒感，味道等等，再配合獨一無二嘅名，藝術感極高！第一杯係：四大美人，果味比較重，甜甜地，容易入口。Ingredients:White wineGrape liqueurLychee liqueurFernet BrancaLimePear Syrup另一杯係：嬋娟，以桂花味為主，sake 底，都係比較fruity 同酸。Ingredients:Home made Osmant hus SakeGreen Apple SehnappsOolong teaLilletSt-GermainOrange Lychee Bubble…查看更多