李丙丙的個人專頁

近排都好鐘意去大圍小館食，啲點心叉燒都好好味，例如叉燒酥真係好好食。今日就不幸遇上差嘅待遇，事緣我先生去到㩒機攞飛，之後企埋一邊等。點知個門口知客S姐無跟號嗌飛，憑佢記憶力叫客入座，我先生一味聽見「小姐到你」，佢就走前望下到自己未，點知後面兩張枱入左，咁即時同S姐反映，S姐話我見你唔到呀，你張飛過左我俾過張你。阿姐你唔係順Number? 一味叫小姐啲先生當然唔應你。😓咁我先生見後面無人唯有照等，等左20分鐘我都到左就發現入面係有枱無人執，又無人叫入座，我就企入門口等，S姐一心記卦佢本卜枱簿，完全忽視門外客人，直至入面侍應哥哥叫咪，佢至應機，問完我幾多位收左我張飛就話下張到我。我入座啦，S姐話：小姐未到你，呢位先生先。「呢位先生」正正係我老公，之後佢又指另一位先生，好彩我老公有影底張相，唔係又俾佢玩多一鑊。呢位S小姐真係慳到唔好意思都無句，當無事發生咁行開。食好野要等唔係問題，但唔好做埋啲趕客行為。…查看更多

外賣3碗糖水，送到黎得番兩碗，點解？哈哈叫左綠豆涼粉，紫芋西米露，椰汁芋圓App 仔仔拎住包糖水 (無錯，係一包),成碗紫米芋圓漏剩啲芋圓喺碗，成個膠袋係糖水，究竟係app 仔仔跑得快定包裝有問題呢？一肚氣，花時間清理，打開碗綠豆涼粉，真係啤一聲，幾舊大冰係入面，喂，我無叫冰喎，水掉掉，水還水，豆還豆，無人敢食，唔知乜味椰汁芋圓得番幾啲芋圓，芋圓只有甜味。紫芋西米露，得個甜字，甜味蓋過一切。知道生意難做，但係咪要做得咁差呢。花左百幾蚊得到呢個體驗真係好難得，睇怕香港地無乜邊間有咁嘅質素？…查看更多

食品質素好，服務差累事。Green Monday, 一行三人去食個lunch, 門口gulu 機顯示無得取票，在門口等了一會無人理會便自行入座，點知被一名「健碩」職員「呼叫」要求我們返回門口取票及坐一坐，請問門口無櫈又無得取票咁我點算呢？最後被一名戴口罩的女職員招呼入座，到埋單時向口罩女識員示意，口罩女職輕輕回應就罷了，我們又要向另一位職員叫埋單😶回食物部分，點了黑松露意粉，味道很香只嫌略乾，如果多點點醬汁就好了，餐前沙律新鮮，沙律醬不錯，餐飲都係一般整體食物水準不錯，假如服務改善一下就更好，始終百多二有蚊一個午餐，在中上環的選擇多的是。…查看更多

隨心book左位吃晚飯，7點15分左右入座，點了set dinner 牛扒併鵝肝及羊架，等了5分鐘侍應話無羊架😓，無奈改點了帶子意粉。整體食物質素都ok(除左沙律), 牛扒要5成熟真係5成熟，出面好多餐廳都未必掌握得好，呢度真係要贊下。薯條似係番炸(午市剩餘物資?)，伴碟嘅菜都新鮮嘅。😑帶子意粉，份量幾大碟，帶子鮮美，意粉有咬口，醬汁夠滑不過偏甜，唔甜就perfect (有一秒懷疑廚師錯放糖當係鹽)。主菜幾好食都假，跟餐嘅「青瓜沙律」簡直係災難，侍應姐姐話嘅「青瓜沙律」，點知係紅菜頭青瓜加沙律醬，賣相嚇人，水dell dell , 勉強試左幾粒，放棄。 真心，你不如話無就算啦，咁都上到枱你地真係太離譜。😡之後發現鄰枱食客嘅沙律改用番正常沙律菜，當刻粗口都出埋黎，老公「無下次」服務？算把啦。…查看更多

令人驚喜的海南雞飯。中午路過此新店，本打算堂食，可惜只有3個座位，只好外賣番公司。穩穩陣陣買個海南雞飯，盛惠$65, 有湯又有菜飯。去骨海南雞，肉質香滑無雪味，伴有薑汁同甜豉油，一啲都唔求其。菜飯見唔到有雞油，粒粒菜加金華火腿茸，好香好正，的確係驚喜，不過份量就少左啲，女仔食還可以，男士就一定唔夠飽。例湯係青紅蘿蔔排骨湯，又係誠意之作，無雞骨有排骨，夠火喉又唔油，飲完無口渴。$65蚊買個有質素有盛意嘅飯盒，喺中環黎講係值嘅…查看更多

性價比高食物質素高，服務親切，一頓食得舒服自在的私房菜麵包: 新鮮好味鮑魚：入味唔un, size略細，生蠔：新鮮磨菇湯：香滑，若再多一點磨菇就無敵蟹肉釀大菇：蟹肉鮮味，不過大磨菇的調味太咸鵝肝：可以牛扒(5成): 功夫好，剛好5成無血淋淋。肉質嫩滑，正龍蝦：鮮味又大隻，超贊柚子雪巴：清新唔太甜Tiramisu: 太甜…查看更多

睇食評話呢間餐廳不錯，於是來試試順道慶祝。餐廳裝潢不錯，不過裝了幾部大電視，一路食一路睇TVB感覺都幾怪。地方頗擠迫，隔離枱講乜都清楚入耳，好茶記feel我們點左生蠔，無花果沙律，牛扒同奶油煮青口，牛扒處理得好好，要5成熟真係5成熟而且血水，不錯不錯。青口也ok處理得很清潔無海草痴住。沙律同生蠔都一般，無特別服務也一般，我又入門到出門都聽唔到welcome / thank you, 侍應哥哥咳到痰聲都出埋都唔戴口罩，用手掩住就算，手又唔洗就上餐，見佢捧住人地碟意粉咳左聲，hummmmmmmm埋單折左千多蚊，從環境服務同食物質素，周圍選擇都好多。…查看更多

十•一假期黎食個早餐，等半個鐘都未有碗粥，追十次個個只叫我等等，谷氣。好辛苦咁等到碗皮蛋瘦肉粥，嘩，皮蛋少少瘦肉絲少少，味道。。。。十幾廿年生意，做乜攪到咁差，可悲。…查看更多

每次必吃的蝦子撈麵變了，一上枱竟然有花生香味，仔細一看蝦子混合了很多不知明的東西，看似花生末，很失望。幸好，麵的質地仍然很好，彈牙之餘沒有醶水味。希望祥記堅守優質傳統獲味。…查看更多

跟同事一行4人去食餃子，食品好好味，所以4個餓底好快清左兩碟餃一碟炒麵同葱油餅，因為餓底太餓二話不說加單，點知換來店員臭臉一張「加咩單呀？」，我地再加多個擔擔麵涼拌土豆絲同番兜葱油餅同4杯豆漿，係好好味，不過帶有鄉音果位阿姐的臭咀臉完全令招牌蒙羞。由入門口到出門口花了30分鐘，用3百幾蚊。不過再無下次，好食又如何！！…查看更多

天寒地凍又肚餓，見佢不用等位又有滔滔推介，斷估唔會死錯人卦。點知2014年最後幾日都要中伏，見到實物不禁倒抽一口涼氣。老公叫了魚翅湯一碗，我叫了一碗魚翅湯麵，所謂的魚翅其實係裙邊，兩碗加埋得5條仔，以每碗59蚊計，老闆個口同鯊魚個口一樣大。湯，胡椒味濃到呢。麵，硬身。翅裙邊，hummmm魚皮咁無味。花了118蚊食呢啲咁嘅野，食老麥好過。強烈建議，唔好幫襯！…查看更多

$288 有75折, 期望已經唔敢高, 但係....失望地方: 好細, 擺放食物的地方逼得緊要, 刺身, 燒味及飲品擺放在餐廳外的走廊, 雪糕櫃放左佢地電腦/收銀機旁邊, 可想而知....魚生只有三款, 唔新鮮, 無鮮味但有陣陣的雪味 (生蠔? 妄想!)熱盤: 羊架 (ok, 但係肉質腍到無纖維, 有點古怪), 炸蠔 (夠熱夠脆), 炒青口 (過熟, 橡皮咁), 蒸魚(ok), 炸蝦卷 (好味), 西班牙炒飯 (嘩! 顏色好靚, 靚到假咁,無味啲飯又散), 款式真係好少凍盤: 蝦,翡翠螺,蟹, 青口一般, 但種類少甜品: 少得可憐, 味道一般, 芒果凍難食到不得了, 綠茶芝士餅唔得, 豆腐花無味飲品: 自助式, 但經常無茶無水無冰無檸檬無糖水, 一杯凍檸茶要行3轉至齊料, 死得啦, 仲要行到老遠攞, 人人都攪到自己好似伙計咁款服務: 有位好nice的captain, 但其他就幾hea如果蔬菜類多番幾款會好好多, 如果唔食魚生的朋友可以一試如果要求食飽而唔係為左食得好的話, 又為左有個地方聚腳, 呢度真係唔錯, 價錢唔貴, 地方夠新, 人唔太多又唔太0曹但如果係為左食的話, 可以唔駛諗…查看更多