如詩綻放的個人專頁

前幾日同朋友一起黎呢到食漢堡，見到好多各式各樣既漢堡都幾多選擇既，我就簡左水牛城雞芝士漢堡，個包皮脆脆地，而我嗌埋套餐,加$66 有薯條，是日精選奶昔同埋酸青瓜，個酸青瓜同個包好格，入口係好好食既，唔錯，不過就覺得有些少貴…查看更多

今日經旺角，入咗兆萬中心到食野，見到好多野食，而我想食雞煲，所以揀咗呢間，入到去，氣氛都幾唔錯嘅，見到有韓燒火鍋刺身雞煲，咩都有，食雞煲張落單紙都幾多材料選，開頭食個雞先，個雞都幾入咪，還不錯既，但之後d材料入黎就覺得d食物唔太新鮮，食魚皮餃個陣一入口已經要嘔返出嚟，之後食佢地d炸物唔好食，好似食野一劈乾爭爭嘅，好難食如果$188一個人再加一既話真係好唔抵好垃圾囉，性價比如果10分最多可以比3分，真係唔推薦呢間，一見到呢間韓燒火鍋刺身雞煲咩都做，就覺得自己中左伏，因為呢間都唔係專門店！所以唔係好推薦大家食呢間野，如果食雞煲放題，出面好多都比呢間好…查看更多

前幾日得閒，經過旺角想順便試試呢度既千層蛋糕，聽說呢度既千層蛋糕好好食，咁我入到去，叫了抺茶流心同幻彩牛乳既千層蛋糕，一入到口真係好夠味，好濃既抺茶味，果然呢間度十分受歡迎，如果有機會，我一定會再光顧…查看更多

前幾日黎到呢間餐廳，打算食下呢度既牛扒，豬扒，食落真心呢度既牛扒，豬扒幾好食，呢度入面仲出左好多套餐，覺得好抵，牛扒落tabasco, 黑淑汁真係一流，跟著食下食下，d客人不斷入黎光顧，真心好食，牛扒一流，有機會會再黎食…查看更多

今日生日去食他們呢間既堅石燒，真係垃圾到一個點，我叫左巨大雞扒燒和牛小排，龍蝦，跟住加左18蚊既自助吧，個雞扒肉鞋到呢，而且一舊咸一舊唔咸，而且冇醃任何野，就咁比你燒，跟著個牛小排又係冇醃野，就咁比你燒，期間你仲要自己落鹽落胡椒，仲要肉全部都係肥淋淋一落去仲要好油膩，本來對呢間野都充滿期待，點知一入去係完全失望，明明入到去已經冇咩客，叫d人落單仲要係度同d同事傾計，30幾蚊既服務費真係唔抵比他們，自助吧講明有甜品但係去度完全冇⋯失望…查看更多

一直知道呢度出名狗仔粉，但係因為唔經呢頭所以一直都冇黎呢度試過，今次有機會啦，我覺得狗仔粉幾好食，味道適中，d菜脯係辣既，辣辣地都幾過癮，而且豬油渣加入去真係幾好食，不過就有d小貴，$30幾蚊細細碗，菇切到好碎，豬油渣都係得幾舊仔，感覺就唔係好值呢個價，如果可以大碗d，狗仔粉份量多d,菇多到一舊一舊，，咁就真係一級棒啦overall都係好好食既，如果有機會或者經呢頭，我會再買一次，而且係值得香港人懷念既懷舊面食…查看更多

之前都食過一次，覺得呢到大大碗，味道還可以，最近再黎食多次，覺得份量少左，味道係夠味既，但係我叫左中辣，都唔辣，叫左豬軟骨酸辣粉$44要冇野飲，我就覺得唔值，3舊仔既豬軟骨$12，薯粉份量又唔多，真係有d少⋯…查看更多

每次經過長沙灣一定會食既米缐，間間都唔食，來長沙灣必食啊，我好鍾意呢間既黃鱔米線，真係超級好吃！！！最近自己係呢頭有野做，做完去食呢度米缐，簡直一！級！棒！呢度仲有清茶飲，食完可以解膩…查看更多

我同朋友經過大圍，行行下有d熱同有d口乾，想睇下附近有d咩地方可以食甜品既，於上就黎左呢間食甜品，涼一涼個嘴我們叫左雜莓窩夫同埋抹茶刨冰，刨冰一入口，食落有d唔順口，照理自己食過咁多間刨冰，冰應該係入口即溶，有涼快之感，但係d冰硬到我要有口齒咬一咬先可以吞落肚，跟著刨冰只有加左抹茶汁同埋紅豆，在材料方面覺得有些單調，呢個抹茶刨冰是不太滿意。至於雜莓窩夫還可以，做到普通的水準。總體都ok啦，呢間唔係專門做甜品既，我都唔會太苛刻既…查看更多

一直見到很多人都話呢間野d面包好好食好受歡迎，我想試好耐，但一直都冇機會經過新蒲崗，最近經過新蒲崗便打算試試呢度既面包，買左兩個貝果，一個明太子麻糬燒。我覺得三個面包既味道大致上都係好食既，但係我最鍾意都係有肉鬆餡料既貝果，咸咸地，而且夠煙韌，貝果同肉鬆既配搭好夾，而芋泥貝果都不算差，好濃郁既芋頭味，但係甜甜地就唔係最鍾意啦，同埋自己本身都唔係好鍾意食芋泥。仲有明太子麻糬燒，自己都幾鍾意食明太子同麻糬，不過當兩種配搭埋一齊既時候，明太子就撳咗麻糬嘅味道，可能我都係覺得麻糬襯甜甜地既野啦但係總括黎講，呢個麵包店既麵包都好好食，我一定會回購！下次會想試吓抹茶麻糬貝果…查看更多

呢間野主打日本料理放題，真係好好食。朋友話呢間放題好好食咁試下，12點去食放題,已經有好多人排隊，自己一直都好鍾意食刺身同鰻魚，刺身真係好好食，又新鮮，而且鰻魚都好好食，起碼食左10幾舊，出面買條鰻魚係屋企食都要$80幾$90，依家任食真係好抵食，而且炒蘆筍都好好食，重有花膠鍋入面有兩舊花膠真係好抵食，而且銀雪魚都好好食，$195真係食到我好飽好開心，有機會一定會再黎幫襯，大家都一定要去試下，唔好猶豫…查看更多

前幾日係呢度放題，每個人$175仲要加一，入到去用手機落單都幾多野食，叫左刺身，炸蠔等海鮮之類既野，第一呢間野既蠔好唔新鮮，第二食到既刺身eg象拔蚌，扇貝食等出係假野黎，而且食多春魚銀雪魚個陣，都好大陣雪藏味，銀雪魚可能真係好唔新鮮，煎完出黎食到好甜既味，跟住食個海鮮粥得隻蝦和粟米，而且仲落左d唔知咩味既野落去，食第一啖都吐左出嚟，真係好多食材都好差，我只覺得個到牛吞，蝦，壽司食到落口，其他真係好差，$175再叫我食呢d野我就唔制啦，好心放題都比返少少食物質素好啦，真係好冇心經營，下次免費比我都唔想食…查看更多

琴日去黃埔，咁岩行行吓有啲肚餓，咁就見到呢間冰室啦好多人又好熱鬧啦而且呢出邊寫住啱啱新開張所以有貪新鮮啦又覺得熱鬧啦想入去幫襯下，咁我明白啦呢一個地區都唔算係一個舊區嚟嘅咁所以呢價錢我都覺得唔會話好唔合理，咁我同我個朋友啦一個食沙嗲牛肉通粉啦特餐嚟嘅一個就食咗個鼓椒鮮魷炒河分別係$48和$56，我哋兩個夾份食，咁個特餐除左有沙嗲牛通粉煎雙蛋同埋厚多士仲有杯嘢飲，我覺得都冇問題，味道還可以，但係沙嗲牛通粉有啲令我感到可惜，沙嗲牛肉通粉話明沙嗲但係冇沙嗲味，牛肉份量都唔多啦我覺得唔值$48囉，另外就係鼓椒鮮魷炒河，我覺得入口好好，好有鍋氣，但係魷魚零零碎碎得幾細舊，咁我淨係食個齋炒河都得啦，我覺得份量少得有啲可怕，整體來說，我比較鍾意食鼓椒鮮魷炒河，好好味但係價錢有d唔合理，如果可以，價錢高d份量都比多少少，價錢平d份量就少dd…查看更多

太耐冇行西貢海鮮街都係有唔少既變化，行行下想搵間餐廳食海鮮，見到呢間餐廳做優惠$498/2人餐就叫4個餸佢地仲會送一碟清菜，講真睇落去真係幾抵，餸一上黎，份量都幾多真係幾抵而且又有魚又有象拔蚌又有龍蝦又有鮮魷全部都係海鮮，真係食得好開心啊見到咁多人食，又咁熱鬧真係好值得食落去，完全係普遍餐廳既水準，唔會太咸太甜又唔會太多油，碟碟都十分均衡，味道同水準都唔錯呢，最後仲食到我們兩個好飽飽咁返屋企，真係好多既滿足…查看更多

今日年初四行廟街，打算睇下個街有幾熱鬧，行到差唔多到食飯時間，又見到姐姐好有誠意咁拉客咁我們就入去幫襯啦，咁我們呢就叫左蠔餅，椒鹽雞軟骨同埋滷水拼盤，食落去我真係愈食愈冇心情，首先講下個蠔餅，蠔餅照理係煎蠔餅，但係佢整崗黎既蠔餅就好似穌炸蠔咁，而且又淡淡，完全唔係一個「餅底」，散散收收，真係好難食囉，分數：2/10，其次講下個椒鹽雞軟骨，個雞軟骨唔似落左椒鹽炒似係炸左雞軟骨最後先落椒鹽，個碟雞軟骨既味道好唔均衡，一邊有椒鹽一邊就冇椒鹽，真係好難食囉，分數：4/10，最後講下個滷水拼盤，真係我咁多蝶裡面覺得比較好食既，分數：7/10 我覺得打冷收咁貴係好正常既，不過收到咁貴都比返個少少水準我啦，我真係覺得呢間係我食過最難食又最為失望既打冷，d野食比普通茶餐廳仲要低劣，我真係寧願係屋企食公仔面都唔想食呢d野，真係好冇心機整，以下係我們食剩既野，因為實在太難食啦…查看更多