siuyee1206的個人專頁

午餐叫了一碗雞翼河，食到尾段發現有一隻約指甲長度的死曱甴！叫了年青男侍應過來，他木無表情的看一看，全無歉意地問︰你想取消定換過碗? 我回答換過碗。他隨取拿走那碗死曱甴河，過一會走過來︰唔可以換過碗喎，因為你已經食晒啲河粉，只可以換返食淨的兩隻雞翼俾你。真係不知所謂！食物中有死曱甴已經好有問題，不單止無道歉，還講那些無知無理的說話！食物質素非常一般，態度極有問題。強烈建議大家唔好去！…查看更多

大家樂/大快活的格局，竟然有電視睇...選擇還真多，有飯/ 意粉/ 烏冬，焗/ 撈/ 湯樣樣齊，各式其式，看得我花多眼亂。所有餐跟汽水，加錢可選雞翼、油菜、湯等等。蕃茄汁牛肋粒撈烏冬 - 鐵板上，吃到最很仍能保持溫度，值得一讚。蕃茄汁香濃，不會水汪汪的。牛肋粒夠淋，充滿牛肉香味。烏冬伴著蕃茄汁來吃，非常美味！至於那加$5配的2隻雞翼，沒什麼特別。咖哩豬扒燴飯 - 有別於一般碟頭飯般咖喱汁淋上面，這裡把咖喱汁混入珍珠米，特別香濃。朱扒大大件，切件上。加$5配的油菜，下了橄欖油，味道清新。味道不俗，且價格實在相宜，是快餐之選！…查看更多

晚上7時多，碼頭旁的大街迫滿開飯的人！行畢整條街，發現每間的價格都大同小異。於是求奇埋左呢間相對無咁多人等緊位的 "潮發海鮮菜館"。埋去個貌似接待既呀姐度同佢講兩位，佢以望穿我倆的眼神話 "等一陣"。OK無問題。如是者等左十令分鐘，越黎越多人埋黎等，佢竟然安排後來的人先入座。HOW COME?! 於是再追問呀姐，佢伸手一指，指了我倆去最遠處的一張枱，一張無街燈、一張叫天不應叫地不聞既枱！搞左一陣終於有呀姐黎執枱，終於可以坐低點菜 ... 成個過程都有點吃力 ...只得我倆，不能點太多，最後點了3餸，3個都是正牌大路野，應該不會死錯人吧 (HKD158 3 餸) ... 誰知，死得不明不白 ...薑蔥炒蟹 - 味道對路，但奈何蟹很細，沒什麼肉，而且霉。但$60都唔駛就有兩隻半蟹 (沒錯，是兩隻半)，i am settled ...蒜香銀絲蒸扇貝 - 先講講配菜 ... 蒜蓉很多，夠野味。但粉絲很少，還以碎狀呈現，似有還無的。至於扇貝，SIZE 超細，極多沙 ... :(肥牛粉絲煲 - 好 X 鹹呀！簡直係挑戰我個腎既底線 ...白飯 - 追左3次先黎既白飯，認真得來不易 ...結論︰平野冇好 ........................…查看更多

勁多人排隊的手卷跟紅豆餅！本來都想試試手卷，但看人家的蟹子顏色鮮艷得有點嚇人，於是打消了念頭，決定只光顧紅豆餅。傻仔的我排左5分鐘有多先知原來我排的是手卷隊，而紅豆餅當時是無人龍的！新鮮出爐熱辣辣的紅豆餅賣相討好，一啖咬下去，紅豆味香濃，甜度適中！但餅皮只屬一般，沒有蛋香，質感跟台灣正宗的煙UN感差得遠。但每個只售$5，還是值得一試的！…查看更多

天時暑熱去迪士尼，成個場都迫滿人。為左食得舒服啲、暫時逃離強國人既打尖同撞開以稍作息，我地去左小鎮大街既corner Cafe 食lunch。排左一陣就有位。入到去覺得同出面係完全兩個世界，實在太舒適了！強勁既冷氣令我唔願走。MENU 選擇不多，好快就order 左。BREAD BASKET 竟然係第一道菜上枱先黎...燒雞 + mash potato - 可以配飯/意粉/mash potato。燒雞JUICY，燒汁酸酸甜甜的，不錯。MASH POTATO 混和了芝士，口感順滑，味道香濃，意料之外的好吃！牛肉RISOTTO - 牛肉是炆得好淋好入味的牛腩！RISOTTO 是正路的煙UN口感，配上牛肉汁，別有一番風味意大利肉丸長通粉 - 普通貨色。長通粉過淋。肉丸像是平價的漢堡扒但變成丸狀。茄汁味夠，但實在非常一般，不值$148侍應們年青勤快，值得一讚！…查看更多

毫不起眼的小店，竟然有這樣出色的海南雞和豬脾！海南雞 - 雞實在太滑了！油潤嫩滑的雞肉，全都去了骨，配上那個酸酸辣辣的醬汁，啖啖肉，實在不能挑剔。美味！豬脾 - 豬脾肉鹵得非常淋、非常入味。豬皮通通變成了膠質，送飯一流！不用 $100 便吃得心滿意足！…查看更多

上來打食評時才發現這麼多食友有不愉快經歷。幸好，我們這餐還算順利。下午茶時間，一般茶仔都有茶餐供應，這兒沒有。明顯地這兒賣的是特色餐室格局，而非主流茶仔。地舖沒冷氣。一進舖老闆便著我們上有冷氣的樓上雅座。有幸坐窗邊卡位，寬敞舒適，細意欣賞窗外公園仔的景色，配上古色古香的陳設，別有一番風味。雖知道這裡著名的是焗豬飯，但為免晏啲食唔落飯，我們只點了飲品和輕食。鮮油多 - 邪惡之物！我豁出去了。多士夠熱夠脆，可惜的是鮮牛油淡淡的，不夠咸香蛋治 - 蛋很薄，還有點細 ... :(奶茶 - 正路野。奶味茶味都有，但未算出色紅豆冰 - 又一正路野！但值得一讚是紅豆很淋這兒的環境確實有意思。但畢竟食物質素一般，再來的誘因就不大了。…查看更多

不設拿飛仔等位，只得排隊。流水式的排隊 --> 進舖 --> 在收銀機前點菜，付錢 --> 被安排入坐。很有趣的安排！規劃得黎又可以於細小的店面好好控制人流，很有創意！想吃的太多，但人太少...牛肉石頭飯 - 邊有唔好食既石頭飯既呢?! 我食石頭飯從來只得一個原因，就係為左食。辣。醬！雖然係快餐，但一啲都唔馬虎，有洋蔥、紅蘿蔔、芽菜、菠菜、牛肉，整整齊齊排在飯面。熱騰騰的飯，撈埋大量 (無錯，係大量) 辣醬，就在太好食了雞肉壽司 - 即叫即製的，用料十足，有蛋、紅蘿蔔、菠菜、黃瓜，雞肉 ... 還有一點韓式的醬汁。雖然紫菜有點淋，但不失美味泡菜湯 - 味道夠酸又夠辣，刺激味覺之作！豆腐很滑，配泡菜湯一絕。跟一碗白飯 ... 但太多飯了，實在吃不完有機會我試試炒粉絲！…查看更多

星期六中午，大汗答細汗在排隊的人龍不絕。這邊箱是勝香園，另一邊是九記牛腩！大約等了二十分鐘便可入座，可以接受啦！一坐下，高效率的靚姐便給我們落單。天時暑熱，人人都點了凍飲呢茄牛通 - 茄味香濃，大愛！牛肉夠淋，帶點根，似是鮮牛肉！連一向不愛番茄的小鬼雞都口不停口檸蜜脆脆 - 香脆可口，檸味很濃，可惜的是蓋過了蜜味，有點酸。如果淨蜜味就更好了！大汗答細汗的快快吃完便讓出位子給下家 價格相宜，製作用心，吃的是靚姐們+大叔的香港拼搏精神。…查看更多

小鬼雞已吃過西環的店，今次來到大坑，特意帶我來試試！剛吃過茶點的我倆不太餓，但為避過晚飯的人潮，6時便入座了。menu 選擇不多，對我們有選擇障礙的來說未嘗不是好事Aglio Olio Linguine - 色香味供全！蒜味香濃，Linguine 彈牙，微辣，但如果再辣一點會更惹味！絕對不可錯過！忘了是什麼PIZZA ... 有辣肉腸, 磨菇 ... 這個一般而矣，不夠番茄醬，但勝在批底夠脆！批看似得大，但由於批很薄，我倆清碟無難度！店面不大，大部份的空間都用作廚房。店面裝飾得別具心思，紅BRICK WALL、吊扇、掛畫、黑膠碟封套 ... 透過落地玻璃看著雨景，真寫意！…查看更多

初看食家們對這店的食評，看得我口水直流！但換來的竟是失望而回！想買4件裝試試炮，但係排到我時已SOLD OUT ... 一場黎到，覺得一定要試試，唯有買個 $58。坦白講，以這個SIZE 來說，$58 已是 exceed norm 的價位 ... 結果 ...一般蛋糕的蛋味係有0既...但係非常油膩。最外層的糖霜是挺特別的，但奈何太。甜。了。口感是實淨的那種，有點像 SALLY 蛋糕 ... 吃罷極度失望 ... 我真係唔識欣賞，亦唔明白佢憑什麼賣到咁Q貴...如果係為左食蛋糕而食，我寧願食SALLY 蛋糕 ... 佢有齊年輪蛋糕既口感同油膩感，只係爭層糖霜，$20左右一大盒食到你嘔，仲要係 EASILY ACCESSIBLE，仲要好多味過你選擇...我真係諗唔到呢個勞什子的年輪蛋糕有什麼過人之處...好困窘 ... 呀！諗到！呢個年輪蛋糕既唯一好處係送禮大方得體 ... 除此之外...無！…查看更多

新城市廣場新進餐廳,門面幾好有幾位廚師打理鐵板燒.叫咗二人SET. 簡單一句︰什扒. 有牛雞羊. 牛無牛味唔好食,雞比吉野家的好食少少,羊架幾好.前菜,一般日本餐廳定食質數但飯同炒拉麵都係…無味…..加了個煎三文魚,這個好食,外脆內軟.可能這裏海鮮會比較好食,因為本人不太食海鮮，所以無試蝦/ 龍虾 ... 但這般的價錢VS質素，我個人就一試不返了...…查看更多

山長水遠踩單車入大美督食晚飯,其實本想食重慶串燒,點知六點鐘都…..無位…. 記得上次來到的時候有間泰國菜都好多人等,就拿拿臨走去,不過都要等位.攞位的姐姐好好人,仲有蚊怕水提供,不過要等50分鐘.好講正題,兩個人叫咗辣汁煮蜆,牛丸金邊粉,西檸煎鴨,青咖哩牛,薄餅.牛丸金邊粉,牛丸細細粒但有七粒好香口好爽口好味,不過金邊粉就好似煮得唔夠耐…西檸煎鴨,本人很喜歡中菜中這道菜,所以見到泰國菜都就有即試. 用了青檸,好檸味!! 用原鴨胸連皮,外層只是用少少炸粉,有鮮炸的感覺,不過鴨胸不夠香,仲有點鞋青咖哩牛，青咖哩出色,夠香,不過牛就…..普通以下.值得一提是銅煲夠熱,食到尾聲都仲熱.辣汁煮蜆,出色,因為蜆入味辣汁夠味(不是非常辣),蜆無沙,隻隻開口,好食過大排檔,唔知係唔係在附近掘返黎.薄餅, 是薄身、脆脆的！跟平時食開少少厚、煙UN的好唔同最後推介係…….踩單車時發現有傳統冰菠蘿, 非常好食!!!!…查看更多

pokka cafe 的水準一向穩定，今次帶爸媽來試一試。(老爸) set dinner angus - 煎得剛好，肉味夠，不失肉汁，老爸很滿意(我) 大蝦煎飯 (類似....) - 從來我只會點 SET DINNER，貪其抵食！今次我散叫了這個飯，完全沒令我失望！兩隻大蝦開邊，蝦肉鮮味彈牙！煎飯煎得香脆，飯中有芝士、菇、瓜...芝味香濃，實在太好食了！！！(老媽) 燒牛肉定食 - 大堆頭之作！老媽說主角牛肉粒燒得有一點點老，但我覺得剛好(老姐) set dinner 爐魚 - 油份很多，當然很嫩滑！表面煎得有點微焦，脆脆的！大家對MAIN COURSE都很滿意，又是甜品時間！紅豆吉士多士 - 日本紅豆大大粒。甜甜的吉士醬夠香滑。敗筆在於焗燶了的多士。吃罷燶味久久揮之不去...:(apple crumble - 好味！…查看更多

被這兒的優美境色所吸引，特地山長水又遠來開飯！如非有SHUTTLE BUS接送，我相信無車人仕都不會刻意來吧。當晚天氣酷熱，想不開的才會坐outdoor ... 實在浪費了這絕佳的送飯夜境！phanang curry (中文是什麼濕咖哩的) - 牛肉夠淋，是牛腩來的。咖哩汁跟平時的味道不同，少了椰香，但多了一份香濃的辣味。送飯一流！lamb masala (中文是什麼羊膝...) - 超大碟的！羊膝肉味豐富，又不太SO。肉質香滑。又是另一送飯的好東西！garlic naan - 即叫即烤，熱騰騰，香噴噴！蒜茸豆醬炒椰菜苗 - 超細的一碟！物非所值salty lemon 7up, lychee & coconut - 吃過兩味超濃的咖哩，實在需要冰凍清新的飲品來清一清個口！味道正常 ...可惜的是沒有PRINT OPENRICE的優惠卷 ... 不要可以少叫一味。…查看更多