or#Tm65909427的個人專頁

星期五晚留港消費，同朋友去左呢間喺新蒲崗既潮盛館。因為唔太熟果區，所以喺啟德站出左再行過去，其實經天橋去到Mikiki 再落返地面過去都好快（唔好問我點解識）。醉鵝肝醉左既鵝肝，味道食落唔‘漏’，清清地既酒香味，鵝肝咬落軟綿綿，同會喺口到有種溶化既感覺！真係好味，大推！半份三個人食啱啱好👍🏻醉鮑魚一人一隻醉鮑魚，酒味清香，鮑魚食落爽口唔硬，仲好細心切左件同起埋底果粒成隻元貝既肉，好味😋鴨片拼盤因為成九點先點菜，好多出名既料都賣哂，揀左鴨片、魷魚、鵝腸三拼。鴨片正常唔會太咸，而且啲肉幾滑嫩；魷魚爽口好咬感，加埋個醋，正👍🏻個鵝腸值得一讚，佢地起哂啲腸入面既肥膏，所以成條鵝腸都好爽口🧡蠔仔粥我唔太鍾意食粥，不過呢個粥都好好味🤤上到黎會比較似湯飯咁，但食落好鮮味，入面好多蠔仔，仲有啲類似魚乾片咁既料，食粥之餘都有啲咬口。（最後食唔哂，我打包左粥返屋企食，過左晚再煮黎食都好好味，可能擺耐左，再濃味啲）醉乳鴿喺炸同醉之間糾結左好耐，見有啲熱氣所以揀左醉乳鴿。醉乳鴿真係第一次試，啲肉好滑嫩呀，雖然係一隻，但都份量幾多，建議試下👍🏻另外仲叫左兩個湯一齊share飲，有個係濃湯料既，會按當日既料有啲唔同，上左一盅五指毛桃雞湯，清得黎幾補。另一個係沙煲雞湯翅（咁上下名，唔記得影餐牌），上到黎成個湯仲滾緊，相對另一款就比較濃，湯料多👍🏻👍🏻好味🧡🧡🧡雖然佢寫一盅係一人份量，但其實都唔細，兩盅三個人都每人飲到三碗仔脆炸奶卷甜品食左脆炸奶卷，面果層有啲似好薄身既面包，入面啲奶炸到少少溶溶地，奶味唔算好濃同唔會好甜總結呢間好值得去試，我地用OpenRice book檯仲有85折，最後每人300多啲，好味抵食，下次試下觀塘果間先🧡…查看更多

成間餐廳都用左歐式設計，空間闊落幾啱一大班朋友黎食飯，仲有戶外部分，放狗過黎飲杯野都唔錯德國金裝豬牛肉金腸配酸椰菜腸皮燒到有啲脆身，感覺同平時司華力腸差不多，不過伴碟既德國酸椰菜幾好味又開胃匈牙利牛肉濃湯好濃蕃茄湯，同羅宋湯有啲似，但多左牛肉既香味，湯入面既牛肉都煮得好冧同唔鞋德式芝士肉丸面團肉丸還好，肉味濃，下面既pasta似厚實D既粉團咁，但配埋啲芝士汁幾好味，會令人忍唔住既碳水叫左杯類似草莓沙冰同Latte，前者清爽唔死甜一後者正常…查看更多

呢間唔使介紹都知好出名，平時都勁多人等位同等外賣，夜左去介好多款都 sold out😅今次早左9:30pm 去到，仲買到心心念念既楊枝甘露🤤咁順手買埋個黑芝麻糊俾屋企老闆。楊枝甘露 入面芒果大大粒，都有4粒左右，但可能芒果唔當造？🤔芒果味對比上次淡左啲啲同柚子味冇之前咁出黑芝麻糊黑芝麻糊磨得好幼細，入口唔會鞋，味道好香而唔會太甜，感覺幾健康…查看更多

開喺中環斜路上面既手搖茶飲店，打完卡經開開黎試試抹茶黑糖珍珠鮮奶 (少糖) $34 抹茶味幾濃, 少糖左都甜, 始終係黑糖底阿美珍珠奶茶 (半糖) $28茶味唔算太濃, 半糖左甜度剛好, 珍珠彈牙有咬口總結以呢個價錢同質素係幾抵，下次再試其他…查看更多

栗子味斑蘭蛋卷今次外賣左栗子味斑蘭蛋卷，打開面既保鮮紙聞到好香斑蘭葉既味道，蛋卷口感鬆軟又唔乾👍🏻中間栗子係切得細細粒既，唔係平時死甜果種栗子蓉，配埋啲cream味道啱啱好之前已經食過佢芒果口味既斑蘭蛋卷，個人鍾意食芒果味多啲🤤…查看更多

天口熱約咗朋友夜晚食泰國菜，間餐廳喺太子都近地鐵站出口。鋪面唔大，裝修幾泰國feel，好彩有打電話book位咁就唔使等嗱✌🏻燒豬頸肉 $85平時麻麻地鍾意食豬肉，因為容易又柴又乾身，但佢個豬頸肉真係燒得啱啱好，食落冧身但邊位香口，配埋佢個汁真係出色燒魷魚 $118以為得一條，但上到黎係滿滿一碟，份量多。魷魚又係燒得啱啱好，彈牙易咬👍🏻👍🏻個汁都好味，個人覺得辣左啲啲冬陰功海鮮面鍋 $168職員見我地3個女仔，點完呢三樣都提我地夠食家嗱，但冇諗過個面鍋大份到咁😂面份量唔少，海鮮有蝦、帶子、魷魚同蜆，個冬陰功湯底味道啱啱好，唔會太咸/太辣，幾開胃。野飲都好多選擇，不過我地叫左一人一個椰青😂 （$38each）埋尾叫左個細芒果糯米飯（$53）可以揀黑或白糯米，最後揀左白糯米飯。芒果同椰漿都幾清甜，糯米飯仲有啲微溫同軟糯🤤Ps 男店員都幾細心，見朋友要食藥會主動拎多杯水黎…查看更多