emmandrew的個人專頁

今日下晝去試下呢間野，點知中伏了。叫左兩樣野，一樣叫慢煮豬肋骨，另一樣係魷魚墨魚汁飯。 大家睇清楚，餐牌係寫豬肋骨，點知嚟到變左豬軟骨！what?! are you kidding me?! 咁都算啦，只要好食就算，可惜，味道古古怪怪，救命！另一樣，墨魚汁飯，一嚟到個朕腥味迎臉而上，一食，d飯好鹹！魷魚好腥，好唔掂！ 環境亦都唔太好，好逼，睇相以為好舒適，但是大家唔好比相呃左，環境唔太得。 咁嘅價錢我會去食牧羊，環境同食物有保証得多。…查看更多

lunch 食左個常餐，叫左餃子一丁配餐肉奄列，唔差wor, 待應都好有禮貌。 常餐可以選好多款餸，唔錯，唔駛一定要食火腿奄列，可以選餐肉，叉燒or牛肉等等，good. 一丁係自己放味粉，下次可以試米粉加一丁味粉，因為d味粉係就咁放檯上。另見到午餐set都好多選擇，有個咖哩豬扒餐肉飯好似幾好食，下次可以試下。 lunch都唔少人，原來仲有上層，大家都應該係熟客，一坐低就識得叫number叫食乜。 上菜都好快，lunch可以再去。…查看更多

叫左個椒鹽雞翼包同豬腩肉包，打開個包就知中伏了 豬腩肉包d汁多到流晒出嚟，太多汁了，多到個包索晒d汁，好鹹！真係好鹹！本身個汁已經唔好食，仲要大量咁擺落個包度，唔知店家點解會咁做，可能佢覺得自己整嘅汁好好食，但我真心想叫佢自己試下，味道稍為正常嘅人都唔會食到咁鹹。另外，豬腩肉超肥，都唔緊要，始終是腩肉嘛，但係無理由唔幫d腩肉去除連住腩肉嘅白色軟骨吧，我未試過食包要食食下吐返d白色硬過石頭嘅軟骨出嚟囉！ 明顯店家係是但整就算，唉～椒鹽雞翼包，呢個仲騎呢，亳無椒鹽味，雞翼texture亦古古怪怪都唔知自己食緊乜咁，唉，我成日都諗你開得餐廳，應該係覺得自己整d野好食先會開店，但點解整得咁真心難食都有勇氣開店。。。anyway, 唔會有下次啦， 太差了！…查看更多

見雜誌介紹呢間野講到點好點靚，即管一試，點知中伏了。叫左9款串燒，雞翼完全無味，豚肉燒到硬過石頭，廣島蠔細隻到呢（陰公）， 帶子話就話有兩隻但size扁到根本就係將一隻片開變兩隻（咩料呀？駛唔駛孤寒到咁），最好笑係條銀雪魚，應該係我有生以嚟見到最細最扁嘅銀雪魚（應該都係將一塊正常厚度嘅銀雪魚一開為二）。 咁孤寒嘅餐廳真的第1次見。最慘係味道唔掂，救命！另叫左沙律，普普通通。 另外叫左個十勝豚肉煮，嘩大開眼界，又係細件到呢，唔知以為自己去左山區搵野食。 除左環境叫做好之外，無一樣野係掂。 價錢亦與食物質素不相符，成餐兩個人食左600元， 呢個價錢我寧願去居酒屋，至少質素有保証。 呢間，可一不可再，大家小心中伏。 …查看更多

叫左個花膠雞煲，普通，雞唔係特別靚，無驚喜。蝦滑墨魚滑每份88元，點知難食到爆，味道唔識形容，口感同味道都係我一生人中食過最難食嘅。唔怕中伏嘅自己試下。蟹粉雲吞又係難食到爆，食左一粒就無食。其他野都無乜特別，貪得意叫左份芝士響鈴，唔係好得，好鹹，同芝士唔夾，食得出係平價芝士，不過可能有人會鐘意，我就麻麻。食完勁口渴，湯底應該勁重味精，差差差。服務ok, 環境唔係特別靚, 最重要嘅食物質素與價錢不相符。唔會有下一次。…查看更多

今晚第一次試下胡椒仔，食左5樣野。 overall 唔係特別好食，普普通通，應該唔會特登再去食。服務友善。1，胡椒豬肚雞煲，屋企人話豬肚夠淋，幾好食，我無食豬肚，食左雞，雞件我覺得唔係十分好食，有d鞋，胡椒味亦唔係好重。2，金沙涼瓜，呢個係我好期待的，但是有點失望，咸旦同涼瓜廚師做唔到好融合的效果，兩樣野加埋一齊有d唔識大家的感覺。我食開嘅金沙涼瓜唔係咁，失望。3，咸魚雞粒炒飯，飯炒得唔夠乾身，太濕，而且，唔夠wok氣。 可能叫白飯會好d。4， 漁香茄子煲， 不過不失。5，小炒王， 料足，但無乜驚艷的感覺，普普通通。…查看更多

叫左個雞翼溫泉旦飯，賣相ok, 但食落味道唔太掂。 先講雞翼，聞落係香的，但食落明顯醃得唔夠味，而且煮之前無幫雞翼出水，入面仲有血，食到最後一隻仲有少少未熟。。 溫泉旦正正常常，合格。 白飯就真係唔太得，佢做到日本沖繩格局咁，點知唔係用日本米，都唔緊要，但明顯係用茶記最平嘅米嚟煮，無米香無飯味。 失望。 跟餐一罐可樂仔，ok, 呢個size啱晒我，因為350ml一定飲唔晒。 最後要讚下服務，落單待應（可能係老闆娘），態度好好。 但應該吸引唔到我再幫襯了。…查看更多

  叫左碗9 菜墨魚丸米線外賣自取， 返到屋企變左碗走9 菜走墨魚丸嘅過橋米線！ 無野呀 ！落order 時個收銀女仔已經好似未訓醒咁！ 喂大佬呀，你未訓醒就唔好返工啦！ 山長水遠拎到返到屋企餓到死諗住慢慢歎，點知變左碗又豬潤又牛肉又水汪汪嘅野， 你食埋佢啦三哥！ 你知唔知返左屋企再出返嚟特登换返碗米線有幾辛勞呀 我唔要求你請個好叻嘅人做收銀， 但至少唔該你請返個肯用心工作嘅員工啦 你間野， 我唔會再幫襯！！！！ 咁簡單嘅落單都可以落到咁！ 媽的一聲！ 其他三哥米線多得你唔少！！！ 罷食三哥米線 行遠d 買第二間無三哥名嘅譚仔米線好過！…查看更多