babybusbus的個人專頁

一段時間冇嚟食，一晚嚟咗天后呢間食野菜咖喱飯同埋牛油烤雞咖喱飯，平時食開豬軟骨，但幾次食完都覺得好似食緊煲完湯嘅豬肉之後就唔敢再叫住。而黑芝麻牛肋係好味嘅，不過今晚想試新嘢。坐位預咗係坐得迫嘅，因為始終間舖極細，所以冇問題，問題在於食物質素，我唔清楚間餐廳係轉咗手定點，牛油烤雞野菜得幾款野菜，得幾件紅蘿蔔脆玉瓜薯仔，完全唔係以前咁，而所謂嘅牛油烤雞只係煎雞，唔香完全冇味，要靠咖喱汁先食到，最後食凈一舊仔。其實小店本應支持，但唔該可唔可以維持番正常食物水平，一個飯唔平架，依家變咗性價比低了。…查看更多

因為睇到咁多食評讚好味，所以就專登搵左一晚去試下， 但由於真係太多人等, 所以最後決定買外賣返屋企食。一共買左兩個套餐， 一份滷雞腿便當同一份滷排骨便當。返到屋企就即刻開餐，首先部份D飯係好硬，接近未熟之後隻雞睥係好大陣雞SO另味同雪藏味，食左一啖就掉左，排骨好油，配菜極普通。性價比低，不會再回頭:(。…查看更多

:(其實木子甜品開左冇幾耐, 我已經先後幫襯左幾次, 幾次都覺得好好味:)食過紅豆做"湯底"及木瓜豆腐都覺得幾好, 芋圓好糯, 好岩自己口味.不過上個星期同老公一齊去食過之後就超失望:( 我想日後都唔會再去食我寫呢個食評係因為見老板都會聽食客既意見(其實呢個好重要), 所以好想你知道我地食完個次之後既感受.木瓜豆腐我之前已經食過, 今次再叫, 碗甜品黎到,我同老公都打左個突, 佢個西瓜豆腐,D西瓜係超級薄切, 仲薄過魚生, 我D木瓜亦都係一樣 明明之前食都好正常, 我D木瓜唔係咁新鮮, 只食左一啖已放棄了, 到D豆腐, 全部溶哂, 好似糊仔咁... 我同老公只係食左少少就冇再食...我真係超唔開心...唔係因為D野少左, 而係點解水準會180度下滑, 料少左唔緊要, 但品質要KEEP到先可留住D客, 其實我個人覺得唔知係咪之前D價錢定價低左, 所以依家要減料才維到本, 我情願細碗D, 但品質要保持到, 料又少左, 品質又差左咁多, 係唔會有客人願意再去食, 希望木子老板睇到我呢個食評, 明白食客想要咩. 因為大角咀仲有好多其他既選擇, 想食好野係唔會怕路遠的, 共勉之!:)*不過有一樣野值得一讚, 次次去到個個員工有禮笑容親切有善, 抵讚:)…查看更多

開飯喇WOR.....好耐冇去食墨魚餅飯喇, 十二點左右, 冇人...正叫左兩個招牌墨魚餅飯, 要湯....不過又加左價, $36一SET!湯又冇左豆卜...咁都慳埋....堅....墨魚餅好味, 啖啖都有墨魚粒粒....正:)食左D OL就殺到了...閃得快好世界…查看更多

又係團購既優惠令到好多人都麻目咁去買.....我都唔例外...$40當$15駛都真係好吸引...今日要左個大SIZE, 加多兩隻TOPPINGS...原味YOGURTTOPPINGS : 原味MOCHI + 綠茶MOCHI + 藍莓+士多脾利個男人(老闆?) D 同個員工一路講一路整...D口水.......唉...個妹妹員工......佢究竟瞓醒未......藍莓幾粒仔, 全部MOCHI我只係食左一粒....實到似石頭....D YOGURT........食緊粉粒加酸味雪糕...我身為食物焚化爐應該都唔會再食第二次了....超失望…查看更多

某晚心血來潮, 買左碗返屋企食.....配料又真係幾好味, 不過我只可以碗野又咸又麻又酸又辣....同埋超味精......味精食得多, 未試過口渴到第二日...絕對冇下次啦老闆…查看更多

成日都買嚟食, 鳥結糖真係好好好好味...又唔係太甜太膩, chewy又sweety...yummy!!!今次個盒唔駛好耐又比我ko左....唔敢再買大盒, 真係怕自己食唔停....我呢d真係唔知飽字點寫...上次有點硬, 今次perfect…查看更多

上個星期返睇識飲識食, 見suki姐介紹macaron, 好似好正, 於是又上釣了....第二日即刻去中環買左三個試下...之前食buffet都試過...不過冇咩特別衝動想去再買嚟食....電視既威力真係勁... 古古力味, 正常, 不濃不淡 caramel味, 甜得嚟有caramel味 hazelnut味, 唔係好食得出有nuts味奇怪奇怪, 除左古古力, 兩隻都有咖啡味, 咁神奇既, 唔係應該有杏仁嗎?ps : 當你知道個d野係好易碎既時候.....偏偏就係會整碎...三個跌左地下, 碎左一個, 我拎第二隻又碎埋....乜真係咁奇趣???十個趣.....扑扑扑扑扑......…查看更多

尋日黃生收五點, 諗左好耐都唔知食咩好....呀, 不如就社橫剛啦, 早早地, 冇咩人嘛.....等左唔夠兩分鐘.....就入左去喇, 仲要坐bar抬, 正!叫左兩個叉燒拉面, 要spicy湯底.....望住個鍾, 由五點九....去到六點......yeah, 終於有得食喇....好味啦個湯, 食完都唔係太口乾...不過點解得兩塊叉燒(今次好淋架)....又冇粟米...埋單收左$67.2, ....咁奇怪既.....原來有八折....唔記得左tim...唔怪得之得兩塊叉燒啦....:)…查看更多

見到咁多好評, 搞到自己都想去食...於是叫埋老公去開餐...食左唔係好多野, 多數都係三文魚, 帶子, 蟹棒咁....叫左個火焰帶子加鰻魚同三文魚...:(見鰻魚燒焦哂...點食.....帶子都ok.....咁就食左$217蚊....仲要唔係好飽要買阿土面線做消夜.....我都唔係好明點解咁普通都有咁弘好評....…查看更多

夜媽媽想食腸粉, 不過唔知合益泰咁早就收左....:(路過見到堅記好似話蛋牛治幾好味, 咁就走左入去喇....我叫左個蛋牛治toast底, 再加多個炸醬面, 老公叫左個豬手撈....等左一陣, 不過話時話都幾多人....個蛋牛治係咪好好食, 又真係幾正, 唔知係自己肚餓定係咩啦....但個炸醬面嚟到, 我見到真係冇乜胃口, 食左幾啖我頂唔順喇......點解, 因為我佢一定落左好多蘇丹紅, 碗又紅又橙, 係螢光個種, 唔信, 你下次試下...... .....仲有抬底個垃圾桶仔好嘔心,好鬼死似痰桶..... …查看更多

上年買左兩個生日蛋糕比老公同細佬, 我都係睇下其他寫食評既食友先知呢間餅店....上年食過佢既chocolate truffle真係一試難忘...好好味...今年又係照辨煮碗, 要左個mango mousse比老公, chocolate truffle比細佬.老公生日先, 個晚由尖咀攞到番旺角, 真係有d溶溶地, 不過個蛋糕真係好靚, 我有食到, 因為我對mousse就麻麻地....細佬生日就落雨, 真係唔好彩, 攞住個cake都幾狼狽, 不過counter姐姐好細心比左個膠袋取代平時比開既紙袋....好窩心...ps, 今年既蛋糕價錢已經由168一磅去到200一磅...噢! …查看更多

11月14日晚去左outback慶祝我細佬生日, 嚟左呢食晚飯...叫左幾個set, 我就想食burger, 湯就冇試, 不過見到屋企人飲好似幾好味, 真係"傑"到可以撈pasta呀, 濃到成個sauce咁..勁...餐包好好味, 我自己都ko左一條..哈哈..(失禮哂!)...如果佢開個面包專櫃, 我個買嚟當lunch食囉...主角出場, burger都ok大, 我share左一半比阿爸.....cut開一半, 一d汁都冇溜低, 梗係啦, 入面係totally dry架........我真係覺得自己食緊上個星期食既m記四層黑椒burger....嚡到爆炸....m記都好d, 有個好汁係面....呢個就真係........如果大家去m記叫一個兩層既至尊burger走醬, 應該就係呢種感覺喇.............搞店左個burger, 有食左幾條豬rib bones.....好好味又淋...我諗下次都係叫番d 簡單course會開心d......服務態度值得一讚, waitor哥哥仲帶住我地唱生日歌...好有心..:)…查看更多

其實呢度已經食過幾次, 尋日老公放假, 我地就嚟左呢度食...哈哈..我就覺得普普通通..原來老公以為我好鍾意食, 真係一個美麗既誤會...排左一陣隊就有得坐, 地方預左係大排檔咁,有d污漕 不過無所謂,但岩岩坐左係煮野食既爐隔離, 都幾難頂....枱面全部都係通粉, 蕃茄汁....哈哈...真係唔睇好過睇...:(我食左茄牛通, 其實真係冇咩特別, 特別在於.....d蕃茄好多又好腥....福而係硬既咁囉......食完即閃......我諗我下次真係唔會咁神心去排隊就係食碗咁既茄牛通....…查看更多

某日中午心血來潮, 諗住試下新野, 經過見到呢間牛腩店岩岩新開, 咪去試下囉...見到價錢都唔係平wor, 不過既然$27蚊一碗清湯腩, 應該有番咁上下水準先會定呢個價啦...碗面嚟到,有d失望, 雖然有時食野唔係多就係好, 不過咁既價錢, 就只有少少一碗, 會唔會太小家呢??.....一路食就更加覺得不忿.....河粉的確又幼又滑...主角牛腩就真係...好普通...唔係話超好味我會比$27蚊去食囉.....:(.......旺角食一碗唔飽既粉要$27蚊, 我相信有好多選擇…查看更多