ringomeib的個人專頁

原來北角匯都有日式牛肉火鍋，就係🥰牛牛日式火鍋放題🥰喇！環境好大好寬敞，清新木系的橫潢，特別右邊係大玻璃，好透光！椅子下面提供了籐籃，可以俾我地放袋，十分貼心！呢到有4個level，以平日價錢計Level 1 $228食美國牛，共50品、Level 2 $268食丹麥牛小排、封門柳，共68品Level 3 $298，只係加$30，就可以食澳洲和牛，共有85品Level 4 $568，就可以食日本宮崎和牛，共90品Level 3以上可以免費任飲啤酒、紅、白酒及清酒 ($50/位)個人覺得Level 3最抵食！呢度火鍋係一人一鍋，自己鍾意咩口味都得，一切盡在掌握中！湯底有8款，老公要左膠原豬骨鍋、我要左傳統山椒味噌鍋！一入門口就要揀湯底架喇，一坐低就送到！山椒味噌鍋比較濃口偏辣，仲有D 八爪魚、豆腐之類，打邊爐啱曬！湯底任加，仲要唔係水，係鰹魚湯黎架！野食有85品，真心食唔曬推介品項包括澳洲和牛、澳洲黑安格斯、極上牛舌、西班牙伊比利亞豚肉、海蝦、扇貝、紐西蘭青口、蝦滑！呢D 都好新鮮好味！個人麻麻熱食榴連，但榴連王炸彈都係回本之選回本推介仲有movenpick！朱古力真係好正！好快食完，就換左雲呢拿！自助吧有各種蔬菜、汽水、熱食、炸蝦、鰻魚水果、葡撻、雪糕、雪條等仲有韓式拉面，同埋出前一丁！…查看更多

突然想食牛肉放題火鍋，就同老公去咗希慎14樓食✨牛気✨我地食Lv4！每位＄338/成人，＄258/小童/長者，可以食90分鐘！本身已經有9款湯底，昆布清湯、牛肉清湯、蕃茄湯、黑蒜豚骨湯、牛骨湯（微辛）、麻辣湯、沙嗲湯、月見壽喜湯、元祖棉花糖壽喜湯宜家係日韓祭，仲多一款泡菜豆腐湯，我地揀咗要呢款少少甜甜辣辣，幾開胃！Lv 4可以選澳洲穀飼黑安格斯牛 + SRF 美國極黑牛放題 + 海鮮放題個人覺得SRF美國極黑牛最好味，肉味濃又嫩滑！澳洲穀飼黑安格斯牛都同埋Prime 美國肩胛肉眼略薄其次要食嘅係大海蝦，又大隻、又新鮮、又彈牙！帆立貝、青口、蝦滑都可以，仲有放題少見花膠都算唔錯已經好多嘢食， 但自助區都好驚人！咖啡機、三大個汽水櫃，目測有十幾款 飲品！想食菜有本地水耕菜、菇菌、丸類仲有烏冬、韓國拉麵！仲有前菜、水果、甜品、 葡撻等等因為而家係日韓祭，仲有關東煮、茶碗蒸、韓國炒年糕 、鮑魚人蔘雞湯、中華風豚足煮物等等！ 真係講囉講唔曬！仲可以自己唧北海道牛奶雪糕！種類真係多到不得了，我哋兩個食到飽到上心口😂…查看更多

我同朋友行希慎，想食辣野就上咗13樓嘅姚姚酸菜魚餐廳都好大，環境好光猛平日非繁忙時間都有好多座位姚姚嘅酸菜魚固然出名，但水煮牛肉、麻辣香鍋都好正今次同朋友揀咗食麻辣香鍋，最少選5種配料QR code落單可以慢慢揀！可以點配好多配料，素葷都有選擇！我地選咗小酥肉、魷魚、牛肉、 花菜同埋萵筍小酥肉酥脆生香，魷魚新鮮彈牙，肥牛好惹味花菜同埋萵筍都好麻辣入味，萵筍就好爽口！我地仲叫咗麻辣豬手，係香港人都食到嘅少少麻辣入口啖啖都係骨膠原！雙重刺激！而酸甜爽辣嘅醬蘿蔔都好解膩，啱曬我地口味！我叫咗多多桃膠椰奶，少甜少冰除咗有大大粒嘅桃膠，仲有紅豆， 口感豐富！朋友要咗爆打青瓜檸檬茶，入口清新酸爽！其實仲想叫多個冰粉食，但實在太飽了！下次啦！…查看更多

Sake Bar有個好特別嘅U型酒吧，好有feel超大Sake酒櫃，有過百款清酒、燒酎、果酒，好多款選擇每枝酒有個介紹小牌，由產地、酒名、辛甘，都寫得好清楚可以根據自己口味揀唔同嘅酒！真係好選擇困難症都唔怕，仲有唎酒師駐場介紹，啱哂清酒新手！我地都試咗唔同口味清酒，又聽左唔少清酒嘅趣聞！真係好似品酒咁，好好玩！前菜小食紫薯貓貓內有三文魚餡，伴少少炸蓮藕！餐廳專食雞串燒，炭火串燒一set5串雞胸軟骨、雞腿肉、雞心、雞尾、雞腸燒得好有水準，再encore雞腎、雞皮、雞肩肉！話明係Sake Bar，佐酒小食當然唔少得！煳麻唐揚炸雞同埋唐揚蘿蔔糕係用了兩姊妹涼皮嘅香料做嘅創意料理口味偏麻辣，好有特色，一試難忘！酒盜風炒小松菜清酒煮廣島蠔清清地，可以襯淡口嘅清酒燒帶子拌海膽湯略為濃d，可以飲濃少少清酒牛油烏賊肝醬炒魷魚同埋忌廉芝士明太子厚油揚 就更濃郁d！真係一試難忘！個人覺得主打嘅雞串燒、煳麻唐揚炸雞、唐揚蘿蔔糕同埋牛油烏賊肝醬炒魷魚都係必食之選！…查看更多

趁聖誕假期，我同屋企人去左馬灣行下沙灘、遊馬灣公園，好relaxed 黃昏時，我哋決定喺挪亞方舟度假酒店豐盛閣食自助晚餐！餐廳有180度全海景，好有度假氛圍！今次自助晚餐係「海鮮。和牛」嚐味冬日自助晚餐！當然有唔少和牛菜式，包括精緻的香煎蒜片和牛粒、酥炸和牛肋條、黑松露和牛菘炒飯以及和牛金錢展刀削麵配越式湯！香煎蒜片和牛粒同酥炸和牛肋條都好正，食完又食！海鮮種類好多，有加拿大鱈蟹腳、波士頓龍蝦、藍青口、加拿大翡翠螺，仲有刺身等！最鍾意食鱈場蟹腳同埋龍蝦，好鮮甜！熟食都有好多選擇，醉香花膠北菇雞煲、燒美國有骨肉眼、香草焗羊架、慢煮西班牙杜洛克豬柳、慢煮鴨胸、清蒸石班及香草牛油焗田螺等！最吸睛嘅係熱熔瑞士芝士！即刻幫你加熱，即刻刮出嚟畀你！香草焗羊架好嫩滑！醉香花膠北菇雞煲都係必食，花膠幾大塊！甜品都好吸引，好多選擇！紅莓櫻桃蛋糕、朱古力香蕉慕絲蛋糕我覺得最正嘅係可以任食 Movenpick 雪糕！最鍾意就係玩朱古力噴泉、冬甩同埋水果！真係好滿足！…查看更多

Gathering食中菜其實幾好一人叫少少，可以試好多口味今次我地食天府人家嘅川菜，仲可以叫不同辣度！仲有好多菜式揀，即刻叫到成枱都係！前菜除咗有經典涼菜蒜泥白肉 外仲試咗酸辣三鮮 、燒椒北海道大帶子同埋鹹蛋黃炸南瓜 ！呢三款涼菜真係其他地方都食唔到！酸辣三鮮有桂花蚌、蝦、魷魚，有厥根粉墊底！凍凍地好清新！而燒椒北海道大帶子賣相好靚，係一片帶子夾住一片萵筍！配埋花椒汁，一啖爽口鮮味！唔好睇呢碟鹹蛋黃炸南瓜其貌不揚，但南瓜好軟淋，外皮鹹香酥脆！好好味！再飲啖天府一品燉湯 ，真係好香濃！果然係招牌！主菜我地叫咗鮑魚炆雞 、泡椒桂花蚌同埋三豉醬蒸斑頭腩 三豉醬蒸斑頭腩嘅魚質鮮而實淨有口感！泡椒桂花蚌嘅桂花蚌香辣爽脆！而鮑魚炆雞 真係必食！鮑魚又大隻又彈牙！雞又滑！最後仲食埋重慶酸辣粉 ！一小碗酸香辣，好夠食！真係食得好開心，辣得好過癮！…查看更多

朋友介紹burger joys漢堡好好食我就同老公去咗灣仔店試下，灣仔burger joys位於駱克道地鐵站一出行5至10分鐘左右就到酒吧風店面唔係好大，大約坐到10-15個人我哋叫咗一個Signature Double Cheese Burger嘅comboBurger好大個，男人一啖都未必食得曬！原來佢哋漢堡係每日新鮮用美國USDA安格牛肉手做！唔怪得咬落咁juice，肉味好濃！配埋車打芝士！好鬆軟嘅漢堡包！真係好食好多！跟餐嘅Regular Fries 有好多選擇！可以叫French Fries、Tater Tots、Onion Rings同埋 Curly Fries我哋叫咗扭扭薯條！炸得好脆！飲品除咗一般汽水，仲可以叫半杯啤酒！啤酒都好襯Burger！見人人都食Fish Burger，我就試下Chicken Burger 🍔嘩！個chicken burger同塊牛肉漢堡有得fight!我咬落去啲肉汁流曬出嚟！肉質鮮嫩！配搭埋沙律菜、蕃茄同洋葱，平衡返個油膩感！雞扒漢堡嚟講算係好高質！下次再嚟嘅時候可以試下其他sides！…查看更多

Victuals位於灣仔商廈，主打食熟成牛肉門口有個賣酒區，右邊就係餐廳餐廳感覺都好高雅，走新古典風，以木同金屬為主調！角落有個熟成櫃，放曬餐廳自家熟成嘅牛肉頭盤係【Waldorf Salad】係好清新嘅青蘋果西芹頭沙律酸酸甜甜，好開胃，配焦糖杏仁脆片好香脆！【Dry Aged French Onion Soup】用Dry aged 牛肉熬製湯底香濃牛肉味同洋蔥嘅甜味非常夾，十分岀色！【Roasted Duck Breast】煎到medium rare鴨胸呈粉紅色，好嫩滑，而且有淡淡煙熏香蘸甜甜地嘅黃菜頭醬可以中和鴨油香，鴨骨製嘅Gravy source就更香濃連墊底嘅椰菜都係用鴨油炒過，小細節滿分！【30-days Dry aged Caviness Prime Striploin】煎到外焦內軟，仲係Medium rare嘅粉紅色，廚師真係好專業Striploin一向較結實，但佢又比較軟嫩，唔會好乾而且肉味濃郁，Dry aged 真係dry aged！蘸少少Gravy source就更香濃，配埋牛油味勁香勁滑嘅Smash potato👍😍真係好滿足了！甜品【The Victuals Tiramisu】都好特別係有朱古力夾心嘅Tiramisu，入口淡淡酒香！正！呢間餐廳每個菜品都好用心精緻，滿滿細節位！真係好值得再黎食！紀念日、生日都可以黎試下！…查看更多

Villa Villa位於北角地鐵站附近的一條小食街！書局街再行入去好快就到！餐廳以足球為主題，有好多球衣佈置！餐廳大概有20個座位，七點就好多人！是日餐湯係黑松露忌廉湯，入口好香濃配自家製墨魚汁香草麵包，口感香軟，真係食過番尋味係真係可以單買拎走架！薄餅一定要試佢Top 1嘅雙重芝士脆薄餅！可以另外加錢配唔同嘅餡料有水牛芝士、西班牙辣肉腸、煙三文魚、巴馬火腿、火箭菜、菠蘿雙重芝士係mozzarella加cream cheese，口感味道層次都好豐富，拉絲超勁！！！我見到薄餅邊都係黑色，一問之下先知簿餅底都係墨魚汁做平時成日見到黑色嘅烘培食品都係用竹炭粉做咁多用墨魚汁做其實好貴，都好花心機，小店先會做！羅勒蒜香蕃茄汁鮮蝦扁意粉上枱已經充滿羅勒嘅香味意粉有咬口，唔會太淋，十分掛汁！空運新鮮藍青口配蕃茄汁，好新鮮！最後一定要食埋甜品呢度嘅甜品全部都係師傅喺店舖入面整唔係工場交嚟，好新鮮！每件$4x，唔係好大件，食完飯絕對可以一人食一件！我地叫咗伯爵茶朱古力蛋糕同埋法式燉蛋芝士蛋糕！同樣都好高質！呢間北角小店真係好有誠意做美食！非常高質，一定會再食！…查看更多

同「牛魔王」朋友聚會緊係食和牛燒肉！今次食銅鑼灣「和牛燒肉一郎」，環境幾好，幾寬敞不過佐敦更大更寬敞，有幾款套餐可以選擇套餐A至C任食100分鐘，D至F任食120分鐘今次我食E餐，有12款和牛有牛肉刺身、牛肉壽司、日本豚肉、豚肉、雞肉、海鮮、野菜，仲有各式泡菜一黎先送上黑毛和牛盛合、海鮮盛合和牛盛合有和牛牛肋肉、和牛牛肋條、和牛肩胛肉、和牛肉眼、和牛牛肉角切、三角腹肉和牛牛肋肉煎到外脆內軟，和牛牛角肉好似一口牛粒咁！里脊肉一般較乾身，但這裡和牛里脊肉有雪花肉感十足，非常軟嫩，入口即溶！三角腹肉滿滿雪花，超軟熟，油脂感十足！和牛肉眼比較平衡，香軟嫩滑！最啱我心意！海鮮盛合有魷魚、青口、大虎蝦之後QR code落單，想食咩就點咩，上得好快！薄炙葱花牛舌爽滑、極上厚切牛舌、極上牛舌棒我喜歡極上牛舌棒，又厚又爽！海鮮仲有黑松露元貝、蠔等等！可以無限暢飲梅酒、清酒、啤酒！自助區域可以自製「一郎名物丼：牛郎丼」紫菜牛肉燥飯！仲有多款飲品、茶包、前菜、沙律、雪糕、甜品任揀！食埋雪條真係好滿足！…查看更多

遇見蓮花係轉角位，環境好舒適目測都好多四人座同卡位，座位好闊落我地叫咗花蓮小食拼盤花蓮小食拼盤係九宮格有9款小食麻辣牛肚👍溏心鹵水蛋🥚同鹵水豬腸都好入味嫩滑嘅花雕雞卷有淡淡酒香，炸地瓜條甜甜地煙煙韌韌仲有蒜片香腸、鹽酥雞、脆魚塊、麻辣鴨血花蓮半筋半肉麻辣拌麵有好大件嘅牛肉牛筋，炆得好淋，好入味粗麵質地彈牙，比起湯麵我更喜歡拌麵，因為麵條非常掛汁，輕麻辣香濃易入口！台式香濃沙茶鍋性價比好高，湯底不過不失，配料豐富有牛肉片、牛丸、花枝丸、沙白、鳴門卷、娃娃菜、粟米、金菇、炸支竹都好入味！兩個人不經不覺就食曬！…查看更多

同朋友食生日飯嚟咗尖沙咀嘅南北匯南北匯Club SONO 係一間高級私房菜同時係一間私人會所裝修高雅大方，以寶石綠色為主，氣派十足每間房有獨立洗手間及KTV設施，隔音私密度十分高融會南北特色嘅美食果然有睇頭！淨係總廚發辦前菜已經有6款，十分開胃清爽萵筍絲、酸爽蘿蔔脆片、酸甜蕃茄仔、泰式酸辣蓮藕片、酸爽木耳、juicy 煎餃當晩嘅星級養生湯係🩷石斛蟲草花燉海螺🩷入口清甜，滋陰潤肺，鮮味十足！🩷鮑汁花膠扣鵝掌🩷鮑汁味道濃郁花膠厚身，鵝掌到炆得好淋，滿滿骨膠原！🩷培根卷大明蝦櫻桃芥末醬🩷都算幾有特色！大明蝦同埋培根卷都用薄薄一層嘅炸漿包住，入口香脆！大明蝦外脆內軟，培根卷同大明蝦配搭都好有驚喜！黑豚豬腩肉果然同甜梅菜最夾！🩷甜梅菜黑豚豬🩷入口仲一啲都唔油膩！🩷川味麻辣水煮魚🩷麻辣經過調整，符合香港人嘅口味水煮魚厚實滑溜，配菜仲有蓮藕芽菜寬粉！甜甜地嘅🩷玫瑰桶子豉油雞🩷好有光澤雞味香濃，肉汁四溢，入口嫩滑！食咗咁多好嘢，最令人期待嘅一定係🩷魚湯海參絲浸時蔬🩷最後食埋清爽脆口嘅🩷日本櫻花蝦十菜炒飯🩷炒飯粒粒分明，配埋櫻花蝦同埋菜粒，鮮味十足！最後仲食埋百合紅豆沙同埋水果杯先至走！…查看更多

旺角有咩好食？忽然間想食下中菜小炒朋友帶我去咗金玉滿堂話呢間鑊氣夠，炒野好食😋所以今次特登叫咗幾款小炒上下先！✨虎皮尖椒鍾意食辣嘅一定要叫，虎皮椒切件然後用豉椒炒，果然鑊氣十足，味道香濃✨脆皮一品燒雞雞肉肥瘦適中，外皮香脆，肉質都幾嫩皮脆肉厚！✨水煮牛肉水煮味香濃，唔會太辣，港式水煮，好適合港人口味。配菜有豆芽、豆卜、芋絲，不過如果有粉皮就再好啲啦！✨碧綠炒蝦球蝦球好大隻，爽口彈牙，份量充足！今次食咗幾款都唔錯臨走見到原來仲有多款燉湯老闆娘都介紹咗店鋪嘅香草芥末奇脆元貝王我決定下次再黎試下先！…查看更多

最近約了朋友去了牛川日本和牛專門店食和牛燒肉放題！牛川120分鐘放題有3個價錢特選放題($298)包含牛、豬、雞、飲品、啤酒極上放題($348)包含牛、豬、雞、刺身、壽司、飲品、啤酒我地橫掂黎到，緊係食尊貴A5和牛放題($458)！和牛放題一定要試下A5和牛我還是最喜歡A5 牛五花、牛小排充滿油花，一燒十分搶火，建議中火燒或者快速反轉食落油潤甘香，入口嫩滑即溶，食唔停口！每人送海鮮拼盤一份大蒜焗蠔上枱已經燒好，十分惹味香口！另外生蠔係十分大隻，兩隻已經佔了半個爐燒好店員會來開，好好服務，入口都好鮮甜甲羅燒好易烤焦，一定要一邊燒一邊攪動扇貝和大蝦都十分大隻，彈牙鮮美！仲有大蜆、生蠔等等！另外刺身選擇都好多！三文魚、吞拿魚、北寄貝都有！我十分推薦赤貝、赤蝦、帶子，真係好鮮甜！必食！套餐除左一般食物外，仲有燒和牛沙律、和牛刺身、和牛他他麻辣鮮魚皮、吞拿魚蓉脆脆、手工月見燒鳥串等等都好有特色，一定要試下飲品有可樂、忌廉、芬達、紙包飲品、手工茶、啤酒等等都係任飲！加38仲可以任飲麒麟一番榨、生力黑啤加98除左生啤，仲可以任飲清酒放題仲有壽司、炸物、小食、一品等等！最後食埋Movenpick就真係飽到上心口了！…查看更多

天后一向出名多嘢食！於是約埋朋友呢尋味！見到清風街 有間新餐廳「 星嵐 」都幾多人，於是就試下！餐廳環境好舒適，有落地大玻璃，又有吧檯位 四周都有可愛嘅壁畫！我哋一黎叫咗小食吉列珍寶蠔真係好Jumbo！上枱超級大隻！而且粉漿好薄，非常酥脆！之後就上咗招牌黃金黑豚豬扒Pan丼上枱嘅時候，黃金黑豚豬扒真係成個pan咁俾你成個pan倒落飯上面，塊豬扒仲大過個飯碗！完全遮蓋咗個飯碗🤣相當震撼，分量真係好大！吉列豬扒炸到酥脆，脆卜卜！豬扒用咗黑豚肉好有肉味，肉嫩多汁，而且非常厚切！仲有好豐富嘅嘅滑蛋洋蔥汁，甜甜地，撈飯一流！連平時唔係點食飯嘅我都食曬差唔多成碗飯！朋友叫咗燒原條日本鯖魚定食定食包埋豆腐前菜小食麵豉湯！條鯖魚比平時見嘅大條好多，性價比好高！鯖魚表面畫上網紋，食落好新鮮，肉質結實！少少檸檬汁提鮮，配埋汁十分送飯！兩個女仔食到捧住肚走！…查看更多