BonnieLui6240的個人專頁

下午茶時間收茶錢加一仲要自己qr code掃 真係呻苯呢個價錢可以有更好既選擇。所以平日下午都無咩客仲要d職員係會係有客情況當面講d客壞話既。點解我知 因為我係度講個炒飯唔好食又唔抵我媽係度話我原本想食個間野d雞翼都係炸既 d職員就開始講佢地d野好抵食。又話大家樂個d就好。跟住仲要有客叫左2碗30幾蚊既野 ，佢地又係度講話第二客廿蚊真係蝕比個客。🫨🫨🫨🫨🫨🫨🫨🫨🫨🫨🫨🫨🫨🫨🫨🫨…查看更多

我自己叫左波士頓龍蝦意大利飯，但唔明點解要加芝士粉。芝士龍蝦似急凍貨 味一般，飯係幾有咬口。但覺得成餐飯好似比係茶餐廳更趕忙。職員服務方面。一開始就講qr code落單就走開，完全無叫客人請入座，成個職員塞住左通道，客人要等個職員行開先可以入座。最離譜係食完飯只係40分鐘，個侍應主動拿塊黑色帳單牌話叫我地埋單先。只係坐左40分鐘，難道我地已經超過左用餐時間？我地帳單係俾二百幾蚊。勁懷疑餐廳員工係炒散，無西餐廳員工應有既質素，更何況呢間係酒店旗下餐廳。性價比係好低。叫埋單雖然態度正常，但好 chur, 真係未試過西餐廳會俾人催埋單。仲有個員工找錢有奇怪既紙碎係錢幣度。關於餐廳坐位安排，坐左係後門位旁邊。不停有廚師拿食材同客人出入。但明明還有其他位置空置（無留座牌）都無安排我地坐。希望openrice可以比我貼呢篇食評。望眾知。香港餐廳要有進步同大陸餐廳競爭就要接受批評同做好服務同食物。…查看更多

一入去覺得個環境都幾細同唔算好靚環境唔大，食物一般。價格都進取。檯同另一張檯之間都幾近。未夠時間但出面有客排隊都俾定張單埋單。燈光效果太暗麻麻呢種風格。個j moon 野飲都係打個泡係個杯。…查看更多

個日自己一個人食 係openrice度點餐叫外賣自取食雞肉夾餅但完全無諗過足足要至少30分鐘製作時間。我明呢間唔係快餐店黎。重點係我點完先發覺佢預計製作時間係可以唔止30分鐘，咁樣好保障唔到外賣客人既等待時間。最後呢間大埔outback果然要等至少30分鐘外賣自取我先拿到個夾餅餐。事件仲要我自己主動行去取餐先有職員過黎睇下袋外賣齊唔齊同我有無拿錯。即係唔係我自己過左30分鐘夠鐘去睇下有無外賣係檯，個apps status仲未見「可取餐」。食物方面都ok既。只係外賣真係唔想咁樣等極都唔見可取餐。…查看更多

真係預為打卡而黎。片皮鴨很簿，味道也很一般。點心放題食物質素真係預左一般 基本上叫左成檯食物 得蝦餃燒賣係最熱既，可以叫好食 。叫左秋葵食就唔知點解變大碟芝麻醬沙津菜加秋葵，沙津菜仲多過秋葵。同埋落單有點令人會唔小心點錯份量要留意佢有分點心係一粒粒咁點，啫喱反而係一份計，我本身只想要三粒啫喱，結果變左三份咁多既一碗啫喱黎左。其他小食係冷冰冰。希望會改善下食物。望番以前人地既食評，以前仲會有粉麵，今次我呢個一人都收三百左右，除點心以外，只有個片皮鴨粥。食物可以食很飽，但完全你只會想再追加蝦餃燒賣食。…查看更多

得知即將結業，同朋友把握最後數天前時光光臨。我地係食晚餐時間，等左一陣都可以入座。全場坐滿。為各項美食評價就係柚子沙律同小食拼盤最吸引🥰蝦餅好有飽足感，豬頸肉配醬料都唔錯。炸雞翼夠滑仲要係單骨。春卷都好味不過就比較一般。而覺得今次相對以往既金邊粉，之前黎食既金邊粉會比較好味d!柚子沙津都係推介之一係幾好味。打呢篇食評係想紀念一下大埔都唔多thai式餐廳，我仲會好掛住佢既青咖哩配簿餅小食🥺🥺🥺🥺🍽🍽🍽🍽🍽🍽🍽希望後會有期。…查看更多

一直路過都想試，但因為都唔算係好覺眼既位置。一黎到覺得必定要試意粉多過下午茶既牛角包啦。而食完都幾滿意，因為意粉價錢都合理。黑松露野菌意粉因為係素食無肉。所以意粉睇落都較多，而且因為個汁比較creamy仲好飽肚。不過個人口味就較喜歡照燒雞扒意粉。好味，大塊雞扒煎到塊皮夠香而雞肉又滑。而最推介飲品係凍既百香果綠茶，幾好飲。同比我感覺店員都友善。食物比我感覺係有誠意既乘意意粉。不過就留意番店舖較細，所以都唔預係比你長坐個類型，而我食完都自覺埋單。仲有留意番呢度係無提供奶茶飲品既。…查看更多

日本京都焙茶柚子鮮忌廉卷$108外帶盒包裝好精美。說真的，一心睇過介紹所以想黎買伯爵茶卷蛋，可惜本身想買既伯爵茶口味已賣曬，而呢個焙茶柚子卷對比其他卷蛋既定價太高。焙茶柚子味道其實不錯，但唔夠濃味，比以往食到既甜品較淡味，但柚子忌廉好滑同比蛋糕突出，但呢個味試過就夠，因為食左一半先食到忌廉入面柚子幾粒。而且蛋糕難以發現焙茶香味，蛋糕只有甜味，甜品控肯定覺得唔夠邪惡。蛋糕食唔出茶味係令人失望既口味。…查看更多

旺角的確好多Cafe。所以有唔少都佈置好靚吸引人黎打卡。一心都諗住只係黎呢間靚cafe打卡影相。不過今次專注提食物多過環境啦。不過今日一見食物黎到檯上都比想像中大份。坐室外無泳池打卡位但都唔錯，沙發座位都好坐。而見好多店員都有禮貌同又會主動加紙巾。炸魚薯條，炸魚外皮唔厚，配沙津醬開胃。全日早餐個牛角包🥐最推介夠脆又鬆化好味。最推介都係個名好長既黑松露忌廉汁意大利飯伴芝士焗大啡菇。💖😽上碟飯勁多汁同菇又夠熱騰騰。鐘意黑松露既可以一試。黑松露忌廉汁意大利飯伴芝士焗大啡菇圖如下經典飲品我點左個宇治焙茶鮮奶，簡左熱飲所以有靚既心形拉花，而個人口味好鐘意焙茶既飲品，唔會太甜。Tiramisu都有點到，好食但賣相樣子普通，係一拿起外圍圍蛋糕既膠片會即變溶岩蛋糕既樣子，我只拍左片唔記得影相，酒味濃，都值得叫。總結若唔追求打卡位置，食物質素都唔錯。…查看更多

其實本身無諗住去呢間食，只係路過被門面吸引加上去個時又唔洗等位。就咁睇門面同個名叫果子睇落仲以為係食蛋糕甜品cafe，睇餐牌先知係星馬菜。座位空間唔會有壓逼感。Lunch time時間仲要禮拜日食60蚊就連熱飲都合理既。碗麵係油麵同粉絲撈埋一碗不過都無咩違和感，但聽落係有些奇怪既撈埋一齊，但都係滿足到又想食粗麵同幼麵既我。有3粒蜆 2條蝦 幾塊豆卜同魚片 不過留意少辣，所以我係會簡凍飲配呢碗麵，感覺無咁熱。對果子既評價係都算可回頭既餐廳。…查看更多

Outback燒雞肉芝士夾餅堂食向來不錯。今次再來叫外賣實在令人失望。😮‍💨先說份量明顯餡料份量少。這個夾餅材料包括蘑菇，燒雞肉,煙肉配上蜜糖芥末醬。外賣的確比堂食差，可能是外賣較便宜，但相比之前叫過一次正常味道外賣，今次外賣係災難級的外型，4塊濕漉漉的餅皮溶在一起看起來像千層蛋糕和放淋了的薯條🍟實在無法完成。這薯條口感實在是放了超過二小時的感覺。送既餐湯份量也少，沒有一碗份量。而黑糖麵包味道就算涼了還是正常的。還好錫紙包起這些夾餅還是溫暖的。…查看更多

Outback係大埔開對我黎講都幾開心，因為近屋企，以前成日想食都要出去沙田或尖沙咀，不過明顯睇落比較上尖沙咀個間堂食會坐得舒服d ，次次去outback我都係多數堂食同叫燒雞肉芝士夾餅，但因為知新店開實多人等位食唯有叫外賣啦，呢間大埔分店外賣既燒雞肉芝士夾餅用錫紙包住，所以我番到屋企食仲係熱既，呢點值得加分。同埋我覺得最重點佢有記得俾個點呢個簿餅既蜜糖芥末醬，最鐘意就係個醬。依家趁新店外賣都平，一定會再黎幫襯。…查看更多

首先要呼應番我打既食評主題係ULURU呢間餐廳具有風格獨特的黑白塗鴉壁畫，所以不用明星網紅效應宣傳也應該吸引客人會拍照留念。因為塗鴉風背景實在太靚，我同朋友去之前都一齊夾定dress code去影相打卡。介紹番間餐廳，ULURU讀音係烏魯魯，我上網睇過餐廳介紹佢地既理念係想大家當ULURU係心目中既中心餐廳同埋想ULURU好似巨石咁係香港豎立起黎。食物方面，我地點左個唔太記得全名既啡菇漢堡包同咖哩炸豬扒菠蘿蛋包飯，2樣味道都唔錯，反而覺得佢地做得好靚既甜品架入面既甜品味道可以做得更好。飲品方面，Rose tea非常清新，賣相又靚，不過要小心俾飲品外圍既花裝飾令隻手或衫染到顏色，店員提示完我都係唔小心染到隻手。🤣🤣🤣總結下，係一間非常值得去影下相同食蛋包飯既店。…查看更多

一早都知mamaday係熱門食店，想試好耐同唔想換門釘，所以會訂位去食。但因為3點左右先有位，食左野再黎餐廳唔算肚餓，無試到想試既紫薯蛋糕（因為水一早賣曬），最後所以只叫左個小食拼盤，好在新鮮整夠熱好好食。洋蔥圈，炸蝦，炸魷魚圈都唔錯。仲有坐近window位有自然光好岩影相。打卡黎講野食又好食又多影相位，唔係只得環境既金句碗碟佈置有趣，不過相信平日黎打卡會開心d,因為可以少d人盡情影相。係一間會有下次想再黎食既餐廳。…查看更多

第一次食park cafe 今次叫一叫外賣，香桃煙鴨胸忌廉燴飯好好味牙，食落唔會話食完覺得好膩，因為食過其他餐廳有對比，park cafe燴飯真係好正，飯粒黎講粒粒分明又有香甜既香桃香味，真係好好味，其實西餐黎講60幾蚊定價真係唔貴。軟殼蟹意粉都ok既，不過軟殼蟹意粉好多餐廳都會食到，所以都係覺得燴飯出色d。不過留意番今次叫外賣既話就等得耐左d，下次要俾下耐性一路行下街等。不過想同餐廳講真係好欣賞你地個忌廉燴飯。…查看更多