dickso的個人專頁

最近行過炮台山，發現咗一間台灣餐廳，餐廳嘅裝修好吸睛，突然口痕又要醫肚，所以就入咗去試吓。 餐廳裝修以台灣風格紅燈籠為主，好有台灣的感覺 雖然呢間餐廳唔係大，但係都就坐得舒服。 叫咗一款《台灣擔仔米粉》，呢碗野有鹹酸菜、蝦、貢丸、肉操同半隻蛋，非常足料，台灣米粉入口非常爽。  而我老公就叫了一碗《紅燒牛肉麵》，牛肉的做法跟出邊有點不同，驟眼看有點似牛展，湯底味濃。 小食點了一款《蚵仔煎》，分量多，又多蚵仔，十分足料，入口口感豐富。 甜品點了熱的《九份芋圓》，入口不太甜，芋圓好煙軔，熱的比凍的好吃，很有台灣的感覺啊。 因為點了麵食，所以加$10可以有一杯指定的飲品，我還加了珍珠呢，飲得之餘還有嚼勁。 …查看更多

辛苦搵來自在食，前一排好忙，終於搵到個機會同女朋友坐低慢慢嘆美食，諗住搵個靜靜地、夠風味、又坐得舒服嘅地方慢慢嘆。之前去過灣仔Jan Jan 串揚專門店，女朋友知道尖沙咀開咗分店，二話不說就book咗位。入到門口，已經好有日本特色，門口擺咗唔少日本清酒，尼刻令人覺得好似去咗旅行咁，結果我哋揀咗吧枱坐，真係好有日本風味。呢度環境唔算大，但坐得好舒服，好寧靜，加上柔和嘅燈光，坐係吧枱望住廚房入邊好專注嘅廚師，特別享受！一坐低，就急不及待睇飲品Menu，隔離枱叫咗幾支大嘅啤酒，令我酒癮發作，可惜女朋友唔飲酒，最後唯有自己叫杯札幌生啤嘆。呢度嘅食物都幾多款式，有豬、牛、羊、雞、海鮮串揚，另外小食、飯、麵類都有。不過之前喺灣仔食過串揚，味道真係太深刻，所以我哋今次都係叫串揚為！等食物嘅時候，店員好貼心咁俾咗生菜、串揚醬汁我哋開胃。座位前會有食法指示，跟着指示續塊放入醬汁入邊，點一次醬汁，就可以食！清清地好好味！尼度嘅牛串揚係令我再嚟嘅其中一個原因！外脆內軟，外邊嘅粉皮炸到熱辣辣，內裏嘅牛肉一咬即溶，真係正！食完飲番啖啤酒，爽呀！牛串燒一啖一粒，口感鮮嫩，一啲都唔會韌。雞胗本身好有口感，又爽口，而且好入味，唔使加任何醬料，都滋味無窮。蝦串揚都非常唔錯，炸到好脆身， 成隻連殻好惹味！本身勁鍾意食海鮮，所以一次過叫咗三文魚子海鮮球、北海道帶子串。入邊有超大粒帶子，鮮甜美味，同樣唔使點任何醬汁，皮脆帶子香滑嘅口感令人回味。推介大家食完肉可以用蘆筍串揚清清口感，薄脆嘅外皮入面係清新嘅蘆筍，非常唔錯！最後叫埋薯仔、雞腿、豬串揚。雞腿肉質嫩滑，入口鬆軟，加上本身嘅醬汁，一流！豬串揚都非常唔錯，咬開外皮，豬肉鬆化、嫩滑，配埋串揚汁係唔錯嘅享受！…查看更多

年尾因為想同女友食餐好的，又有氣氛，於是黎左尖咀既<<彌敦左岸>>。 地下以酒吧為主， 一樓就餐廳為主，九點仲有live show。 餐牌分開左食物同飲品，雖然係酒吧，但食物都好出色。 先來的是<<深海海螫蝦刺身牛油梨卷伴阿拉斯加皇帝蟹腳配芒果雪葩>> 賣相色彩豐富。牛油果切成片塊，配螫蝦刺身，味道都幾夾。 仲有小量芒果肉，小小酸。 而皇帝蟹腳蟹入口鮮甜。芒果雪葩，十分清新。 <<Chicken Wings Bite>> 點了半份，一碟有四隻，入口外脆內嫩，加埋泰式辣醬，確係惹味。 <<鹽焗去骨盲曹伴蔬菜>>，熱騰騰鹽焗去骨盲曹魚，上面仲有一大塊鹽。入口冇骨之餘，魚質鮮嫩。 <<法式芒果拿破崙伴云呢拿雪糕>口感鬆脆的千層酥加上芒果肉，口感豐富。配上云呢拿雪糕，清新既口感，作為飯後甜品一流。 飲品叫了BC Punch及Nathan Garden兩款mocktail。BC PUNCH ，SODA夠氣之餘，仲有檸檬味，除左飲得仲食得。Nathan Garden用花黎做裝飾，非常吸晴之餘，入口有蘋果同茶味，甜道適中。 …查看更多

趁聖誕前同女友歎番個法式下午茶，傾下計，休閒一番。 因為要買聖誕禮物，所以黎左尖沙咀既<< La Mer Restaurant & Lounge >>。 門口搵左黃長興做宣傳，都好吸睛下。 餐廳裝修都好古典高雅，好有法國風。 我地兩個人，當然點個for two既tea set. 當個tea set黎到時，女友真係嘩左一聲。 仲有鬆餅，口感剛剛好，唔會太甜，加上果jam就更配合。至於個塔，當然由上而下咁食。最上層係煙三文魚牛角包及牛油果配帶子。牛角包係咸食，鬆軟又有口感，配上煙三文魚超夾。牛油果蓉夠鮮甜美味，加上帶子味道更豐富。 第二層係：吞拿魚蕃茄串及芒果呍呢拿慕絲。吞拿魚粒外面配有黑椒粉，令到咸咸地之餘又辣辣地。 而芒果慕絲，有陣陣既芒果味及呍呢拿慕絲入口香滑，外表仲好吸睛。 最底一層係朱古力榛子、紅莓馬卡龍等。我個人就鐘意食朱古力榛子，除左有脆卜卜的榛子，入口仲好滑好CREAMY，好重朱古力味。另外紅莓馬卡龍甜度剛剛好，好易入口。 跟餐仲有兩杯野飲，除左女朋友揀左熱飲伯爵茶，未飲都聞到香味。我就揀左杯凍latte，享受下。 …查看更多

呢日中午約了女友到了藍田既<<尚點 小籠包.上海麵館>>食中午飯。 上海菜係我地最愛之一。呢度既菜單圖文並茂，方便搵食。 想食咩，自己剔就得。 我地點左<<花雕醉雞>>，份量比出面大份，而且好香花雕味，雞都幾嫩。 <<糖醋魚塊>> 酸酸地，又有菠蘿，好開胃，魚肉都夠大塊。 <<金黃蟹粉小籠包>>，一籠四隻，水旺旺，入口好重蟹粉味。 <<榨菜肉絲麵>>，清清地，加上榨菜肉絲，完全係我既口味，我地兩個人一齊分享。 <<蒸銀絲卷>>，入口有層次，甜甜地，好食。 最後點左甜甜地又煙韌既<<椰汁糕>>為今餐劃上句號。 …查看更多

呢排天氣凍，諗起一星期後冇啖好食，就約左寶寶出來食烤魚行街。今次黎左金伯利既<<渝痴漁醉 >>而家仲有全單九折，即係免加一啦，正。 呢度雖然唔大，但都坐得幾舒服。 我地叫既魚係，清江魚，配老壇酸菜味底，入口魚肉夠滑又冇骨，食得夠暢快。加上辣辣地既酸菜，就更加惹味。 我地加左<<牛丸>>來做配菜，因為冇咁易熟，所以一早就放左落去。入口夠彈，加上D湯底入哂味，所以都辣辣地，食到我熱騰騰。 我地仲叫左碟<<乾煸四季豆>>黎送飯，除左健康之後，小小辣都好開胃。 最後點左<<薑茶小豆子>>，薑湯底，加上細細粒既小丸子，入口煙韌，好有冬天既感覺，又可以驅冬。 飲品就點左一杯凍<<蜂蜜柚子梳打>>，可以解解口腔中既油膩同氣熱感。 …查看更多

半年前食過，今次趁星期六同女友落銅鑼灣SHOPPING前，再黎品嚐。 呢度有一塊落地大玻璃，有放假既感覺。 仍然見到霆鋒既相。 呢度出名既係<<黑炭黑蒜蓉包>>，黑黑的，好有蒜蓉味，而且外脆內軟。 <<白酒橄欖牛油煮蜆>>，蜆既份量都好多。加左白酒及牛油既關係，湯，甚至蜆都有陣陣的酒味及牛油味，再加上檸檬汁，更清新。 <<香煎橄欖無骨雞脾加大蝦>> ，爆香既蒜蓉，令到大大隻既蝦及香脆既無骨雞脾，真係好香好惹味，不過食完口腔比較油膩。 <<脆皮黑松露比薩>>正正方方的，不是一般的比薩，而且是酥皮的，像吃酥皮薄餅，而且入口黑松露味濃郁，分量足夠四人分享。 再來一杯熱朱古力，享受呢個周末。 …查看更多

幾年前食過<<炑八韓烤>> ，感覺唔錯。今次見到佢做緊個聖誕餐，有得食又有野送，呢排天氣又轉凍，於是就決定約出來試下佢。 門口既 3D 畫非常立體吸晴，加上聖誕裝飾，令到鋪面非常醒目。 呢間分店應該係新開，所以環境都好新，好時尚，坐得又舒服。 仲有埋插座畀大家叉電，夠哂細心。 菜單都好色彩繽紛。 仲有圍裙同密實袋畀大家放電話。 個爐既設計都幾有心思。 我地點既係<<繽紛冬日派對套餐>>，可以2-3人分享，提早過聖誕嘛。無耐就會上前菜，沙律，韓式泡菜及小食等，好豐富。侍應亦會於爐邊倒入粟米芝士及泡菜蛋漿。個人黎講最愛就係辣泡菜、大豆芽，因為夠哂爽同好入味。 泡菜蛋漿和粟米芝士熟左熱辣辣真係好妹味。 呢個套餐包左<<聖誕炸物拼盤>>，有炸帶子，雞翼，雞塊及炸熱狗腸同炸雞翼等，入口香口又脆，加上外形既設計，玩味十足。 主角既燒肉和海鮮以英式下午茶架送上，十分特別。 護心肉，豬肩扒水份充足，味道濃郁。五花肉肥瘦均勻，十分滋味。不過個人最愛大蝦，大大隻去殼，熟左後蝦味芳香，一流。 而八瓜魚都係大得十分跨張，入口彈口 生蠔都有成四隻，大大隻之餘，入口鮮甜，加上芝士，真係好JUICY。 <<醬油蟹膏拌飯>>，第一次食，入口蟹膏味道濃郁, 配上芽菜等, 口感豐富。 限定冰沫2選1，我就揀左雪地蛋糕冰沫，咁先夠聖誕既感覺。牛奶味冰刨得很細小，口感綿綿的，兩個人食真係好夠，原來裡層係有好多士多啤梨肉。食完口腔既油膩感冇哂。 飲品都係二揀一，我就揀左<<柚子檸檬梳打特飲>>，一大壺，夠哂兩個人飲之餘，口感冰涼清爽兼小小酸，好開胃。 <<繽紛冬日派對套餐>>仲有禮物送架，仲係KAKAO Friends，又食又拎，真係好聖誕既感覺呀!! …查看更多

呢幾日天氣一凍就想食燒肉，所以同三位朋友去左尖沙咀間<<伊賀日本燒肉料理>>食日式燒肉放題。 呢度除左裝修得好日式外， 仲有一個好時尚既BAR位 雖然係咁，呢度係用平板落單，夠哂環保同方便 坐低會先送上刺身船，真係夠哂壯觀，松葉蟹捧、八爪魚、燒玉子、帶子、北寄貝、榮螺及三文魚等等真係好豐富同新鮮。而我最鐘意係松葉蟹捧、八爪魚，真係好鮮甜。 另外仲會送上<<燒肉拼盤>>，和牛、單骨雞翼、鹽燒牛舌、一口牛、豬頸肉和五花腩等等，個人最愛就係單骨雞翼，易燒之餘，仲好惹味，一口牛都非之吸引，入口比較JUICY。 我自己就鍾情於海鮮。大蝦，蟶子同扇貝就最正。 蟶子一份有兩隻都幾入味，而大蝦就更香，個人覺得燒耐D味道會更出色。 除左剌身，當然仲有壽司揀，款都幾多。小肌魚壽司都幾特別，第一次試，花之卷當然唔少得。 燒粟米粒都唔錯，好甜。 燒菠蘿都好甜多汁 飲品都可以加30蚊轉飲品放題，款式都唔少，我最愛就係烏龍茶，因為去油膩嘛。 最後仲會送上movenpick雪糕，我揀左士多啤梨味, 清清口腔油膩感。 …查看更多

呢排天氣轉凍，女朋友成日話想打邊爐。 咁我就帶佢來<<來一鍋>>試下，$378加一任飲任食。 上到來裝修都估唔到幾公主下。 打邊爐醬料當然是要DIY。 先揀湯底，再揀料，逐個揀。 餐前小食有兩款，<<手拍青瓜>>及<<四川麻辣木耳>> 我地揀湯底既係<<花膠螺頭雞湯>>， 螺頭勁大塊，入口啖啖肉 當然仲有紅棗，仲有雞肉等。 花膠當然亦唔少得，總括來講，湯底都好足料。 <<炸魚皮>>係打邊爐必備，好脆，不過有D大塊 <<手切安格斯牛頸肥脊牛片>>， 肥瘦適中，入口鮮嫩。 海鮮包左鮑魚、青口、象拔蚌、有殼蠔、大蝦、扇貝及墨魚仔，樣樣海鮮都好大隻又夠新鮮，佢仲會好靚咁上枱。 鮑魚夠大隻，入口夠鮮 手工雲吞、水餃、韭菜餃同豬肉釀鮮菇都好惹味同健康。丸類都有牛肉丸、墨魚丸同豬肉丸，入口夠彈。 <<響玲>>係餐廳即炸既，所以入口好香好脆。 我覺得最有驚喜係<<蟹捧>>，因為勁大條，勁鮮味。粟米都好甜。 打邊爐當然唔少得菜，得就揀左<<娃娃菜>>夠健康。 飲品有成24款任飲 呢兩款係我最愛，相信大家都唔陌生喇。 差唔多食完時，侍應話仲有<<朱古力心太軟>>送，仲要係位上，真係滿足喇。 …查看更多

以前成日同女朋友去紅磡，今日故地重遊，發現原來都改變不少，除左有黃埔站，仲有新既商場-<<九號水產>>。其實都唔算係商場，設計有點似台北的上引水產吧。除左了海鮮賣，亦都有好多以食海鮮為主的食肆。 今次就試左<<蠔窩>>，除左有吧枱，仲有高枱及長枱。 話明係蠔窩，應該要試下佢D蠔。今次點了一隻愛爾蘭及一隻法國生蠔。入口鮮甜，法國的生蠔入口更明顯海水味重，非常滋味。 <<焗香草法式田螺>>，一碟五隻，田螺入口有香草香，底部仲有薯蓉，又夠熱。 沙律都好特別，有蟹肉，西柚，牛油果加上黑醋葡萄汁。蟹肉味好出色，不過個人更愛西柚，啖啖肉，夠fresh。 <<50-50扣牌濃湯>>，一邊係龍蝦湯，另一邊係雜菌湯，仲有一隻大大隻既炸蠔。先食炸蠔，可以點雜菌湯來食，味道會更creamy。 因為龍蝦湯的味道最濃，所以最後先飲龍蝦湯。 龍蝦湯入口有小小回甘，仲有龍蝦肉碎。 來到主菜，我食既係<<美國安格斯牛柳>>，有八安士架，而且係切片，五成熟就最好口感，靚既牛就唔驚腥。配以蕃茄，小瓜柳等，令到味道更加有層次。 女朋友食既係<<香煎比目魚配黑魚子伴紅花蟹肉忌廉汁>>，比目魚皮煎得香脆，但魚肉就好滑嫩。配合埋紅花蟹肉忌廉汁，味道更加豐富，蟹的味道若隱若現。 最後來一客<<朱古力心太軟配雲呢嗱雪糕>>來為呢餐晚餐劃上句號。賣相吸引，女友一個人把整個心太軟食哂，我只能食雲呢嗱雪糕。 …查看更多

呢期要幫女友練跑步，所以成日去維園，今晚練完去左附近既<<台灣郎>>食晚飯。 食台灣菜心情都好D，呢度都好有台灣風情 餐牌圖文並茂，方便搵食 公雞碗係一種驚喜，台風味濃 小食點左<<香炸花枝丸>>，一碟三粒，炸得金黃色，入口爽爽的，又香花枝味。 <<高雄夜市蚵仔煎>>，我鍾意食台灣既蚵仔煎多於香港既蠔餅，除左係家鄉的味道外，蚵仔煎較足料，而且冇咁熱氣。加上蚵仔、蔥花及蛋的配合，味道及口感很豐富。蕃薯粉份量恰到好處，入口滑溜，又不會給蚵仔搶去味道。 最後來一碗<<台灣紅燒牛肉麵>>， 也許我係香港少食，但呢碗絕對係我係香港食過最好食既紅燒牛肉麵。牛肉多又大塊，入口軟腍又層次分明，湯底又夠濃，仲有梅菜，好特別。 飲品冷熱同價，我就揀左<<凍珍珠奶茶>>，甜度適中，我真係好愛食台灣菜。 …查看更多

去完東京，好掛住日本既美食，所以今次黎到灣仔間<<櫻木>>慰藉一下心靈。 餐廳裝修都幾高級下，坐得舒適。 門口標榜係日本米直送。 呢條手巾，好有去左日本既感覺。 小食點左<<鰻魚豆腐>>，看起來似卷物，外面脆脆的鰻魚，加上入面滑滑的豆腐，口感特別。 我就叫左<<北海魚生飯>> ，一碗有好多新鮮刺身呢，牡丹蝦、三文魚、玉子、油甘魚、魚籽、帶子、海膽等等，本人最愛是海膽，份量十足。而且飯是北海道產的，可以一試。 <<牛肉稻庭烏冬>>稻庭烏冬是扁身的，入口有質感。加上牛肉是安格斯牛肉，入口又薄又嫩。 最後黎多球<<紅豆雪糕>>來完結，清清口腥既油膩感。 …查看更多

呢幾日天氣凍左好多，所以搵埋女朋友仔出黎打返個邊爐。銅鑼灣因為近我地屋企，所以今次黎左<<火鍋英雄 >>。呢度裝修都好中國風，位置夠闊位夠大，以卡位為主。 卡位仲有咕臣 每人一SET食具 驚喜之一就係圍裙，岩哂我呢D粗心既食家。 想食野，用呢張點餐紙就可以。 點完餐我就出去混醬 返到黎，枱面上已經送上左八碟小食<<英雄八盞>>，食下小食墊下胃先，有辣有唔辣，感覺有D似韓式泡菜。 我地點既係<<二十五年陳年花雕醉烏雞鍋拼芫茜皮蛋湯>>。 烏雞係另上，好香花雕味，侍應會幫手料理。 約十五分鐘就食得烏雞，雞肉滑之餘仲有好香花雕味。 除左湯底重要，配料都好重要，我就叫左<<手打墨魚滑>>又爽又有墨魚味，推薦。今晚的另一個重點，點了一份細份的<<英雄牛肉拼盤>>。拼盤有五款不同部位的牛肉，個人最愛雪花肥牛和極品肥牛，因為薄切之餘，一滾即熟，正呀。肥牛粒口感相對爽物，又吸哂湯底精華,手切肥牛頸脊肉質嫩滑，煙韌，安格斯牛脷片夠爽口，五種口味，一次過滿足哂咁多人既要求。 <<鴨血>>，入口又滑又爽，份量都唔少。 家鄉豆旬，入口都幾爽口 響鈴，打邊爐又邊可以少得。要爽又得，淋又得，自己話事。 <<家鄉麵塊>>第一次食麵塊，好特別，比起普通的麵條更滑。 打邊爐又點可以冇菜食，所以點左個<<雜菜籃>>，幫助消化嘛。 飲品叫左<<洛神花茶>>，甜甜的，清下涼。 …查看更多

呢排因為考試，所以少左同女朋友出來食飯。難得星期六，今次一齊去朝聖睇下IPX，於是就黎左希慎間<<Pizza Maru >>食個午飯。 係入面用餐有個大落地玻璃窗，採光不錯，而且裝修都幾韓風。 餐牌圖文並茂 而家好多韓式餐廳都有既餐具，特別係有炸雞的地方。 我當然都叫左碟<<原味秘製炸雞>>，兩個人叫左碟6件的。值得讚既係D雞真係好夠熱，出哂煙，入口外脆內嫩，仲有香草味。 Pizza叫左個9"既<<香芒海洋>>，除左有芒果肉，仲有好多海鮮，好似魷魚，蝦，帶子，西蘭花等，好足料，加埋個烤醬，味道甜甜的，兩個人食好足夠。 夠哂芝味。 飲品點左杯<<荔枝冰樂>>，甜甜的，好有荔枝味，又有汽，好冰涼。 女友點既係<<熱情芒果冰茶>>茶甜濃，茶既上層有泡泡， 令飲起黎第一個入口嘅感覺好香滑。不過佢話水果味畀茶味蓋過左小小。 …查看更多