elaineaki的個人專頁

夠晒環保，菜葉已經爛，變黃變黑，咁都比客人食，愛環保的你應該會喜歡，但對於我對食物質素和營養有要求，絕不會吃。恕我孤陋寡聞，我第一次見墨西哥卷是咁樣打開，我打開包裝就如圖一樣，如果佢包得實一實，入面啲菜係點，其實我未必會知。加了芝士的牛油果吞拿魚，未見芝士影縱，可能是芝士粉吧😏Say hello to salad? 我就say no to exit again 😏 結果我食左一半都唔夠，就無再食，兩片牛油果都係未熟就切比人，真係唔想再浪費自己個胃！…查看更多

星期日中午，在太古城附近搵食，突然想食越南牛河，找到Brass Spoon. 原來正評也不少，就來試試。餐牌有生牛河和特級生牛河，既然星期日，對自己好一點，叫了一碗特級生牛河加牛柏葉，家人另叫一碗普通生牛河。似品我就叫左杯荔枝梳打，家食叫左杯凍咖啡。另叫左個春卷。在香港食越南野，好多都唔會跟芽菜同香草，啲間做得好正宗，跟埋芽菜香草另上，要比十個讚👍👍👍👍👍👍👍👍👍👍。湯底，無味精，飲得出有牛去炮製，一碗好用心的湯底，賣成舊水一碗，我都覺得值得，真係好好味。我選擇了多芫茜，佢真係比足料。敗北既係上枱時，牛肉其實有一大半都熟曬，不過都好好味同份量多，只不過我就分唔出特級生牛河同普通牛河既分別。下次叫普通算，平$30。牛柏葉，份量都係足料👍👍👍調味料，有是拉差辣醬已經好好，如果有埋甜醬就更加正宗。👍👍👍春卷足料，材料新鮮，4件春卷跟4片新鮮生菜，非常好👍👍👍👍👍。香港好多越南餐廳啲生菜係裝飾，但Brass Spoon既生菜真係比人食👍。飲品方面，梳打就是普通，但在一個冷氣唔足夠既地方就係必須。凍咖啡我就無影，啲個係真係比較失望，飲落口真係飲鑵裝即飲咖啡，越南特色其實仲有越南咖啡，如果佢做得好啲就會更加好，不過香港人食飯好怪，可能為慳錢，大家出街食飯都唔太著重「飲」果方面。環境方面，廚房裝修真係好重要，我唔知佢係咪用返上手裝修還是佢地自己裝修，可能係open kitchen 既關係，成間店都好熱，吧枱上面每個位都一個風扇仔，真係熱死。其實open kitchen 都可以做得好好，佢只欠一塊玻璃分隔吧枱同廚房。而廚房爐頭向住客人就已經唔正確，仲要無玻璃隔住。可能係想營造一個比較東南亞高溫既感覺。🤣整體來講，真係好好味，但價錢就唔係一個可以成日去既價錢。👍…查看更多

Book了12:00，在OpenRice remark會帶小狗，可坐露天，職員盡責地whatsapp返比我，話不能帶狗，原因是曾經有人投訴食物有狗毛。咁無問題啦。咁我中午12:00到，一坐低就同我講「用餐時間個半鐘到 1:30，泊車時間到兩點。」。哦，咁唯有係咁啦。但係，在book枱前無講明，我以為錦田鄉村食飯可以慢慢食好chill，山長水遠入到錦田比我坐個半鐘、仲有唔平，有outdoor又唔比帶狗又限時，咁好生意，不如你投返出去大商場啦。如果一早講明限時，我唔會入來。講返野食，main dish實在太貴，要我比咁多錢限我個半鐘食晒啲咁難消化既野，實在唔值，咁散叫個意粉同個可麗餅。意粉放到靚靚咁，賣相ok，意粉偏硬，味道還可以。但個問題係，枱面只有叉和刀，食意粉係用叉同匙羹，裝修得看似好高級，食意粉要用既餐具仲未搞好，大扣分，要我問先拎隻匙羹比我。其他食物我唔想講，可麗餅1:10上枱，1:15就拎張單埋黎趕人走咁，急急食完仲胃痛，我同朋友本來想去慢慢食，傾下計，點知同去大商場感覺一樣。真唔開心，不會再返來。要打卡家俬既，不如去宜家或francfranc，到此一遊。杯野飲，算吧，鍾意飲泡既就最開心，我就唔識欣賞。…查看更多

考慮緊去隔離街台風定啲間，見200幾個like，膽粗粗黎試下啦。疫情下，要在外面按一部人人按過既購票機，係有啲唔太衛生呢。叫左個魚介拉麵，曲麵，盛惠$80。上枱時，店員竟然用手指按住塊紫菜上枱，即使有手套，感覺不好，佢原意是阻擋冷氣的風，冷氣太強就唔應該開咁大。我估計係要解決廚房抽氣問題而開大冷氣吧。😒湯底淡，根本就是味精湯。豬肉「鞋」，無味。唔明點解要加啲鰹魚片上個麵上面。仲有，可能是疫情問題，所有枱都無調味料和紙巾，感覺資源嚴重不足。😒為營造日本效果，店內擺放日本酒裝飾，但根本就冇酒賣。😒有點搞笑。總結，試過一次唔會再去，不推薦。…查看更多

中午經過荃灣，聽聞有一間拉麵叫做麵屋福，入邊嘅沾麵幾好食咁樣，咁我就入去試吓啦。疫情嘅關係，我入去係戴住口罩，當除低口罩嘅時間，我就發覺舖頭有一陣豬肉嘅蘇味，唔緊要，味道唔算太濃烈，可以接受，整間鋪嘅衛生做得其實幾好。咁我叫咗一個沾麵，啲面排得好整齊，賣相好靚，個湯底好濃好熱，非常好。唯一敗筆嘅地方，就係麵嘅溫度冇得揀，正常嘅沾麵係可以揀冷麵、室溫，或者熱嘅麵，最正統嘅食法其實就係冷或者室溫。免屋復使用嘅係熱嘅麵，不過都幾彈牙，如果可以有得揀室溫嘅麵就最好啦。整體來講係值得推薦。…查看更多

食越南菜，第一樣就一定食生牛河，生牛河的質素決定了一家越南餐廳的命運。對於少肉多菜的朋友，呢碗牛河是必食之選，牛肉的份量應該只有一両重，盛惠$98。大圍地點，金鐘價錢。另外，湯底我就唔識欣賞。另外叫左杯越南凍咖啡，正宗的越南咖啡應該用煉奶，但佢竟然用牛奶，仲要溝埋先上台。正宗是比個熱滴漏咖啡你，煉奶放底，另外比個冰杯你，滴完之後沖落去。可能是新派，我唔識欣賞。咁既價錢，大圍，坐得唔舒服，不會返轉頭再吃。…查看更多

29/12中午天寒地凍二人專登走出去佐敦食拉麵，入到去鋪頭個冷氣仲凍過出邊天氣，個湯底就應該好快俾冷氣整凍。叫咗一個招牌嘅濃雞湯麵同埋一個沾麵。起初以為圖文不符，點知佢先上左個麵之後先比嗰個炸嘅野比我，真心唔明點解唔在廚房做晒所有嘢先拎出嚟俾個最好嘅樣俾我睇。先飲過湯底，個湯底金寶忌廉雞湯咁嘅款，啲麵質又硬，落單前我冇講明麵質，但係佢都冇問；個雞肉又韌；片豬肉食落口都唔知食咗啲乜，淡而無味，仲要用金屬製嘅匙羹，擺落個湯度就凍哂啦；個沾麵，個湯唔夠熱又唔夠濃，但這個麵質係OK嘅，食到一半時，個湯底已經比冷氣整到凍哂，咁我哋就叫侍應幫我地加湯啦。當我地舉手嘅時候佢問都唔問就拎張單俾我哋以為我哋要埋單走，其實我哋係要加湯，我真係O晒嘴。輪到個餃子，如果啲皮靚同埋啲嘢新鮮，就唔使用炸嘅形式，我真係唔想再多講。樓面嘅Service又唔好，個個好似辦喪事咁樣，煮麵既師傅嘅恤衫又唔燙，外貌已經比唔到人專業既形象。收我$138，佔最大嘅比重應該就係食佢嘅裝修，因為佢個廁所真係好靚，有電視睇，仲有日式廁所板不過你唔會敢用。試過一次都唔會再去啦因為太貴，兩個人食咗差唔多$400 ，計返日本紙已經差唔多5000円啊， 5000円在日本可以食到好多個拉麵，講完。…查看更多

做得樓上食肆，我會預計佢會可以坐得耐小小，點知唔係囉，只比個半鐘，未食晒未飲完就比張單我，仲話可以俾個外賣杯我拎走啲啤酒，我覺得真係幾搞笑。打電話去同佢講會晏小小到，佢嘅態度真係好差，搞到我有啲唔想去，但係約咗朋友就冇計。整體來講食物都算可以，扇貝就差少少啦，感覺唔新鮮有腥味，係得個黃金薯條係比較好啲。不過真係坐得唔舒服同埋趕人走就令我好唔憤氣，唔會再返轉頭再食多一次，食串燒飲啤酒同朋友吹下水係一定用膳時間係會耐啲。…查看更多

自從佢搬咗舖我都冇過嚟試，今日難得過嚟試吓下午茶，叫咗個火腿炒意粉，都係一貫嘅水準，茶餐廳嘅嘢來來去去都係果幾樣㗎啦，所以我冇咩期望亦冇咩失望，之前見好多負評，所以唔係好敢黎試，今日一試，其實都OK喎，有鑊氣，檸茶都有四片檸檬，$38找數，其實真係好抵食，比起附近新翠邨嘅茶餐廳嘅水準高得多。佢仲有得坐出邊露天，香港真係好難搵露天嘅茶餐廳，新田圍邨嘅人數唔係多，得一間茶餐廳獨市生意，水準仍然非常之好，我會盡量多啲嚟幫襯，話晒都食左幾十年早餐A…查看更多

每次去hamataki都只吃拉麵，十分好，麵同湯都是上等的，唯獨配料不足。今次膽粗粗就試左個蛋加海膽，是$198。海膽不新鮮，仲要加啲唔知咩醬汁想蓋過海膽的不新鮮！唔及格。夠膽收我$198。唉！人人都話是日本師傅主理乜乜乜就讚到天花龍鳳，好多高質既雲吞麵夠係香港師傅啦，你唔讚？日本人理應對餐廳一事一物講究十足，但我完全睇唔出，今次張檯，一入到去就發現有烏蠅在餐牌上，很過份。還有，廁所是不潔，我應該不會再幫襯了。…查看更多

好多人話大埔嘅蔡潤記魚蛋粉好出名，今日一試，感覺很差。入到鋪就傳來異味，我諗係多年來嘅鹼水味導致成間鋪有一陣奇怪嘅味道。午餐時間，叫咗一碗魚蛋牛腩河同埋一碗魚片牛腩河。相當失望嘅魚蛋魚片：粒魚蛋真係細過粒乒乓波一半，塊魚片同郵票差不多大，幾環保。湯底淡而無味，牛腩又唔入味，唯獨是個河粉叫做平平凡凡。食完一次真係唔會再去。本來試炸魚皮，不過算吧，連普通一碗魚旦粉都整得咁差，其他唔方好。咁就浪費了我中午的quota。…查看更多

在東大街，以前食親魚蛋粉都係嗰間排晒長龍嘅安乜，咁多人排以為真係最好，好少人會提起王林記，今日我就嚟試吓。以前經過王林記覺得佢冇乜人，環境又好似好污糟，見食評都唔係太好，所以就冇乜意欲想入嚟。自從睇咗盧覓雪說介紹，咁就黎試吓啦。今次中午叫咗碗切腩蔥花魚旦河，先食個牛腩，已經贏晒隔離嗰間。牛腩肥瘦啱啱好，肉質唔刃，隔離嗰間嘅牛腩真係好刃。再食埋粒魚蛋，入面連埋蔥花，正常大小，比隔離嗰間大一陪，入口彈牙。埋單$45 ，離開行返出去大街，隔離間鋪啲人仲等緊，其實食好嘢又點需要排隊等半個鐘呢。…查看更多

住在西灣河年幾，見住呢間小鋪開張。初初就唔敢入去既，覺得幾個靚仔開店，應該好極有限。仲要係細鋪，餐牌又無相片，店中只見高既 bar 檯，裝修格局唔太專業。以前啲燒味店，啲燒雞燒鵝總是掛在門口用燈照著看起來好靚咁，黃金雞就將斬雞既地方縮在店入面，可能是小鋪位既關係吧。總是令我唔敢入去。今日放假，中午膽粗粗落去買盒黃金雞外賣，本來想叫多客雞翼，但老闆話賣晒。中午就賣晒？是老闆覺得做唔住要減少產品嗎？回歸正題，一客黃金雞外賣盛惠HK$36，一個驚喜的價錢，還要送湯，有晒薑蓉醬汁。終於回到家，盒仔細細，以為將價就貨？點知盒係好深，飯同雞是1:1，仲要是傳統黃飯，第一啖，先食件雞，嘩！嫩滑！有雞油的。再來一口飯，哼，真心好味。唔係吹水唔係賣廣告，呢間小店既海南雞真心好味。仲要有蘿蔔絲，咁既價錢有大約八件雞，仲要無骨，我要比200分！外賣就十分好，堂食就唔多位，好在住得近。我都怕佢就快執，呢區人流唔旺，加上佢既 marketing做得不好，入到去都唔覺餐牌在邊就其實是失敗，但雞真係超好食。…查看更多

大年初三，食個下午茶，周圍無乜食肆開，唯獨佢開，咁就食。茶餐廳加一服務費無所謂，但都要有合理服務吧。茶餐廳幾廿蚊預左服務差，但都無理由在客人食緊野既時候叫人地換位去遷就新來的客人。已經是有分店的，仲係咁既服務態度，其實就好有問題，就算食物一流，但我都唔會再去堂食受呢啲氣。加一服務費就唔該真係比啲服務誠意吧！起碼人客來到坐下來都比杯水、同埋要有紙巾供應丫！店內坐位又迫，環境又嘈，咪使旨意我再去！…查看更多

中午，本應想食乾炒牛河，去了附近的太興，就來到西灣河這一間。看到餐牌沒有瑞士汁炒牛河，本應就想離開，但肚餓，就坐下來叫咗個叉油雞飯，成為$68 ，點知一來到，叉燒是粉紅色的，啲肉好銀，油雞少，又冇乜肉，竟然夠膽死收人$68 ，我發誓我永遠都唔會再去幫襯。有乜理由最出名嘅瑞士汁炒牛河竟然會下架，仲有侍應嘅服務態度真係好差，我入咗嘅時候，餐椅好污糟，都冇人抹，要我自己去抹，加上餐枱同餐椅距離太高，坐得極之唔舒服，我寧願去附近茶餐廳食飯好過。…查看更多