IMYO的個人專頁

行過點咗一份大芋圓仙草、芋泥蛋餅同一杯台飲，收曬錢個女職員先話「大約要等20分鐘㗎喎」，咁錢又俾咗我：「係咪20分鐘內會拎得？」佢答我係，咁就15分鐘後再返去拎。15分鐘後再等等等，等到由俾錢起計成半個鐘都冇聲氣，又走了問一問。個男職員話「做咗㗎啦！」再等五分鐘我見佢枱面都係得果杯一早沖定嘅台飲！我問「係咪未整㗎？未㗎幫我cancel啦等太耐啦」呢個時候另一個職員先放塊蛋餅去煎，另一個就去不啲仙草。做生意嘅，你做曬外送嘅單先都算，你做唔切就唔好呃人話做好曬啦！賺多過幾十蚊，係度呃人等，話二十分鐘，最後等咗40分鐘！有枱有凳但只做外賣都算！餐具唔齊，仙草又冇俾到奶！封膠面嘢飲又冇飲管！唔係話唔做環保，但係條街到好難搵嘢整開塊膠飲。最嚴重係件蛋餅嘅芋泥硬到成舊芋頭咁，明顯係煮唔切！唔明點解應付唔嚟要咁樣去欺騙顧客，坦坦白白，係收錢前講好要等幾耐唔得㗎咩？…查看更多

話說年初三晚食完飯就諗住食個甜品，咁就點左個抹茶疏乎厘奄列，佢每人要點一杯野飲嘅，所以就點左兩杯。可能佢果日真係人手短缺，我地等左超過45分鐘都未出到個奄列同一杯野飲，我地都有催過一次但不果，大約50分鐘先有職員同我地講冇得整抺茶奄列，其他口味都冇只有原味，一定要收原價但可以淋抹茶醬我地。咁我地一心想食又等左咁耐都唯有硬食。而等左60分鐘後我地再問一下野飲嘅下落，話如果做唔切一係cancel杯野，因為我地個奄列都就泥食完，但佢為左要做到一人一飲品嘅目的，於是急急腳沖左杯野飲。出到泥個奄列可能係waiter嘅人數都唔夠，個雪糕已經溶左四五成，而且連本身係抹茶雪糕嘅都係冇通知嘅情況下轉左口味⋯總結，食物品質還好，但服務質素包括人手的配套都好重要，做唔切就唔好一腳踢為左收錢而唔理品質。…查看更多

除左店內的人係哈爾濱東北人之外，並沒有其他東北風味可言，當然指的係食物。牛肉湯麵的湯底清如水，好比大學canteen早餐的上湯麵食，而且配料甚為單調，只有時菜（小唐菜及五片一夾就散開的牛展）拌麵亦無東北特色，只有醬醋和一般麻醬，配以紅蘿蔔絲同青瓜絲。就只有餃子和牛肉餅較好，無奈餡少、數量又唔多，性價比很低。…查看更多

服務不錯，但預期中的八哥主題完全沾不上邊，只有數款熱飲有八哥的蹤影，如果係為左八哥而去的食客，可以唔洗抱太太期望。其他的食物款式都係一般餐廳都能夠食到，款式少，份量一般（只有燒春雞較為合理、性價比較高；食扒的話，建議可以唔洗叫，因為又乾，叫7成但就泥左全熟）但....就勝在環境算係舒服咁囉…查看更多

拉麵口味的話，唔叫佢期間限定的，就有一定的保證，食身水準都算拍得住市面上一般拉麵店，但之前試佢個香草味拉麵就真係....🤢不過最令人失望的，係佢d員工態度佢間店最高果個waitress態度真情惡劣我地食哂兩碗麵，問佢果餃子泥未呀咁，佢竟然話：佢出左嫁啦，不過我唔去攞咋嘛😳😳😳你係客定我係客呢⋯⋯🤷🏿‍♀️…查看更多

湯底就還好，但份量同材料真係少之又少。一個女士食都肯定唔飽，個碗招牌魚湯米線，得果3片魚片，同一住仔米線，兩者都算爽口，但40蚊碗，真係有d唔抵食。個肉碎飯.....就簡直係大陸food court 三餸飯的feel😑…查看更多