Candicecky的個人專頁

繼上次同朋友食過Yoho分店見到有Semi buffet黎食又幫襯多次啦環境氣氛岩晒一班友人聚餐平日夜晚好多位 絕對唔使等位燒生蠔同迷你海鮮拼盤都係無限添加好過去食自助餐 🤣牛角酥當然正啦 不過怕包包太飽滯都係1個夠晒數 包包外脆內爆湯燒蠔都係任食不過個汁就比較辣 係惹味既之後就到鳳梨黑毛豬甜甜地幾好味 魔鬼魚意大利飯好creamy 足料蟹肉伊面最後當然唔少得甜品啦幾飽都好都要必試椰子雪糕同焦糖布甸值得再Encore …查看更多

呢間泰牌檔不論各方面都好出色餐廳位置仲好方便 就係P3出口附近大排檔特色就係快靚正👍🏻 呢間餐廳做到之餘員工既服務態度仲要好Nice 留意返 佢只係開夜晚6:00-12:00寫明限時75分鐘不過琴晚好好彩 冇人等位都可以繼續食店員會提佢地上菜真係好快所以齊人先落餸咁就叫左個 芒果沙冰飲下先飲得出真係足料芒果另推介必食 皮蛋蝦餅第二推介就係厚切牛舌配埋醬汁 好味道 個醬唔會話好辣之後仲有叫左蠔餅同炒金邊粉 正常水準 但唔記得影相推介返芒果糯米飯 🍚都好正啲飯仲係暖暖地 芒果又夠晒甜飯後甜品黎講 一流值得再Encore呀…查看更多

以前食放題一定會諗住出旺角今次想同大家分享荃灣其實都有好放題呢間漁屋貴荃新天地果間漁屋幾十蚊不過會有埋鐵板食 推介保證飽到你捧住個肚走值得一提 呢到生日會全餐廳熄燈同你慶祝鍾意有儀式感既朋友可以考慮話明放題當然要嗌刺身先刺身都新鮮 解凍情況正常唔會話過冰，蟹腳都啖啖肉值得一提，要嗌新鮮山葵 口感真係唔同啲泰色鮮蝦刺身 醉雞卷 都好食 真係有啲酒味前面係蜜瓜 不過我覺得可以唔使加麻醬都好食後面果個蝦沙律 啲蝦都彈牙不過都係一樣覺得唔使加香蕉🍌呢家唔係間間放題都有芝士年糕私心表示 真係好好食後面係鐵仔牛仔骨比起牛仔骨 我覺得蒜片牛柳更吸引可以encore 焗扇貝同牛肉薄燒都值得encore ah睇得到落左好多蟹籽 係足料既碗仔翅好似剩係掛住食熱食其實都有嗌下啲壽司海膽拖羅蓉壽司食左咁多野當然唔燒得燒菠蘿啦另外燒蝦都好值得Encore唔會話開邊燒而變得好乾 好味飲杯類 酒，特飲 茶咩都有藍杯果杯係波子汽水味道最正既係仲有黑牛同金牛飲係童年回憶呀最後當然唔少得甜品啦哈根大師同Movenpick就係每位送一款唔特別影相啦但自家製既甜品都有好多選擇香蕉船細心一提，大家唔使一開始就瘋狂叫野食，枱面位置有限，呢到上菜都好快，真係可以食完一啲再嗌 咁就會食得好舒服:)…查看更多

沙田都算係多美食但每次黎到想食糖水都真係唔知去邊好連唯一一間甜在心都冇埋友人提議黎花園城呢間甜水鋪啦我見都幾多負評有啲野真係自己試過先知睇Menu黎講 都算多選擇呀（冇影低）叫左三款糖水 我都覺得係好食第一款係榛子窩夫窩夫送到黎仲係熱熱地 Jeng 同埋做到外脆內軟 時間控制得幾好如果有多啲榛子醬就更開心不過一人食真心好飽第二樣叫既係益力多綿綿冰真係食得出有益力多味牛牛都lam lam 脷呀第三樣係雜果河粉真係比對筷子你夾真係好似食河粉咁搞笑水果都冇問題呀 正常水準如果黎開沙田食飯又想食返個飯後甜品值得行過黎食同埋給予一個好評同埋無意發現呢到附近都不少餐廳 可以考慮…查看更多

好懷念陳根記大排檔尤其係佢既甜品 芒果一口脆都係依然咁好食但唔記得左影相眼見其他食評 都話陳根記大不如前同服務態度差左未知係咪因為假日用餐既人好多我同朋友都專登提早左去食大約6:00左右叫左幾樣野 我覺得普遍水準差唔多依然都係覺得Wasabi手撕雞係必點埋完單天未黑見到出面已經人山人海心諗好彩早啲食我覺得未至於要等位去食陳根記如果唔係應該真係會等到炆有機會我都一定再黎幫襯 …查看更多

係商場用餐通常都預左價錢都會偏高但想同朋友傾耐啲計 就揀左YohoMall用餐不過法國菜價錢黎講 呢間餐廳真係算抵食可以叫Set / Menu單點都有8折重點 佢既龍蝦湯牛角包 好好食呢個係必點因為入面有湯汁 唔鍾意既麵包既人都可以一試 會有驚喜另外order左酥皮海鮮火山煲岩晒酥皮控 入面最後仲叫左杯芝味奶蓋特飲事後發覺真係好腬叫太多酥皮類加埋杯奶蓋特飲極力建議牛角酥食一個就夠千祈唔好頭盤同甜品都點牛角包 會好飽滯…查看更多

葵芳一向都多美食見到有間新開的拉麵店當然要試一下入到去都覺得幾港式見到調味醬係悅園醬料第一下心諗會唔會變左食車仔麵咁之後Order紙同一般拉麵店無異湯底有三款 都幾特別友人揀左花雕醉雞湯佢話入口真係有淡淡既花鵰味放心 唔怕醉我就揀左雞白湯配藜麥拉麵🍜我本身個人偏好都鍾意硬身啲麵口感不錯 而呢到有趣既地方就係可以一次過試晒豚肉鴨肉雞肉岩晒食肉獸 好飽肉量應該比起出面既拉麵店多正常拉麵店水平拉麵控既你可以一試:)…查看更多

睇完Netflix 黑心居酒屋之後，好想幫襯一下居酒屋估唔到就搵到一間唔錯係商場入既居酒屋不過我幫襯係佢既午餐 Lunch set都整得好精緻 價錢由$58~$148不等 除左主菜仲有前菜、有曲奇杯熱茶都好好飲店員好熱心幫忙Refill居屋酒唔大但坐係Bar位店員真係會同食客有交流希望之後有機會一試佢地既晚餐…查看更多

復活節同朋友一齊黎到澳門玩當然要試下葡國菜啦建議假日大家可以預先訂座，咁就慳返時間排隊呢間餐廳地理位置方便行入氹仔美食區一定見到座位亦坐得舒適 岩晒家庭朋友聚餐先提一提 餐廳既水係需要收取$30/樽飲唔飲可以自行選擇食葡菜當然要試下 馬介休球啦咸咸地炸薯蓉幾好食 留意餐牌有好多款既馬介休球*食既時候要小心有好幼細既角骨推介餐牌必點既仲有乳豬飯係炒飯底 唔好睇佢細細份 如果得兩個人食都幾膩最後想推介既就係非洲雞個醬真係幾好食我會用醬撈飯食…查看更多

幾年前食過，近日再食質素亦維持到👍🏻對得住個價錢，餐廳冇話有用餐時間限制可以同朋友慢慢食住傾計 亦坐得舒適我地叫左個Dinner Set for Two $798兩個人食真係好飽餐湯我地每樣各選一兩款都好飲同足料餐包亦好鬆軟呢度出名食Shake shake 海鮮我地揀左 墨魚仔、翡翠螺、海蜆由於唔食得辣店員話建議 醬汁可以揀Mix & Match 個醬真係好食😋海鮮好食之餘 佢都有啲配菜 腸仔、粟米、薯仔Mix埋都好好食另外小食我地點左黑松露薯條除左薯條上左有黑松露，仲有個黑松露醬朋友要求想要多少少，店員都肯Refill👍🏻最後Order埋個肉醬意粉真係其實飽到已經唔太食得落餐飲冇特別影相📸️可以選Juice / 餐酒都唔使加錢我覺得好食不止剩係講求賣相打卡感受到餐廳真係用心做食物第一次寫食評，希望好食既可以同大家開心Share 服務態度：:):):):):)環境舒適：食物質素：…查看更多