早餐猪排仔的個人專頁

適逢週末有空和女友逛街，於是便到了尖沙咀的元氣壽司高速線，品嚐精美的壽司。這間分店位於尖沙咀中心，故此人流非常多，在門口等候的時間，亦有大概30分鐘。幸好店員安排適當，等後的號碼一到，即時獲安排入座，非常體貼。今期元氣壽司推行塔斯曼尼亞三文魚盛宴，所以我們都非常期待可以品嚐到有關菜式，可惜的是，由於分店人數太多，有關菜式已經全部售出，所以若想品嚐，其他顧客記得要盡快到元氣壽司🍣雖然未能品嚐到塔斯曼尼亞三文魚，然而這間元氣分店的其他菜式仍然保持在高水平，魚生亦很新鮮。壽司亦不錯，熱食亦恰到好處。這次我們到元氣壽司亦特定點了一個提子特飲，特飲的質素都很高，可以說彌補了沒有三文魚的遺憾。總言之，元氣壽司還是會去的…查看更多

走過銅鑼灣心裏突然好想吃火鍋，所以走去日式連鎖火鍋店老牌名店牛陣。雖然牛陣現在推出泰國冬陰功火鍋套餐，但是我不算太能吃得辣，所以點了一個正常的上級澳洲和牛。由於這個套餐價錢超過200元，我們也可以任食海鮮拼盤。海鮮拼盤包括帆立貝，廣島蠔，魷魚，非常新鮮，而且可以任添。上級澳洲和牛，入口即溶。肉上的脂肪亦非常均勻，故此不會覺得肥膩。至於配菜方面，各式各樣的蔬菜和肉類一應俱全，任君選擇。特別的是 牛陣有鮮魚滑和鮮魚柳，在同類日式連鎖火鍋店總算是有更多選擇。特別一提的是，牛陣的雪糕是haagen Dazs，所以我都吃了很多遍。至於飲品的方便，牛陣有 各式各類的芒果汁，橙汁，解茶，綠茶可供選擇。最後再湯底方面，我挑選了一個蛋白雞湯。換句話說，二百多元包括了上級澳洲和牛，海鮮拼盤，雞肉，魚肉，以及各式各樣的配菜和haagen Dazs雪糕, 可謂超值…查看更多

放工後肚子有點餓，於是便去附近的太古城吃晚飯。到了這間日本餐廳，看到餐牌上的食物賣相很吸引，價錢亦相當平民化，所以要嘗試 一下。首先在點餐方面，這間餐廳非常簡單，只要你點取某個套餐店員立即會為你烹煮麵食，同時你也可以選擇一早預備好的炸物等等。我就點了一個簡單的豬軟骨烏冬，烏冬非常彈牙，而且份量亦很多，所以吃完也有充足的飽肚感和滿足感。豬軟骨則是非常柔軟，筋腱部入口即溶，而湯底雖然濃郁，但不會覺得過份咸，所以就算把湯底喝光也不會覺得口渴。整體而言，平民價錢可以吃到地道的日本烏冬的確很不錯。…查看更多

一條好好嘅問題，就係咩係一份邪惡嘅麵食？機緣巧合之下，朋友推介我嘗試咗呢個豬扒，午餐肉，煎蛋撈公仔麵。午餐肉，係厚切嘅，同一般平時茶餐廳食開嗰啲五香肉丁午餐肉公仔麵，薄切嘅午餐肉，係好大分別。另外，午餐肉嘅面積亦都好令人振奮，大大啖嘅午餐肉咬落去，真係回味無窮。豬扒係出色嘅，第一，雖然豬扒係好厚切，但係豬扒唔靭，咬落去亦都好有口感。再講，店主亦都有將豬扒切開，方便懶人。豬扒，係煎過嘅，熟嘅程度比一般為多，但係未至於燒焦，啱啱恰到好處。煎蛋，可能大家都識煮，但係煎燶蛋白，蛋黃仍然係流質唔容易。另外值得一提嘅係，呢個係撈公仔麵係用豉油撈嘅公仔麵，同一般湯麵好大分別，味道比一般更濃，食嘅時候亦唔需要擔心因為浸喺個汁度太耐而個麵底發脹。所以，呢個撈麵絕對稱得上一份邪惡嘅麵食。…查看更多

早餐時間突然好想食點心，但係又唔想去茶樓咁隆重，行過維多利亞後面天后站一帶，咁啱見到功夫點心， 所以就入去試一試。入面嘅裝修簡單，一個廚房連埋一個收銀台，另外有兩張枱，每張枱有四長櫈，所以大部分人都係叫外賣。今次，我就係堂食嘅，叫咗叉燒腸粉，燒賣同埋蝦餃。 叉燒腸方面，分量就幾多嘅，入面啲叉燒都唔慳料，所以食落去可以話係啖啖肉。而且你可以自由選擇豉油嘅份量，悉隨專便，的確幾唔錯。燒賣同蝦餃就起碼每樣要叫兩粒或以上，因為每龍係兩粒，雖然對顧客未必太方便，但係仍然可以理解。論質素，燒賣同蝦餃都好大粒，尤其燒賣同蝦餃嘅蝦肉係原隻鮮蝦，蝦餃嘅外皮晶瑩剔透，賣相亦都好唔錯。總括而言如果你食厭咗一般茶餐廳嘅麵食，功夫點心係一個唔錯嘅早餐選擇。…查看更多

雖然一早已經聽過佢嘅大名, 但係親身去Burgeroom 嘗試都係第一次。分店位置方面，銅鑼灣百德新街嘅Burgeroom唔難搵，附近Festive walk仲係一條食街，有好多選擇，相當方便。嚟得Burgeroom咁就梗係食漢堡啦，我就點咗一個 classic burger, 另外加錢叫咗薯條，同埋嘢飲。首先係漢堡，漢堡好食就一定㗎啦，特別係嗰塊厚厚嘅牛肉同埋芝士嘅配合，可以話相當邪惡。 呢個價錢喺香港食到咁高質素嘅漢堡，其實真係可遇不可求。薯條喇就係厚切，一般嘅薯條已經夠出色，如果係芝士旋風薯條就更加邪惡。另外，杯朱古力都好出色，拉花當然係必然啦。總括而言，難怪 Burgeroom如此受歡迎! …查看更多

機緣巧合之下, 今日有機會嘗試到巨龍冰室嘅早餐。我自己選擇咗五香肉丁炒蛋西多士, 由於外賣自取有8折, 所以三十蚊都唔使。首先抄蛋方面，的確做得幾出色，蛋味都好濃好rich; 西多士則軟熟， 雖然講唔上好突出但係起碼不過不失。唯一可惜嘅係五香肉丁，個面發脹咗啲， 所以唔係好彈牙， 但如果三十蚊都唔使就有咁豐富嘅早餐， 其實已經好過預期好多。…查看更多