gillianlao888的個人專頁

約左同朋友慶生，叫左個6人餐，再散叫左d餸。食物味道唔錯，龍蝦煎米底好有驚喜，龍蝦好新鮮彈牙，米餅好食；除此以外，其他餸都唔錯。就味道而言，值得推薦。不過各待應真係好勤力，收碟收得好快，真係要rap番句“未必個個都明白，好似上次個餐廳職員，係咁想收我隻杯，但明明我都仲未飲完，講完”。…查看更多

朋友介紹下新嘗試，雞類的串燒頗多，雞子、雞卵等都有，味道不錯，符合預期，但可惜不知是售罄還是暫停供應，選擇豐富的雞類串燒拼盤就未有得order。至於其他串燒，除紫菜年糕較令人回味，其他味道不過不失。天婦羅新鮮炸起，味道令人欣喜，Encore左1次。自家浸梅酒少許偏甜但容易入口， 作為打底之選的叉燒烏冬的叉燒有驚喜。是次坐2人枱環境比較擠迫，但卡位又設有最低消費(好似係$1500)，感覺可能坐bar台會比較舒適。…查看更多

呢十年同過唔同朋友黎Chesa食生日飯。一直覺得Chesa係安心推薦之選，味道好，環境舒適，服務周到貼心。但今次用餐，就有d失望；食物味道依然好，但服務就退步。壽星主角未食過瑞士菜，所以點菜時問待應有咩推介，以前光顧時，待應除建議及推介菜色外，亦會介紹菜色；今次待應只建議菜色後，就沒有然後，問一句先答一句，令到朋友唔好意思再問，覺得自己好似好無知咁。除此之外，以前光顧時，用餐到尾段，經理會主動詢問用餐評價，而家都無。簡單黎講，除左價錢外，搵唔番以前果種貼心矜貴的感覺。…查看更多

週末入西貢閒逛，行到餓餓地，唔想去海鮮飯店，又唔係好想去咖啡店；周圍搵下，見到手工麵呢三個字覺得好吸引，就決定係度解決晚餐。叫左牛展麵同滑雞豬肝麵兩碗麵，兩碗都好味。牛展麵被牛展密舖平面，有成8，9塊，牛展亦夠入味；雞肉豬肝麵味道正路，雞肉亦夠滑。兩碗我地都叫左幼麵，麵質唔錯，不過覺得唔係好夠咬口；見其他食客都叫粗麵或寬麵，下次會試下其他麵。洋蔥牛肉餡餅味道唔錯，不過可能我地放左一陣先食，食時餅皮有d韌。…查看更多

食物價錢合理，分量唔算細，味道不錯；坐位舒適寬敞。環境所限，天花比較低以致稍為嘈雜，但尚可接受。餐廳服務非常好，由帶位哥哥到餐廳內待應都勤懇有禮，值得讚賞🥰🥰…查看更多

一早想試下呢間餐廳，見天氣好，約左朋友一齊黎食晚餐。晚餐時間餐廳接待處有4位員工，但態度麻麻，全部走冷酷風格入到餐廳被安排坐戶外位置，天氣好加上富南洋風的佈置，座位舒服，相當舒服同Relax👍👍👍，好適合Happy Friday Dinner～食物普遍偏貴，但味道有驚喜亦有小心思，待應們服務相當唔錯，有主動問我地對食物的評價👍👍❤️，仲比左d有趣的cocktail 建議呢餐食得舒服，雖然價錢唔係親民，應該都會再encore…查看更多

食過唔同稻香，質素一向穩定，服務亦ok。唯今次係呢間德福分店竟然遇上最差服務員；問個位阿姨係咩湯底，阿姨竟然答我地佢第一日番工，唔好問佢；咁請佢搵個識答的同事黎，佢話無人識喎～好野，真係要比個叻佢～…查看更多