or#Tm65824077的個人專頁

又到左期待已久既大閘蟹季，因為openrice眾多好評而選擇左呢間餐廳，沒諗到因此貢獻出第一次劣評到放題店大家坐低第一句都係問，紙呢？呢度既店員會答你：「我們既串燒係廚師發辦架，會派落你地碟」Wow，廚師發辦，第一次發現呢個term有幾positive。現實上，兌換劵上寫既蠔啊扇貝基於「廚師發辦」既關係通通都係冇既，而且按人頭每樣一串。我今日用90分鐘時間內品嘗到以下既精選串燒：一隻青口兩串翠玉瓜（一塊瓜切半為一串一條多春魚一隻蝦一碗蜆一串雞軟骨一串牛肉（三粒一串雞肉（兩粒一舊粟米一條茄子（二人share一串韮菜（二人share平心而言，串燒質素唔差，但唔清楚係師傅能力還是控制成本問題，每樣串燒需要等待十幾分鐘。當然，「廚房發辦」本來就決定好菜式同預好人頭，師傅燒得慢呢個理由合唔合理就見仁見智喇。串燒都控制成本到咁，主角大閘蟹當然唔例外，不過兌換劵有寫到一次一隻，每12-18分鐘左右會派隻，都算係既，但派發後餘下的再分發就沒可能既，因為已經控制好每人4隻，所以到底叫唔叫得做大閘蟹放題，真係好有誤導成份。90分鐘放題大部分時間都係同朋友眼金金咁等野食上，雖然串燒質素唔錯，但唔老實既舖頭都係無謂再幫襯。…查看更多