eatandslim的個人專頁

旺角同大埔都有分店嘅Oppa韓燒 - 放題或者單點，唔夠大食嘅我揀咗單點😛熟成和牛拼盤$450海鮮拼盤$358澳洲M6和牛$228熟成和牛共有三款，14日澳洲和牛，20日prime西冷，20日M7牛頸脊。無論火鍋定燒肉都適合嘅牛頸脊紋理均勻，油花好豐富，入口融化個種！西冷牛扒賣點係濃郁肉味，有咬口但一啲都唔靭😋 而澳洲和牛就平均啲，肉味同油花適中～海鮮拼盤有兩隻開邊大虎蝦，兩隻鮑魚，兩隻有殼帶子，原條大魷魚，八爪魚，十分抵食澳洲M6和牛用上肩胛肉，肉質好柔軟細緻又唔會太肥膩，都係必點😚…查看更多

星期六食個late brunch, 叫左牛扒同海鮮。海鮮有蜆，青口，蝦，配菜有薯仔，腸仔，粟米同蒜蓉包，特別要讚下佢個辣汁幾惹味～老公食牛扒佢覺得幾好味，配菜有煎雙蛋同薯條。澳洲草飼肉眼牛扒$288海鮮拼盤$238Fruity blossomWonder bar兩份主菜都有餐湯或沙律，我地揀左粟米周打湯同沙律，沙律幾爽脆，湯都濃稠好喝。兩款mocktail都賞心悅目，除左顏色靚之外飲落無假味，Fruity blossom 有水果清香，Wonder bar 飲落甜甜地我幾鐘意～餐廳有DJ打碟位，無DJ個陣都有靚音響播歌👍🏻…查看更多

間唔中想食下辣嘢，中國內地的四川菜幾得我心～集合麻、辣、鮮、香於一身，極具地方特色。見見面在天后，係我最近食過最好食的川菜之一。酸菜魚（生魚）$188 魚肉好嫩滑，一咬就開，鮮甜，份量非常多好抵食，魚肉有不同部位，某啲位會有幼骨要注意～仲伴有少量酸菜及冬菇。乾鍋田雞$148 用gas爐上，有明火保持溫熱，鑊氣十足，炸過的田雞脆口入味，非常地道！清炒萵筍$62 難得清炒的菜都好好食所以必需講一講，仲可以揀少油唔洗食到油淋淋！青椒皮蛋$40經典涼菜，美味😋…查看更多

Oppa 韓式燒肉，好近旺角東站，內部裝修同韓國燒肉店一模一樣～美國prime特級雪花牛肉$188, 200g不愧係美國prime特級雪花牛肉，入口即化，油脂超豐富😚我哋相當鍾意！加拿大的無骨牛肋肉$158, 200g牛肋肉有濃郁牛香～ 沒有骨頭食得好方便。小八爪魚$68, 100g海鮮都有不少選擇例如帶子，鮑魚等等我就揀咗小八爪魚，性價比高😊平時燒肉店係提供檸檬水，Oppa燒肉哥哥係提供玄米茶都特別架～…查看更多

ᴍᴜᴢᴇ ᴍᴏᴢᴢᴄᴏʟᴅ ᴅɪsʜ-ᴛʜᴀɪ ʀᴀᴡ sʜʀɪᴍᴘ sᴀsʜɪᴍɪ $78生蝦有蒜片少辣夠凍😜-sᴘᴀɴɪsʜ ʜᴀᴍ ᴀɴᴅ ᴄʜᴇᴇsᴇ ᴄᴏᴍʙɪɴᴀᴛɪᴏɴ ᴘʟᴀᴛᴛᴇʀ $168芝士份量足，連火腿配餅乾食，仲有杏脯同蜜糖甜一甜ᴍᴀɪɴ-sʟᴏᴡ ᴄᴏᴏᴋᴇᴅ sᴘᴀɴɪsʜ ᴏᴄᴛᴏᴘᴜs $178賣相都幾靚，八爪魚食落軟身容易容易咬開ᴅʀɪɴᴋs-ᴍᴜᴢᴇ ᴘᴜɴᴄʜ $68-ʙᴀsɪʟ sᴜᴍᴍᴇʀ $68我飲ᴍᴜᴢᴇ ᴘᴜɴᴄʜ甜度適中，飲落味道清新，影相又靚～…查看更多

第一次黎到FAMA, 環境幾大好寬敞，餐具食物等等都係自助拎，其實都好快捷方便，仲慳左加一服務費🤣煙三文魚雜菜沙律$68有我鍾意食嘅黑醋，職員好好幫我分開醬汁聆賞，三文魚都幾好食，沙律菜新鮮嘅，大大兜煙肉雞柳鮮蝦扁意粉$88餐牌上面冇寫佢係咩醬汁，食落係忌廉汁，出乎意外地煙肉份量都幾多晚餐包左麵包、羅宋湯、飲品，幾抵食，飲品加左十幾蚊飲鮮奶咖啡同棒子朱古力，建議大家要加特飲飲，榛子朱古力好濃榛子味道，好香！鮮奶咖啡都好順滑，唔會太苦👍🏻…查看更多

呢排真係好煩惱，令人心煩嘅事，開始見到曙光😄終於心情比較輕鬆點，今晚就食個韓式燒肉為自己打打氣✊迎接未來的挑戰💪想食燒肉，只要喺旺角附近，每次都係嚟呢度。呢間韓國人氣店，餐前泡菜款式多，每次光顧都食到唔同口味，每次都有新鮮感，百吃不厭😀喜來烤肉，人氣之選👍肉味香濃，油花均勻，放上灸熱鐵板唔駛10秒，已可以放入生菜蒜片享用。辣豬護心肉入口係好香嘅韓式麵豉醬，微辣。豬肉件香燒逼出油脂，香脆可口，配白飯一流👍仲有爐邊蛋，泡菜蛋有另一番風味，而我最愛芝士🧀口味😋…查看更多

中環近著蘭桂坊一帶有高質壽司店，叫雲壽司，它在銅鑼灣的本店叫好叫座，就在中環開了分店～我在銅鑼灣和中環都吃過晚餐，水準差不多的，可以就自己方便的位置去💰人均$200多，自選壽司12件，經濟划算雲壽司還有不同價位的omakase、丼、刺身拼盤壽司的賣相擺盤不馬虎，吃下去也非常可口，特別喜歡火灸帆立貝和蟹柳壽司，入口美味十分滿足😋座位方面提供吧台和卡位，我們今天坐吧台，自助裝茶，廚師就在面前端上壽司，一切都很方便呢❤️…查看更多

韓式燒肉真是太香了！網上風評不錯的喜來稀肉是我最喜愛的韓國燒烤餐廳，平常我比較早吃晚餐，一般6點就到餐廳人流不多，今天等老公下班7點半比較晚來，正正是餐廳人流高峰期，見識到旺角喜來稀肉有那麼多人！也太受歡迎了吧！還好不用等太久可以入座，先嚐點前菜泡菜是我的最愛～之後用手機掃碼點菜了，點了兩盤肉是真雪花牛肉跟調味牛護心肉，價格分別是$228和$160，兩款各有風味，都推薦！雪花牛肉脂肪比例較多入口較軟，油脂比較豐富；護心肉則是牛味較濃郁，配米飯超正～…查看更多

今日同家姐一家大細嚟到食嘢，假日午餐，我食咗一個厚燒玉子及鰻魚飯，鰻魚都算燒得唔錯， 厚薄適中玉子味道偏淡，有少許彈性。整體來講價格唔算貴。不過呢日係假期，所以比較多人，而且佢本身環境比較逼夾，不太適合和家人輕鬆進食聊天呢:(…查看更多

居住在紅磡區多年，都不知道居然有間咁抵嘅麵包舖呢！聽街坊講原來之前仲平兩蚊一個豬仔包，我而家買要$2.5了！不過仍然係非常之抵，豬仔包幾鬆軟，也烘得幾脆， 性價比非常高，提子包、蒜蓉包、雞尾包都係$2.5味道都唔錯，老公食得幾開心，菠蘿包都係$2.5但係賣相一般所以冇買，下次試吓佢啲瑞士蛋捲先！…查看更多

我覺得大將都幾抵食，食過幾次點選美國牛肉套餐，牛肉色澤都算靚，也新鮮，自助吧的食物會refill得快, 仲有任食雪糕及自助窩夫，對於喜歡吃甜品的我們來說這裏真是天堂😆…查看更多

粉嶺高質素的日本餐廳實在不多，琴晚同男朋友黎食過覺得不過不失，壽司的種類選擇多，貝殼類的質素比較高，魚腩有點失色了，油花不夠多，不夠入口即溶，熟食方面，鍋物會較好吃，建議點個烏冬/鍋物。由於店舖面積比較細小，樓底也不高，其他人講野好應聲，非常嘈吵，令我們也不想逗留太久…查看更多

前菜我特別喜歡青瓜, 特別爽脆! 泡菜有點辣辣的, 烤肉+生菜+泡菜一起吃好清新!調味醬油雞肉醬油味濃濃的, 和我一樣超喜歡醬油的話也會喜愛這款雞肉的調味!爐邊蛋一邊是加了泡菜, 帶點可以接受的微辣, 另一邊是加了芝士, 更為綿密, 好吃好吃!烤肉就是要配著白飯吃! 喜來稀肉和護心肉都好吃, 質素不錯所以下次再來可以點個更貴的試試看建議烤肉搭配梳打汽水或燒酒喝, 解渴也更有韓式風味呢!樓下還有各式各樣的韓式食品供顧客選購，吃飽了再來購物一番!…查看更多

今日午餐食得比較少，所以早啲同老公黎食晚餐，好彩點完餐之後就可以食前菜，醫下個肚，前菜共有三款，青瓜漬、泡菜、沙律菜，唔夠食都可以refill，呢點幾細心～山菜可以用嚟包住燒好嘅肉類，我用嚟包烤雞肉，再夾啲泡菜同蒜片，一個美味既生菜包就完成啦😋至於烤牛肉我就用嚟配白飯，有肉汁的白飯係好好食😁可以睇到牛護心肉的紋理清晰，脂肪分布均勻，肉質細緻入口豐盈，稱得上為一塊好肉👍🏻今餐真係好滋味好滿意呢～…查看更多