granbo的個人專頁

無影到相，唔記得啲熱狗名，試左三款，每一款也各有特色熱狗款式1）有千島醬，多多芝士同菠蘿嘅，屋企人讚不絕口，說個包好軟唔硬，醬汁又好味（餐牌右邊第二排第一個？）熱狗款式2）辣辣地好野味，個腸同款式一不同（左下角有兩個辣椒）熱狗款式3）德國酸菜，仲有條醃青瓜係隔離，好醒胃（右下角那款）又可加$6配餐加薯條、冰菠蘿或汽水（收銀個妹妹又很好禮貌👍🏻）特登去食的反而不似預期，但這間路過光顧的反而充滿驚喜🤪…查看更多

座位好迫，要搭枱，有俾大碗你自己洗杯碗。茶錢$9位，但茶香欠奉，午餐看似很實惠但其實有額外費用，如前菜及加一。前菜忘了是$15還是$20但只有一件豆卜加醬油碟大小的芽菜，原味般絕對不值，寧願它明碼實價提高午餐價格好過左加右加。跟餐湯，有紅蘿蔔，有陣好似猴頭茹味，不知道是什麼湯，但味道麻麻。味菜肉絲炒麵$33炒麵係炸麵脆脆那種，味道很淡，有色但無味，但那些味菜超咸，同食開那種酸甜味菜不同。有冬菇絲及素肉絲。咕嚕肉小菜配白飯$42菠蘿用鮮菠蘿但素咕嚕肉無論酸、甜及咸味也不足。細齋滷味$30除素鵝千層外其他也味淡。左加右加，最後$160埋單，試過就算。…查看更多

午市見舖外很多人等位，所以晚市再來。五點幾，不用等位直入，裝修見心思，走懷舊風。卡位坐得舒服，五蚊位茶位，點心款式可再多點，有蒸飯、有甜點，汽水支裝上。點了鵪鶉蛋燒賣王、蠔皇鮮竹卷、蜆介鯪魚球、金沙紅米腸、鳯爪排骨飯、古法千層糕。鵪鶉蛋燒賣王（$28）朋友每次見到必點的點心，因不是每間酒樓也有。蠔皇鮮竹卷（$20）食不到蠔油味，味淡，鮮竹硬。蜆介鯪魚球（$28）即炸，彈牙。金沙紅米腸（$32）跟之前在另一酒樓食的美道不一樣，腸粉皮比較實，中間的油炸鬼好脆，質感不像油炸鬼，比較像越南春卷，一般。鳯爪排骨飯（$35）飯比較淋身，鳯爪汁好杰身，排骨好香，如果個飯硬身點、豉油甜返點會好好多。古法千層糕（$22）奶黃糕味道，有蛋黃同椰絲香。上菜比較慢，嘆茶可以，返工午餐會太趕，茶葉質素靚返啲更好。在冰室林立的街道轉形為點心確明智。…查看更多

上星期才開張，店面大，坐位闊落，分開鐵板燒區同炸雞區，平日午市12點幾鐵板燒區已要等位，炸雞區不用等位直入，當然選炸雞區，鐵板燒唯有下次再試。職員頗多，但比較新手，建議埋單時選經理結帳，這次叫著個上菜幫手，她有搵黑衫職員幫手，但最後無件事。午餐都頗多選擇，價格大約60幾至70幾，份量頗多，如果女仔一個餐可能食唔曬，跟餐有幾款飲品揀。前菜有醃白蘿蔔、玉米粒和泡菜，無叫都主動添了2次。醃白蘿蔔爽口酸甜、泡菜略嫌不夠辣味。午餐選了人蔘雞、粉絲、芝士年糕。人蔘雞：味偏淡但仍食到淡淡人蔘味，雞肉一切就散，非常軟嫩，有幾粒紅棗和栗子，配上少少軟綿的米粒。粉絲：可能要趁熱吃，涼了偏硬，糊成一餅，內有芝麻、木耳，味道偏淡，應該要加點韓式辣醬同吃。芝士年糕：內有一隻熟蛋，芝士做到拉絲效果，配上類似辛辣麵的即食麵同吃，不錯！微辣，年糕有咬口。飲品試了凍柚子蜜及凍咖啡，味道淡了點，但不過不失。人多時，上菜速度比較慢。食物份量足，味道不過不失。略嫌仍有一點新裝修的木味。有機會再試鐵板燒，但要等位就免了。…查看更多

打電話落單自取，說比較多單要等半小時，無問題。不太記得它個通粉餐叫什麼，問多兩問個女職員語氣已不耐煩。半小時到店取，説還未得要等多陣，但我見她在我問完先按制入單，結果最後等了十五分鐘有多才可取。看看入單時間便是到店時間。既然要親身到店才下單。我不介意她當初於通電話時直接表明要門市才可下單，感覺像比人耍了一樣。回家打開外賣，通粉變即食麵，看一看張單，根本入單時已錯，不明白為何問了幾次仍入錯。其實平時堂食已見過幾次個男侍應發脾氣，究竟係唔夠人手定係人的……食物質素不錯，但員工服務可以有改善空間。…查看更多

$198粥底海鮮火煱，無加一，價錢算合理。環境：店面小，略嫌局促，角樓座位抵讚：- What apps 你double confirm booking- 店員主動收碟清枱，見你差不多吃完會問你食物到齊未再幫你煮粥。- 海鮮算新鮮，蟹有膏🦀、蝦大隻🦐、蚌鮮甜、多寶魚滑、丸類味道也不錯、花膠筒也味美。- 有凳仔俾你放袋需改善地方：- 早左到15分鐘唔入得，其實等到6點1、2先入得，出面又熱又臭煙味，因為店門外放了兩個煙灰缸。🚬- 餐具面油膩，黏黏的。😓- 好熱，冷氣唔夠，一路食一路滴汗。😅- 蜆有幾隻有沙- 豬油渣有點油溢味😨肥牛、玉米🥓🌽、沙律都係普通貨色無咩特別。P.S.大圍店只有粥底火鍋，因為見有其他客想食蒸鍋白行。總括：價錢合理，分量多，食物質素不錯，可以再光顧但要揀冬天。…查看更多

新開的分店，應該未夠一個月，有些食物尚未推出，期待下次試下泡菜pizza。🍕午巿人不唔多，計埋我們得3枱客，新舖裝修較年青，門面明亮寬敞，坐位明顯比原店較鬆動（原店在大埔救護站對面）🚑，頗適合一班朋友輕鬆聚會。見openrice有人post左飯卷相，以為這間有供應，原來沒有，有點兒失望😩。點了芝士海鮮炒年糕$88原味炸雞半份$78蒸豬肉餃子$47牛奶雪花冰$49下午5:30後會貴少少，差幾蚊吧！《芝士海鮮辣炒年糕》🍲芝士味香濃，多點芝士更好，可以叫少辣，年糕煙韌，海鮮頗新鮮，蝦有3大隻🍤，青口2小隻，汁料香濃，下次要試有埋拉麵那款。《原味炸雞半份連薯條》🐔🍟炸雞一如以往大份，2個人share，有點多，3個人會好點，最喜歡一辣一甜醬汁，炸雞外脆內嫰。《蒸豬肉餃子》🐷除豬肉外，仲有些粉絲，灑有芝麻，味道清新。《牛奶雪花冰》🍨有煉奶係面，雪花冰口感綿密，紅豆香甜又大粒，夏天食一流，如果有多點味道選擇更好，現有豆粉、綠茶、香蕉、牛奶可供選擇。P.S.沒有lunch set提供。下次可以試下他們的飲品，$22起，忘了有什麼，待下一位食客補充，哈哈！😅老闆是正宗韓國人🇰🇷，不是港式韓國料理啊！…查看更多

中伏！自以為好醒，預先睇晒食評，但有些餐廳確實一試便知龍與鳳。夜晚7點幾外賣都要等25分鐘，真的有夠誇張！點了印度家鄉咖喱雞（$68）、吞拿魚炒飯（$68）和香酥龍利柳（$38），外賣仲要每樣加$2。價錢不是問題，最緊要值得！印度家鄉咖喱雞不連白飯或薄餅，分量少得可憐，個外賣盒只比7仔的魚蛋盒大啲啲，最重要係無咖喱味，自己係屋企整日式咖喱磚可能仲濃啲，啲雞雞骨多過肉，根本就得雞腿那個腳骨位，無味之餘又韌，得一兩片洋葱仲要係生所以味道辛辣。吞拿魚炒飯極其量只可以説是蛋白炒飯，完全食唔到吞拿魚味，珍珠米雖粒粒分明但偏油。香酥龍利柳，不過不失，魚肉偏乾如果有他他醬跟可能好啲，現在係乾啃。這個舖位開親的食店都做不夠一年，係有原因的！…查看更多

開業不夠一個月午市同晩市已經要等位，午餐包一杯飲品，有巨峰提子梳打、柚子梳打、薑味汽水等，價位都只是五十幾到六十幾。掛著食野唔記得同食物影相，之前食過他們的鰻魚飯外賣超大碗，午餐時只要＄65勁扺食。今天想再叫但已無貨，認真搶手。之前試過他們的辣炒海鮮烏冬，夠辣但分量偏少，只有四隻帶子。所以今天試新野。火灼三文魚飯，雖然火灼三文魚得4塊，但味道不錯，可惜分量偏少，成個portion比鰻魚飯少很多。滑蛋吉列豬扒飯，洋蔥香，但吉列豬扒唔juicy，肉質鞋囗。跟餐可追加炸蝦、雞蛋、玉米、牛肉等。…查看更多

可能是地點位置問題，K11人流總是較少。星期日午市12點幾都不用等位，餐廳環境偏台灣風格，地方闊落，氣氛輕鬆，客路以年輕學生為主。食物外表漂亮，可惜份量偏少，男仔食一個主菜可能食唔飽。2個人叫了芝士海鮮意粉、海鮮黑麥法包丶藍梅雪糕可麗餅、蜜瓜朱古力奶和mocha都好似好空虛咁。芝士海鮮意粉：用叉捲3次已食曬，蝦得4隻，彈牙，意粉滿滿芝士汁可惜份量太少。海鮮黑麥法包：賣相漂亮，可惜都係太精緻，呑拿魚夠新鮮仲有花瓣裝飾，法包的大小只比必勝客的蒜蓉包大D。藍梅雪糕可麗餅：藍莓得幾粒，可麗餅餅皮薄如紙，雪糕大路款式無特別。蜜瓜朱古力奶：只可以話加左蜜瓜味糖漿的朱古力奶，朱古力奶唔夠濃郁。Mocha：可能麥cafe的比它還好，奶味過重。…查看更多

晩餐未夠6點已經要等位，因為訂枱已full只可以work in。餐廳地方唔大，如果要等大枱可能要早點訂枱，但假日不設訂座。餐廳裝修走意大利風，但一入去，員工就用台灣腔＂歡迎光臨＂。餐牌選擇唔算多，叫了個$198二人餐再加個綜合莓果甜星。二人餐選了義式果香燻雞pizza（細）、水果沙拉、奶油嫩焗肉丸（豬肉）、堤諾小拼盤、水蜜桃冰茶、冰摩卡拿鐵。義式果香燻雞pizza（細）其實即是罐頭菠蘿雞肉pizza, 雞肉偏乾，餅底尚算有咬囗。水果沙拉，有幾片蘋果同沙律菜，自己在家弄一個也可以。奶油嫩焗肉丸（豬肉），D奶油奶味好重，肉丸味唔出，伴碟有4片薄餅，質地同個pizza一樣。堤諾小拼盤（小）：一隻炸雞翼開2、炸薯條、2件炸魚，炸物夠乾身，無雪味。水蜜桃冰茶：茶底較濃，水蜜桃味唔出冰摩卡拿鐵：普通無特別綜合莓果甜星：pizza個餅底，加pat芝士cream同紅莓果醬，非常唔ok!成餐飯好似在吃pizza餅底，建議更改二人餐內容或散叫。P.s.餐廳沒有提供午餐同下午茶餐牌，全日只有一個menu，選擇不多。…查看更多

午餐時間坐滿要等位，所以外賣自取，可能店舖小小，外賣都要等一段時間。醉雞廿蚊加$10可配粉麵，今次選了幼河粉，淡底味偏淡，最後忍不住將D醉雞汁倒埋落去，唔知係唔係花鵰夠足料，食完好似飲左酒咁頭赤。醉雞係用原隻雞腿，所以唔會鞋口。如果醉雞可以再入味D會更好。加多幾蚊可以跟餐飲，可惜老細話未有奶茶咖啡。…查看更多

真是口味的野人人不同，之前見有人讚它個魚柳幾得，就買來一試，超唔好食，個包唔係前人所講的豬仔包，係硬左的餐包咁，而塊魚柳就偏油，D沙律醬更加係咸到無人有！唔係唔支持小舖，但真係唔好食，仲有一個包入一個袋超浪費。…查看更多

友人提及的傳統花生夾餅，聽說香港沒有幾多個地方有得賣，剛巧經過買來試試。雖然不是即製，但皮面仍脆，可惜我不喜餅料的質感，好像實了的雞蛋仔，食完一份牙都軟。餡料有椰絲、花生碎、芝麻。同角仔D餡料一樣。好乾身，只可以話這款傳統野唔啱我囗味。…查看更多

自助形式，無服務可言。排隊買野，取票另提供一個圓形的order機，當震機同亮紅燈時，自己去取食物處拿。下午茶set都係大約$50幾，份量頗大，但味道不過不失，所以平日下午茶時段全場都不多過5枱客，但不表示員工的手腳會快D，全都是悠悠閒。室內裝潢採取簡約路線，枱與枱之間寬鬆，可能性價偏高又或口味問題，所以少了一班喧嘩的大媽，客路較為斯文。公司三明治跟一杯咖啡或茶，而那個馬卡龍雪糕甜品盒子則不包飲品。公司三明治不過不失，麵包烘過，材料有雞蛋，雞肉，火腿，青瓜同蕃茄，味道只可以用普通來形容，雞肉味好淡，好似白烚咁。反而附上的幼薯條味道更好。馬卡龍雪糕甜品盒子，外觀還可以，但那個麵包盒子完全唔得，又硬又乾，似隔夜麵包，無切件，又唔香麵包味。雪糕亦是平價貨，只是馬卡龍為這款甜品加D分。下午茶選擇唔算多又唔係特別扺，附近的選擇多的是。…查看更多