aph69sxt845h的個人專頁

我覺得呢間應該係深水埗區性價比最高嘅糖水舖，$39有一大碗楊枝甘露，裏面係勁爆多芒果，西米亦都好彈牙。網上見到好多人推介呢間，本身都係抱住嚟試吓嘅心態，唔預佢會好好食，點知買完一擺落口，真係好驚艷，每一啖都好滿足，真係做得好好。唯一可惜係呢間嘢冇堂食，亦都冇立食位置，同朋友過嚟試，只可以揸住喺門口食，下次再過嚟會選擇揸車過嚟，咁可以喺車上面涼住冷氣食。希望遲啲會整返啲垃圾位俾客人，企喺門口食都好。…查看更多

去開深水埗，見到黃金廣場對面開咗間糖水舖，舖仔細細冇堂食，種類亦都唔多，但就超級多人排隊。鍾意食煙靭嘢嘅我，第一眼就比呢個多芒小丸子吸引咗！最後叫咗一個多芒小丸子，一個紫醉金迷芋圓燒同埋一個椰汁鮮奶燉桃膠。不過因為冇堂食，所以就唯有拎返屋企慢慢嘆。返去嗰個打開糖水，個樣仲保持得好好，同門市展示出嚟嗰樣差唔多樣。試咗第一啖多芒小丸子，真係超級好食！芒果超級甜！對我嚟講太有驚喜啦，冇諗過一間咁細嘅舖頭，水準可以咁高。呢款糖水絕對要encore。紫醉金迷芋圓燒就係燒仙草加紫米露再加芒果同芋圓，面頭再加啲椰奶，成個感覺幾新奇，甜度適中，新派糖水嚟講真係十分之唔錯。椰汁鮮奶燉桃膠就不過不失，都係傳統嘅口味。…查看更多