wifi.tszching.chui的個人專頁

今晚放工happy friday同朋友去咗尖沙咀飲嘢。之前都嚟過呢度飲嘢，不過好似係近排轉咗手改咗名。呢間以「風林火山」為名嘅酒吧，一入去，搖滾樂背景聲加上年輕活力嘅氛圍，即刻令人放鬆落嚟，仲有張 Beer Pong 檯擺喺當眼處，唔少人玩到嘻哈大笑，確實係 Happy Hour 或晚間 chill 下嘅好地方。創意 Cocktail 盡顯港式情懷講到酒，呢度bartender 將港式飲品文化玩到出神入化，好似 「凍檸賓」 用 Gin 同 Tonic Water 做底，溝上果汁，清爽之中帶陣陣酒香，好過癮！仲有「沸水蛋」，聽店員介紹—芒果扮蛋黃、淡奶扮蛋白，全素唔駛驚有蛋；「鴛鴦」 係熱飲酒版；仲有「薑檸樂」「紅豆冰」 等等呢啲經典港味，喺度變成 Cocktail，下次可以試多幾款。我哋仲叫咗杯日系Classic Cocktail -「White Negroni」，用上 Jasmine、苦瓜、Lillet 同 Suze，入口甘香複雜，帶微微草本苦韻。唔飲酒都有選擇Mocktail 系列以「風林火山」四個字命名，我試咗「Fire」（西柚、橙加梳打）同 「Wind」（黑加侖子、芒果配薑啤），兩杯都好 refreshing，適合想輕鬆吹水唔醉嘅人。抵食！大份！中西 fusion 主菜食物方面，價錢非常親民——意粉、烏冬、飯類都$100 有找，而且份量十足。 我哋試咗「忌廉叉燒意粉」 ，慢煮叉燒粉嫩入味，面頭鋪滿香口薑蔥油，意粉掛滿濃郁芝士忌廉汁，加隻半熟蛋撈勻，邪惡又滿足！意粉煮得有咬口，水準唔錯。小食配特色醬汁，玩味十足小食如「花椒雞軟骨」（香脆麻香）、「海風魚手指」 同 「波浪粗薯條」，款款炸得酥脆。最正係可以自選特色醬汁： 我哋揀咗三種 -「金沙鹹蛋醬」 鹹香惹味、「港式咖哩醬」 微辣濃郁、「大澳 XO 蝦醬」 鮮味香濃我最鍾意，每款醬都係心思之作，令普通小食即時升呢！環境夠彈性，包場都得舖頭有室內同室外位，室外可以呼吸吓街頭空氣，室內就有大電視同強勁音樂，當晚見到有人包場搞 party，應該好適合 company gathering 或朋友慶祝。…查看更多

前日出荃灣探親戚，晚上去咗位於曹公坊嘅 Ann Mamma Thai Kitchen食泰菜，鋪頭裝修帶點文青風，當日係平日夜晚但都算多人，氣氛熱鬧。沙嗲串燒（豬肉、雞肉）4串 串燒即叫即燒，上枱熱辣辣，表面微焦，炭火香幾出。肉質醃得入味，豬肉軟嫩唔鞋，雞肉亦保持到肉汁。沙嗲醬係靈魂所在，花生味香濃帶少少甜辣，蘸多啲更好味！泰式蝦餅蝦餅炸得金黃酥脆，咬落去彈牙有嚼勁，真材實料。點埋酸甜醬，好開胃，作為小食一流。青咖哩牛腩 ＋ 薄餅青咖哩汁香濃微辣，椰奶味平衡得剛剛好，唔會太膩，裏面仲有啲茄子。牛腩煮得夠淋，入味之餘仲有淡淡香茅同檸檬葉香氣。另外叫咗個薄餅點咖哩，薄餅烘得香脆，蘸滿咖哩汁食，真係滋味十足！蝦醬炒飯 呢個絕對係必食之選！炒飯夠晒鑊氣，蝦醬鹹香突出，但唔會過份濃烈。飯粒分明，仲加入咗櫻花蝦、四季豆同洋蔥，口感豐富。伴碟有肉鬆、臘腸、青瓜、青木瓜同煎蛋，撈埋一齊食，鹹香鮮味夾雜清爽，大滿足！泰式珍多冰食完濃味嘢飲返杯珍多冰就最正！椰奶味香甜，綠粉條煙韌，冰涼解渴，為呢餐畫上完美句號。…查看更多

行入亞士厘道，「保頓冰室」個門面就相對搶眼。未入門口已經感受到濃濃嘅舊香港情懷，裝飾、卡位，連侍應哥哥都著住嗰種懷舊白衫，真係好似瞬間返咗去七八十年代嘅茶餐廳！午餐時段叫咗兩個主食：「馬來炒貴刁」鑊氣十足，芽菜、蝦仁、火腿、叉燒、洋蔥齊全，條條河粉都上色均勻，帶住微微辣味，食落亦唔會太油膩。「金牌大雞髀雙蛋飯」更加係震撼視覺！真係唔講得笑，隻雞髀同我塊面差唔多大，炸得金黃香脆，咬落去皮脆肉嫩，仲有肉汁流出嚟，真心好好味，係好出色嘅炸雞髀。配埋兩隻太陽蛋同黑椒汁，撈飯食真係無得頂，夠晒邪惡！加幾蚊配咗杯凍檸茶同西洋菜蜜，凍檸茶茶底夠濃，西洋菜蜜清甜潤喉，正好解解膩。小食方面：「瑞士汁雞翼」煮得入味，瑞士汁甜鹹度啱啱好，雞翼肉質嫩滑。「法蘭西多士」係我嘅至愛！炸得外脆內軟，中間嘅花生醬份量恰到好處，淋上糖漿同牛油，邪惡到極點但又忍唔住食晒！總括來講，保頓冰室唔單止賣懷舊，食物質素都真心唔錯，價錢合理，份量十足。如果想感受下舊式冰室風情，呢度絕對值得嚟試下，保證你食得滿足之餘，仲可以打個靚卡！…查看更多

喺觀塘返工搵食，想同同事或者朋友飯聚傾計，最近發現咗亞太中心呢間「Parallel」，主打Semi Dinner Buffet，可以任食自助區嘅冷盤、沙律、海鮮，再加一款自選主菜，價錢都OK～🦐自助區重點掃描· 凍海鮮：有翡翠螺、白蝦、青口，白蝦最好食，算大隻又爽甜。· 冷盤：必食煙三文魚，油脂香夠突出；芝士火腿有2-3款選擇。· 沙律吧：除咗基本沙律菜，仲有墨魚仔、紅菜頭、蘆筍翠玉瓜、薯仔沙律，特別中意佢嘅水果沙律，係哈密瓜同菠蘿，清甜解膩，食飽主菜食就岩哂！🍝是日主菜體驗今次試咗兩款主菜：· 意式煎豬柳配香草車厘茄：豬柳用煙肉包住，中間夾咗片香草葉，食落有層次感，跟底嘅薯蓉好棉滑。· 卡邦尼QQ蛋黃麵：醬汁creamy得嚟唔會太漏，我哋揀咗蛋黃煮法，所以個粉加咗少少鹹蛋碎增加風味，意粉口感真係做到al dente好有咬口。🥣是日餐湯洋蔥忌廉湯，味道不過不失。👶🏻親子友善餐廳有個幾好嘅優惠：90cm或以下幼童可以免費享用自助沙律吧！帶小朋友嚟唔使額外收費，慳唔少。💡小貼士· 如果成班人包場搞活動，問過餐廳可以有9折優惠· 晚市時段都幾full，建議預早book位，當日係平日但係都full house。…查看更多

今日去咗荔枝角一間樓上文青氣息嘅cafe——「孵化生活」到晚餐，一參餐廳已經feel到有種悠閒慢活嘅氛圍。最好係呢度冇用餐時限，可以同朋友慢慢傾偈，而且餐廳主打少糖少鹽，啱晒追求健康嘅食客。我哋叫咗兩個主食一個意粉及一份豬手。先講吓個蟹肉蝦意粉，一上枱就聞到蒜香！四隻大蝦球爽口彈牙；蟹肉份量都絕唔吝嗇，同蘆筍、蘑菇同蕃茄仔炒埋一齊，意粉掛滿蒜香味之餘又唔會太膩。至於個德國豬手，絕對係誠意之作！外皮烤得金黃香脆，切開時仲聽到「咔嚓」聲，但裡面嘅肉質依然保持嫩滑多汁。配埋黑醋沙律正好中和油膩感，另外仲有配埋幼薯條好香脆，呢個豬手嘅份量夠幾個人share。餐廳環境舒服，店員服務唔錯，食物味道中上，都值得一試。…查看更多

琴日同班friend去深水埗覓食，俾我哋撞正一間新開嘅川菜店「麻辣香鍋」，佢係旺角都有分店, 咁岩我地又想食辣, 所以入去食。🐟【烤加州鱸魚】條魚都幾大條厚肉！魚身有炸過，魚肉都算嫩滑唔多骨，最正係個鍋底有齊薯粉、蓮藕、大豆芽、青瓜同金針菇，吸盡麻辣精華。同埋食烤魚會有爐跟埋, 所以唔會變凍, 仲有好多配料可以加錢叫, 當邊爐打都得. 我哋只係簡單加多份芋頭（+$26），切左片炸香幾香口, 不過如果可以切厚身D就更加有口感！🍤【黃金蝦球】足足有8粒大蝦球，咸蛋黃多到漏，每啖都係咔嚓脆嘅幸福。我不嬲都好中意食咸蛋黃既炸物, 所以呢個好岩我口味～🥬【大盤花菜】咸豬肉片煎到焦香，同爽脆花菜係絕配，而且呢種鑊氣係屋企煮唔到既味道, 又係送飯之選。🍯【炸饅頭】6大件金黃饅頭，外脆內軟唔油膩，點埋煉奶簡直係完美句號。當主食/ 甜品食都得。我地叫完野食, 見周圍檯都食緊好似套餐咁既配搭時先知原來宜家佢地新開張, 所以午市套餐變左全日供應, 變相比起叫主餐牌抵食好多. 例如午市套餐$69有3餸香鍋+白飯, +$3仲有飲品, 比起叫一個大香鍋性價比高好多, 下次一定會試!…查看更多

今日同屋企人澳門落船回港，係咗中港城海月宴會廳食晚飯飲茶，呢度係煌府婚宴集團旗下，裝修夠晒氣派，樓底高空間大，坐得舒服，個場明顯Setup係for擺酒飲宴。叫咗幾款小菜，整體水準唔錯。鮑魚北菇滑雞煲，一上枱已經聞到好香，個汁濃郁得嚟唔會太鹹，好岩配飯，仲有兩大隻鮑魚切粒，咬落去彈牙入味，雞既分量亦都算多。燒鵝例牌，我地好好彩，俾咗下脾位我哋。皮脆肉嫩，肥瘦適中，點埋酸梅醬真係無得頂。最後仲叫咗個銀芽肉絲煎脆麵，上枱時仲吱吱聲，個麵底煎得金黃香脆，配料有銀芽、紅蘿蔔絲、芹菜、肉絲同冬菇絲，撈勻嚟食口感豐富，屋企人都話正。呢度環境舒服，食物有水準，價錢合理，可以一試！…查看更多

前幾晚同朋友去咗Isquare 嘅港滙軒，酒樓景色好開揚，一坐低就望到成個維港靚景，夜晚維港兩岸啲燈飾閃閃吓，同朋友一路食飯一路吹水，真係夠晒寫意。晚市優惠試咗金銀蒜開邊蒸本灣龍蝦，$38半隻，性價比高。龍蝦蒸得剛剛好，蒜蓉嘅香味同龍蝦嘅鮮味完美結合，肉質爽彈又鮮甜，食落好滿足。主菜叫咗個深海龍躉兩味組合（$468），一次過試到兩種煮法。兩款嘅龍躉肉都結實鮮嫩，食得出係新鮮貨。翡翠炒大龍躉球嘅龍躉球炒得啱啱好，魚肉又起哂骨啖啖肉，配埋蜜糖豆一齊炒，口感豐富；黃椒醬蒸龍躉頭腩就用咗黃椒醬蒸，頭腩部位肥美嫩滑，配埋木耳一齊蒸，簡單就是美味。龍躉兩味都做得唔錯，鍾意食魚嘅朋友可以一試。另外叫左兩個小菜。咕嚕肉酸甜適中，外皮脆口，肉質軟嫩，菠蘿用左新鮮菠蘿所以好夠甜之餘甜度好自然，兩者夾住食，味道更加豐富。三蝦乾撈粉絲煲味道就不過不失。宜家市道咁差，但酒樓當晚平日夜晚都全場爆滿，佢另外有做緊個$628/位，限時2小時嘅大閘蟹放題，眼見都唔小人食，都叫做可以有唔錯質素嘅食物配下美景，算係同朋友聚餐或者家庭聚會嘅好選擇！…查看更多

今晚同班friend去咗砵蘭街「老川皇」食川菜，其實呢間野係幾條街之隔已經有幾間分店，好耐之前試過佢其他分店嘅出品，今次黎食整體都仲keep到水準！必點個金湯酸菜海鱸魚，原條魚，魚身肉起曬骨啖啖肉，魚肉滑溜，另外仲有整個魚頭，份量十足，酸菜湯底夠酸辣，個底仲有薯粉！幹鍋花菜鑊氣夠，仲有個蠟燭仔熱住個鍋，keep住暖笠笠。涼拌腐竹清爽帶微辣，但如果凍啲令到腐皮更加有咬口就再好啲。串燒方面，串燒部分比較似炸物，但雞全翼、雞腎、五花肉、豬頸肉同雞軟骨都香口，送啤酒一流。金菇就索曬啲孜然粉味啱曬我口味，但如果鍾意真正燒烤風味可能略嫌不足。講開啤酒，宜家呢度做緊優惠$32枝大青島，買二送一，所以隔離枱成枱都係酒樽！呢餐整體價錢合理亦滿意食物，會再encore！…查看更多

今日同朋友撐枱腳打邊爐，嚟到尖沙咀呢間「九五至尊火鍋」，個名夠霸氣，原來價錢比想像中親民！而家做緊好多優惠，例如$168以下湯底免費，其他半價，我哋二話不說揀咗招牌麻辣鴨血鍋+蕃茄薯仔鴛鴦鍋（原價$148），折完$0抵到爛！而且蕃茄薯仔鴛鴦鍋超濃鬱，必試！另外而家仲全日免費任添鴨血/蜂巢豆腐，所以配埋佢個麻辣鍋就啱曬。🔥其他優惠：▫️晚上10點前：Sapporo生啤500ml$88/杯 買一送一▫️晚上10點後：全單八折（唔包飲品）兩個人打邊爐最怕眼闊肚窄，呢度都貼心，大部分火鍋料可以叫半份，我哋試勻：🥩安格斯三角肥牛（半份）｜上盤時有乾冰非常有睇頭，牛肉油花唔錯，淥10秒食得🐷黑豚肉片（半份）｜肉質爽嫩🐙手打墨魚丸（4粒）｜真係食到墨魚粒，而且好夠彈牙！🥟自家製韭菜餃菜肉比例好；魚皮餃夠彈牙。🍢炸支竹吸湯一流；炸午餐肉食落仲脆脆哋。🥬西洋菜｜清新解膩。混醬區係自助形式，仲有凍水任斟，慳返唔少飲品錢。另外加咗壺龍眼蜜，好滋潤！埋單每人$300左右，食到捧住個肚走。而且呢度嘅座位都幾舒適，都幾適合一大班人嚟吹水打邊爐。…查看更多

今日放工同朋友搵食，嚟到太子呢間門面低調嘅The Stekhaus，餐廳環境都唔錯，主打幾款牛扒，但亦有豬/雞/羊或者意粉等主食可以選擇，食完覺得整個用餐體驗都幾唔錯。前菜同主食：首先講吓個安格斯Prime有骨肉眼 (15oz)，呢度嘅牛扒冇得揀生熟程度，但嚟到切開牛扒見到粉紅色肉心，亦夠肉汁，食落軟嫰美味。伴碟仲有黑醋沙律菜清清地，正好平衡返油膩感。朋友嗰份安格斯Prime牛肩胛扒 (7oz) 都唔弱，雖然係100蚊有找，但係牛扒同樣帶粉紅又有肉汁，仲有啲油脂夾雜係中間，食落好滿足。伴碟仲有原隻烤大蒜，蒜香配牛扒，味道層次再豐富咗。另外牛扒可以加錢又唔同嘅小食。我哋加咗$78試試佢個香辣芝士龍蝦 (半隻)！龍蝦新鮮焗起，面頭鋪滿芝士，肉質食落都算爽彈鮮甜帶點海水味，$78當然唔會要求係新鮮龍蝦咁超爽超彈，但佢嘅味道絕對已經對得起佢嘅價錢。小食同飲品：黑松露和帕瑪森起司炸薯條即叫即炸，熱辣辣上枱，芝士碎鹹香惹味，再點d松露沙律醬食係邪惡而停唔到口嘅組合。飲品叫咗荔枝接骨木梳打，清甜解渴，正好中和返牛扒同芝士嘅濃味。甜品：最後以傳統Tiramisu作結，咖啡同酒香平衡，口感軟滑，而且唔會過甜，食得出係心機自家製嘅味道，為呢餐畫上完美句號。真心覺得呢個甜品值得一試！…查看更多

今日同朋友去咗佐敦呢間「不倒翁中日火鍋料理」打邊爐。餐廳位置幾方便，就喺新寶廣場2樓，地鐵出口轉個彎就到，裝修光猛整潔，我地被安排坐卡位，坐得幾舒服。我哋叫咗個極上火鍋二人餐。首先揀鍋底，有八款選擇，我哋揀咗秘制沙嗲鍋，湯底濃郁得嚟唔會太鹹，撈底仲有啲花生粒。食火鍋料之前有個日式魚生刺身拼盤，當日有希靈魚、吞拿魚同八爪魚。之後其中一個主角海鮮拼盤可以有龍躉片、海蝦、鮑魚、桶蠔、聖子王同鮮元貝之中任揀三款，我哋揀咗龍躉片、鮑魚同鮮元貝。龍躉片切得厚身有咬口，無骨啖啖肉，魚樣帶膠質；鮑魚仔彈牙又冇雪藏味，都幾大隻；鮮元貝唔算大粒，但好鮮甜。肉類有頂級雪花肥牛肉（細），雖然係細份，但份量都唔少，油脂分布平均，淥完之後入口即化，牛味濃，同沙嗲湯底超夾！鎮店水餃皇絕對係驚喜！每隻都有3隻原隻蝦同木耳，皮薄餡多，蝦肉爽彈，木耳增加口感，推介！手打四寶丸有牛丸、蝦丸、墨魚丸同鯪魚丸，每款都真係手打，食到粒粒口感，尤其蝦丸，鮮味突出。韭菜餃韭菜香濃，餡料飽滿；唐生菜新鮮爽脆；生麵吸晒湯底精華，食到尾聲淥個麵，完美收官！飲品包咗每人一杯竹蔗水或酸梅湯。最後餐廳仲送咗甜品椰汁糕同桂花糕，為呢餐畫上完美句號。…查看更多

同朋友係海港城血拼之後，喺附近搵食。呢間餐廳似係新開，裝修幾雅致，坐得好舒服，幾適合同三五知己慢慢食、慢慢傾👍。🔸精選滬式涼菜拼盤原拼盤有五個冷盤，皮蛋豆腐、醉嘉美雞、鎮江水晶餚肉、蒜蓉拍黃瓜、四喜烤麩，但當日可能無四喜烤麩，店員幫我哋轉咗做老醋拌海蜇頭！皮蛋豆腐非常嫩滑，仲配埋有啲口感嘅肉鬆；醉雞味道啱啱好，我哋嗰個仲係雞髀位啖啖肉添；水晶餚肉凍香Q；拍黃瓜夠蒜爽口好清新；海蜇頭爽脆到啪啪聲，醋香酸度啱啱好仲整到啫哩形狀可以細細粒咁食，係個開胃小食！🔸招牌炒飯必叫，足料，由蝦仁、蟹肉、帶子粒同蟹子拌炒，炒得乾身又夠鑊氣，米飯粒粒分明，又唔會太油膩！🔸豆沙鍋餅 我哋叫咗個甜品收尾。呢度嘅豆沙鍋餅同方間真正上海舖食嘅有少少唔同，呢度嘅係餅面面頭會鋪滿芝麻煎，豆沙餡唔算多，但唔會太甜，食落都幾香口。…查看更多

今日去咗尖沙咀海旁散步，晚上入去K11 Musea B2樓嘅Foodcourt搵食。其中試咗拉麵店——「次郎拉麵」嘅招牌三色拉麵。??Signature招牌三色拉麵 一碗拉麵有齊雞肉、牛肉、豚肉三款肉，仲有原隻溏心蛋！雞肉嫩滑，牛肉係比較高質嘅肥牛，豚肉肥瘦適中，湯底本身係豚骨湯，但我加咗$10轉咗「香濃海老湯」，真係冇改錯名！湯頭超濃郁，拉麵就係鍾意呢種重口味。😋 雖然本身拉麵已經跟咗木耳絲同埋少量嘅荀，但我都另外再加$12要多咗荀，爽脆清甜，同濃湯好夾！??靜岡綠茶（+$20） 食濃湯拉麵點可以冇嘢飲？單買左枝日本靜岡茶。另外呢度其實有個$148套餐可以包一碗拉麵一份炸雞同一支嘢飲，不過我驚自己食唔曬咁多肉就冇叫喇，但其實套餐抵食好多。…查看更多

今日去咗尖沙咀K11 Musea行街，順便試吓B2樓Food Playground入面嘅「YumMee」。我地已經係其他餐廳買左主食，所以係呢到純粹叫左個岩食嘅雜錦小食拼盤，一款拼盤有齊6款小食，啱晒我哋呢啲咩都想試吓嘅人！拼盤包括：🍗 香茅單骨雞翼 – 帶點香茅味，炸得啱啱好，外脆內嫩，仲係單骨食起上嚟更方便！🌯 春捲 – 脆卜卜，入面係蔬菜餡料，唔會太油膩。🐟 魚糕 – 食落有啲似台灣甜不辣，有點彈牙煙韌口感。🍢 魚餅 – 味道香口，點埋佢哋嘅甜辣醬更惹味！🍖 沙爹雞肉串 – 沙爹醬濃郁，細細串，啖啖雞肉！🥟 炸雲吞 – 薄皮超脆，入面有少少肉餡，好香口。環境方面，YumMee位於K11 Musea嘅Food Playground美食廣場入面，雖然係開放式空間，但座位都算寬敞，我地仲坐到卡位，燈光柔和，坐得幾舒服。成個環境乾淨企理，加上K11 Musea本身設計感十足，食完嘢行吓商場都係一種享受。…查看更多