TonightEatWhatDish的個人專頁

相信喺觀塘/牛頭角返工的朋友就算無食過，基本上都會聽過阿元來了。平日lunch time 如果唔早少少去排隊條隊就長到唔使食。今次收工後去食，唔算太多人。今次叫咗: 台南擔仔麵 - $40 👍🏻每次嚟基本上都會叫，湯底好香蒜味，麵硬度啱啱好炸甜不辣 - $35 👍🏻甜不辣好煙靭，老婆最like炸魷魚 - $44 👍🏻魷魚炸得好香口，一貫高水平雙色香腸 - $42 👍🏻👍🏻小弟最like，市面上台灣腸質素好參差，呢度食到的係台灣的味道同甘香楊枝甘露刨冰 - $49 👍🏻👍🏻一坐低有個姨姨就大力推薦，話係新推出好抵食，一嚟到個冰好大盤，好多芒果果肉而且食落覺得似係愛文芒的味，呢個真心可以一試P.S. 餐廳轉咗用QR Code 落單，夜晚去食唔知點解個menu無咗蛋餅 🥲…查看更多

今次去荔枝角同朋友食飯，搵下D2 Place 有咩食，一入到去D2 Place Two 就見到大大個牌寫住8:30 後入座 a la carte 散叫半價，一於try try。今次叫咗: 雞肉凱撒沙律 - $118 -> $59 👍🏻正正常常水平，如果用$59 去計，都算好大碟，雞肉唔會好乾Fish & Chips - $138 -> $69 👍🏻魚好脆同唔會乾! 有2 大舊，半價後真係超值，薯條就正正常常菠菜意粉配煎帶子 - $168 -> $84 👌🏻意粉正正常常，帶子煎得幾香! 老實講如果跟原價計就有d 偏貴，不過半價後覺得平過合理水平燒排骨 - $198 -> $99👌🏻半價後亦都係覺得非常抵食，個人覺得可以重口味多少少芒果沙冰 - $65 -> $32.5 👌🏻 同平時飲開泰國果隻比會再似冰d，無咁"傑" 另外朋友叫咗少少其他野飲，啤酒無得半價有d 可惜…查看更多

話說有次去九龍城揼骨，順便問咗泰國人會推介邊間泰國餐廳，結果就去咗泰仔試下，今次已經係第N次去。今次叫咗: 泰式燒豬頸肉 - $88 👍🏻豬頸肉好厚而且份量好大，加埋個汁都幾惹味，不過上次炭香味香d，同今次舊肉肥咗d ，但都仲好好食泰式蝦炒金邊粉 - $78 👍🏻泰仔d 炒野一向都好有鑊氣，金邊粉今次第一次試，好食! 蝦都好大舊椰汁雞湯(細) - $78 👍🏻椰汁雞湯入面的料多到傻，感覺上好似仲多過叫咖喱芒果沙冰 - $30 👍🏻對比其他泰國餐廳都唔算貴，味道就正常水平…查看更多

上星期 Aeon 有連續5日會員感謝日，狗衝去掃貨再食個飯，Megabox 泊車優惠抵就大家都知，買夠$100 就泊得4個鐘。今次叫咗: 三文魚火山丼 - $155 👍🏻基本上次次嚟都會嗌，三文魚係角切但係唔會覺得好cheap，好有三文魚魚味，吞拿魚蓉都好香好食，感覺幾新鮮，份量亦都幾足北海豐盛丼 - $208 👌🏻海膽ok 啦，蝦有少少唔夠新鮮，其他水準都ok順帶一提平日生啤 $48 細杯買一送一，好想飲但最衰渣車另外佢的海膽三文魚丼星期一做半價，不過唔知係咪因為半價關係，上次試份量就少咗d。至於環境今次俾得低分，因為食食下見到枱底有d 蟲仔 (之前唔覺有)…查看更多

打完風老婆想食兩草，染布房街同太平道附近多26骨位，見天氣同路面情況還好，揸26 去就最啱。今次叫咗: 滑蛋叉燒飯 - $40 👍🏻飯係一粒粒好靚又唔乾，叉燒切到好幼撈飯食幾好，不過份量唔多，蛋好滑係平時靚茶記炒滑蛋果種，撈埋甜豉油簡簡單單但好食胡椒肉骨茶 - $38 👍🏻肉骨茶香得嚟唔會太鹹，肉好淋一咬就鬆開，記得點甜豉油食豬油渣 - $15 👍🏻香口脆卜卜，食時好有罪惡感但好開心炸雞翼 - $27 👍🏻好香口同唔會乾，有好特別的調味，可能有蝦膏?咖央多士 - $24 👍🏻薄薄地當甜品食到咖央味又唔會太飽整體嚟講都好推介，另外入到餐廳播的係香港經典懷舊金曲，幾有feel…查看更多

今​次去開得寶，返check下平時晚飯有時都會幫襯的公子茶座。今次叫咗: 彩椒生炒骨 - $80 👍🏻好食! 生炒骨個面仲係脆，唔會話覺得好厚粉，不過個人推介未試過的朋友試咗冰梅骨先醬燒茄子魚柳煲 - $80 👍🏻👍🏻個煲好惹味，之前叫過就咁茄子，呢個感覺上更加多香料，仲有魚食! 同樣地唔會覺得個魚好多粉或者硬，下次會再叫呢個唯一覺得可惜係無餐可以加野飲，要飲品晚市要計正價，叫咗個阿華田雪山，老婆好鍾意但我就唔鍾意飲咁甜🤣同場加映之前去食Lunch叫咗個叉燒通粉餐，同加咗炸單骨雞翼，不過不失，單骨雞翼個人覺得可以重味少少…查看更多

​今晚去開黃埔，一於去豚道樂食拉麵，作為小毒毒的我入到去最先留意到的係播緊的音樂，好有親切感，有少少似返咗日本 (好記得有次播gundam seed 的歌)今次叫咗: 魚介豚骨拉麵 - $88 + $15 加特上 👍🏻👍🏻辛辣味增拉麵 - $83 + $15 加特上 👍🏻2個拉麵一次過講，麵一如以往有水準，本身跟的叉燒唔係腩位但一d都唔會覺得柴，特上果舊腩就不得了，好淋同食落有肉的油脂香甜，正。湯就2個都試咗，魚介基本上就係木魚片的味，好濃好香，個人覺得好食過辣味增，辣味增個湯有少少偏咸。最掛住的都係前排有個魚湯，食到嘩嘩聲。蒜蜜腩肉 - $30 👍🏻👍🏻👍🏻每次嚟都必點! $30 有3大塊，加咗d 糖同類似蒜粉喺面燒，好香甜非常正。個人鍾意有一次嚟燒得燶d 同多d 糖，有少少食緊豬肉乾的味，仲正…查看更多

​今晚收工又去德福，老婆想食上海菜，就去呢間。首先講下點解環境俾咁低分: 一入到去哥哥帶我地去搭枱，衰多口問咗句有冇得唔搭，就帶咗我地入最入的2人枱。懷疑張枱係俾員工休息，成張櫈都係懷疑面包碎，枱旁的牆d醬汁彈到成牆都係都無人清潔，最慘係坐咗一陣個身開始身痕........講返野食，今次叫咗: 四川擔擔麵 + 排骨 - $63 + $36  👌🏻麵幾好食! 真係似係拉出嚟，麵係有粗有幼果隻，不過無之前食標榜即拉果d 咁煙靱炸排骨好厚，厚得嚟唔會太硬，炸粉唔會話好厚，但個人寧願分2 塊薄的... 雲吞雞湯 - $52 👌🏻中規中矩，$52 會覺得少少貴小籠包 - $43 👍🏻小籠包好食! 好多肉汁爆出嚟炸雲吞 - $45 👌🏻其實唔錯，不過可惜的係上碟時個底好多油，如果加返塊吸油紙會好d桂花酒釀丸子 - $40 👌🏻桂花味好香，丸子份量唔太多…查看更多

之前喺Mano 食過晚飯都已經覺得呢間野好拿正，今日lunch time 有時間去搵老婆食lunch，一於試下中午! 喺觀塘區講緊食個茶記都好易 $6x - 7x，今次加多少少每人一舊水左右，個質素已經差好遠! 今次叫咗: lunch set: 烤半隻雞 配沙律 - $98呢set 野夜晚食要成2 舊水，雞腌得好夠味，加埋黃薑汁 (?) 食好夾，今次略略老咗d 但都仲係唔會好鞋好乾，老婆話上次食一切開就爆汁，下次再試下，推薦lunch set: 西班牙腸水牛芝士長通粉 - $98長通粉唔係平時果隻而係再幼身d，水牛芝士好很好食，都係推薦同場加映，之前晚飯叫的海鮮pizza，有煙三文魚、蝦肉、魷魚，餅皮係手工做的就咁食都好好食好鬆軟，芝士份量好足好拉絲，一啖咬落去滿滿都係芝士香，嗚呀，另外魷魚唔會好難咬，煙三文魚油香好夠，好很好食，超推寫完好想快d 再去食…查看更多

星期日中午老婆想去行誠品順便食個lunch，一於用海港城泊車優惠食夠$300 有3+1個鐘免費泊車。停車場一落就見到度小月，之前都已經行過幾次見幾多人，唔想再周圍搵野食就入去試下今次叫咗: 擔仔米粉 - $38個樣好靚但食落略嫌唔夠味同唔夠湯肉燥飯 - $38唔錯，飯係珍珠米烤紹興香腸 - $63好食，同喺台灣食的係一樣，烤得好香蚵仔酥 - $86有點驚喜，唔會覺得好腥，蚵仔都幾大粒，粉唔太厚紅豆仙草珍珠 - $53 同想像中的味完全一樣，不過不失，不過都幾細碗整體嚟講食物質素唔差，但係份量整體都係偏細份，因為早餐食得晏所以都還好，下次會想試小菜…查看更多

星期五晚收工渣個車去黃埔食飯，用黃埔新天地泊車優惠食夠$200 有2個鐘免費泊車。本身想食好耐無食的時新但係原來佢地收7:30 🥲 唯有轉場去睇下附近有咩食。都已經好肚餓見到附近有間靚靚仔仔西餐廳，就入去try try。今次叫咗: 南非生蠔 - $30/pc生蠔好新鮮同鮮甜，個汁都唔錯，推薦!莎樂美水牛芝士pizza - $128餅底係好薄好脆果隻，芝士份量都幾夠，唔錯唔錯鵝肝蟹肉意粉 - $168鵝肝好香，唔會覺得好肥膩，不過不失，不過呢個價錢感覺貴咗少少炸蟹餅 - $58一嚟到個份量有d 嚇親，真係幾細舊下，不過食落全部都係蟹肉，重質不重量，個汁幾清新Kirin 生啤 - HH$58 HH 價錢幾抵飲，如果可以再凍d 就好值得一提係去果日現場有鋼琴表演，係之前在台灣出show 的鋼琴，作曲家，可以搵佢點歌~ 老細都好親切會問你野食點樣，最後仲送咗2份 movenpick 雪糕 😆…查看更多

今次繼續係收工去德福食，食夠$300 有2個鐘免費泊車。之前有朋友介紹過呢間墨西哥野，又想食下西餐，就一於試下!  環境唔錯枱櫈都好新坐得舒服。食物幾有驚喜，Dinner set 有湯有野飲咁，對得住個價錢! 主要推薦: 小龍蝦burger - 首先賣相已經好吸引，小龍蝦份量好足，肉同包以及整體調味都好好 ! 個包一d都唔覺得會好乾，加埋上面隻椒食幾過癮，呢個下次可以encore! 另外，薯條好拿好食紐約薄餅 - 餅底同之前食過即搓的係好相似，就咁食都好食，芝士份量中規中舉，如果再多d 就好煙三文魚意粉 - 同場加映，另外一日都真係走返去，試埋煙三文魚意粉同香菇夾餅，意粉好食!! 係頪似新鮮製果種意粉，煙三文魚大大舊又好滑身唔會好柴。至於個香菇夾餅，如果入面係肉同芝士我應該會鍾意🤣…查看更多

今日收工去德福食，食夠$300 有2個鐘免費泊車。見有新居酒屋又想食下日本野，就入咗去，環境唔錯枱櫈都好新坐得舒服，食物價錢就少少偏貴。今次叫咗刺身盛合、三文魚手卷、八爪魚丸、燒蕃薯、焦糖奶凍主要推薦: 刺身盛合、焦糖奶凍刺身盛合 - $188 有五款刺身，每款2切，刺身都好厚身而食落無筋，平時最怕食唔到魚味但呢度魚味幾濃!焦糖奶凍 - 老婆好鍾意，下面奶凍部份好香蛋味，幾特別其他食物都不過不失，下次試埋壽司…查看更多

今日出車去尖沙咀用埋海港城免費泊車食個飯。泊好車落幾層嚟到平時得閒都會嚟下的芽莊! 主要推薦 越式魚露蝦、芝麻蝦多士、鮮茄蟹濛粉越式魚露蝦 - 比起一般泰國菜舖頭，呢盤魚露蝦有成20隻! 份量非常足，食落好夠味，都有d 辣芝麻蝦多士 - 咬落去個蝦多士感覺上90%都係蝦肉! 多士部份好薄好薄，食落無想像中彈牙但幾香鮮茄蟹濛粉 - 個粉入面真係有半隻蟹，同湯都有好多蟹肉! 個湯鮮甜，紮肉好爽口一如以往的高汁🥲…查看更多

經朋友介紹嚟到觀塘成運工業大廈樓上的 Little Box Dining。店內的裝潢簡約但算係坐得好舒服，店員都好有禮貌，睇得出個後生老細好有熱誠，會出嚟問下有冇邊度做得唔好，令人想同佢講聲加油!食物方面好有驚喜，所有食物水平都絕對對得住個價錢。主要推薦 西班牙黑毛豬肉眼扒、炒西蘭花苗同法式班戟西班牙黑毛豬肉眼扒 - 肉質鮮嫩多汁唔會乾唔會鞋，加埋上面pat 牛油好香! 薯蓉都好食炒西蘭花苗 - 最有驚喜，調味調得好好，可能最近出街少食菜，一上完菜食下食下就無晒法式班戟 - 班戟鬆軟得嚟煙靭，水果份量都幾多，唔錯唔錯呢間小店值得俾更加多人認識，呢個價錢，呢個質素，值得再嚟…查看更多