siu bui的個人專頁

在網上看完食評之後, 看到水準像不錯, 便相約兩個朋友一同晚飯餐牌的選擇雖然有過百款, 但主要都係飯, 拉麵, 冷麵, 壽司同小食, 比起和民選擇少, 極其量只可算係一間便食店, 格調有點似日本地鐵站入面的咖哩飯店我食左:咖哩豬扒飯, 個咖哩汁其實都OK, 仲好欣賞幾件薯仔同紅蘿蔔, 切到大大粒, 不過件豬扒就極多肥膏, 食完滯到半夜兩點半, 難道反底脂肪作祟?壽司叫左一件三文魚, 兩件北寄貝, 一件珍寶帆立貝, 兩件蟹子, 料OK 新鮮, 但壽司飯唔好食, 一件一件叫, 所以以為平, 但其實唔係蟹腳拉麵: 湯底比較多油, 隻蟹腳幾大隻 (外觀上). 但原來無咩肉, 拉麵的質素一般, 價錢雖然平過DOMON, 但質素差好遠最好味只係個溫泉蛋, 糖心好味, 但其他食物都失望…查看更多

每逄月圓之夜, 就想起食甜品, 就同人狼一樣, 分別係佢吸血, 我食甜品講笑JE, 只係剛係中秋夜, 想食甜哈但又想食咸野, 於是就去到B仔, 一坐低, 首先食一碟辣雞翼尖先, 味道好辣, 蒜頭, 味精, 令我一隻又一隻咁放入口, 不過, 好似份量少了, 以前食一碟差唔多有三十隻, 但而家食, 就只有廿隻左右B仔船有一舊大大舊的COOKIE AND CREAM 雪糕喺面, 好食過以前的芒果味好多, 不過D椰果有陣香水味, 怪怪地 蜜瓜, 西瓜, 香蕉大大粒, 仲有蘆薈肉, 以前食係無的鹵水雞蛋三蚊隻, 叫左兩隻食, 味道OK啦, 再入味會更好食老字號, 爛船都有三跟叮, 月圓之夜又會幫襯…查看更多

未寫之前, 想問OPENRICE的餐廳推介一欄的餐廳, 係OPENRICE的編輯真的推介, 還是係餐廳賣廣告的? 因為之前跟餐廳推介去食, 唔係間間都好食今次食金寶甜品, 都係因為餐廳推介的指引關係, 舖都開得幾僻跟據介紹, 主要係賣芭菲的舖, 所以都係以芭菲作為今次之試食目標 我選擇了一客拿破崙芭菲作為是次之甜品, 拿破崙做得幾脆, 入面有雲呢拿,吉士, 芒果和士多啤梨果肉, SIZE都幾大件, 剩係件拿破崙都可以自己做一道甜品了下面再配以芒果雪糕，CREAM同紅豆一齊食, 味道就真係幾豐富的, 不過我又覺得有些少什不甩咁, 幾樣野都OK好味的, 只係我覺得紅豆好似中式左少少, 係美中不足的地方, 如果改用朱古力雪糕代替可能仲好食, 即係成杯都係雪糕更好舖幾清潔, 不過侍應比較大年紀, 形象無咁YOUNG, 日本甜品多數都有後生女SERVE的GENERALLY, 都可以一試的…查看更多

同女友想去食our wonderland, 想打電話訂位, 但唔受, 叫我walk in, 之前幾次都受的, 今次例外...上到去, 店員話等第三張, 咁我就等啦, 不過等等吓兩個人擱搭立上嚟即入, 真係一頭霧水, 問店員點解, 佢話係之前訂定的, 雖然佢好有禮貌, 但, 我內心當然不快...食物叫了一個夏威而pizza, 一碟carbonara, pizza的味道.... 可以話係好食的, 但又可以話唔好食, 因為一個pizza四件, pizza好薄, 邊位好燶, 口感其實一點都不好的, 有點似食炭的感覺, 好的係中心的芝士, 菠蘿好好味carbonara都幾好食, 很多芝士汁, 味道很濃, 但可惜的是想食最好味的墨西哥雞卷, 配沙沙汁, 居然話無得賣... 有點 "頂"!整體水準, 比半年之前食的一次, 下降得幾緊要, 加上座位的安排, 下次都係要去其他地方試p.s. 可能而家用太多part-time, 服務係有禮貌的, 但一點都不熟手..…查看更多

一家人食的飯局, 我會強烈建議去泉章居今次食物包括了一個大的冬瓜盅.. (198蚊一個, 但叫套餐只係98蚊), 冬波肉當然係唔少得的, 仲有蔥油雞同蒸大鱔, 炸大腸雖則今次的幾碟餸已經係細碟左, 但可以肯定, 每一次嚟食都係食唔哂居多, 唔係因為唔好食, 而係份量都真係有番咁上下! 個冬瓜盅主要係令大家有湯飲所以先叫, 不過味道都幾有水準, 雞粒, 蝦肉, 冬瓜粒份量很多, 四個人每人都分到差唔多兩碗半, 見全場一半人都有叫, 可想而知幾受歡迎冬波肉真係無得彈, 以前第一次食覺得咁多肥膏一定好滯, 但佢實在係太好食喇, 食吓又一件, 食吓又一件咁, 我自己食左五件 好可怕, 肉一點都唔un, 甜甜的味道一試難忘蔥油雞好好味, 不過肉比較少, 因為隻雞比較肥, 膏太多, 蒸大鱔份量又係極多, 鱔肉好爽口, 豉汁蒸的, 一家人食到好滿足, 因為一定唔怕唔夠食, 炸大腸又係一水準之作, 好食份量夠多, 一定唔擔心食唔飽, 泉章居的食物味道又好, 所以又點可以唔推介…查看更多

我之前已經不只一次聽過有朋友提及山窿的名字, 一嚟名字實在特別, 好易記, 二嚟唔只一個朋友識佢, 所以一有機會就去試一次我食魚旦米, 女友食牛丸米, 加一碟炸魚皮. 湯水好清, 起初以為味道會淡, 誰不知原來都幾夠味, 魚旦細細粒, 容易食, 唔算好爽口, 但感覺上魚肉的比重佔了大部份, 係真真正正用魚肉打出嚟, 味道當然係好啦. 魚片細細塊, 又係好鬼好食嗰種牛丸雖然唔係招牌貨, 但係都唔失禮, 又係細細粒的, 此乃此店的一大特色, 細細粒, 好好食!炸魚皮又係好好食的作品, 脆得嚟好有魚的味道, 好值得一試的…查看更多

食嚟食去, 都搵唔到一間食蟹好食過佢的食店, 所講既係蟹增盞由一年前開始幫襯佢到而家, 差不多一個月都會去一次的, 今次同四個朋友又去到食, 食到佢地lam lam 脷!我地食左一碟避風糖炒蟹, 一隻霸皇雞, 一碟炸豆腐, 西蘭花炒帶子同埋干炒牛河! 紅酒自備! 炒蟹的味道係香噴噴的, 蒜容,辣椒, 大蔥做的金沙, 把一隻十四兩左右重的大蟹炒到好好食 隻蟹好新鮮, 所以蟹肉好有彈性, 仲好鮮甜, 朋友全部都食到好滋味隻雞好油, 但不得不讚佢地既秘製蔥油, 大量的洒在隻黃油雞之上, 好味到暈 炸豆腐有脆脆的外皮, 用一些蒜蓉辣椒伴炸, 做法有點像避風塘炒蟹, 有異曲同工之妙西蘭花帶子水準可以, 雖然沒有什麼特別之處, 但師父處理不過不失, 牛河的炒法都係有點像避風塘的做法, 故不多說了其實佢地都有紅酒供應的, 但朋友的chateau lafite 確是一佳釀, 如果沒有自備紅白酒, 不妨試試house wine食避風塘炒蟹, 蟹增盞係我信心的保証…查看更多

最近日本壽司的戰爭已經進入白熱化, 價錢減到你唔信的階段, 無他, 太多壽司店了, 供過於求, 自然市場要調節啦連doraya都有壽司賣了, 從or 找到這間推介食市, 令沒有主意的我, 跟女朋友二人撐枱腳去我吃了山芋蓉吞拿魚飯定食, 跟女友share, 再加帶子, 海膽, 三文魚壽司各兩件山芋的味道, 不很明顯, 像淡淡的味, 但吞拿魚就有濃厚魚脂鮮味, 加上紫菜絲, 吃得我津津有味, 吞拿魚專用的醬油, 味道不會太濃, 用上吞拿魚身, 味道合適壽司的味道一般, 不過材料好新鮮, 像海膽, 很鮮甜推介的餐廳, 沒有失禮, 讓我滿足的吃的好, 大家不妨跟or 的推介試試…查看更多

想起上環的潮州食檔, 老遠又去食一次款式有咸有甜, 咸的除筍之外一律三個半, 甜的就四蚊個, 唔知點解, 咸, 甜, 一樣咁大個, 但係會貴五毫, 不過點都好, 都係平吃了兩個椰菜跟兩個蘿白, 這個小糕點最引人之處, 係煎的時候用上豬油, 不信可以試試買個回家但用花生, 粟米, 又或者芥花子油煎, 一定無現場咁好食, 蔡瀾講得啱, 豬油的確有佢可愛的地方, 這又是一例證!老友愛吃韮菜, 但這個不是我杯茶, 味道有點似草, 還是吃蘿白好…查看更多

昨晚大伙兒飛車入元朗吃了一餐b仔涼粉, 回家想起很久沒有寫食評了, 就用b仔的雞翼尖作為回歸之作吧雞翼尖相信係b仔的其中一個皇牌菜, 八枱附近的客之中, 六枱都有叫, 同豬腸粉一樣, 雞翼尖用圓碟裝住, 這道蒜椒雞翼尖, 味道激辛, 兩個兄弟當場投降, 辣得滯食唔到 可憐的他們眼巴巴看住我等三人勁食不停腸粉係舊式美食, b仔做得不過不失, 因為唔係好滑, 勝在甜醬辣醬齊全主角b仔涼粉其實都係普通, 勝在滿佈不同的生果, 像西瓜, 蜜瓜, 紅毛丹, 椰果, 香蕉等, 但包括涼粉在內, 味道無大特別的地方雖然普通, 但揸好遠路程車去食甜品, 有另一番樂趣, 所以會得閒嚟食…查看更多

好耐無寫食評喇,考完試,又可以周圍食,周圍玩,yeah!!今日最有印象就係喺築地食左八爪魚丸,一盒六粒,八爪魚丸燒到香噴噴,八爪魚肉大大粒,好好食呀!佢地既日式燒醬味道好好,我有啲後悔點解唔叫大盒,但係又怕十粒又穴係食唔哂,少食多滋味,算啦,下次再食過!跟餐加埋杯凍綠茶,完美!…查看更多

半夜十二點,仍然可以一盅兩件!我比較鍾意食佢個棉花雞,件鮑魚菇好好味,但係件棉花就...係豬皮...不過價錢咁平,算!盅頭飯我食左北菇雞飯,味道都好好!蝦餃雖然細細粒,一樣唔錯!當然唔係大酒樓質素啦!…查看更多

此店係我近期最愛!椒鹽賴尿蝦,係十分大隻既賴尿蝦,淡淡肉,避風塘既金沙令到我食慾大振!!再嚟多個椒鹽鮮魷,係另一種椒鹽,鮮魷係墨魚,個汁好特別,一定要試!炒碟菜心,蒜蓉炒,好食!干炒牛河,都好好食,因為有金沙,味道香口!蟹肉魚翅,一百三十八一份,翅多蟹肉鮮!好食呀!!…查看更多

又再一次來吃,吃既係海南雞飯...四十蚊一份,價錢中等!有一碗菜湯,一碟雞,一碗油飯...味道方面,油飯幾好食,但好似用醬油煮,雞幾滑,菜湯一般,最好味係個點雞醬!都唔錯!…查看更多

我係尋日去食...我食左個芝士漢堡,嚟既目的好簡單,係想印證大家既睇法!試完之後,得出嚟既結論係味道一般,同一般既茶餐廳既味道差不多,只係落多左一點洋蔥!又唔係唔好食啦!…查看更多