chasiugut的個人專頁

同朋友去東岸公園行下行完睇下附近有冇野醫肚一路行行下北角匯雖然係新商場但好多都係連鎖店正當諗緊要求其食之際突然比我地發現而間位於地面既小店綠色主調既裝修睇落簡約又時尚加上望打我最中意既台灣菜於是決定同朋友好好試下兩個女仔食唔到幾多野於是決定主食小食甜品一齊share咁岩而間小店品項都齊全連台式飲品都有好多款岩曬心思思想樣樣試下既我地嗌左咁多樣野拌麵幾足料 醬汁夠 香而不膩甜不辣香脆 算係比較少香港台式餐廳有提供有驚喜蛋餅有啲似手抓餅 比較酥脆 而且係手捲狀但亦非常足料 啖啖肉 滿足芋圓亦非常唔錯 煙韌 唔會過甜整體都可圈可點有機會尼北角可以再戰( ╹▽╹ )…查看更多

呢排疫情好多打工仔都Work from Home，難得今日返公司搞啲行政野忙得滯冇食到晏晝個餐，終於忙完可以抖抖，就撩同事一齊落去食Tea。落到街唔知係咪餓得滯，唔係好想食甜椰椰嘅野，行到be leaf門口望到佢嘅tea menu竟然同晏晝正餐差唔多，好多選擇，而且成間餐廳裝飾都好多打卡位，於是就同同事一齊入去試吓。由門口啲石頭小路，到米白色主調嘅乾花拱門，以至些少金、綠色裝飾點綴嘅波斯米亞風餐設，全部都令人感覺好舒服，又不失高貴優雅。門口外仲有個長膊，俾人簡單坐係到chill杯咖啡，好寫意。港女嘅我見到佢嘅烏籠都忍唔都打咗好多張卡，所以非常推介同女仔frd/情侶嚟。我就叫咗個雞胸肉bagel,個bagel鋪滿滿滿嘅芝麻，仲要小烘過，非常香口，雞胸肉一啲都唔太柴，配埋千島醬同蕃茄，每一啖都好滿足。食完再加埋個焙茶巴斯克焦香芝士蛋糕，唔知係咪因為啲焙茶味非常濃，中和曬芝士蛋糕本身嘅漏，減少左罪惡咁haha同事行跟生酮飲食，所以佢叫咗個三文魚沙律同豬鞍，落餐嘅時候個手機app好窩心咁俾你揀走汁/醬，令我同事都食得好安心又好味。…查看更多

好日唔入粉嶺前幾日入去行山加露營正式上山前當然想食飽飽先上路search下粉嶺有咩食發現好多人都推薦辣辣屋尤其係雞煲同烤魚我個人偏重口味 超中意烤魚於是同朋友拍板決定去試點知去到發現 原來lunch係冇烤魚雞煲😭將錯就錯 見到佢啲普通既茶餐set價錢都平一場尼到唔好哂一於用食烤魚既budget豪食茶餐於是我同朋友分別嗌左雞扒all day breakfast跟脆脆豬同埋芝士雞鎚公仔麵另外亦試左啲小食 例如泰式鳳爪沙律 臭豆腐 仲嗌咗佢話係招牌既咖啡all day breakfast 相當有驚喜雞扒大塊 煎得香脆juicy 伴碟蘑菇都炒得好香跟餐仲有招牌脆脆豬 超香脆 又唔會死硬配埋香甜既煉奶超yumyum其他餐點都可圈可點 水準不俗而且超足料係超抵食既茶餐廳🦦🧡…查看更多

長沙灣深水埗依頭咁多cafe真係好難揀🙈又要打卡，又要野食好味，又要可以坐得耐同閨密傾計，boholic就好似出奇蛋咁一次滿足你三個願望～入到cafe已經覺得好靚好療癒，以白色為主調嘅室內設計，配合埋淺木調嘅餐廳家具，營造一個好休閒又chill嘅環境。餐廳每個角落都擺設咗好多綠色植物，盡顯店主想營造舒適氛圍嘅小心思。Menu上面提供好多菜式選擇，非常多元化。令天秤座嘅我一度陷入選擇困難症，不過最尾都揀咗最basic嘅all day breakfast同有我最鍾意嘅海鮮main。(p.s. haha 店主好有心機,會間唔時轉下menu,咁高質翻撻再食都冇問題👍🏻）香煎北海道刺身帶子配吉列廣島蠔貝果包bagel控嘅我本來就對bagel好有要求,要外脆內煙韌有咬口，不過呢間餐廳都算係做得唔錯above average,從包嘅切割面睇得出少氣孔，所以食落偏紮實煙靭，表面仲有少少白芝麻，非常香口，配埋牛油果醬同蕃茄令到食落去更加fresh。主角帶子同蠔，更加唔使講，香脆一流，好好味。皇牌boholic全日早餐平時食嘅all day breakfast肉方面都只係得煙肉同香腸，但boholic就好唔同，非常足料👍🏻佢會有塊安格斯牛扒同黑松露蛋，對需要從原形食物吸收蛋白質嘅健身人士（港女們嘅男朋友）係個唔錯嘅選擇。牛扒都有驚喜同對得住個價，牛味濃又好咬，完全冇筋🤤提拉米蘇梳乎厘班戟甜品當然係個個女人最期待嘅main～店員好細心，雖然我哋唔記得咗落訂時叫後上，但佢見我哋嗌左咁多main，就自動等我哋食到差唔多，先上個甜品，服務一流，加分加分！boholic secret 有驚喜嘅特別飲品~開頭齋睇menu唔知係咩嘅咖啡，飲第一啖時oh 原來係檸啡，好refreshing ~杯野仲要靚靚，有片乾檸檬喺面～Long black雖然依間Cafe冇提供skimmed milk oat milk嘅奶啡，但想健康啲嘅都可以嗌吓佢嘅long black,咖啡味幾香,幾好飲☺️…查看更多

平時係金鐘附近番工閒閒地食個飯 又唔想食連鎖舖頭既話都容易食左成舊水 對於我尼啲打份牛工人工微薄既社畜尼講都唔好話唔係一個負擔lunch既性價比真係好重要！味道唔差 夠飽 價錢唔貴 就係我最理想既要求尼間舖頭係同事推薦 開頭聽到佢話係自動販賣機買飯盒我仲心諗：咁咪好似ｘ仔叮叮飯咁頹但佢誠意拳拳 我就諗住信佢一次尼到舖頭見到寫住係日本師傅主理每日新鮮製作 好似好西利咁便當種類每日唔同 都有差唔多5-6款選擇我同朋友分別揀左三文魚西京燒 同 牛雞雙拼比完錢後 係部機取出既飯盒暖暖地岩岩好打開飯餸份量都恰到好處 唔多唔少賣相當然冇相咁靚 但最緊要都係味道整體飯盒冇過鹹 調味剛好 入味唔會太多醬汁白飯係珍珠米 軟糯分明燒雞尤其有炭香 惹味惹味價錢質素都相當合理 係打工仔午食好選擇！…查看更多

第一次係海港城真係坐低食餐廳食既就係朋友搏命推介既泰菜餐廳係有海景既手望住海景食飯會唔會特別chill呢🤣餐廳又真係咁岩安排到窗邊位比我地睇住維港夜景食野 個vibe淨係升左幾度先餐廳好大好闊落 位同位之間都好有空間坐得好舒服 一埋到位 就會見到枱面已擺左一小籃蝦片比你可以食住諗要落咩單提供既菜式亦係種類繁多 睇到我選擇困難性發作最後拍板左柚子大蝦沙律 鹹蛋大蝦 金邊粉 同埋雞肉串全部都超足料 特別推介鹹蛋大蝦同沙律沙律配料好多 味道好有層次加上泰式sauce同柚子果肉 超級開胃鹹蛋蝦隻隻大大隻而且均勻咁包覆住鹹蛋醬 唔會過鹹過漏調味恰到好處 超惹味！金邊粉既部份就偏甜 但我諗應該係正宗既味道（？） 而且亦唔油膩 對我尼講幾新穎❤️…查看更多

一如標題，我又尼encore新泰啦新泰係尖沙咀有兩間分店平時去開加拿分道地舖既我今次決定搞搞新意思去下北京道分店北京道分店整體裝修比較摩登啲位於中層，坐窗邊位可以睇下景不過我地個日就坐唔到窗邊了再再再再次向各位隆重推薦我認為既新泰名物：1. 蒜蓉扇貝大大隻 熱辣辣 滿滿既蒜蓉加上拉絲芝士再搭配上鮮甜既帶子 超yum yum😋2. 黃薑雞飯鮮嫩既春雞入面釀滿左炒香過既黃薑飯不單止唔乾 仲粒粒芳香撲鼻 好入味雞焗得亦岩岩好 肉嫩 juicy 輕輕一拮就已經骨肉分離 岩曬我尼啲唔中意lur骨既懶人🤤3.椰青大菜糕我朝思暮想既甜品❤️原隻椰青雪起 清甜既椰汁涷加上一片片既椰肉夏日解暑一流無得頂😳❤️今次仲搞搞新意思棄左我必嗌既椰青 試左椰子沙冰估唔到都有驚喜 拌入椰奶一齊打既沙冰好有椰香同樣係原個椰青上 但啲沙冰堆到好似小山丘咁超抵飲🤣🤣🤣…查看更多

我不嬲都冇點飲開酒 最多打邊爐個陣飲下啤酒好似清酒 燒酒一類既酒就真係完全冇涉獵一尼係冇研究 二尼就算想試下 市面上種類五花八門一時之間都無從入手咁岩男友話朋友介紹左佢依間位於大角咀既居酒屋話有個日本酒放題唔錯可以試下放題分為竹 同 松基本上都包左每人3款關東煮 1款前菜以及1客作為主食既烏冬唯一唔同就係價錢稍貴既 松 package可以飲除左清酒 燒酒 啤酒以外既日本果酒但果酒尼講以梅酒為主 我又唔係特別飲得所以只係揀左平啲既 竹 package店員聽到我地幾乎完全冇飲過清酒就拍心口叫我地交比佢發板介紹初心者向既清酒品酒入前仲有個揀清酒杯儀式即刻覺得自己是品酒大師🤣🤣的確店員推介既兩款清酒出羽櫻 同 雪之茅舍 都非常入門向唔會太辛辣燒喉 入口仲好醇 甚至有果香我尼啲清酒小白都可以輕鬆駕馭放題既關東煮 烏冬 同我地另外叫既串燒都有唔錯既質素 嘆住酒食一流！尤其推介 佢既果物串 同 香辣砂肝超開胃啊！…查看更多

以前講起野餐就覺得少許麻煩又要自己整野食自己裝盒凍野又要入雪袋野餐墊餐具個啲又要全部自備未enjoy到個種chill chill既感覺已經因為拎到一袋二袋身水身汗興致都冇左一半先一直有follow開lagom岩岩見到佢最近好似新launch左野餐套餐HKD 680已經包曬所有野餐用具既租借包括野餐籃 格仔野餐墊 小木盤 刀叉 酒杯 仲唔少得2-4人份量既咸點/甜點睇到佢既menu既陣容同賣相尼講 話係afternoontea既野餐version都不為過！同時仲包左兩款啤酒同冷泡咖啡仲有紮文青乾花比你打卡成個package根本chill爆令到野餐即刻省卻曬啲麻煩又充滿儀式感拎住餐廳幫你pack好曬既野餐套裝中意去海邊又得 公園草地又得或者好似我怕曬怕驟雨 book間酒店房慢慢歎都得！得左！…查看更多

之前就食過佢既銅鑼灣分店但聽講中環分店有靚靚門面裝修你話中意打卡既我又點可以錯過加上上次仲有其他想試既野未有機會食今次一於拉埋朋友去幫襯中環分店一去到門口 就比佢個舖面吸引左簡約既白牆 配上店家logo再加復古綠色既門窗 超有feel！朋友係第一次幫襯 自然要試招牌豬扒飯而我因為已經係第二次既關係就嗌左上次想食但冇嗌到既豬軟骨飯點知咁就被驚艷到！出面有其他店家 話就話係豬軟骨但肉又煮得唔夠軟稔 舊骨仲硬硬地咁但尼度係真係非常入味軟稔之餘又唔會比人一種肉耐左既粗糙感調味亦剛剛好 好送飯 加埋啲肉燥同配菜真係食到停唔到口 係食肉獸大快朵頤既享受！朋友對於第一次食既豬扒飯都讚不絕口份量一啲都唔吝嗇之餘唔會炸得太乾 亦無油溢味 保留左肉汁以後有機會要再encore！…查看更多

心思思想又掛住我最中意既lassi同naan咁岩朋友又未試過印菜一於一齊開拓新美食版圖今次就尼到佐敦既尼間印菜可能係我見識少好少係鬧市見到有印菜開係地舖香港尼講相對小眾既菜系但開得地舖相信一定有番咁上下實力！令我地逼不及待啊朋友第一次食印菜 睇住厚厚既menu揸唔定主意我地於是決定嗌個2人餐包羅萬有 由前菜到甜品 簡直印式fine dining價錢亦比單嗌抵食 岩曬選擇困難症人士特別一提飲品方面本身跟餐係芒果lassi但我個人唔多好芒果 所以問左下可唔可以轉其他lassi店員好爽快就ok左 仲送左我地套餐冇包既脆餅小食 超好人！二人餐整體尼講份量都算多兩個女仔都唔係好食得曬而我最中意佢既天多利燒雞同蒜蓉naan前者惹味 後者酥脆當然其他品項都超唔錯 中上水準價錢合宜 位置方面 你話點可以唔encore！…查看更多

新泰可以話係我係香港最中意既泰菜講緊唔單止係食物既味道餐廳既裝潢 員工既親切 菜式既賣相以上種種加埋 真係帶比你一個相當愉悅既用餐體驗今次再尼新泰 又係慶祝朋友既生日被安排入坐卡位 舒適又寛敞既梳化頭頂有草編造型既燈罩 旁邊又擺放左色彩繽紛既花花整體餐廳氛圍未食飯都開心左先一如既往 嗌左蒜蓉帶子一碟雖然得兩個 但勝在大大粒面頭更係舖滿芝士蒜蓉 超級惹味接下來就試新野 嗌左原隻燒春雞黃薑飯做主食上菜個下我同朋友都嘩一聲雖然係春雞 但份量都唔細下 蜜糖色既外皮泛著陣陣油香 望到都流口水春雞入面釀左炒香既黃薑飯 粒粒分明 金黃飽滿旁邊仲有大量既沙律配菜一睇就知會食到好飽切開雞肉既第一下已經明顯feel 到雞肉既嫩滑擺落口更係印証左我既諗法即使燒焗咁耐 雞肉依然保有juicy黃薑飯更加係炒得超入味 啖啖都好幸福另外 為左顯得健康啲我地亦叫左個炒菜 一如既往有鑊氣高水準最後又點少得我最愛既椰青同椰青大菜糕清甜又解膩 你唔係唔試啊…查看更多

同朋友好中意週末去cafe一尼係貪個氣氛悠閒 環境又令人放鬆 食物又打卡able成個vibe真係chill所以閒時都會發掘下啲cafe同fd去坐平時行開尖沙咀 the one路過見到尼間新開張既餐廳真係有令人眼前一亮小清新木系簡約既裝修 以cafe尼講平易近人既食物價錢同埋menu食物精緻既擺盤令我同朋友蠢蠢欲動想要嘗試餐廳仲設有露天用餐區 但我地都係prefer坐室內因為更享受室內柔和既燈光同舒適既裝修同朋友決定嗌一個沙律 同 兩個主食 share見到佢地主食有丼飯 意粉 或者pizza我地就揀左牛舌丼 同 蟹肉扁意粉另外嗌左個黑毛和牛沙律本身以為cafe啲野都興細細碟點知一上菜個下發現佢份量唔野小尤其係啲肉既份量更係比得好足料岩曬我尼啲食肉獸牛舌同黑毛和牛火侯都岩岩好 又嫩又juicy牛味同油脂感有之餘 唔會太over蟹肉意粉非常掛汁 蟹肉碎份量都足啖啖都可以食到蟹肉絲值得一讚既係佢既蔬菜食得出超新鮮沙律saucing清新開胃又唔會喧賓奪主餐廳地理位置優秀食物水準同環境氣氛不俗下次可以再戰！…查看更多

如果大家有賞面睇過我其他食評就會知道我係唔中意麵包既人但係大大下之後 見識多左會發現我話唔中意麵包 係因為我食過既只局限係平價流水線生產既麵包貴價啲既麵包 原來不單止冇我唔中意既又乾又鞋既感覺仲非常鬆軟 香味四溢 令人一啖接一啖食唔停口今日試既burger亦係咁burgeroom係burger界都算幾有名氣即使我尼啲門外漢都略有耳聞過尼間餐廳今次專程去佢銅鑼灣尼間門店一戰本身少踏足銅鑼灣既我係路痴屬性既加持下都花左一啲時間先搵到尼間餐廳餐廳位於內街 一行入去 感覺好似穿越左去到外國既小社區一樣無論係裝潢擺設 定係成個氛圍 都chill爆因為係食晚餐既關係 外面懸掛既小燈串都著左燈淡淡既黃光 配合播放住悠閒既英文歌未食野都chill左一半先餐廳有分室內同室外既位置 我地則揀左室內靠窗 冇咁嘈吵 但同時又感受到個個氛圍menu係全英文 係google translate既幫助下我地分別揀左兩個burgerHoney Mustard Portobello Chicken Burger 以及 Guacamole Cheese Burger另外仲嗌左 Truffle Cheese Fries 同兩杯Iced Fruit Tea無論係雞肉漢堡定牛肉漢堡麵包都係咬落鬆軟唔乾雞肉經過煎香 入味又juicy honey mustard既醬令佢既層次更加昇華牛肉漢堡既醬用上新鮮牛油果足料而不膩 同牛肉配合得相當不錯漢堡扒亦唔會煎得太乾 保留左肉汁 要比個讚！Truffle Fries松露味非常香芝士既份量亦係毫不吝嗇同時保留左香脆既口感 亦非常推薦總括而言 無論係裝潢氣氛 到食物質素都好值得推介！！…查看更多

生日難得拎左假想食啲平時冇咩機會食既野尼間位於鬧市旺角既串燒想食好耐但次次晚市去排曬長龍一直冇機會入到去試今日就特登避開高峰時間提早五點半入座但係五點半去到舖面嘅時候 可能舖頭因為比較細 本身亦好旺場 仍然呈現幾乎客滿狀態 日日都去老闆就好熱情咁問我哋係咪第一次尼餐廳然後好仔細咁樣教我哋用佢地既自助式燒烤爐第一次見尼種自助式燒烤爐 感覺新鮮之餘又方便 唔洗怕就因為掛住食冇睇火啲肉就咁燒燶曬🤣🤣🤣餐廳係放題形式 係menu 揀完各款串燒既數目就可以遞比店員落單然後串好左既串燒就會一盤盤擺係5層架上面等你料理睇落都咪話唔壯觀！作為放題 食物種類多寡非常重要尼度種類都多 豬牛羊雞魚 樣樣俱全當然唔少得仲有蔬菜同棉花糖全部質素都好高！另外每個品項因為都細細件受熱好均勻 所以都唔會話等好耐先有得食店家亦好貼心咁標示左每個品項既料理時間方便食客參考咁多樣品項既串燒入面最最最令我驚喜既係燒雞蛋仔 與其話係雞蛋仔其實係一粒粒既雞蛋糕金黃脹卜卜既賣相本身已經好討好燒過之後又香噴噴 外脆內軟真係食唔停口 食完一串又一串！為左雞蛋仔 下次一定再encore！…查看更多