Sam.xs的個人專頁

我住港島區，幾年前經過舊舖，抱住試一次既心態去叫左一盒招牌炒米粉，非常好味同夠獲氣，我相信出面既餐廳食唔到喱個味道。自此以後，我每次入元朗，我都會去食招牌炒米。我見到有人講間舖非常有人情味，我親身都體驗過，因為我唔係元朗人，所以我買左盒米粉都唔知可以拎去邊度食，特別係夏天，我問老闆可唔可以堂食，佢即時執好張枱，將風扇對住個位，之後就叫我等食，非常貼心。唔似得出面一般平時食到既星洲炒米，三絲炒米，招牌炒米既米粉口感好唔同，加埋午餐肉，尤魚，䓤同其他配料，非常好味，如果你食得辣，記得加辣呀。…查看更多

只要食過太子總店，就知道灣仔分店有幾差。1. 胡椒湯底只有鹹味2. 薯粉落單寫明要淋啲，出到黎啲粉有啲係未熟。同店員講（戴眼鏡女店員），佢話下次黎食叫人煮淋啲，我即時話咁樣重有下次？佢先叫廚房煮過3. 炸雞扒冇味，重要唔脆就係諗住近少少，所以選擇左灣仔店，真係冇諗過同一間餐廳可以差咁遠，如果係諗住做另一種味道，就唔好用返龍川喱個名啦。本來唔好食都未至於要我花時間出個post，就係因為你個店員既回覆，真係值得我花時間表揚一下。如果要食，就去太子總店。…查看更多