Vopen的個人專頁

而家香港既點心放題，一係貴到同食酒店西式自助餐一樣價錢，老實講，咁既價錢，食老西起碼選擇多呀。 另一種平到成日要排隊，咁既疫情， 排到隊入，大家都太過親近，無論係食客定埋唔會抹既膠/紙板，又或者一出新野要去搶。 呢一間，可能位置比人遺忘，但入面，係2人一枱4人枱係唔會有對角橫切板既。佢有兩個時段，平日同假日分，價錢較親民，尤其係黃埔，仲冇加一呀。食物選擇唔多，但百零蚊一個人，真係值得有餘。 先講唔好既：海南雞泡米線 ～ 唔夠熱、比較油、同埋可以既無骨會好d炸鮮奶、芋條、蘿蔔糕～油同埋唔夠熱藍莓飽～同點心有d唔夾我叫咗既係得呢幾樣唔好，其他都80分架，爆燈選擇 ： 青瓜 、秋葵、魚皮、餚肉、蝦餃、粉果、春卷、奶黃飽，千層糕。 我仲見有人食午餐或下午茶都好靚。 平平地約朋友傾計一個好地方。…查看更多

行街見到有新店，天氣涼涼地就去試下，仲有成5分鐘先開門，已見到有條龍仔。入到去，即使敲響人枱，佢地都係唔係人坐，唔會有埋板插中間就坐定4個人。今日仲有特價，A1同A3龍蝦餐都係98蚊，等就叫咁龍蝦餐同佛跳牆餐，豪一豪佢。食物好新鮮，湯底好好味，但我個佛跳牆就咸咗小小，龍蝦爽口新鮮、蜆甜又滑。不過份量就小咗D。男仕就一定唔多夠飽。食完都唸住大推，點知剛食飽，用緊牙簽撩牙，個職員就行埋黎話要收枱面既野，仲同我地講因為出面好多人等。呢度唔係快餐店，食完杯茶都未飲完就趕人？唔係呀，多人排隊等都唔應該咁催客走呀，老實講，我都唔會霸住張枱唔走。12點入座，12:35食物到，12:45開始食，13:00就趕人走，過份咗D囉。佢地咁樣，好有hard feeling啦，未必會再去啦。…查看更多

見到新餐廳開，就去試一試。未夠12點，去到已見有十幾人排緊，不過好彩都係等咗十分鐘，就有位坐。坐底叫咗兩個午餐，呢度既飯，多數都係分開汁上，好細心，多少自己控制。 豬扒飯塊豬扒大大塊，仲有兩塊咁多，上枱時仲見到扒面既油仲滋滋卜卜咁，熱辣辣。牛扒蛋既牛扒，唔係大集團個隻薄薄，仲有濃濃牛味同埋兩隻蛋。望到其他人食既午餐，好似咸旦肉餅、梅菜扣肉都好吸引，不過會吸引我再去，會係個常餐。我一向都鐘意食早餐多過午餐既人，常餐係我經常食，見到左邊枱個人食緊豬扒麵，右邊枱食牛扒米，大大碗。但我個胃唔夠大再食，唯有下一次啦。臨走，仲見到老細，佢會幫手收野抹枱，親力親為。…查看更多

花園街一帶都有好多類型既餐廳，呢間見門口都主打海南雞同花膠湯飯，見到平時都多人，就入去試一下。我地叫咗咖喱牛腩飯同青咖喱雞飯，先講咖喱牛腩飯，夠林，味道唔差，不過牛腩比較碎，份量變得少。青咖喱雞好香，但個獻濃咗D。不過我建議套餐應包湯包飲品，成本唔會多好多，但令客人又滿足。餐廳既環境，枱太迫，而家加埋疫情間板，坐得好辛苦，人多仲嘈到不得了。😩…查看更多

最近常係旺角Moko ，但食早餐，都想試下旺角其他地方，今日一早就入咗呢間，見佢入面唔多人，座位都比較闊，餐牌看上去價錢都正常。 我又係例牌沙嗲牛肉麵， 等咗一陣就好快送黎。 湯、肉同麵既味道完全分開晒，牛肉份量都算多，但因為好「杰」， 成舊牛肉係凍既；麵底就一般，質地好粉， 但就夠熱，湯味好啖，所以三樣咁樣夾埋，就一般啦。 餐包質地好軟熟，加埋牛油好味。另外兩個人都叫餐肉，但一厚 一薄， 其中一塊燶咗少少。奶茶咖啡就略為淡。 為求食飽、平、坐得舒服，呢間完全合格，但對食物有要求既，就唔建議。…查看更多

之前試咗一次，今日決定再比多次機會。 咁既開頭，好明顯就係失望之作啦。 先講落單，之前好冇禮貌既經理（可能係佢個人風格，但咁既態度，真係🤦‍♀️）我問自選個餐可唔可以改魚柳，正常既會答我「唔好意思呀，唔可以，或者試魚柳個隻餐呀」或者 「魚柳要加錢」，但她回應係「唔可以」。 坐位方面，雖然有膠板，依足政府要求，但似乎太迫啦， 其本上出入都要側身外，坐滿既，巴士企位都闊過佢。食物方面，炒蛋係又乾又細份， 以前我最鐘意法蘭克福腸，可能成本貴轉咗芝士腸同早餐腸，但係兩隻我都試過唔好食。 其實佢不如試下某類食食材貴1-2蚊， 唔好多過3蚊， 我覺得咁係可行。 宜x 既熱狗腸成本都唔係貴好多呀。唯一可讚係送餐個位女士， 佢做咗好耐，以前係新城市地下店時，佢已經係度。 即使送餐或收餐都係保持微笑。 沙田咁多早餐選擇，佢再係咁既level, 真係日日蝕。 而家係要做香港人生意，希望會尊重返香港人口味同服務啦。…查看更多

今日同朋友食飯， 去咗呢間， 大尾督比較出名，朋友話佢地經常去。安排坐正大門口，我最唔鐘意，完全feel唔到冷氣，旁邊個兩張枱又鬼死咁大聲， 整個晚餐，佢屋企發生咩事我全部清楚。呢間泰菜，款式同價錢比同區泰菜平少少，但份量係明顯細咗。但今次既食物，真係太失望。咖喱蟹 — 超咸，一點蟹味都沒有炒椰菜芯 — 又貴又細碟， 又油淋淋蝦餅 - 完全唔彈牙,太多粉菠蘿炒飯 — 只有菠蘿味，好濕泰式荀殼魚 — 冇魚味，但夠乾身烤餅 — 全枱最好味餐飯食食下，有隻大飛蛾衝落去咖喱蟹度，嚇死人。 當日開咗冷氣就應該關門，又唔走冷氣，又唔會入昆蟲，呢餐飯真係有點後悔。…查看更多

係疫症期間，想呼吸下都唔易 就搵日去放肆下，去咗愉景灣。 去到真係好relax, 呢度既太太唔會圍埋講是非，呢度d青年人唔會嘻嘻哈哈咁， 細聲講大聲笑，公共洗手間都好乾淨。最後揀咗呢間因為好少食呢類食物，上到餐廳，唔多人， 就叫咗咖喱羊肉飯、咖喱雞肉飯同一份Naan. 估唔到食物係熱辣辣，同埋味道唔錯，以為快餐會比較馬虎。佢呢度既選擇其實好多， 而且有辣有唔辣，如份量大可食沙律， 我食餐時都見好多人買外賣，我相信其他食物都有一定既水準。…查看更多

當天落大雨，唸住一陣都要去大元街市買野，所以就決定去大元街市平台食早餐。其實唔係第一次上平台食，但呢間餐廳係第一次，因為佢係茶色玻璃，門面格局望落好似唔平，又睇唔到餐廳入面多唔多人，都怕中伏唔會選擇，今日就決定試一次。入去第一件事， 緊係手掌探熱啦，見到入面個店員好忙，自己就行咗去個卡位坐低， 店員好快就比個menu我地， 佢地好好冇企係旁邊等落單，我地可以慢慢睇先落單，店員好有禮貌。 店內音樂恰到好處，又播窩心英文歌， 店內其他食客都係斯斯文文，冇人大聲傾計，冇人睇劇唔戴headphone. 我呢位早餐媽媽又係例牌沙嗲牛肉麵， 呢度牛肉係一片片，唔係碎濕濕，個沙嗲味樂濃，又好有花生香。 整體食物唔錯，咖啡係即磨（唔駛加錢👍), 不過係奶茶唔夠濃。 整個早餐都好休閒，好舒服， 我一定會再黎。 …查看更多

一心支持小店，決定去試下，可能期望過高，有少少失望。我叫咗牛脷燴飯，同一個海鮮燴飯，飯既蕃茄醬有D似罐頭，牛脷過林，不過佢係即叫即製，所以熱度好夠，味道都可以。當天係忌廉蘑菇湯，有香味，但可惜太稀，同埋佢用杯裝，仲只得半杯，可以大方D就好啦。我叫咗即磨咖啡，味道一般，FEEL唔到咖啡味，好淡。當日我可能唔好彩，有一枱6人， 有幾個小朋友，整到間餐廳嘈到不得了。仲見到旁邊枱，店員要求搭枱，但中間沒有板相隔，雖然唔係面對面，疫情下都應該留意一下。價錢介於60-80， 凍飲要另加錢，這個價錢係大埔算中上，雖然見到佢地有心煮野，但真係要誠實咁講，比滿意仲有一段距離。希望他日有改進。…查看更多

突然想食車仔麵，以為同火炭同一間，就去試下。一入去，就叫我搭枱，中間有冇板，搭枱？個刻好餓，見對面又係個學生，唸住食完快走算。用箱頭筆落單，張單格都唔係大，好彩老花唔嚴重，叫咗「聰明哥豬扒」、豬腸同豬耳，加咗罐零可樂，49蚊。豬扒唔錯，味道好香，都一大塊。湯底比較咸，麵份量較其他店少，豬腸同豬耳就少得可憐，豬耳林到唔駛咬，豬腸細粒到差D睇唔到。其實見當時全店滿，一枱接一枱，外賣一單接一單，生意都應該唔差，但駛啱駛咁寒酸。。 同埋呢類餐廳既店員都係有一個常見情況，就係店員不停傾，嘈到你係想快D食完走。一心想支持小店，但都要值得先得架。相信我唔會再去。…查看更多

個日早起身，要搵間早開又係巴士站附近既餐廳，係寶鄉橋落車後，就入去試下呢間。之前試過旁邊另一間，但員工服務態度非常失望，有得揀就一定唔會去個間。入到去，員工好nice，又唔會企係旁邊迫你快D落單，坐位舒服度及枱面清潔度一般，開頭都幾焗吓，不過佢地好細心，個日落緊雨，佢見我抹晒汗即刻開埋頭頂部冷氣。食物到咗，唔駛加錢有多士，牛肉都好味，碗通粉都夠熱，杯奶茶就一般，我覺得啱夠茶香，又唔夠滑。 食到差路多時間，就係店門外等巴士。佢賣點係夠近，又早開，見網寫佢開6點，下次如果都要早起，又要係個邊搭車，一定會再黎。…查看更多

個日睇完醫生，周圍搵地方食lunch, 見到呢間象月， 就決定去試下。 環境唔係好大， 因為疫情，變得更少位，好彩有人岩岩走，我等咗一陣就有位。 坐位唔太闊，要就住先入到卡位。午餐選擇都多，另超平加配迷你小食， 仲可以無限加。 老公叫咗海南雞飯，雞肉滑都好好味， 我叫咗青咖哩豬頸肉， 味道超香，又夠熱， 無骨雞腳同跟餐個沙律好爽，不過辣咗d, 蝦餅好彈牙，好味到我要追加多一份，可惜試唔到冬蔭公湯，因為賣晒， 我估都相當有水準。樓面水吧都係一些年青人， 經驗唔係好夠， 包外賣時都見佢地比較亂。其中一個似落命令式，但感覺他是最亂個位，叫到其他都手足無措😂。 但以佢地咁後生，咁多外賣單，都算唔錯。我下次一定會再去。…查看更多

呢個疫症時候，出街食野真係要小心搵，又怕佢唔夠乾淨，又怕佢太多人聚集。 呢間之前食過， 食物質素雖然唔係頂級，但款式味道都足夠。疫情下，餐廳都依足要求加晒板，中間一排唔坐， 咁樣大家仲坐得舒服。今次叫咗杏汁湯同台式臭豆腐湯底， 杏汁就唔太推薦。甜品櫃轉咗個雪櫃， 大家唔駛超大力先拎到， 同埋夠晒凍。 大家記得食豆腐花涼返個喉嚨。今次有失望既地方，冇咗鴨血，得豬紅，韮菜餃佢然用緊厚皮冇味， 之前好好味架。 我地最慘前面個枱兩位中年亞叔， 一路食， 一路用手機賽馬直播，另一邊又有兩位亞叔開party， 不停講，係有埋高過人頭既板隔住都聽晒，可知道佢地有幾大噪音。 真希望大家都留意一下， 附近有人食煙會好辛苦，附近既人食飯好嘈，都一樣咁辛苦。…查看更多

而家食野地方難搵位，趕時間就入咗呢間，入面唔多人，都怕會中伏。 早餐除咗普通港式早餐外，仲有魚旦，牛腩粉麵。好多選擇。我叫咗牛肉麵同餐肉腸，個牛肉湯麵麵唔錯，係個牛油方包比較乾， 同埋牛油好厚，可能叫多士會好食些d。凍奶茶都可以，熱既相信茶㗎會較濃。可能因為唔多人， 落單唔駛5分鐘，食物黎晒。好彩今次冇中伏，下次都會再去。…查看更多