mxncxing的个人专页

非常之抵食滿意嘅火鍋放題 首先一定要大大大大大讚蕃茄芝士湯底 因為佢個調味真係啱啱好，蕃茄唔會太蓉，而且好鮮，而芝士味唔會喧賓奪主得黎，又會加咗少少鹹香味落個湯底，好有特色，酸同鹹嘅配搭非常之開胃，就咁飲 個湯底已經好滿足! 套餐方便，我叫咗差唔多最平嗰個套餐199蚊，雖然係咁牛肉同豬肉嘅質素絕對唔參差， 唔會又散又un。呢個價錢同其他類似嘅火鍋店對比，真係絕不遜色 另外最開心就係haagendazs雪糕,竟然有我最鍾意嘅乳酪雪糕味同埋咖啡味<3 仲要係任拎嘅 淨係食雪糕都食返夠本 除此之外服務員都好細心 除咗會主動幫你添湯添肉等仲好細心留意每個客人 行過嚟睇你個煲太滾等等 下次一定再嚟食…查看更多

非常之抵食滿意嘅火鍋放題首先一定要大大大大大讚蕃茄芝士湯底 因為佢個調味真係啱啱好，蕃茄唔會太蓉，而且好鮮，而芝士味唔會喧賓奪主得黎，又會加咗少少鹹香味落個湯底，好有特色，酸同鹹嘅配搭非常之開胃，就咁飲 個湯底已經好滿足! 套餐方便，我叫咗差唔多最平嗰個套餐199蚊，雖然係咁牛肉同豬肉嘅質素絕對唔參差， 唔會又散又un。呢個價錢同其他類似嘅火鍋店對比，真係絕不遜色另外最開心就係haagendazs雪糕,竟然有我最鍾意嘅乳酪雪糕味同埋咖啡味<3 仲要係任拎嘅 淨係食雪糕都食返夠本除此之外服務員都好細心 除咗會主動幫你添湯添肉等仲好細心留意每個客人 行過嚟睇你個煲太滾等等 下次一定再嚟食…查看更多

呢間餐廳唔算太大，不過環境唔錯，好有氣氛～一坐低店員就比左張餐牌我地，食物種類都算多 :)食物方面，特別推薦燒豬頸肉，就算唔點醬d肉都好入味～而啲醬係類似海南雞個隻酸味醬，點豬頸肉又出奇地夾。最難忘嘅係燒蠔，即叫即燒，上到黎之後，個店員話重點係d汁，果然真係好鮮甜！！而個蠔又大大隻，啖啖肉咁，幾抵食。另外，仲有芝士西蘭花都唔錯，芝士味好重，西蘭花唔會太硬或者乾，咬落去爽口:)唯獨衛生方面稍為欠佳，店內有唔少蒼蠅:(…查看更多

bar黎講呢度環境真係一流, 佢係喺尖沙咀一列巴入邊嘅一間樓上舖 感覺都幾高級幾舒服 我係happy hour去嘅，所以人數唔會好多，但係都唔會太冷清，大概四分一台都有客嘅。入邊基本嘅嘢飛鏢機、 桌球枱、酒game枱、環迴電視，都非常俱全， 仲有 燈飾好靚嘅酒吧枱添～ 場地方面除咗普通枱之外亦有露台、bar枱、同埋 自成一角嘅圓枱, 所以如果黎social下、同朋友嚟玩同埋睇波、或者放工嚟hea個零鐘都係唔錯嘅選擇最後，其實我嚟到先發現自己有啲病🙈所以就冇飲到酒， 不過見佢走酒嘅menu都應有盡有嘅～ 我嗌咗啲組合餐，例如有安格斯牛、羊架、鴨舌等。雖然係酒吧，但係質素竟然係出乎意料地高, 絕對唔係hea你嘅, 全部肉都燒得啱啱，好有肉汁，又唔會貴得太唔合理嗰種。另外都要讚呢度嘅座酒薯片😋因為我鍾意食辣, 辣 得黎又好香沙嗲味，送酒一流👍🏻 下次再黎😀…查看更多

一直都想試試四川菜，朋友便帶我來到這裡，讓我一嘗所願。這間位於酒店內的中餐廳環境幽雅，服務有禮。我見到有幾枱放有GAS爐，餐廳亦設有火鍋配料區，但未見有人點選火鍋。經過一天辛勞的工作，當然急不及待要用美食慰勞自己。我們點了杏汁燉白肺湯、麻辣水煮鮮魚片、砂鍋唐生菜(蝦醬)、霸王炒辣子雞和上湯雲吞。米芝蓮一星餐廳的食物果然十分有水準，名不虛傳。杏汁燉白肺湯杏汁味道濃郁，而且用料十足，很滋潤。然後便到我期待已久的麻辣水煮鮮魚片。深紅的顔色和數量十足的辣椒給予人很辣的感覺，但實際上並不是很辣，反而麻的感覺更突出，這真的令我眼前一亮。可能是因為吃麻了，所以不太能嚐出霸王炒辣子雞的辣味。而砂鍋唐生菜(蝦醬)咸味十足，很惹味。最令我喜出望外的莫過於上湯雲吞。它的上湯與雲吞十分配合，很能突顯雲吞的鮮味，將我從辣味中解脫出來。這頓飯真的很滿足！…查看更多

一向都好中意周圍試火鍋放題，今次俾我搵到間幾有情調又抵食既，所以想推介下！一入到餐廳坐低，會有兩枝welcoming drink送，味道幾特別，可以試下。之後有得揀湯底，一共有7種湯底揀，全部都好有特色。於是我地揀佐人蔘白肉鍋🤤 湯底幾有蔘味，清得黎唔會淡繆繆，可以encore。食物方面都有幾十款材料任叫。當中好推介牛肉粒！林得黎咬落去又有好香牛脂味。另外有辣味牛肉餃都好值得叫！呢款係其他火鍋店未見過，辣得黎又吸到湯底既精華。呢間整體黎講值得encore啊❤️…查看更多

今日同朋友黎到呢間係旺角鬧市嘅隱世樓上扒房--天機棧扒房我地揀左夜晚6點入座，而入夜後客人開始多。餐廳燈光偏暗，幾有氣氛，如果可以有翻啲燭光點綴就更好，同男/女朋友黎食會浪漫啲。我地點左set dinner，有齊兩道前菜、沙律、餐湯、主菜、甜品同飲品，好抵食第一道前菜我點左法國香煎鵝肝。我一直都很怕鵝肝很膩很多膽固醇，但出乎意外的是鵝肝入口即溶，膩度適中，回味無窮。我朋友點左巴黎汁扒大蝦，大蝦啖啖肉，鮮味十足，也有點蒜蓉味。第二道前菜我同朋友都點左巴黎汁田螺焗薯蓉，薯蓉很滑，加入粒粒田螺，十分開胃！而終於黎到我地最期待嘅主菜，我點左炭燒西班牙黑毛豬肉眼扒配蘋果茸。豬肉烤得十分均勻，肥瘦比例適中，咬下去煙煙靭靭，配上蘋果茸不但有減膩的作用還有點清爽的口感。朋友點了美國春雞焗釀黑松露汁意大利飯，在餐牌沒有留意清楚是釀飯，一來的時候心想飯去了哪兒，點知一切開春雞熱騰騰的意大利飯便開始湧出來。春雞皮烤得很脆，肉很厚很滑，而意大利飯用的是細米，而且配上香草碎，色香味俱全，真係等幾多字都抵呀！侍應係我地食完主菜嘅時候已經遞上兩隻匙為甜品作好準備，細心程度值得加分！吃西餐甜品胃是常識吧，我地點左朱古力心太軟同椰汁紅豆奶凍，前者外層很脆，熱騰騰的朱古力從內裏流出來非常好吃，而奶凍味道較淡，椰子、紅豆和奶味不足，但吃上去還算滑，算是不過不失。飲品奉送咖啡、茶或汽水，特色飲品另計。今次點嘅飲品係榛子朱古力同紫牛(即係巨峰提子汁加可樂加雪糕)，榛子朱古力榛子味較濃，甜度適中，紫牛嘅巨峰提子汁、雪糕同可樂係最佳嘅配搭，兩杯都大大杯好抵飲！今晚嘅晚餐只係需要$188(另需加一)，但有齊咁多野食，質素亦相當唔錯，性價比可以話係同區之冠！九點半後入座仲要全單75折添，得閒再過黎鋸下扒喇😆…查看更多

認真超級推介呢間一人火鍋店!!!佢一共有八款口味,我試咗三款都超級正最令我鍾意嘅係啲湯底，真係超好飲!!! 特別大讚藥膳羊肉鍋，藥膳湯底係深啡色嗰種，唔係黃色透底嗰種， 雖然係希嘅，但係飲落去飲好足料，甘甜得黎，唔會一味得個苦字，又唔會唔夠苦， 而且冇油喺面㗎，直情飲到想淨係就咁飲個湯底hahah蕃茄湯都係好正，唔似譚仔嗰啲茄膏醬嘅味，亦都唔係嗰種好濃好傑嘅蕃茄湯，係飲落去蕃茄味 唔會太酸唔會太鹹，啱啱好， 仲好飲過阿媽煲嗰種～另外仲嗌咗個招牌臭臭鍋 我自己個人超級鍾意食呢個,佢嗰種臭臭味就係類似旺角街邊嗰啲臭豆腐嘅味道，如果鍾意臭豆腐真味就一定要食！ 而佢好嘅位係佢唔會好似嗰啲臭豆腐咁乾爭爭，而係飲落去都會有淡淡嘅臭豆腐味，就好似大陸嘅臭豆腐咁正，鍾意食嘅話一要試呢個!野食都唔失色, 首先我鐘意佢個麵底, 係類似粉絲嚟嘅,但係彈牙啲爽口啲。 餸菜都唔係淨係得魚蛋腸仔嗰種敷衍你，有硯，有豬紅，鴨血等因應鍋味襯埋嘅分量都ok, 如果好大食嘅話可以升級加廿零蚊要個滷肉飯或者醬鹹魚飯認真覺得呢間嘅火鍋好有特色,第二度食唔到 所以一定會返嚟再食 而且唔係貴喺尖沙咀黎講 百零蚊一個一人火鍋認真抵…查看更多

尖沙咀鬧市中嘅一間西餐吧～特別推介泰式冬陰功薄餅, 感覺超級有特色! 薄餅係真薄餅嗰種，而唔係pizza 個鐘似普通麵包嘅皮，係脆嘅，口感好好。佢仲要連個皮都好入味，再加上酸酸鹹鹹嘅味道，好開胃得呢又唔會好滯!我朋友嗌咗個黑啤豬扒, 我自己本身唔係好鍾意食豬扒因為覺得d肉好鞋得黎又唔會好juicy，但係佢呢隻豬就真係好軟熟好juicy同好有豬嘅鮮味，加埋佢少少黑啤嘅味同埋少少個窿， 就配搭得好好 同好有特色另外甜品都good，叫咗個意大利芝士蛋糕,超級香滑 同埋夠甜～特別要讚呢度嘅服務員好細心，除咗有禮貌得呢亦都會好照顧到客人，一舉手就會過嚟，同埋見到我個袋又會提我可以勾起佢, 又會解釋要點樣食.... 自己個人好介意服務態度同環境， 所以就會鍾意呢一間…查看更多

銅鑼灣新開佐重慶麻辣火鍋，仲聽講係內地好出名，梗係慕名黎試下啦😛見佢湯底好吸引，所以我地叫佐椰子雞湯同麻辣湯底做兩格火鍋。食材方面，我地叫佐十片豬肉、好多丸類、同埋酥肉。豬肉放落湯底十秒就會熟，用雞湯煮特別突出到佢既鮮味！丸類都幾新鮮，醬爆肉丸特別有驚喜，入面爆既醬好夠味，用麻辣火鍋浸會更加重口味（正）！最令我地有驚喜既係佢個酥肉😍 有兩種食法：浸麻辣湯底一下再食、或者就咁食。好神奇地佢浸完湯都仲保持到佢個脆脆口感。…查看更多

係香港好少聽到出名既湘菜。估唔到係hall附近竟然有一間，咁梗係同朋友一齊黎試啦😍一入到店就會有茶同小食（小食可以同佢講唔要）。我地叫佐一個小炒肉、辣味薯仔、炒水晶粉、同埋麻辣雞煲。小炒肉好地道，香得黎夠惹味，不過因為佢比較鹹，所以建議配飯。辣味薯仔上面有好香既「滋」然粉，口感少脆同內軟。炒水晶粉既口感好Q，味道調得幾好，係鐵板上面上菜好有鑊氣。麻辣雞煲就相對正路，雞肉好淋同入味。下次會再想試埋其他菜😍…查看更多

組長之前一直都有聽過呢間日式放題，今次終於約佐朋友黎試下😆 一入座，店員就話每台會有一個鍋送，仲可以叫材料打邊爐。我地揀佐濟洲牛肉鍋。值得一讚係啲牛幾有牛味，脂肪比例岩岩好👍🏻係等野食既期間走去試佐佢自助區既水蟹粥。鮮甜得黎唔似係味精粥，入面仲有好多原隻蟹，我同朋友忍唔住添佐兩次☺️之後就當然係刺身、壽司同炸物啦！刺身方面，由其係三文魚都幾新鮮，肉質唔會太梅或者一咬就散。熟食方面大推佢個羊架！易咬之餘有好香羊脂味！唔怕騷既人值得encore！…查看更多

Bingo & Cook韓式料理位於銅鑼灣中心地帶， 在銅鑼灣站C出口對面，過馬路即可，十分方便。店內的環境十分舒適，亦富有韓國風味，播放著韓國熱門歌曲，喜愛韓流的你必定要來試食一番。侍應特意安排我們座在窗口位置，讓我們可以居高臨下欣賞銅鑼灣鬧市景致。食物經由韓國廚師一手料理， 即叫即做。食物來到既時候熱騰騰，正！第一道食物係韓國傳統食物，炒！年！糕！ 年糕煙煙靭靭，十分彈牙，用泡菜湯淆成的湯底帶點辣味，十分開胃。第二道菜式是奶油奶酪炸雞面，吃下去很creamy，而且有好濃郁既奶酪味，配著嫩滑的面，食到我地都lam lam脷。第三道菜是配上甜辣醬的韓式無骨烤雞，是我們最愛的食物。芥末醬、沙嗲醬、沙律醬配上原本有的甜辣醬，加上嫩滑無比、外皮炸得脆脆的烤雞，百種口味在口中交集。我們除左食物之外，還叫了2杯奶昔，分別是Oreo同埋strawberry奶昔! 奶味很重之外，又不會蓋過orel和strawberry 既味道，兩者配合得十分平均，同時帶有沙冰既感覺。總括來說，這間店性價比很高，但2份主食+1份烤雞 對小編和朋友來說，實在太飽了！建議三人行，那就剛剛好；）…查看更多

間餐廳係奧海城入面，出咗地鐵站之後行動2分鐘就到，因為我地係週日去所以唔多人~我地嗌咗佢地嘅招牌菜 — 古早魚香老鼠粉煲，味道好特別，有少少酸，用料豐富，份量多，如果兩個人食嘅話嗌最細嘅size就好夠~除些之外，知道呢間餐廳有賣蟹，店員推薦我地嗌星洲黑胡椒螃蟹，個醬好好味！！！！！本身唔中意食辣，雖然有黑胡椒，但味道唔辣，唔食得辣都可以試吓~最後想讚吓呢間餐廳嘅服務好周到，食蟹會比手套、消毒紙巾、圍裙等等，唔會成隻手都有汁~…查看更多

第一次呢同朋友食，油麻地嘅西餐嚟講 算係抵食而且質素好首先一定要推介水牛城雞翼呢個小食/前菜佢係啲甜酸味嘅醬加落去炸咗嘅雞翼，有少少似咕嚕肉嘅做法。 但係我覺得比咕嚕肉更加好食，因為首先佢啲雞唔會炸到好乾，係啖啖肉味嘅， 再加埋甜酸味嘅水牛城醬汁，做前菜真係非常之開胃得黎，又唔會有種冇嘢落肚嘅感覺～臨尾因為真係太好食嘅關係我哋仲再叫多一次xD至於主菜我哋就叫咗大蝦羊架餐同埋牛扒餐, 聽落普通但食落去絕對唔會失望。不得不提及佢嘅燒汁，有少少類似蘑菇味，唔會太濃搶左肉扒嘅味，加埋本身非常juicy嘅牛扒 同埋羊架就係絕配～唔好睇啲蝦好似細細隻咁但係都煎得好入味，又有大啖蝦膏 正～…查看更多