momuji的個人專頁

以西湖龍井為主題嘅綠茶餐廳終於開到嚟屯門啦。屯門西鐵站一出v city 就找到，放工6點已經好多人喺門口排隊啦。門口有古箏表演更增古色古鄉氣氛。而店員的制服很有古代感，好似穿越咗去古代一樣。這裡主要食杭州菜，有米芝蓮名廚俞斌為香港專屬定制菜色。🔸️粉絲裹蝦$108店員放底爐同埋個煲，開火後計時4分30秒， 開蓋香氣撲鼻，粉絲吸曬蝦嘅精華乾身唔油膩，還有紫洋蔥絲增加甜味，煲內有好多隻蝦開邊蝦爽口冇雪藏味。🔸️筆墨酥香$48 🌟香港限定🌟做到一枝枝毛筆嘅造型好得意🤩 外層係酥脆，裏面是白豆沙茸不甜的，點朱古力醬扮點墨，玩味十足🤪🔸️綠蔥油汁蒿筍$58賣相很得意，蒿筍片與黃瓜片夾著冰鎮，咬下時索索聲超爽脆，感覺很清新，是夏日開胃菜。🔸️三色雞絲涼麵$48雞胸絲涼伴菠菜面，南瓜面，紫薯面加埋花椒油，芝麻，花生碎超惹味，整體都偏辣架🥵唔食得辣嘅要考慮下啊😊🔸️西湖雷峰塔 $28 🌟香港限定🌟造型細緻打卡一流，奶白色迷你奶凍，浮在碧綠色嘅西湖面上，甜品來說不算太甜，只是精緻到捨不得食😝 🔸️江南綠茶餅$28外層勁多芝麻好香脆，內餡是芋泥，感覺不會油膩。🔸️九曲紅梅茶$12/位坐低後店員會先給一壺西湖區的九曲紅梅茶，茶底香濃有助解利暖胃。新店開張仲有八折添🤩，店員仲提我地下載埋佢哋最新會員app，仲有迎新優惠，更加慳得多呀😍 整體嚟講，食物質素不錯，賣相精美，價錢合理，性格比好高。下次要約多幾個朋友再嚟食過，仲有其他款式未食呀😋…查看更多

荃灣廣場新開了越南菜，性價比都幾高，還有2人或4人餐選擇更抵食，員工態度親切積極，換碟加水都很快手，有一大幅綠葉牆令環境更舒服，以鋪磚技藝重現河內街角韻味，整體食物有水準，值得有下次😊🔸️香濃咖哩軟殼蟹$128咖哩的香味濃郁，軟殼蟹炸酥脆可口，沾上咖哩汁又多一層味道。🔸️法式蒜茸包$38有咖哩怎可少了蒜茸包呢，另外點了一份，法包焗得酥脆內軟，散出濃郁蒜茸香味，把法包浸滿咖哩汁後進食，幸福感倍增🤩🔸️濱海伴豬頸肉串燒餅$96豬頸肉燒得很香，點了醬汁有少辣很惹味，用生菜包住濱海，酸蘿蔔絲，燒豬頸肉，加埋魚露一起食，減底油膩感之餘又添加了口感，十分美味😋🔸️香茅雞翼$23熱辣辣香噴噴的香茅雞翼外皮烤的金黃脆口，內裡肉嫩多汁🤤🔸️椰漿芒果紫糯米飯$78紫糯米飯熱辣辣出場，咬落去有嚼勁，芒果略慊生了少少未夠甜🤪 欣賞椰漿分開上，想落幾多就自己決定😋 為是晚畫上完美號😊🔸️牛油果沙冰$38炎炎夏日，沙冰入口透心涼😋不甜飲到淡淡的牛油果味夠曬健康😊🔸️越南滴漏咖啡+$18慢慢欣賞每一滴嘅咖啡，香濃帶點苦味，超欣賞這裡煉奶是分開上的👍甜度可自控👍…查看更多

放工想去鬆一鬆，同事話帶我去居酒屋🤤平時去日式嘅就多台式嘅就第一次喇😲餐廳裝潢有懷舊居酒屋風格，小店感覺令人放鬆舒服，老板很親切地介紹食物及飲品，完全是台灣人那種親切友善嘅感覺😊🔸️烤牛舌滷肉飯。牛舌香腍，飯用上珍珠米，一定要撈勻蛋汁同埋啲飯一齊食，每一粒飯包住滷肉同蛋液，香滑到一口接一口食唔停。🔸️麻辣鴨血寛粉。一碗裡面勁多鴨血😍鴨血好滑有質感。 湯底幾辣麻度十足，寛粉滑滑溜😋 加埋酸菜更增口感😍🔸️芝士肉鬆蛋餅。餡料充足，煙煙韌韌蛋味香濃，呢個組合無得輸😋🔸️大腸包小腸。呢味菜就同台灣食嘅有少少唔同。🤔 呢到把糯米腸，台灣腸，酸菜分開上。 可以夾埋一齊食又得，分開食都得😋🔸️厚切牛腱。肉質軟腍又入味，入口即溶🔸️黑輪 。用魚漿製成，口感煙韌有嚼勁🔸️醬燒牛舌。燒得香口，牛舌有嚼勁🔸️醬燒五花肉。外層燒得香脆，入口即溶，不覺肥膩🔸️阿嬤冬瓜茶。好清甜，不會死甜😊🔸️台灣啤酒 。冰涷可口，口味清爽🔸️台灣金色年華啤酒 。麥味比較重🔸️台灣鳳梨啤酒。甜甜的清新鳳梨味🔸️台灣芒果啤酒。甜甜帶淡淡芒果味柯士甸地鐵站行過去都係5分鐘都幾方便，呢到有$180蚊90分鐘任飲台灣清酒或highball都幾吸引架😍下次約埋飲清酒嘅朋友再嚟過😍…查看更多

荃灣同事推介抵食又唔限時之選😎火鍋放題一人一鍋，無限量無限時任食海鮮，串燒，刺身，火鍋，甜品。我地選了中位嘅b 餐$298嘅，一個價錢就可以食咁多嘢喇🤩可以慢慢食慢慢傾計了😊 坐卡位都幾舒服，一坐下店員已很細心提醒旁邊的串燒爐有熱力，取夾海蝦時同放入鍋時小心彈蝦😅態度友善收碟亦很爽快😊入座坐低先選湯底。 呢度嘅好處就係可以每人一人一鍋又得，一枱一鍋又得，今次我同朋友揀咗一人一鍋。 我要咗麻辣鴨血窩辣得嚟好惹味。 朋友揀咗椰子雞湯清清地，雞係清遠雞好滑喎😋雞件份量多又大件好滑。 湯底有清甜椰子味，滾食物時都有陣陣嘅椰子甜味。🔸️海鮮自助吧：半殼生蠔，原隻鮑魚，瀨尿蝦，蟶子，三點蟹，青口，沙白，花蜆，還可以在魚缸內自己夾海蝦，大頭蝦😍🔸️刺身任食，包括三文魚，帶子，珍寶赤蝦，鮑片，北寄貝🔸️沙律有海蜇沙律，泰式鳳爪沙律，麻辣手拍青瓜細細碟一人一份可以食多幾款口味😝🔸️即燒串燒：鮑魚，羊肉，五花腩，肥牛肉， 海蝦，雞心，八爪魚，脆肉瓜，土豆片，多春魚，台灣腸，牛舌，雞腎，雞脾肉，雞軟骨🔸️火鍋配料：美國極上牛肉，美國肥牛肉，澳洲羊肩肉，特選豚肉，三皇雞，八爪墨魚滑，餃子，烏冬，丸類，菜類等等🔸️飲品有好多款有自家制菊花茶夠晒解熱氣，自家制手打檸檬茶令人好開胃，罐裝紙包飲品，韓式飲品，還有啤酒任飲添呀🤪🔸️甜品款式多到好似去了甜品店咁😍 宇治抹茶芭菲，軟雪糕窩夫，芒果綿綿冰，法式焦糖燉蛋，雪燕流連忘返，紅豆椰汁凍芋圓，木瓜雪耳，雲呢拿軟雪糕，抹茶雪糕，榴槤芭菲，楊枝甘露，綠豆沙，心太軟。這晚大家都扶牆出門口了😆實在太多嘢食啦，都未食得晒每一款食物[IMG:2][IMG:13][IMG:6][IMG:11][IMG:2]…查看更多

天氣炎熱，放工去放鬆開心下😝一入門口冷氣十足透心涼🤩門口掛住燈籠同旗仔幾有日式風格。店內氣氛好正有大電視十分適合睇波，店提供串燒，炸物，拉麵，烏冬，還有啤酒同清酒選擇都幾多🤩味醂魚干以味醂醃製烘乾的魚乾，外香脆內軟，這絕對是下酒菜，聊天喝酒的最佳選擇。巧手芝士磨菇釀雞翼2隻外皮脆卜卜，芝士餡好香，啖啖肉食得好開心雞皮餃子6隻雞皮取代餃子皮，令外層更加金黃酥脆口，餡料飽滿實結實雞三角軟骨串三角骨爽脆有嚼勁，味道香脆可口獨特自家製免治雞肉棒外層脆脆地的雞肉棒沾上蛋液很香滑，雞肉棒內裡有柔嫩雞肉及細碎雞軟骨，咬起來有質感很過癮。自家製明太子玉子燒（兩件）表面有一層燒香明太子，鹹香味混合充滿蛋香嘅玉子燒簡直是絕配。豚骨湯，自家製叉燒拉麵叉燒拉麵湯，濃底好香濃，拉麵彈牙，叉燒看似很肥，實際好香入口即溶 清酒-真澄白妙300ml 精米步合55，輕柔淡雅純滑口感，酒精感非常低更易入口整體來說，氣氛環境都好，適合同朋友聚會微醺一晚是不錯的選擇😊…查看更多

落堂經過見到呢間餐廳，以中上環呢個位置價錢合理一於入去試吓， 估唔到性價比真係高仲驚喜喎。餐廳以白色為主，感覺很乾淨清新，樓底高坐位舒服令人很放鬆。🔸️酸奶燉牛尾配旋鍋蛋包飯賣相不錯幾吸晴，螺旋形蛋很有趣，螺旋蛋都幾滑，牛尾燉得軟腍又入味，醬汁甜甜地配飯一流😋🔸️櫻花蝦海鮮喇沙喇沙湯椰香味香濃帶微辣，份量都幾多用米線底幾掛汁，材料勁多，青口，大蝦，魚蛋，帶子，豆卜等,湯面灑上櫻花蝦更添惹味😋🔸️雜菜湯材料勁多每一羹都有都有湯料，湯微酸很香濃😋🔸️炸手打蝦餅。加$28叫了一款小食，蝦餅炸得香脆，蝦肉足料好彈牙🤩🔸️Supper Raw Cocount Latte 特濃生椰拿鐵咖啡配上椰奶充滿異國風情，一d都唔甜，咖啡同椰子味平衡得很好很清新。我勁欣賞呢個椰子脆片，香脆可口超好味，超有驚喜🤩🔸️Bittersweet Day 紅西柚梳打特飲天氣咁熱嚟個西柚梳打特飲，酸酸甜甜令人非常開胃，打卡又透心涼飲品😊…查看更多

落雨涼涼地想食火鍋。朋友帶我嚟食台灣馬祖定食火鍋放題。荃灣西鐵站一出就到地點超方便，台灣藥膳養生火鍋放題性價比好高，我地選了定量set b $138/位,90分鐘，任飲任食，一人一鍋超衛生，非常經濟。台灣養生藥膳湯底有成12款選擇。點了藥膳蕃茄麻辣湯好濃郁蕃茄同辣味，越食越惹味。藥膳蟲草花膠雞湯超足料感覺很養生。套餐包一碟Prime Grade 牛肩胛肉油花分佈平均，有牛味。一碟西班牙冇激素豬片，肉質嫩滑，切得夠薄輕輕一灼就食得自助配料區有成30多款選擇。 各款蔬菜。菇類，台式丸類，午餐肉，台灣腸等應有盡有，仲有稻庭烏冬，台灣王子麵，新竹米粉，當中最正就係沙茶牛肉同埋雞髀肉😋沙茶牛肉醃得好入味又好滑，雞髀肉大大件，啖啖肉得嚟夠嫩滑。飲品有5款台式飲品任飲，另外可在飲品櫃選喜愛的。金桔檸檬特飲都幾好飲酸酸甜甜地幾開胃。最後雪糕雪條任食，有movenpick椰子味及雲呢拿味😋 椰子味內有椰絲增加口感。 淨係食雪糕都抵返啦。…查看更多

午飯時間超多人，我地就行多陣街，等晏少少唔洗同人迫了😉 店員很有禮貌帶入座後，送上特色嘅黑豆茶及qr code， 自己用qr code 落單。 橫裝全日系風格整齊潔淨，開放式廚房可欣賞到師傅專業細心手藝。 🔸️半之助沙律 炸蝦口感清爽，一點都不油膩，配搭新鮮嘅沙律菜外，還有紅心蘿蔔片口感清脆爽口，及沖繩的海葡萄更顯日本風味，沙律汁酸酸甜甜好醒胃😋 🔸️迷你牡蠣天丼 ＆ 牛肉稻庭烏冬（溫）▫️一個套餐有天丼，烏冬麵，漬物十分豐富😍 天婦羅即叫炸，採用日本特製高級胡麻油, 胡麻油製成的天婦羅芳香撲鼻，而且色澤會較深，牡蠣炸後仍保持內裡肉質juicy🤤除了炸牡蠣外還有南瓜，海苔，青豆，這裡以傳統做法的天丼把新鮮炸物放飯面上，然後再均勻淋上天丼醬汁，目的是要讓每件天婦羅都能沾上醬汁。所以天丼的天婦羅並不像一般天婦羅脆口，而是追求每件天婦羅都能適量沾有醬汁😋 ▫️溫烏冬入口好滑有彈性😍 加了牛肉湯底多了牛肉香😋 店員跟手送上一個大木盒原來係有5種配料比大家自由配搭：蔥花，海藻，鰹魚花，天婦羅碎，溫泉蛋，伴着溫泉蛋汁一拼享用，香氣更多層次，口感更加豐富大滿足！🤩 ▫️跟餐送上前菜，柚子蘿蔔很特別,帶著微微嘅柚子香令感覺清新。 🔸️極上半之助刺身丼 刺身有三文魚粒，帶子粒，生蝦新鮮美味，混合埋蛋黃一起食更加香滑😋 唔講真係唔知丼碗是運用了源自江戶時代的陶瓷工藝，佐賀有田燒來製作，碗底部份特意做成空心設計，為更能保持碗中食物的溫度，由外觀賣相到實用性，都是一絕的江戶前味道！ 🔸️獺祭雪糕一直好想試呢款清酒雪糕，今日比我遇到佢啦🤩 雖然話係清酒但酒精＜1%😆食完唔會醉的😆 只散發很輕微清酒香味，入口唔覺有清酒味，北海道鮮牛奶雪糕口感好滑😉…查看更多

＜秋香＞一個為人熟悉的名字，是一間帶點玩味而懷舊居酒屋，牆上寫著［別人笑我太瘋癲我笑他人看不穿］令人不禁諗起星爺嘅唐伯虎點秋香嘅經典金句😎 一睇就知道店主是好玩得之人😉店主好客又熱情，人情味小店，下次再來食嘢飲酒傾計🥰 5月店主搞搞新意思，將電影經典變成杯中物，搵嚟香港冠軍女調酒師Adela 幕後操刀，設計出7款以經典場面命名嘅Cocktails。今次我先試主角唐伯虎同秋香先😏 🔸️含笑半步釘-唐伯虎$98用蜜糖川貝桔梗琴酒調出口甜舌滑又帶微甘苦嘅口味🤪 🔸️賞花賞月賞-秋香$98用巨峰紫蘇冧酒帶出紫蘇獨特嘅香味及淡淡甜味🥰 🔸️汝家池塘多蝦魷配酸種包$168這是配合新cocktails系列而推出全新嘅佐酒菜色，用上自家製香濃蝦油混入大量蒜蓉一齊煮，蒜香味特濃又帶點辣非常惹味。大蝦彈牙可口。 魷魚鬚爽滑彈牙。 另配埋酸種包點埋蒜蓉汁一齊食簡直冇得頂🤩 🔸️鹽燒白鱔煲仔飯$238 ⭐️必食⭐️厚切膳片啖啖肉😋 肉質爽脆肥美，燒得香口，喜歡白鱔的必叫! 米同上珍珠米粒粒肥大飽滿，把蛋黃攪勻飯一起吃超級香滑美味，飯煲受熱均勻亦保持到飯的溫度不會快涼👍 底有金脆飯焦不會黏牙，值得一試😋 🔸️雞皮餃子$52雞皮包住餃子餡炸得外皮黃金酥脆。內餡軟嫩多汁沾埋醋一起食中和返油膩感，很好嘅下酒菜😋 🔸️手羽先串燒$38雞全翼燒得皮脆肉嫩多汁，不禁唱起：燒雞翼，我自細鍾意食🤪 🔸️日本辣魷魚串$38魷魚爽滑彈牙，燒得剛剛好不會太乾又有口感🤤 …查看更多

希慎地庫有間開放式廚房嘅西餐廳，仲有生蠔食，感覺氣氛好chill ,同朋友嚟食個brunch,坐上吧枱位置感覺輕鬆，睇住廚師煮菜開生蠔，聞到好香嘅煮食味道很吸引🥰 亦有些人叫幾隻生蠔飲返杯白酒係到放鬆一番🥰點了主菜還多點了2款生蠔，即叫即開，冰鎮生蠔好夠涷，擺盆靚上枱已很吸引🤩 有兩款選擇時，我比較鍾意South African Oyster 的口感😋🔸️South African Oyster顏色偏黃，肉質鮮甜爽口有質感😍🔸️Australia Coffin Bay Oyster新鮮幼滑，海水味偏淡，加埋檸檬及醬汁更提鮮😋🔸️是日餐湯： 磨菇湯，滲有打碎的魔菇碎，足料香濃，連湯底帶蠔嘅鮮味😋🔸️香煎挪威三文魚伴香滑薯泥檸檬牛油汁外皮煎得香脆，落刀有脆皮聲，煎得恰到外脆內，中間剛熟，食出層次感，檸檬牛油醬汁減底了油膩感，薯蓉好香滑😋🔸️招牌菜戰斧烤豬佐意式青醬伴香滑薯泥戰斧豬煎得很香，外皮有少少焦脆，夾層肥肉香厚，內裡肉質厚實，點上青醬有很清新感覺😊露筍及小紅蘿蔔超鮮甜🤤地點超方便，銅鑼灣地鐵站接駁住希慎商場，完全唔洗受外面曬溶落雨嘅影響，坐吧枱有9折，仲要免加一服務費，性價比高，人均消費都係200蚊左右，下次去開銅鑼灣可同朋友再嚟過😊…查看更多

朋友收到取錄通知書，咁開心嘅事，梗係要好好慶祝下傾下之後嘅方向啦🥳選了room3因為地點非常方便，尖東站k出口 H Zentre 內的時尚串燒居酒屋，餐廳裝修高雅，時尚又充滿格調，環境寬敞，梳化坐得好舒服，餐廳除了各式各樣調酒作主打之外。更有提供多元化日本美食，有餐前小食，沙律，串燒，主食，甜品及飲品。食物同飲品高質有儀式感。非常適合朋友傾計聚餐度過一個微醺的晚上🥰🔸️Emperor 店員送上一個神秘木盒🤩打開時仲有煙霧發燈光效果好似開寶箱咁，裏面有杯被花朵包圍住嘅Emperor🤩儀式感滿滿😍 以Peanut fat washed whisky為基調，banana secco vermouth, disaronno,lille blanc, chocolate bitters，微甜帶微酒味有幸福感覺。🔸️Geisha Story一杯漸變紅黃色如日落晚霞的雞尾酒視覺一流，🔸️以琴酒，甜瓜，蘋果，聖日蒙，檸檬同紅酒，味道層次幾特別微酸帶少甜。🔸️無花果脆薯蟹子沙律 ~ 薯仔切成幼絲，再炸香增添脆脆口感，無花果好清甜,配埋青瓜,蟹柳絲加上勁多嘅沙律醬十分開胃呀。🔸️泡菜牛舌 ~ 牛舌薄片軟嫩爽脆配合微辣泡菜原來都幾夾。🔸️免治雞肉棒配日本蛋~肉質軟腍內帶雞軟骨有咬口，蘸上蛋黃更香滑好味。🔸️吉列蠔 ~ 金黃酥脆的外皮包住鮮嫩嘅蠔肉，配埋特製醬汁好鮮味!🔸️西班牙黑豚秋葵串 ~ 豚肉燒得香口惹味，包住秋葵一起食減底油膩感🔸️照燒雞腿肉串 ~ 燒得剛好，外香內嫩🔸️海膽帆立貝 ~ 鮮味互相融合，口感香滑🔸️松葉蟹明太子冷烏冬 ~ 大量松葉蟹肉配上濃郁嘅明太子醬，每條清爽煙韌嘅冷烏冬都掛滿醬汁清新美味。🔸️火炙牛肉日本溫泉蛋丼 ~ 牛粒經過火炙後釋放出濃郁香味，加上溫泉蛋嘅潤滑，米飯讓人感受大大嘅滿足感。甜品： 🔸️炸榴槤球 ~外酥內軟嘅榴槤球，未打開前一d味都聞不到，打開後榴槤香氣濃郁😍🔸️日本芝士蛋糕 ~ 甜度適中，輕盈不膩，口感順滑每一道菜由擺盤到味道都令人驚艷，享受了愉快的一個晚上。幸好先預約，晚一點已全場滿座，值得下次再訪。…查看更多

每日限量200個嘅美式漢堡包小店，主打手工 漢堡每晚9點半前就賣曬😵 每日都有人龍出現，大家排隊都要食🤔 今日落雨都不減人潮😳 落單時店主傾開原來麵包是每天自家製的，買晒就無。把麵包嘅外皮煎香，有別於平時食到嘅口感，麵包面帶脆內軟，終於明白點解不斷有人排隊了😍🔸️瑞士芝士安格斯牛漢堡 安格斯牛肉勁爆汁🤤 肉質鬆軟好味不是死實口感😍加上秘製醬汁，酸瓜，洋蔥等配料份量十足，中間還有新鮮番茄＆爽脆生菜平衡返油膩感😝🔸️日式天婦羅蝦漢堡 一個漢堡裏邊有五條天婦羅蝦🤩偷了朋友一隻天婦羅蝦食😝炸得外表鬆脆蝦肉幼嫩。醬汁配料生菜，番茄，洋蔥，酸瓜等份量十足😍🔸️炸薯條加車打芝士即叫即炸，送上枱香脆熱辣辣😋加上好多芝士醬勁滿足🤩 朋友不食黑松露醬，我唯有另加來點薯條😝黑松露味唔算濃亦食到忌廉味，點薯條真係超好味😋下次一定要叫黑松露薯條🤤🔸️香蕉奶昔店主介紹只用新鮮嘅香蕉同埋鮮奶打成奶昔，不加糖，飲落很順滑，飲到香蕉泥同香蕉味沒有額外的甜味👍 漢堡配香蕉奶昔，呢個組合都幾新奇有趣🤪 整體又唔錯喎👍這裏的漢堡,薯條都份量都幾大份😊店家還貼心地提供手套不怕弄髒手，小店坐位不多，預時間要排隊一陣😊不得不讚小店是開放式廚房，店內一點油煙味👍欣賞每樣都新鮮即製，誠意用心嘅小店又有質素，一定要再帶其他朋友去食😋…查看更多

一進門有去咗日本嘅感覺，環境和氣氛熱鬧都很日本居酒屋感覺，喜歡坐吧枱欣賞師傅製作美食😊 人多可以包房自成一角。🔸️秋刀魚刺身~ 賣相靚到雕花咁簡直唔捨得食🤩刺身肉質細膩，油脂香濃，完全冇腥味。非常新鮮，秋刀魚刺身係少見之選👍🔸️北海道仙鳳趾鳳凰蠔 ~ 蠔肉超大隻肥美飽滿。口感嫩滑。配上柚子啫喱感覺很清爽清新🤩🔸️香蔥碟魚邊杯 ~ 炙燒過的鰈魚裙邊。逼出魚油仍肥美充滿油香，配埋赤醋飯很好吃，以酒粕發酵的赤醋打壽司飯比一般的白米醋飯，更具柔和的酸度，味道更香醇濃郁，與油脂豐富的魚鮮相配，烘托出魚鮮自身鮮美。 把壽司的味道提升至另一層次。🔸️滿滿甜蝦杯 ~ 賣相很吸引😍成個杯鋪滿咗甜蝦，混合埋蛋黃甜蝦更香更黏滑，味道鮮甜配埋赤醋飯一起食很不錯😋🔸️甲羅燒 ~ 蟹膏香味超濃，蟹籽粒粒卜卜脆混合埋蛋黃增加香滑口感，配上香脆麵包片可口美味感覺無咁咸😋串燒： 🔸️鹽燒雞中翼 ~ 燒得外脆內嫩，表面鹹鹹地加少少檸檬汁十分開胃。🔸️和牛粒串 ~ 牛味香濃，肉質嫩滑，油脂偏重喺口部滾動着。🔸️鹽燒牛舌 ~ 厚切啖啖肉得嚟又彈牙,味道剛好唔會好咸🔸️豚肉露筍卷 ~ 豚肉嘅油香滲入露筍，露筍爽脆多汁，感覺平衡解膩。🔸️煙肉串茄 ~ 煙肉燒得外脆，包住車厘茄，平衡返煙肉嘅油膩感店有三層都長期爆滿。 我哋坐18樓約了7點坐底無耐就已座冇虛席，無論是環境氣氛，還是食物新鮮都給人美好印象，加$98蚊任飲清酒這更令人心動嘅選擇，聚會嘅理想地方絕對值得一試😉…查看更多

與朋友嚟個late lunch 避過排隊人龍,日系喫茶店風格，真係令人放鬆好舒服，最近呢間推出咗全新嘅秋日蟹祭系列超級邪惡，一定要嚟試試😎 仲有10月份嘅推廣好有驚喜！🔸️軟殼蟹與濃厚蟹皇膏黃咖喱飯三重享受，濃郁蟹黃膏配搭日式黃咖喱，再加上炸得香脆嘅軟殼蟹，估唔到三樣可以咁夾😋配飯一流啖啖都好滿足😋另可選芝士或朱古力刨上面，加了芝士碎更香😍🔸️蟹旨膏醬唐揚炸雞 熱辣辣金黃香脆嘅日式唐揚炸雞。外脆內嫩，點上濃郁蟹旨膏醬汁，更加滋味可口 😍🔸️屋台風蒜香貝殼意粉 意粉彈牙，蒜味香濃，勁多青口同蜆，份量十足。🔸️完熟南瓜！濃香芝士蛋糕 外層是真南瓜軟熟香滑，芝士蛋糕香濃入口溶化綿密細膩😋甜度剛剛好不會太甜😋🔸️夏祭金魚梳打一望到就已經有夏日煙火祭典嘅感覺🤩梳打內游著一條條可愛小金魚，小金魚是橡皮軟糖煙煙韌韌😝🔸️柿子香露 比較少有柿子做的飲品，入口清新甜甜地都幾特別😊重點10月份推廣活動：🎐《清涼一夏. 西瓜幸運祭》🎐➡️即日起，當月消費滿$200，即可享有夾西瓜機會！消費滿$400，則有2次機會 ⭐️驚喜獎賞包括：1.「原個西瓜飲一客」優惠券（即時享用，冰涼暢快！）2. 減壓西瓜 & 自選蛋包飯優惠券3. 西瓜波 & 自選小食優惠券✨️《煙火祭典大考驗》✨️只有K11分店✨️逢星期六及星期日，指定時段7:00pm - 7:15pm，即場舉辦《勇氣大考驗》，聽到祭典音樂後，可以到中座位置敲打響鐘，與祭典主持猜包剪揼，首位勝出的朋友可以享全單免費！每次活動名額只限一位，期後勝出的朋友可以獲得免費小食一客🥳…查看更多

放工鬆一鬆，位於尖沙咀呢間人氣燒肉店。 推出咗$8碟牛舌芯😱仲要係高質貨,啤酒買一送一，呢兩樣一定是必叫👍全港最平牛舌$8優恵價$8每人可叫一碟，每碟足14片，份量質量一點都不馬虎，薄牛舌輕燒一陣就好軟嫩😋上。九宮格$388唔想諗食咩，樣樣都想食就選擇入門版的上。九宮格有： 和牛五花，和牛赤身，和牛三筋，極黑和牛，一口和牛，和牛三角腩，厚切牛舌芯，壺漬牛肋肉，韓式護心肉。和牛三角腩，和牛五花令人有驚喜🤩油脂分佈似雪花，入口即溶牛味濃郁😍生菜配蒜片$28咁多肉用生菜包住食好似健康d😝蟹黃海膽月見飯$168蟹黃份量鋪滿飯面，金黃色海膽鮮甜無腥味，加埋流心蛋黃撈埋一齊食，每啖飯都食到蟹黃鮮味大滿足🥰Sapporo 生啤$48買一送一唔係唔飲呀嘛😏食燒肉配啤酒實在系完美嘅配搭🤩桃桃沙冰$48朋友唔飲啤酒，點了桃沙冰好香桃味又有桃粒又解暑🤩品嘗完這餐燒肉，心靈加肚子都很滿足，對$8牛舌芯質素驚嘆，九宮格每一款肉令人回味有驚喜，對蟹黃飯的驚訝。下次再同朋友嚟食😋…查看更多